炑八韓烤 (蝴蝶廣場)

Open Now

Now Closed

上次正是午膳時段過來 等位都太耐了 所以直接放棄 今次提早了午膳 就立即來了公司附近唯一的韓料 揀左個午膳套餐 ·（午）名品大醬湯配迷你烤牛肉飯［$70］-（前菜）芽菜+餐湯（午）名品大醬湯配紫菜飯［$66］-（前菜）泡菜＋餐湯一（餐飲）柚子檸檬梳打·同岀面喝到的大醬湯 有點不同 意外地竟然添加了肉片 而且肉的份量不少 令整個大醬湯的湯水少了很多 就是總感覺這個配搭非常奇怪 （個人）真的不太喜歡烤牛肉飯 牛肉超級嫩滑 配上蛋汁 根本就沒有可能不好吃吧！

是日晚餐之前－直覺得炑八價錢偏貴，所以冇乜點幫襯。直到早排見到佢出左放題，價錢都合理，所以梗係要去試吓啦😍套餐肉類款式選擇雖然唔算好多，但質素尚算不錯。我也吃了好幾碟。燒烤爐邊的泡菜蛋味道也很可以，而且也是免費refill的😍岩唒我呢個雞蛋愛好者😍甜品方面，出面有一個雪糕櫃放滿了牛奶公司細杯裝雪糕，可以自己出去自由拎。雲呢拿、朱古力、香芋味都有。我好耐冇食過香芋味嘅雪糕，所以我忍唔住食左三杯🤣

次次經過都想食佢個早餐但每次一係唔記得左有佢一係就果日唔想食咁多野一係就早餐時間都過埋先落街今日難得早起身又走落街仲要記得佢🤣🤣🤣唔知呢個餐叫咩名 有煙肉 鬆餅 炒蛋 沙律 紫菜包飯 烤牛角包埋野飲$48蚊除左鬆餅 唔好食🥲🥲🥲講唔出個口感但食左兩啖已經唔想再食其他都正常發揮好中意一早起身就有紫菜包飯可以食✌✌不會呢個價錢個人認為好抵食如果下次仲知醒 又記得佢有早餐想試埋個韓式吐司睇相已經覺得好吸引唔知會唔會同issac差唔多味呢🙈🙈但係今次食左呢個先

有時想同埋朋友坐底傾下計就唔想去咁遠呢間係唔錯選擇貪佢叫幾碟都可以開爐食過好多次每次叫小小就快成個餐牌都試哂2個人食通常叫一份肉+2碟菜已包沙律前菜肉類好中意食雞心肉／豬五花同埋牛小排人均消費抵食 $150內@1個人因為我唔中意食酸泡菜所以好中意食呢間既泡菜🤣次次都叫好幾碟食🤣🤣有時口痕仲會成盒買番屋企食🤣🤣之前有叫過炸雞味道唔錯不過唔抵食份量好少所以唔推薦醬油蟹幾次想食但都無貨有貨都會想試下佢

一行五人星期六晚上用餐，合其$18XX，每次落單，生肉一定唔會到齊，而且等待時間相當長，用餐時間120分鐘，五個人只得一個爐，每次叫肉起碼等待20分鐘以上先嚟，成個過程入邊指嚟得三四碟肉，澱粉質食物就會快快脆攞俾你，比如飯等。問服務員，就話同你跟進，或者再落單，就算再落單嚟嘅食物仍然係唔齊，冇一次落單嘅食物會黎齊。完全冇服務可言，之前睇OpenRice嘅comment仲話服務幾好幾好，全部都係呃人！未試過食燒肉有咁嘅經驗，呢間炑八等執笠。

今日阿仔帶我哋去屯門(蝴蝶廣場) 食韓燒放題。可能係星期一唔係好多人，所以唔需要等位就好快入座。入去坐低服務員好快就遞上三碟前菜,有大豆芽和泡菜、酸蘿蔔比較酸D，覺得好開胃。烤爐爐邊注有蛋漿，另一邊有粟米芝士，食完可以再加。我哋揀咗個2佰幾元任飲任食放題。飲品、肉類款式都有好多選擇，還有多款小食，例如:迷你紫菜流心蛋飯、辣炒年糕，都係任叫任食，雀巢雪糕更可以無限次添食。整體來講:環境清靜，地方夠大，可以揀坐卡位，座位與座位之間都好闊落。食韓燒最緊要冷氣夠凍，這裏嘅冷氣都很足夠。

第二次食任食，我選擇二佰幾蚊個最低食套餐，任飲任食，都選低食的晚餐，食物很新鮮，飲品還可以，服務態度非常好，又主動、又勤力，值得讚👍🏻👍🏻👍🏻👍🏻，整體🌟🌟🌟🌟，很滿意、滿足的晚餐

個人非常鐘意食韓燒，蝴蝶村炑八以前成日都去，食物水準幾高，不遜於市區各店。直至無啦啦變放題就少去咗，後嚟先知其實坐低唔一定要食放題之後，又開始多咗幫襯。我同家人一坐低就會叫酒塔。啤酒加韓國燒酒，好好飲，有時仲會有得揀燒酒嘅味，正呀，柚子味最好飲。唔飲酒都仲有好多種類梳打飲品，有凍有熱揀。到主打食嘢，一定一定叫厚切豬腩肉（삼겹살）,同鰻魚（장어），如果有胃口就會叫埋牛肋骨（一匹布咁長嘅），呢幾款坐低一定要叫、一定會叫。以前仲會叫埋醬油蟹添，但人少咗店長都話唔敢入貨，始終海鮮嘢新鮮好緊要。有時多d人食就叫多份牛，全部食物都好新鮮。絶對冇話人少咗就求期咗。仲有係，由我响呢間食韓燒食咗咁耐發現有位小妹妹都好勤力打工中，呢個新世代仲有咁長情員工，真了不起，小美好厲害。

我最近去了屯門的「炑八韓烤」店，試了他們的特級牛肋骨、牛小排、鰻魚和醬油蟹，整體感受相當不錯。首先，這家店位於商場內，所以對我來說是一個驚喜，因為這樣的地點非常方便。店內有許多其他分店都有的經典菜式，但是這家店比市區的店舒服多了，至少我們沒有排隊，店面也很乾淨整潔，沒有太多油煙味。我們選擇了一人燒烤套餐，當中包括特級牛肋骨、牛小排和鰻魚。肉質非常鮮嫩，每口都能感受到肉汁的鮮美，烤得剛好，沒有過乾或太生的問題。特級牛肋骨尤其是值得一提，是我嚐過最好吃的牛肋骨之一，厚實的肉質加上美味的燒烤醬汁，讓人欲罷不能。此外，鰻魚也是非常美味的一道菜。鰻魚肉質鮮嫩，蘸上店家特製的醬汁後更是美味無比。醬油蟹也不錯，肉質鮮甜，配上濃郁的醬汁，口感非常不錯。

炑八韓烤 (蝴蝶廣場) MeokBang Korean BBQ & BAR (Butterfly Plaza)地址: 屯門湖翠路1號蝴蝶廣場3樓R307-310號舖味道指數：⭐⭐⭐⭐抵食指數：⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：特級牛肋骨 , 炑八厚切五花腩 等候時間：0分鐘如果喜歡炑八，又怕市中心木八非常多人的話，蝴蝶廣場的木八燒烤便是一個好選擇。這裏人流非常少，所以我每次幫襯蝴蝶邨的炑八，都不用等候。而且這店相比市中心的，更加寬敞，裝修更加徬徨。我覺得每次來這點也非常舒適。食物質素和市中心的是一樣的。我每次來也會點炑八厚切五花腩，大大件，價錢比牛扒便宜很多，足夠我們一家三口享用。這店的五花腩特別軟綿綿、爽口鮮美。另外值得推介的是特級牛肋骨，如果叫這道菜，可以叫員工幫我們燒烤，員工的手勢非常好，不知為什麼每次也覺得大俠別好吃的！牛肋骨的牛味非常濃厚，豐厚味濃。

同朋友07-Apr 晚上6時30分左右，光顧了蝴蝶分店的極上放題系列。1）極上系列中包括有蜆，揀餐個陣又唔講沒有蜆供應。揀完餐要Order 蜆個陣先同客人講無得供應。2）芝士蠔，上黎既時候D蠔仲係有結冰，同d芝士一齊煮，全部都係水，極差。3）牛類食品包括牛小排同LA骨，肉質好差，超級韌，完全真係咬唔開，d肉就完全好似以前漢陽苑既平價質素，唔明點解可以賣$328/位4）八爪魚完全唔新解，未試過食落口係軟瀨瀨，完全冇爽口冇煙靭既口感，食左2條就放棄。成個套餐唯一比較正常就得個護心肉。個套餐120分鐘，我地食到19:17就已經唔想再食呢d劣質食品，叫賣單走人，我同朋友個個星期都食唔同既放題，真係從未試過連1個鐘都食唔到。我地仲要只係得第1次落單既時候同職員點菜，之後都冇加過任何單，因為真係好差。當日係紅色假期，晚市時段全場眼見都係得4-5台客人。永遠black list要食放題既朋友，建議真係揀過另一間😂

蝴蝶廣場屬於做街坊生意嘅地方，喺商場入邊開咗一間有得食韓燒嘅都算係驚喜，尼間舖頭佢有好多喺市區入邊嘅分店，屯市又有一間，咁我相信對比上嚟呢一間就比較舒服啲，至少唔使排隊，見到佢有一人燒烤套餐，餐廳望落去又乾淨闊落，唔係好大油煙味，星期日就試下啦我點咗一個$108嘅和牛餐，上枱嘅時候有5塊，色澤紅潤，但係要睇得出佢放咗好多醃製醬料，靚嘅牛肉燒一陣就食得，入口都算軟霖，食得出有牛肉嘅味道，一人份量就係得咁多，中規中矩啦另外我加咗$25試吓佢呢一個薄荷梳打特飲，講真唔係唔係太有特別，不過BBQ點都要有杯凍嘢飲嘅最後其實佢會有啲前菜跟一個飯同一個湯，個湯超級鹹唔好飲，請菜嘅豆芽都係唔好食，泡菜好味，而且feel到落咗好多糖，總括嚟講OK啦，除咗有啲貴買單又+1要$147⋯⋯

前菜任添，酸蘿蔔同泡30菜都要食！鰻魚蛋包飯$82鰻魚煎得非常香、外脆內軟，蛋包飯都好出色！飯底係茄汁炒飯，唔係一般白飯，直得讚！蛋用咗牛油煎，煎得好香、好滑！整體而言，係抵食嘅，下次再試其他☺️

首先環境地方夠大都乾淨，有埋音樂聽，員工都好好服務。但職員太少，舉手一段時間先有人理我🥲。咁今次叫既放題系韓牛放題，今次奔向任食鰻魚而嚟，當然點鰻魚系首要其他就冇所謂。例牌會有份頭盤同小菜，頭盤份鰻魚超大份，仲好厚肉同爽口😍但可惜嘅係越點越細份，由切開既一條慢慢變半條，令人有D失望😞其餘嗌左D牛小排、牛舌、蝦，都正正常常。另外仲嗌左個雞髀菇，但咬落口有酸醙味🤢。最後嗌左個八爪魚🐙雖然原隻好大份，但口感唔係我想像中嘅爽口而系淋的。

一行人4大1小，晚食韓牛1++放題，食物大致ok，特別要讚下鰻魚、牛肋骨及魷魚，唯大蝦及蠔就不可接受，食呢間放題唔好同人一齊去食，最好自己去食，如有朋友一齊去就要分枱座喇，每款放題都有一碟拼盤及雪糕一杯，5人埋單1999（星期六+30及特飲，open rice訂座85折），雪糕有比足5杯，但就是沒有給5人份量的拼盤（只有一人份量）問咗店員一枱只有一碟，而拼盤中的食物，西冷只有2小薄片是不能再點，感覺有少少受騙，難怪由最初有好多人排隊等食，至今落得只得幾枱客人