129
7
11
Exit F, Tsing Yi MTR Station, Exit G, Tsing Yi MTR Station, Exit A2, Tsing Yi MTR Station
continue reading
Telephone
28950370
Introduction
It is a famous Korean BBQ restaurant and its signature dish is Hanwoo beef. The most recommended part are shoulder butt and hanger steak.
continue reading
Opening Hours
Today
11:30 - 16:30
17:30 - 22:30
Mon - Sun
11:30 - 16:30
17:30 - 22:30
Public Holiday
11:30 - 16:30
17:30 - 22:30
Public Holiday Eve
11:30 - 16:30
17:30 - 22:30
*Last order of takeaway is 20:30
Above information is for reference only. Please check details with the restaurant.
About Reward Scheme
Signature Dishes
Recommended Dishes
上星期四拎左半日假去機場接朋友機，然後再去左東涌行outlet，我地左睇右揀咁行到入夜。本來打算去港島區食晚飯，但由於有啲夜既關係，我地就喺附近覓食 😋原本諗住喺青衣城既food court 快食，但行行下見到間裝潢精緻既韓國燒肉餐廳，於是就決定入去試下。人氣高企既炑八除左推出豐盛既燒肉套餐之外，仲提供各款烤肉、小食同埋飲品。我同朋友點左一道芝士熔岩飯、韓國醬油蝦配紫菜飯、梅花肉、特級牛肋骨同埋厚切五花腩。不久，店員就為我地送上燒肉所需既用具，例如燒肉鉗、膠手套同埋濕紙巾等等。另外，每一枱都送上前菜沙律同埋韓燒必備既小菜，例如惹味泡菜、海帶、芽菜 、醃白蘿蔔同埋包住肉既生菜 🥙 仲要介紹下炑八既爐邊蛋🍳 啲蛋好滑好好味，加埋香濃芝士🧀，再放少少泡菜落去，味道簡直係一流 😋芝士熔岩飯 $128芝士熔岩飯以熱石窩盛載，泡菜飯下面有濃濃既蛋漿，賣相吸睛。店員將一大碗芝士粒倒入石窩，然後開始表演熱炒。粒粒芝士隨即溶化，芝士竟然可以被拉絲至半空，睇到我地嘖嘖稱奇！經過一輪熱炒之後，店員貼心地提醒我地要趁熱享用，以防芝士遇冷變硬。芝士熔岩飯香濃惹味，芝士細滑、泡菜炒飯香辣，食到最尾仲有一層脆卜卜既飯焦～🍚韓國醬油蝦配紫菜飯 $138第一次喺韓國以外嘅地方食醬油蝦，畢竟醬油蝦喺香港比較少見。呢道醬油蝦採用新鮮紅蝦醃製而成，每一隻蝦都分量十足 🦐剝完殼既醬油蝦更顯得大隻肥美，蝦肉紅裏透光，放喺紫菜飯上面仲可以變成蓋飯 😝經醬油醃製過既醬油蝦味道鮮甜，醬油既咸味剛好帶出紅蝦既鮮味。醬油蝦肉質結實，爽口彈牙，口感十足 😋厚切韓國梅花肉 $122厚切梅花肉油脂較五花肉少，肥瘦均勻，因其油花紋理貌似梅花點而被稱為梅花肉 🥩梅花肉橫切面有九成係瘦肉，瘦肉之間有少部份細細既肥肉絲縱橫交錯，所以食起上黎特別香嫩。燒過既梅花肉唔太油膩，我地用生菜包住梅花肉、生蒜頭同埋泡菜一併享用～🥓🧄🥬特級牛肋骨 $288特級牛肋骨同我地平時食開既牛仔骨大相逕庭，一條長長既牛肋骨只有一塊骨頭，牛肋肉較為厚身🥩 另外，仲有一隻大蝦伴隨牛肋骨上菜 🦐我地將牛肋骨每一面各燒數分鐘，然後剪成細細片慢慢享肉。牛肋肉油脂充沛，肉質細嫩，食落一啲都唔韌，牛肉味濃 😋其實除左牛肋肉之外仲有一個重點，就係包裹住牛肋骨既牛筋膜。牛筋膜雖然係薄薄一層，但係非常煙韌，嚼頭十足 🤣炑八厚切五花腩 $138厚切五花腩係當晚既壓軸菜式，因為五花腩好厚身而且唔似牛肉咁快熟，所以店員為我地換上另一款鐵板，比燒牛肉既鐵網更傳熱 🔥五花腩係我其中一道最中意既韓國菜，好享受厚厚既烤肉同埋燒到好煙韌好彈牙既豬皮😋當五花腩燒到五、六成熟既時候，就可以將佢剪成細小既肉塊，一黎方便食用，二黎望落去更加澎湃 🤤 店員好細心地幫我地剪好啲肉，等我地可以專心品嚐美食～☺️我地用韓國生菜包肉既方法品嚐五花腩，除左泡菜同生蒜頭，有時都會加入其他蔬菜例如醃白蘿蔔片🥕、海帶或者芽菜🌱炑八既韓式泡菜味道濃郁，香辣而且帶點酸甜，口感爽脆～🥬🌶夾心棉花糖配朱古力消化餅 $68其實食完芝士溶岩飯同埋一堆烤肉已經覺得好飽，但朋友話甜品係第二個胃，所以我地照樣點左夾心棉花糖配朱古力消化餅 😂我地將軟綿綿既棉花糖燒至金黃色，外脆內軟，然後快速地用兩塊朱古力消化餅夾住半溶既棉花糖，成功製成一件件香甜美味既S’more 🍡🍪皇牌士多啤梨乳酸梳打 $48 x 荔枝梳打 $38飲品方面，我地分別點左一杯皇牌士多啤梨乳酸梳打🍓🍹同埋一杯荔枝梳打🍸 皇牌士多啤梨乳酸梳打味道酸酸甜甜好開胃，口感似smoothies，入面仲加左啲士多啤梨果肉～ 至於荔枝梳打既味道就比較fresh，清新解膩，荔枝味道特出 🍸總括而言，餐廳食物既地道又有質素，店員既服務態度親切和藹，非常有禮。今晚真係超滿足，朋友都大讚又飽又好味，下次要帶埋其他朋友一齊去試菜 🍽
continue reading
✅鰻魚榮耀套餐❤️LA骨 用秘製嘅韓式醬汁醃過燒落去好鮮甜 而骨位好有有趙口 必食❤️護心肉 護心肉是每頭豬只產出200克左右的珍貴部位，燒香後油分不多 爽滑彈牙❤️豬背肉 豬背肉雖然比較瘦身但係燒向後食落好重肉味一啲都唔會覺得柴 而且用醬汁醃製過更加惹味❤️醬油五花肉 五花肉脂肪比例比較高而且燒香後油份好多可以配 韓式醬汁或者夾生菜一齊食 ❤️火蝦 成隻手掌咁大嘅火蝦 燒香後蝦肉彈牙 非常新鮮❤️韓牛前胸肉 由於油脂較多燒烤過後會散發出濃郁的香氣 瘦肉中帶有油脂讓吃起來的口感不柴不膩 真係好好食食❤️梨汁雞肉 雞肉醃製得好好味而且雞肉嫩滑 加上係連皮燒 好香口 必食❤️鰻魚 主打角色鰻魚好新鮮 燒落去好有鮮味 建議可以加個鰻魚汁去一齊焼❤️特級牛肋骨 呢條牛肋條醃製得好好而且足足起碼有成個手臂咁長 牛肉嫩.口而且個骨位都可以燒香嚟食 喜歡食牛筋位嘅朋友一定係至愛❤️蟹膏石鍋飯滿滿嘅蟹膏加上石鍋一到已經好香 再有專人幫你用炸蒜 蔥 醬油去撈勻 加上生蛋食多兩碗都唔夠 食到仲有飯焦添 必食！韓國餐廳有前菜任食 泡菜 芽菜 海帶 呢到非常之大方泡菜爐邊蛋同埋芝士粟米係無限添加 好正呀
continue reading
去搵青衣美食沙漠中既綠洲，今天我便相約好友了青衣一間主打韓燒的餐廳-「炑八韓烤」品味今晚晚餐❗餐廳寬敞，裝修精美仿似置身韓國街頭的食肆中，店員殷勤有禮，不停補充配菜佐料。我們一行2人點了以下餐點：1️⃣ 模範韓牛肉套餐 成塊牛形狀的碟上面佈滿韓牛七個不同部位包括韓牛前胸肉，彥陽牛肉，牛舌，梅花肉，護心肉，LA肉以及醬油排骨，店員拎過黎時畫面震撼！牛魔王既友人純熟手法利用大火將每件牛肉消滅，每款牛肉都肉味濃郁，充滿牛脂香氣，配合唔同既醬油及配料包括泡菜及生菜等，帶俾你唔同層次既享受，一次過滿足你所有願望！2️⃣ 蟹膏醬石鍋飯除了美味韓牛，貪心既我地當然想繼續再下一城，蟹膏醬石鍋飯一定滿足到你，店員窩心咁提醒儘快撈起及食用，而且細心咁將蟹膏醬，蛋及飯拌勻，冒求令你每一啖都食到蟹膏既甘香美味，再加上脆脆既飯焦，不停一口接一口，滿載而歸！3️⃣特式梳打2杯薄荷綠色既奇異果梳打及雪梨梳打各有特式，不論你喜歡清潤既雪梨既味道，定酸酸甜甜醒胃既奇異果，配合以上食材，實有一款啱你心水。總括而言，此餐廳提供款滋味燒肉配料，絕對是青衣一帶的滋味韓式燒肉之選❗
continue reading
炑八韓烤．幸福的滋味最近朋友搬了去青衣住約去食飯，當然選青衣城就腳方便多選擇這裡開了極大間的炑八韓烤格局又寬敞，坐得又舒服當然去BBQ一下啦這裡的店員很細心即時送上免費任食的韓國前菜又會提供檸檬水親切又周到令人未食先開心天氣咁熱，先飲杯特飲涼快下奇異果梳打：微甜清爽，好香奇異果味，原來都幾好飲荔枝梳打：甜蜜蜜，朋友必飲的口味，少女都非常適合炑八泡菜，不能不吃，應該是目前香港韓國餐廳之中最好吃的海帶、牙菜、醃蘿蔔片，百吃不厭，淨食或配燒肉包住食都好好味新鮮菜菜子，爽脆可口，包燒肉一流炑八厚切五花腩：那美麗的厚度！特級牛肋骨：醃出水準！店員先幫忙整一份靚飯：芝士熔岩飯這個不得了！大量芝士與泡菜飯的交融結合在美麗的芝士上搞呀搞呀搞用力挖呀挖呀挖形成邪惡拉芝，然後拉呀拉呀拉哎呀！好睇好玩又好食！燒肉肉：食肉秀，我們都是...............能吃肉就不能不吃菜！哈哈哈哈哈哈哈哈哈哈 所以慢愎燒肉夾夾菜包韓國梅花肉(厚切)肉色好，味道鮮，油脂不多，口感很香可以再燒焦一些，形式邊位香脆是極吸引的肉肉子！圍爐的玉米芝士，可以包住肉肉食但更可以極速直接拉芝食又或者烤到焦香薄脆3種吃飯，都非常好味特級牛肋骨長到呢！好在有店員幫手又剪又燒醃的味道又甜又香口感好，味道正再燒大菇又蝦變成海鮮BBQ，大蝦帶海洋的味道多汁多膏非常鮮炑八厚切五花腩韓燒不能少的是五花腩原汁原味的香自帶的油脂自己煮自己皮香肉脆包菜菜子食最正韓國醬油蝦 配紫菜飯醬油蝦是必食之選極推！醬汁都吸收入去與蝦肉蝦膏融合在一起特別下飯連醬汁都撈埋入去成碗飯即時升價十倍夾心棉花糖朱古力餅餅甜品真的好好玩可以在室內燒棉花糖用朱古力餅餅夾住食好玩好味又過癮！炑八韓烤青衣城1 1樓119B號舖
continue reading
已經第二次光顧青衣城「炑八韓烤」分店，貪佢地方大，坐得舒服又有卡位雅座，同朋友相聚一流。無限refill的前菜，爽脆清甜帶點微辣的泡菜、解膩酸甜蘿蔔、清新海帶青瓜、仲有好有口感的芽菜，點少得泡菜爐邊蛋同拉絲芝士，吾好講笑，就咁食前菜都飽🤣今次吾嗌套餐。炑八厚切五花腩：點少得一整條厚切五花腩！豬皮輕輕香煎，油花十足！店員烤至金黃色，香脆可口！望見都流曬口水。韓國梅花肉：梅花肉比較瘦，肉質扎實，豬味比較濃，配埋蔥醬大和油膩感。韓國醬油蝦配紫菜飯：大大隻肥美紅蝦！晶瑩剔透的蝦肉，食落十分軟糯，蘸上醬油配埋紫菜飯，咸香，一啖接一啖！芝士溶岩飯：海量毫不吝嗇的芝士倒入鐵板中，店員幫忙撈起，邪惡拉絲芝士熱辣辣，仲帶有點蛋香同飯焦！不得了特級牛肋骨：特長牛肋骨醃製過味道甜甜地，燒至半熟兩面輕輕煎香，內裏仲見到粉嫩的肌紅蛋白，食落柔軟不帶筋！夾心棉花糖配朱古力威化餅：係火爐邊慢慢烘至外脆內軟，燒到軟棉即把威化餅夾住，朱古力🍫半融狀態，邊玩邊食，好過癮。菠蘿梳打：顏色吸引，酸酸甜甜開胃之選荔枝梳打：清甜解膩，仲可以下火。總結：高質韓式韓肉店環境服務一流 回再光顧
continue reading