牛奶冰室 (大埔超級城C區)

Open Now

Now Closed

睇咗幾個食評講食咗肚屙都抱住忐忑嘅心情去試吓啦，點知！食完真係肚屙🥲…已經屙咗兩日…其實嘢食味道ok, 啲啊姐又禮貌幫到手，真係需要認真對待食物乾淨嘅問題啦🥲

食物係好食，但係真係等得超級耐等咗成半個鐘我9:43落單，最後到10:20先嚟齊所有食物只不過係食個早餐，冇諗過要等成30分鐘其實真係好過分希望真係會改善吓（重點：平時都要等，但係今次30分鐘真係太誇張）

尋日同朋友一齊係大埔既牛奶冰室食飯，我揀左常餐瑞士雞翼撈蔥油即食伊麵，我既朋友揀左一口豚肉撈蔥油即食伊麵，重點係我地兩個食完之後都肚痛，各自肚屙起碼屙左三次，因為哩餐係我地唯一一餐一齊食，所以都幾肯定係食完呢間餐廳之後搞成咁！！👎🏼😵😵😵一個咁普通嘅常餐都會搞成咁，真係得呢間餐廳先至可以做到👎🏼👎🏼 檸檬茶都係假，一片檸檬都冇，大埔既街坊要睇路！！😵‍💫👎🏼 如果大家想體驗難忘既肚痛體驗 （係痛足成晚最終要第二朝去睇醫生👎🏼)就記得去幫襯哩間伏餐廳！！

午餐選擇幾多，今次揀咗焗黑松露汁一口雞球飯🥘熱奶茶☕️好快上菜，飯面有拉絲芝士，飯底浸滿白汁，松露味唔算濃。飯底用咗珍珠米，粒粒分明同有咬口。雞球份量好多，啖啖肉，味道就正常啦，肉下面仲收埋咗少少蔬菜。整體味道唔錯，白汁芝士松露同飯配搭好夾，整個飯好濕潤。但芝士白汁就係會有啲膩，加上份量好多，最後要打包拎走。奶茶方面：冇港式奶茶嗰種濃茶底同奶滑，唔推薦。

中午十二時入座，即刻電子落單！等咗5分鐘飲品先到達。食品只是炒飯基本嘢。等咗15分鐘之後唔對路，問咗一次之後叫我再等，旁邊遲過我哋嚟嘅人都已經有嘢食，等到25分鐘之後行去廚房前邊，先開始炒飯。呢間嘢只顧做外賣！最後喺12點30分，乜都冇食到，一肚火走了！

平時上班時會叫外賣”牛奶冰室”，在眾多間外賣餐廳中，這間的食物份量和質素還算不錯。這次經過大埔超級城，看見牛奶冰室，便第一次進去實體餐廳吃下午茶。我們點了兩個下午茶餐：西多士下午茶西多士份量算OK，裏面有花生醬，已經預先幫你倒了糖漿和加了牛油。西多士味道不算太甜，美中不足的是不能自己控制糖漿和牛油的份量，所以甜度不能隨意調校。另外，$4x只有一塊西多士，覺得略嫌有點貴。炸雞翼配薯條這個下午茶餐有四隻雞翼和薯條，薯條可以選擇配粟米，因為平時吃早餐經常吃這家的粟米，所以這次選擇了薯條。薯條不過不失，熱辣辣是不錯的，但是沒有很脆的感覺。反而雞翼炸得不錯，外脆、裏面多汁，亦沒有雪藏雞翼的味道。熱檸檬水這家的檸檬水是我最欣賞的，他們是用檸檬汁再加熱水，所以不用自己督檸檬。他家的檸檬汁也很香。但是壞處就是檸檬的酸味不能滿足全部人，像我就不喜歡太酸的檸檬水呢。餐廳裏面空間不算很寬敞，但是坐着也不會覺得太狹窄。沒人的時候過去吃還可以，如果要排很久的隊才能夠吃的話我會考慮其他餐廳。

位於大埔區中心地帶，鄰近大型商場，地理位置超級方便。喺附近睇完戲行咗陣，攰攰地又餓餓地當然即刻搵食啦！今日嚟到牛奶冰室，店內環境光猛舒適，坐低快快脆叫咗set一口豚肉意粉配凍新鮮冷壓檸檬茶。香濃蕃茄汁配意粉簡直係最佳拍檔，再加上一口豚肉肉質鮮嫩，唔會柴皮，好滿足啊！個人喜歡飲佢嘅新鮮冷壓檸檬茶，除咗適合我啲懶人唔使篤檸檬🤭入口酸甜味道適中，仲唔會有苦澀味添。填飽肚仔充滿力量💪繼續shopping啦喂！

焗黑松露汁一口雞球飯焗出來芝士鋪滿整個雞球和飯上面，芝士香濃、雞球都算好味，午餐來說合格。新鮮冷壓檸檬茶，喜歡這樣沖出來會飲一啖都有檸檬碎很有口感。可能午市時間繁，服務有待改善，環境乾淨搭夠。

我外賣速遞咗個焗黑松露汁一口雞球飯打開個飯只係暖暖地 都算喇 啲飯係硬嘅 未食過咁難食嘅焗飯..成個飯食左兩啖就冇食雞球仲有雪味..唔明白點解成日咁多人等位食………..

平時行過見多人排隊，今早（周六）十點行過，未算人多，所以試試。等左十多分鐘就入座。門外冇menu，發覺食評唔多，所以寫篇食評，加埋早餐menu，希望方便大家。早餐叫左扒餐，有粟米，都幾特別。扒有落碎香草，都幾香。牛扒正常，但雞扒有點乾，其他野有少少偏鹹。奶茶大杯，茶味較重。另外，半焗流心蛋可轉熟蛋。

個五色健康蔬菜七成都係紫色嘅，仲要炸咗嘅矮瓜，好唔健康，其餘顏色蔬菜寥寥可數，都幾失望。另外個三色藜麥飯啲藜麥數埋都唔知有冇20粒，下面全部都係白飯，好心就咪鬼比人轉。不過值得讚吓佢個蛋蝦仁炒蛋都幾滑幾好食，但係個蔬菜真係有待改善，希望下次唔係再為咗慳時間快快脆將啲矮瓜攞去半煎炸，真係好油…上一次黎食咗個雜扒餐，佢個蒜蓉多士係凍既，個鐵板餐上面啲嘢只係微微暖，早啲執落去完全冇一聲，好失望😞希望呢間公司正視呢個問題，如果食物連基本最簡單要求亦都做唔到真係好失敗☹️

過年前都超級忙碌，搞到要開夜車，大家都鬼咁肚餓，同事叫我求其買個意粉比佢，去到牛奶冰室，排隊的人很多，但好彩冰室有個單人雅座，不需要排隊。坐低之後，店員示意可以用qr code 落單，我點錯６點前既餐單，但照出到單，有位哥仔非常友善，同我解釋一輪，其實我最後都唔係好明白。大概意思係改唔到單但又無得賣，話唔好意思，麻煩我重新睇下想食咩，幫我手寫改單。揚州炒飯用左珍珠米，米飯粒粒分明，配菜的搭配同賣相非常好，味道也不錯，份量唔太大份，但足夠。肉醬意粉煮得軟硬適中，彈牙有嚼勁，面有層芝士，焗既火侯剛好，好香，醬汁濃郁而味道豐富。除了食物美味外，價格也非常合理。服務也到位，尢其是那位既哥仔。

今日朝早同老公媽咪去牛奶食早餐，老公叫番茄肉碎公仔麵，我同媽咪叫榨菜肉絲公仔麵，老公無肚屙，我同媽咪兩個都屙左四五次，肚絞痛。榨菜同肉絲都唔新鮮，以後唔會再幫襯。打電話比餐廳反應亦都無咩講。大埔街坊小心。

難得去牛奶冰室，叫左銀牙肉紙炒麵，本來好有期望食到正野，份量都多， 但是啲肉汁咸到唔想食晒碟餸。希望啲師傅唔好再咁重手， 用心調較同試味。否則，真是唔會再有第2次幫襯。

食飯味道係ok既 - 除此以外都只可以話「差」叫鐵板餐，湯同餐包食哂個鐵板先到；蒸魚餐問左幾次先俾飯… 飲品出左又出…唔望唔問就放低。最大問題有個短紮頭髮無帶眼鏡50歲既職員，估計係大家姐既position，全程blame blame blame 同廚房裡面大聲對話，對食客簡直係聲音虐待！