110
83
49
2-min walk from Exit A2, Kwun Tong MTR Station continue reading
All Branches (8)
Telephone
3148 1321
Introduction
A well-known Japanese Ramen name, the interior and ramen will grant you the experience in Japan. continue reading
Opening Hours
Sun – Thu: 11:00 – 23:00 Fri, Sat & before PH: 11:00 – 23:30
Payment Method
Cash
Review (256)
朝日武士嘆返杯! Featured Review
Level4 2017-01-27
1871 views
難得路過觀塘又路過武骨唔洗得位,天意讓我一試。晨早留留小貓三四隻,我單拖坐吧檯最好。正午 12 點的冰凍啤酒,爽呀!食碗拉麵加個小食送啤酒,隔離位帶眼鏡肥女人唔洗眼望望咁羨慕既。赤武骨叉燒湯麵加蛋加底,無辣不歡的我當然由辣赤湯試起,火紅的賣相十分撩人,香噴噴的氣味增加食慾,亮晶晶的心心眼。糖心半熟蛋,黏黏糊糊半流慾滴的蛋黃黃味十足,甘甜濃郁無比,蛋白散發醬油咸香,涼浸浸淨食或配麵同樣激讚!叉燒半肥瘦,清爽醬油味道,不乾鞋而潤澤,軟塾多汁有咬口。菠菜非常爽甜,夾於拉麵之間更加精彩。湯底辛辣惹味,不能遮掩的濃厚豬骨香氣,味道豐富泛㕦著微辣,美味極了!高質拉麵滑彈嚥韌,蛋味突出,掛著甜美暖暖辣湯大注啜入口,擦過舌頭直墮肚裡去,好幸福啊!享受過原味,想增多一點刺激及樂趣,找來檯面辣椒油,日式拉麵店罕見有辣椒油提供,有新意我鍾意。自家辣椒油夠晒香而微辣,一般平凡,可有可無。辣椒渣沉積到硬實,一刮彈到滿身橙色辣椒油,勁肉酸,陰功豬,希望洗得甩啦。炸魷魚鬚,用香辣沙嗲汁浸醃過喎,有誠意。剛剛炸起外觀略有點油,反光立立令,賣相感覺似著上厚硬盔甲一樣。意想不到炸漿跟家鄉雞一樣脆卜卜又鬆化呢,不乾不硬不刮口,真係人不可以貌相呢。沙嗲味濃郁都幾辣架喎,正呀!爽脆彈牙夾嚥韌,驚喜的高質。煎餃子,成排煎黏到實,一夾爛晒,連緊餘的肉汁都漏晒喇。我係其他食店唔會架喎,到底那裡出左問題呢?存放?解凍?烹調?完隻啪入口,空盪盪的感覺,肉醃不太多,味道平平,過過口癮一試無妨。食飽飽,嘆完中午啤酒,急急埋單走去無印買件乾淨衫換左去先得。係咁以食個 lunch 都 $250,高質拉麵合理既。 continue reading
(The above review is the personal opinion of an user which does not represent OpenRice's point of view.)
Level4 2016-08-29
1721 views
中午與同事吃麵屋武藏,神奇地等了不久就有位,可能是我們人多,碰巧又有大枱走,便很快入座。麵屋武藏主要是吃拉麵和沾麵,但都有丼飯和小食選擇,而麵類以白、赤和黑三種,即是豚肉湯底、豚肉辣油湯底和豚肉黑蒜油湯底。我最後點了黑武骨沾麵。黑武骨沾麵麵屋武藏沾麵汁稱是日本傳統配方,為達最佳效果而保持微暖上菜,而沾麵是用特製麵條,較粗身,更以特別坑紋設計令其容易掛湯,並長時間以室溫保持彈性。可惜,湯底較稀身,黑蒜油積在上層,豚骨湯封在下層,有點點肉粒,聞落雖有淡淡黑蒜味,但食落黑蒜味不濃烈,而且麵身不像之前銅鑼灣吃得那間這麼粗和有嚼勁,所以掛湯能力較低,入口時麵身不太入味溏心蛋不過不失,叉燒肉質嫩滑,但較瘦,吃不出油脂豐腴感... continue reading
(The above review is the personal opinion of an user which does not represent OpenRice's point of view.)
Level4 2017-04-22
358 views
其實我覺得拉麵一向偏咸或油,喺香港真係好難食到有日本水準嘅拉麵,但呢個蕃茄湯底嘅拉麵就好特別,唔會咸,麵嘅口感都好好,但塊肉真係好硬,好大力先撕得開。如果肉做得好啲真係俾滿分。 女友最愛赤沾麵,次次佢都食呢個,因為辣得黎好味,再加湯時真係有陣好特別嘅味浮出黎,我食唔到辣都要飲啖湯。而且其他店嘅沾麵好多時唔會有肉,要你加錢,呢度就好足料。差唔多成舊水嘅沾麵如果冇啲肉都真係幫襯唔過。另外,小食叫左wasabi芝麻醬菠菜同炸雞,兩個都好味,原來wasabi唔淨止加落壽司。又學多樣野。 continue reading
(The above review is the personal opinion of an user which does not represent OpenRice's point of view.)
突如其來的飯聚,考慮了天氣,於是選擇了可以驅走寒氣的拉麵. 觀塘區拉麵的選擇不算多,最後選了麵屋武藏,因為地點方便,而且位置較多,輪候時間相對較快. 話雖如此8時用餐2位用餐還是等了15分鐘才能進座.看畢餐牌的拉麵和沾麵選擇,包括原味,辣味和黑蒜味,所以用選了較特別的黑蒜油風味來吃.其實,所謂的黑蒜油不是真的黑蒜制成,而是把蒜頭爆炒到焦,以油蒜打勻制成的油.再混以湯頭 (如豚骨湯頭), 使湯頭變黑, 帶有焦蒜濃濃香味.這裡的黑武骨拉麵 ($72) 也是用了此法炮制而成. 黑蒜油味道香濃,但相比之下,豚骨湯的味道不比下去了.當然,也有可能是湯頭用得太多/熬煮時間較短,沒有那種厚厚的濃稠感覺和撲鼻而來的豚頭香味.這個地方是有點失望了. 但湯頭確是好喝的,起碼喝完也沒有口乾情況,只有淡淡蒜香從口中滲出.至於,麵身是粗麵條來的,吸汁能力極佳, 麵條粗勁有力,相當好吃之餘,也能和湯汁一併吃下去!配料: 豚角煮更是一絕! 甜甜的味道,入口十分鬆化! 有種覺得配料比湯更好吃的感覺! 有點想單點豚角煮來吃! 加以旁邊那墊大蔥來吃,辛香平衡肥膩,帶來蔥香,更是好吃!溏心蛋也煮得剛好,入口也是融化口腔中! 出色!綜合而言,雖然拉麵的湯頭比起其他店子,確未盡濃郁. 但地點方便,配料好吃,也是可吃的一個拉麵之選.推薦指數: 3.5/5! continue reading
(The above review is the personal opinion of an user which does not represent OpenRice's point of view.)
Level3 2017-02-28
632 views
原本約左朋友食麵屋丸京,不過咁岩佢中午唔開,係尋尋覓覓之下就搵左呢間黎食,以前食過一次都覺得還可以,但今次食就覺得盡量都唔會再食,唔知係咪養壞左自己對拉麵既感覺,呢度既拉麵既味同麵都唔係太吸引我,我叫左最鍾意既黑拉麵,無溏心蛋之外,幼麵同湯唔多夾,所以我其實係抱住填飽個肚既諗法黎食,因為當時都已經3點,我同朋友餓左個半鐘先搵到其他替代既拉麵店,另外餃子既皮都痴埋哂,同埋好乾,可以睇得出解凍都唔多足夠,份量唔夠填肚之餘,價錢仲要同外面既拉麵店差唔多,如果俾其他拉麵店俾我揀,我都會盡量揀其他店黎食 continue reading
(The above review is the personal opinion of an user which does not represent OpenRice's point of view.)