味真 (Closed)

午餐食嘅，好似係50蚊一份 (唔太記得)最記得係佢紫菜飯卷啲飯口感麻麻😅餡料就正正常常啦， 就如圖所見都係嗰啲common嘢有配埋啲韓式小菜(豆芽同埋泡菜)份量嚟講其實好少(個人覺得)，食完大概六成飽， 不過堂食嘅話好似價錢都係咁上下想食嘅話可以試下反而另外試過一個人參雞湯飯就唔建議😅好淡冇咩味， 冇影到相，不過嗰次食嘅時候就係一路食一路唔想食😅同埋碗飯個質地又係麻麻地另外間舖頭有做韓燒，抽風好似唔係咁好，梗係覺得有陣煙味

第一城新開咗間韓國過江龍燒肉，作為沙田友梗係要試下。店係由韓國人主理㗎，所以裝修都好韓式地道，有韓國風味。原來餐廳喺韓國有幾十年歷史仲有超過130間分店，估唔到咁勁！一坐低店員好好服務咁拎左唔同嘅前菜同配料。份量同款式超多同韓國一樣。有醃蘿蔔、醬黑豆、蓮藕、泡菜等…醬汁同配料有蒜、青辣椒、大醬，仲有韓式魚露同熱溶芝士。韓燒必有嘅新鮮生菜都有，可以包住燒肉食冇咁油膩。肉類係用gram計，以100 gram為單位，價錢貼地性價比高。有選擇困難亦有幾款set可以叫，咩都有啲夠perfect。伊比利豬肩肉係必食，好重豚肉嘅味道，肉質柔軟細膩，肥瘦均勻，大推！豬梅肉肉質拎好柔軟，燒過嘅脂肪口感超正，好高質。牛肋肉肉質結實、牛肉味都好岀。天氣開始涼所以嗌左個牛肉麵豉湯暖身。麵豉湯好濃唔會欺場。個湯好足料充滿肥牛同豆腐，仲有洋蔥吊味。食到好飽每人都係$300，cp值高，值得一試~

第一城既餐廳比較多。但最近幾個月發現到一間燒肉餐廳。我朋友介紹要去食。因為他老婆係極之喜歡食燒烤。他同老婆上星期食完就不斷介紹身邊朋友。今晚收夜老婆叫我食自已。好自然地聽朋友推薦。入到餐廳內環境好舒服。每一個位置都有足夠空間。唔係太逼的感覺。**豬頸肉**和**豬三層肉**豬頸肉的肉質相當鮮嫩，經過炭火的烘烤，外層微焦，散發出誘人的香氣。每一口都能感受到肉的纖維細膩，搭配上簡單的海鹽。讓肉的鮮甜味道得以充分展現。**豬三層肉**這道菜的魅力在於其獨特的油花分布，經過燒烤後，脂肪部分融化，讓肉質變得更加滑嫩。每一口都能感受到肉的豐富層次，外脆內嫩，搭配上特製的醬汁，這種口感的對比。入口彈牙。肉汁豐富令口腔更添滿腹感。**伊比利豬肩肉**伊比利豬以其獨特的飼養方式和豐富的油脂而聞名，肉質極為鮮美。經過燒烤後，外層的焦香與內裡的多汁形成鮮明對比，讓人每一口都充滿口腹感。這道菜的風味濃郁，令人陶醉

味真MIJIN🇰🇷驚人發現韓國過江龍肉店味真，以小店模式係沙田第一城經營，價錢親民到🥹韓式燒肉都⼀樣吸引，前菜加醬料佔左大半張枱😆沙律同泡菜都好韓，心情興奮😌難得黎晚餐梗係試下佢既肉🥩豬三層肉，好厚身，燒焦焦地就剪開，好有油香，又腍又好味既豬，配生菜食最夾🤤必食，份量都好多，配埋韓啤仲正，買⼀送⼀，爽🍻豬肉泡菜湯，相當好味，酸辣適中，加啲飯食好味👍🏻伊比利豬肩肉，非常大舊，好有伊比利豬既嫩，好好味🥰豬頸肉，夠肥美，肉質唔錯，幾款豬都好唔同味，正👍🏻牛肋肉，厚身，啲油花幾靚，牛味相當濃，韓牛係正既🥳相當高質既韓燒肉店😘豬肉真係必食，新鮮既感覺！唔好睇小小店✨其他韓食又抵又好味，推！🤗

沙田第一城有間正宗嘅韓燒由韓國人主理 食材新鮮🩷而且員工會主動幫手燒肉服務一流 環境企理整潔泡菜、白蘿蔔、酸瓜，有生菜、茖蔥、醃製蔥、韓式魚露、芝士👏🏻前菜加醬料都擺到滿成張枱茖蔥係韓國空運到港 第一次食 好特別肉類真係超高質 我同友人就叫左以下幾款1️⃣豬三層肉 $41 * 100G2️⃣伊比利豬肩肉 $ 65 * 100G3️⃣牛肋肉 $70*100G 4️⃣肥牛麵豉湯*1 肉類都係軟嫩多汁 煎香咗真好好食而且麵豉湯都好正宗兩個人食都係四百幾蚊 性價比好高一定會再番梨支持📍味真沙田銀城街1-2號置富第一城地下G83-G85號舖▪️位置: 8/10▫️環境: 8/10▪️衛生: 10/10▫️服務: 10/10▪️食物: 9/10

餐廳開業半年, 由韓國人主理, 提供非常便宜的韓牛燒肉外, 午餐幾十元就可以吃到, 性價比甚高! 🤟🏻 餐廳提供了大量醬料, 包括魚露, 包飯醬, 燒汁, 鹽等等伊比利豬肩肉 $150 (200g)一大塊豬肉, 豬味蠻濃郁, 但一定要剪開再繼續燒, 否則比較難熟透, 建議配包飯醬 😁 此豬肉並不算非常水潤多汁, 跟生菜一起吃就剛剛好! 😊豬三層肉 $130 (200g)跟豬腩肉一樣帶少許肥膏, 餐廳將它切到一粒粒, 口感十分軟腍, 咬一口會感受到少許油份從肉中流出來 ☺️ 但不會吃到滿口油份, 同時變得更水潤 😚牛肋肉 $90 (100g)其實牛肉都不錯, 只是相比之下豬肉竟然比較出色, 母親覺得牛肉口感偏煙韌, 我覺得還好, 不過比起牛肉豬肉更軟腍 😅 加上最近嚐了日式燒肉, 有比較有傷害 😬 牛肉如果單配鹽會更好, 可以吃到牛肉原汁原味, 配魚露都可以。牛肉麵鼓湯 $64最該讚是因為它熱騰騰, 可以保持熱力一段長時間, 牛肉切到細細片, 另外配料有洋蔥, 豆腐, 豆腐很滑 😌 湯品並不辣, 不過味濃偏咸, 最後我們加了熱水後味道便可接受了, 或者可以提前跟職員說少咸, 看看效果如何。

係附近做完野閒逛發現咗呢一間韓國烤肉店，一聽老闆嘅口音，發現係韓國人黎，望落個餐牌啲價錢亦都非常合理，所以決定一試，結果CP值超高，無令人失望😍而一如以往，韓國餐廳呢都會有一系列嘅前菜供應，包括醃蘿蔔、蓮藕、泡菜、青辣椒等等。另外佢有一個韓式魚露同埋芝士擺咗喺火爐上面，係for之後用嚟點肉用既。當然都唔少得有一盤沙律、生菜、大蒜、大醬等等食材俾我哋包肉食，非常正宗嘅韓國烤肉，非常期待😍🐷豬三層肉100g $82 +豬梅肉 180g $118佢嘅豬肉肥瘦相間，質感好有彈性，烤完之後嘅比例適中，本身以為會好油，但係口感係恰到好處嘅，我自己就鍾意夾埋生菜大蒜同埋大醬一齊食，好食😋🥩牛肋肉100g $70口感一流、牛味亦非常之重，呢款可以點落個芝士度食，有另一番風味😌🍲肥牛麵豉湯 $60呢一個麵豉湯非常之足料，肥牛夠嫩，口感唔會太老，入邊嘅豆腐亦都非常之滑，再加翠玉瓜爽脆嘅口感，正😇🍳 韓式雞蛋羹 $35一上枱佢用一個蓋冚住，一打開熱辣辣，食落去口感非常之滑，超級好食，而且佢非常之平，所以必叫😋😋😋飲品方面叫咗甜米露同埋蜜瓜🍈梳打、兩樣都係係韓國經常飲既飲品、更加似身處韓國食燒肉🥰

今日遲咗收工, 老公過嚟接我喺附近食埋嘢～見到有間韓國燒肉係韓國過江龍,好似好吸引就試吓啦! 牛肉麵豉湯鹹鹹香香, 幾好喝~入邊都幾多豆腐同牛肉,幾足料!前菜有好多款, 最特別係醬油蓮藕, 醬油味甜甜地,蓮藕食落幾有咬口! 仲有個大葱沙律, 甜甜酸酸, 幾好食~仲有好多醬汁可以揀! 伊比利豬肩肉肉質好彈牙, 肥瘦適中~燒完唔會好鞋好乾, 幾好食~ 😋豬三層肉充滿油脂食落去好香口! 最岩就係夾生菜食, 口感好有層次感~牛肋肉爽口彈牙, 最啱就係配甜醬汁食, 送飯啱晒, 忍唔住食咗成碗飯添🙈呢間舖頭啲配菜真係好多啊, 款式都幾特別, 價錢唔貴, 都幾抵食～ 見到佢除咗燒肉之外仲有醬油蟹嗰啲, 下次要再試吓其他嘢~

韓國過江龍最抵食烤肉店味真！伊比利豬肩肉、豬三層肉超級新鮮！仲要都幾抵食，，老板介紹要搭配鮮咸嘅魚露汁，另外仲比左兜芝士，融左之後點黎食！好拉絲～調味牛肋條都幾推介，肉多汁，烤完之後外脆內嫩，甜甜嘅醬汁好開胃！泡菜豬肉鍋湯底濃郁，酸辣味同豬肉好搭，幾適合喜歡辛辣嘅朋友。蒸蛋有一陣魚嘅鮮味，味道比較濃，好送飯！最後，甜米露同西瓜梳打都好清新，甜米露香甜，西瓜梳打解膩。📍 味真🏠 沙田銀城街1-2號置富第一城地下G83-G85號舖

再黎食韓燒，呢間韓國過江龍，我地都幾鐘意，因為啲肉新鮮，而且次次去都見到韓國老細係度，價錢相宜又真係俾到韓國味今次燒肉叫左三款牛肋肉，豬三層肉，豬頸肉呢度既肉質係靚既，食落有肉甜味個牛好香，但唔會太肥，剛剛好豬三層肉都唔會太肥，肚瘦好適中，所以食完都唔會好滯。我地鐘意呢度燒肉，除咗品質，都覺得係呢度燒完，唔會太大油煙，個身有好大陣味，而且個爐好好，唔會好易煎燶，所以成個燒肉體驗好舒服。牛肉麵䜴湯非常濃郁，重口味人會好鐘意！前菜有好多選擇，唔係一般果啲，特別喜歡醃蘿蔔和蓮藕，泡菜也很新鮮

朋友喬遷之喜～house warming party之後佢大力推介呢間餐廳一齊食晚飯！好耐之前嚟過第一城都係同一個位都係食韓國餐廳原來而家已經轉咗手 仲要係過江龍添！😂睇其他食評見到話韓國有超過20年歷史而且有超過130間分店點知性價比極高～平靚正之選！入咗之前最好揀定需唔需要韓燒～因為要安排返相應嘅位置～我哋幾個就喺門口猶豫咗一陣～所以老闆決定俾埋韓燒位俾我哋😆一行四人一坐低咩都未叫已經上左大大盤嘅前菜加醬料set 前菜：醃蘿蔔、醬黑豆、蓮藕等等醬料set：蒜片、青辣椒、大醬等仲有韓式魚露同芝士我哋冇叫到韓燒set～全部都係散叫可以就返大家嘅口味肉類當然少不了豬同牛～兩者都好新鮮只係加少少鹽或者韓式魚露提已經即刻提鮮～唔需要用太多調味料醃👍用料果然新鮮就唔需要加太多花巧嘢🐷豬皮係已經烤好的熟豬皮～加上煎到一小塊同蘸上豬皮醬～方便再因應個人口味點薑黃粉/黃豆粉食到好上癮啊🥰🐮牛肋骨湯既湯底比較薄身～配埋絲絲既牛骨味，味道好柔和～牛肋肉好嫩同埋粉絲都好多😋🍚泡菜炒飯 & 蒸蛋：兩者都係大大份上菜嘅時候俾佢嘅份量嚇親😆 韓國老闆見到我哋已經成枱嘢（追唔切佢上菜嘅速度）即刻幫我哋極速分咗個泡

第一城尼間正宗韓燒店在韓國已經有20年歷史, 全國擁130間分店尼度就係首間海外分店由韓國人老闆主理, 服務都跟韓國一樣餐廳環境與價格都盡顯親民餐牌上有提供各款烤肉套餐都相當抵食午餐都係$100 左右晚餐套餐份量更多, 價錢就由$416至$645 起奉送白飯及味道正宗嘅韓式小菜鍾意佢哋嘅黑豆同蓮藕片甜甜哋幾好味亦可自選烤肉最低消費500g 起計, 最多選3款肉類今次點咗店員推介嘅豬梅肉, 豬三層肉及牛肋肉共500g豬梅肉 100g /$59比較厚身, 肉質柔軟而且肉味濃沾煮滾嘅魚露醬食幾好味豬三層肉 100g /$41豬肉油脂Juicy, 同辣蔥絲生菜沙律一齊食好夾牛肋肉 100g /$70牛味重, 脂肪好平均, 沾少少鹽已經好好食熟食餐單都好多選擇, 而且好便宜-泡菜豬肉湯 $60非常足料, 豆腐同豬肉都放好多韓式雞蛋羹 $35熱辣辣充滿蛋香, 鬆軟好味西瓜梳打 $18甜米露 $18

今日行過置富第一城，見到間幾吸引嘅韓燒店，於是入去試下！招呼我地嘅店主係韓國人，相信應該幾正宗。夜晚時段可以揀食韓式dinner set或者燒肉，燒肉都有好多唔同類別嘅肉可以揀。Order完之後，就上左一大堆好誇張嘅韓式小菜同醬汁，勁豪華！小菜有泡菜、醃蘿蔔、醃青椒、黑豆、蓮藕，仲有沙律同小菜。醬汁就有魚露、芝士、鹽、甜豉油、蛋黃醬、大醬，可以任意配搭。肉就揀左牛肋肉、豬三層肉同伊比利豬肩肉。肉嘅色澤相當粉嫩，睇落好新鮮！牛助肉充滿牛味，肉質都好爽口，完全唔韌。豬三層肉充滿油脂香，但係唔會覺得油膩，燒到D油逼晒出嚟。而伊比利豬肩肉都好高質，充滿豬味，而且肉質瘦得嚟夠嫩滑，大推！另外再叫左泡菜豬肉鍋，辣辣地夠開胃！而韓式雞蛋羹有D似水蛋，入面有D蔥，充滿蛋香，都幾唔錯。店入面都有好多幾特別嘅韓式飲品，試左西瓜梳打同埋甜米露，都幾解渴！整體覺得水準唔錯，尤其是肉同小菜都好優質，值得去試下。

今晚過來沙田搵朋友，她帶我來到一家韓國人主理的燒肉店，此店在韓國已經有超過20年歷史而且有超過130間分店！前菜份量大，有好多款，一看就是韓國正宗！有韓國醃蘿蔔 、醬黑豆、蓮藕 、涼拌沙參、泡菜等，就連醬汁都有慨蒜、青辣椒、大醬等，另外韓式魚露和芝士全程用火熱，都幾貼心！### 燒肉我們選了豬三層肉、豬頸肉和牛肋肉，各有其獨特的風味。店員親自為我們燒烤，讓這一切變得簡單無比，不用自己動手，享受美食的同時，還可以輕鬆聊天，增添了用餐的樂趣。燒完後，脂肪的香氣和肉質的鮮嫩交織在一起，讓人一口下去，滿口留香！### 泡菜豬肉湯端上來後，泡菜豬肉湯仍然在滾滾沸騰，豬肉在湯中煮至軟嫩，泡菜的微辣和豬肉的鮮甜相互輝映，好開胃美味！### 韓式雞蛋羹大大一盅，兩個人吃都夠份量，色澤金黃，散發著濃郁的雞蛋香氣！有多款韓國飲品，西瓜梳打和甜米露雖然是罐裝，不過味道濃縮，好正！

前一排比朋友係咁推薦我食呢間韓式燒肉店 今日就睇下佢咩料伊比利豬肩肉*2 $130伊比利豬品質極好 盛產豬肉 豬肩肉肉質Q彈 唔油膩 爽口 配埋生菜同魚露醬一齊食超滿足豬三層肉*2 $82豬五花腩位 最中意食呢個 肥瘦相間 配生菜同韓式甜辣醬 泡菜同其他配料一齊食 好清新 唔會好油膩肉質鮮嫩香口 油脂擺入口嘅感覺實在太爽啦牛肋肉$70韓國老板幫我地燒到五成熟 淨係需要沾少少鹽 就已經好好食 牛肋肉爽口 新鮮 牛香味好出肥牛麵豉湯$60麵鼓湯份量一個人一定食唔曬 湯底有少少辣 入面有豆腐 肥牛 京蔥 節瓜 蘿蔔 一啖湯一啖飯 好暖胃韓式雞蛋羹$35雞蛋羹有驚喜 打開個時仲有煙出緊 即叫即整 食落同日式好唔同 呢個調味岩岩好 鍋邊啲蛋焦就最好食甜米露$18蜜瓜梳打$18