炳記牛牛 (Closed)

我地叫一客芝士浦燒鯛魚焗飯，第二客未叫，我低頭望梗個餐牌，個侍應冇出過聲搶走左......佢唔比我叫第二客都算啦，點解要粒聲唔出沒收呢？基本禮貌都冇...不過算啦，呢度係旺角，又食咁平，由得佢啦其實焗食精髓在於個焗汁，不過佢比得好少，變相食白飯比較多，不過碟白飯又唔算香甜.....塊鯛魚好迷你....個芝士汁好香，但食落冇味。總而言之，如果佢提供埋豉油比我撈飯，都不失為可以入口的一餐。最後，埋單發現收加一，佢連水都冇比個杯我喎.....又搶餐牌，咁都敢收加一？好野！

同朋友窮苦書生咁..出旺角諗食乜都行足成粒鐘最後見到呢間幾多人，價錢平，肚又餓，入去了!!諗住平都唔會抱太大期望，晚飯都40蚊仲想點?""凍咸青檸綠茶""和凍柑桔野飲真係最易中伏，早知都係乖乖叫杯檸茶穩穩陣陣算數!有陣藥油味既青檸,,,青檸...綠茶味重但係係好假個種似道地咸味...在那??凍柑桔<--無特別.芝士焗三文魚飯三文魚好肥又多，算係咁!!芝士，少得黎又叫做俾你試到下叫忌廉焗飯岩d~有人話汁太少撈唔哂飯，我覺得岩岩好但同右上角餐牌張相差好遠架啦友人叫左酸辣粉~我試左啖完全冇酸辣味，所謂辣就係七味粉.<--無味酸就係少少酸菜叫左個香草魷魚$12 小吃來到8~9條左右~細細條不過唔會燒到乾硬一條~應有質感、水份還保存在內!!好味!

當天同朋友仔行街,求其找1間餐廳入去食少少野就去行街,要搭桌, 朋友叫左1份$26 lunch set~因我唔太餓,咁就叫個木瓜燉奶$12,quality一般啦...有d似布丁的口感...有少許牛奶的香味,呈淡橙色,無乜木瓜味可言另叫芝士煙肉金菇, 呢款完全食唔到有cheese味,擺明果pai野係忌廉,又話係芝士..真係好cheap 嗚嗚~想哭!!金菇份量也是很少....碎煙肉片來敷衍我.....勉強比4分.........環境一般,職員態度都係麻麻...無下次!!

通菜街的食肆很多，由街頭到街尾逛了一圈，最後選擇了在炳記牛牛吃晚餐。店內座位擺放得很密，環境如同茶餐廳，椅子沒有椅背，坐得不算舒適。衛生方面亦屬中下，隨地可見一些紙巾。可能因為價錢相比其他食肆便宜，二十多元便可吃飽，所以顧客頗多，當中過半是自由行的同胞。我們吃了～常餐($24)：腿片通粉～份量足夠，可惜味道太淡，那淡白色的湯底連味精味都欠奉；炒蛋多士～炒蛋是全熟的，如果可以放些火腿，變成火腿奄列會更吸引。卡邦尼海鮮焗意粉($28)：配料算多，有獅子狗、蝦、蟹柳、青椒，可是意粉過軟，煮得太久，而那所謂的「卡邦尼」只是一些白汁，沒有忌廉味、蛋味，芝士極少，差！香芒珍珠奶茶($5)：味道十分假，芒果味和奶味太強，掩蓋了茶味，味道一般，勝在珍珠很多，極富嚼勁。凍咸青檸綠茶($4)：綠茶味較重，有少許鹹味，尚算正常。總結而言，炳記牛牛的賣點是價錢便宜，但個人認為「便宜莫貪」，我不會再光顧。

放工後跟朋友來到這個有名便宜的焗飯/意粉店,且看味道如何?常言道, 來到一間餐廳,最應該嘗試的就是他們的招牌菜,所以我們叫了他們餐牌中較的招牌套餐牛魔王(薯角)及雞明星(意粉)雞明星先上抬,看樣子似乎沒有什麼明星,只有一塊澆上"巴黎汁"的雞扒, 加上一些意粉,雞扒味道不錯,不過不夠脆,而且相當薄,不太新鮮但味道合格,意粉只是普通方法煮熟, 沒特別之後來的是小食(沒有要飲品換的): 芝士年糕本來看名字後是有一點期望的,但出來卻只是一小塊沒味道的芝士放在年糕上,下面加些椰汁因為本身年糕硬且沒有味道, 芝士亦如是,所以口感就像吃一塊甜的硬膠...牛魔王跟雞明星差了整整20分鐘,對這個等了良久的最貴套餐自不然較有期望,不過...5成熟的牛扒超薄, 完全沒有牛味澆上的黑椒汁極咸,咸到要特意撥走才"能吃"而薯角...本來用焗的也會好吃的東西,居然是開水煮...我會形容為白烚雞蛋連皮...又是完全沒味,丁點盬巴也沒有...46(連加一)的價錢, 味道卻完全不對辦...

為左平又依到肚, 係MK同朋友又去左呢道食DINNER, 又係叫到成枱滿哂1. 香草燒尤魚: 食唔到香草味, 覺得沾左少少燒味去燒多D, 但燒得好香好惹味, 尤魚好彈牙, 仲有少少JUICE, 唔會燒到乾巴巴2. 牛油帶子: 比較失望, 雖一早知係急凍貨同細件, 但無牛油味, 應該話無味3. 巴黎汁尤魚飯: 唔記得左, 又點左個尤魚的飯.......巴黎汁類似葡汁, 有D紅羅白, 西芹, 洋蔥, 都唔錯. 尤魚就一個個圈, 無燒尤魚咁出色, 淋身但唔彈牙, 似罐頭尤魚, 但都可以的4. 牛魔王餐: 其實係牛扒餐, 今次配薯角. 牛扒叫左7成, 但黎到應該8-9成, 面煎得幾香, 內裡微粉紅仲有少少肉汁, 幾好. 朋友話好好味. 薯仔香脆.餐仲跟個沙律, 鐘意入面有西芹^^5. 法式青口: 其實係蒜蓉焗青口, 叫左半打, 一人3隻, 熱辣辣, 蒜香誘人, 入口陣陣蒜香, 青口少少JUICY, 唔會過老同"銀", 正6. 加國風情PIZZA: 由18蚊加到20蚊, 唔太想點, 但朋友話想食今次就試下加國風情. 上面有大量木魚乾, 邊位有D燶, 但食落好香脆, OK的. 有D煙肉粒, 菠羅,

去完迪士尼, 陪朋友食左M記加大餐+新地, 自己去左同另一班朋友食飯, 提早慶祝生日10點JOIN番朋友諗住食糖水, 點知佢係咁話仲好肚餓=.='', 就去左平民價的炳記牛牛1. 芝士比目魚焗飯: 今次芝士同白汁份量比上次多, 蓋滿全碟飯. 比目魚連皮的, 雖然無食魚皮, 但見到塊皮都好令, 有彈性, 食左啖魚肉, 好滑好新鮮, 29蚊一定有下次2. 西瓜明珠: 4件半小球西瓜, 成碗比較水, 花奶落左少少, 望落淡粉紅色, 唔討好. 西米太淋, 好在有甜甜地的黑珍珠, 挺算"煙銀". 一間唔係主打甜品的鋪頭, 12蚊算係咁啦3. 凍檸蜜: OKTOTAL 50蚊落樓

之前行街見到呢間餐廳咁平, 拎左張宣傳單睇都唔錯, 加上朋友前2日黎食過, 話好食兼抵食, 今日就黎左呢道食DINNER收工見肚餓, 就6點半到快快入左去食, 費事遲D多人要等位2個人叫左1個焗飯, 1個PIZZA, 2個小食, 2杯DRINK1. 鮮西瓜汁: 朋友點的, 好清甜, 飲落應該無加糖水2. 雪糕珍珠奶茶: 唔會太甜, 珍珠有咬口, 但雪糕係芒果味, 唔MATCH, 我唔多食芒果野, 因為濕熱, 俾左朋友食3. 椒鹽洋蔥螺肉: 份量都唔少, 螺肉夠爽口, 但雪藏味重左D, 洋蔥係炒過, 香香地, 好好食, 好快清哂4. 鹽燒青口: 有D失望, 因為朋友SD左前2日去食D相俾我睇, 佢果日D青口煮得好令, 肥美好多, 洋蔥又炒過. 今次呢碟相比起, 青口細隻好多, 無咩燒過/煮過的香味, 食落過熟"銀銀地", 似白烚, 而且洋蔥生的. 雖然以12蚊的價錢都算係咁, 但有對比自然失望5. 法國至尊PIZZA: PIZAA底係軟身的, 薄薄的, 有腸粒, HAM, 蓄茄, 菠羅, 仲有大量木魚絲. 一上枱時, 我同朋友都做左個"嘩"的口型, 估唔到咁多木魚絲, 美感加左好多分.

昨天放想食左少少野, 未夠飽, 忽然諗起這店, 好耐無食啦, 以前的焗飯是即做, 又熱又好食, 於是想再食這裡的焗飯大約7:30, 坐了九成人, 我都是搭枱的, 我order了焗雙拼飯, 我沒有加drink, 等了15分鐘, 熱辣辣有得食啦, 朱扒少少un, 鶏扒還可以, 加埋個汁已不錯了, 見d 員工都好快手工作, 廚房裡也有幾位員工在工作, 他們分工合作得很好, 這裡要收加一的, total 30蚊, 記得以前都係呢個價前, 依家沒有加價真係很少了, 讚

食個快午餐，以平過茶餐廳的價錢來講，算係咁上下，叫左個芝士雞意粉，味道ok，但芝士味不夠！另外叫了杯雪糕萍果奶，但呢杯嘢飲就真係唔得喇！好難飲，奶味唔係鮮奶，亦唔係淡奶，唔知係咩奶，亦無萍果味，個顏色好sharp，好似色素好多咁！同埋侍應服務唔得，我叫左好多次都唔理我，但要收加一囉！真係唔想比！

和母親到旺角逛街，剛到達旺角正好是午飯時間，那就先找點吃的才開始我們的購物之旅。本想試在家樂坊18Grams的egg benedict，但知道母親不好這類不像正餐的食品故沒有去。想「平平地」的吃個午餐便走到花園街一帶去看看，路過這間主力於港式焗物的炳記牛牛，見其門外寫在黑板上的一系列焗飯/意粉定價頗低，只是廿多元，款式又不少便不作他選了。店子不大，約有十張小圓桌，中午十二時多人客卻不算多，我倆自行走到一近牆的桌子便坐下看餐牌。店子主力的焗物真的很多元化，由海鮮類，如三文魚、鮮魷桶、飽魚菇魚扒焗飯/意粉到傳統的焗豬扒、雞扒、鴛鴦飯/意粉，到pizza和小食類的焗芝士西蘭花等，種類數之不盡，有非焗物則有茶餐廳必備的常餐、各式米線等，另外亦提供不少甜品，如雪糕西米露、果汁清涼爽，應有盡有，是要去滿足不同客路所需。選了又選，是想了很久才能不下定主意，我要了個巴黎汁鮮魷桶焗飯($27)，母親則出奇地要了個較普通的快餐($24)，另加了一客小吃焗芝士西蘭花($15)。快餐果然是快餐，母親的快餐先上，內容包括炒蛋、牛油多士和芝士湯底火腿意粉。賣相正常，見粉蛋沒有過熟，尚有蛋汁流出，應是不錯，但可能調

做了新工幾個星期, 終於有個啱傾的同事一齊食飯. 不過該同事是打temp的, 一起食lunch的日子只有三次. 而是日, 就是我們一起脫離大隊. 係女人街落力找, 第一日, 找到這一間比較聞名的牛牛, 黎食返個焗飯. 女人街兩旁的店舖, 不要說那些地方生意難做, 雖然人人都行中間, 但總會有人會行兩旁的行人路既. 而兩旁的店舖, 就通常都不會同出面檔口爭生意, 而且仲有機會服務一下出面的檔. 而這一個服務行業, 就是餐飲業. 而女人街的兩旁, 就是滿佈這些食店. 而人多都target, 年青人食客. 此炳記牛牛, 雖然是以茶記形式咁做法, 但一看名字同看其格局, 就知道他們是為了一班MK仔女而戰. 一入去, 除了是一些像我們的打工仔之外, 另外就是一班年輕男女, 行完街食返個便飯, 又唔想貴, 又唔想環境太差, 又要氹氹女, 女人街的一眾食店, 就滿足哂他們的願望.同事食乜就不評了, 而我就叫了其招牌菜, 一客焗豬扒飯. 有大大件的豬扒, 夠厚夠濃的一層燴汁. 只可惜是白飯底, 若是炒底的話相信可以妣美大樂的出品. 而且帶骨的豬扒, 夾雜一點肥肉. 是最香口的. 而且芝士味亦夠, 所以

呢間牛牛老公帶我去食嫁@@老公話呢度既焗野好好食平時出街食野@@我好少會叫飯食@@今次就俾面老公啦@@呢度焗飯出名@@我就叫左個芝士焗三文魚飯@@果然冇令我失望@@汁同飯既比例岩岩好@@芝士可以多D仲好@@三文魚加埋D汁真係好好味..而且好香@@真係好想成碟食哂@@老公就食焗比目魚飯仲以為會好腥@@原來一D腥味都冇@@而且D魚仲好滑TIM@@不來呢度有PIZZA食嫁@@仲要係15個..見佢咁平... 就叫左個黎食..叫左個夏威2食@@=_+我就覺得MAMA地..可能我平時食既係脆口既..呢D係軟嫁....SO我就唔係咁鍾意食。。同埋D料都好少..不過老公就覺得好味@@話呢D先叫PIZZA@@唔會滯''

終於到咗三日假期既第一天.行咗成個鐘女人街,總算有D收穫.又係時間Lunch啦!近近地就入去啦.出面成30幾度.無仔細望menu.只係匆匆叫咗個卡邦尼海鮮焗飯$283分:都算中size.飯底係珍珠米. 自己既感覺.覺得係炒底會香d. 不過$28算好好啦!仲有叫咗個凍檸茶+$22分:一般水準整體一般.不過價錢大眾d.可以笑面一個同埋lunch唔係好多人.不過d waitress就好似幾忙.ok.好似唔夠皮.出去再搵食.

本人平時用open rice都係睇野食多，但無打過任何食評。今次開個account，係因為經歷奇異。之前一路食開都幾好，貪佢平又多選擇。其中焗牛柳粒飯成日都食，啲飯既份量又夠，汁又夠多，牛柳都口感適中。不過杯野飲都細杯左啲，大家可以加特定既錢加野飲。不過今次，一行幾個人去左食，其中一個碟飯食到一半，佢大叫左一下，我地都唔知做咩，原來，佢發現左一隻倒轉左既疑似昆蟲物體。叫個侍應過黎望一望，佢都知心感不妙，即刻拎走左碟飯，所以我地無影到相，(我地明白無圖無真相，不過真係對唔住)，個侍應即刻say sorry，初時以為佢知衰，個朋友已經唔想再坐係到，侍應仲走埋黎問佢，要叫過其他野嗎？有飯有意粉？...o唒咀，最後個朋友重申唔要再叫其他野，個侍應黑哂面，過左一陣，佢又走過黎話，杯飲品收番正價，當堂又o哂咀。我地即刻回駁番佢，佢又再黑面，無野啊嗎？甘大隻野唔投訴你都已經係甘，都只係叫你取消左佢一個order，有一個朋友提出，杯野俾加野飲既價錢($3)，侍應又黑面。令我諗到，呢間野一定成日發生類似事件，因為佢又鎮定又肯定甘提出甘多無理回覆。真係無可能再去。