敏華冰廳 (MOKO新世紀廣場)

Open Now

Now Closed

今日去這茶餐廳食早餐，平日上午約九點半都好多人食，坐滿，要等位，等候期間個收銀員同我們量體溫，好有禮貌，遂個同我們講早晨，等了一會，終於有位，叫了三個B5火腿通拼炒蛋多士，另外仲叫了個B10 沙牛麵拼炒蛋多士，落order時個男人態度唔多好，無禮貌，好晦氣咁，問佢攞水，又唔應人，都唔知佢聽不聽到，之後再問另一個阿姐，我話同咗個男人講要水唔知佢聽唔聽到，個阿姐話攞緊啦(態度又係唔好🙄）講返食物，個通粉D湯多過D通粉，但個湯味道ok，個炒蛋唔夠滑，個麵包也尚算軟熟，個牛肉唔韌，食物整體來講ok，但部分職員服務態度唔多好，扣分.

如果以食物來計唔難食但係食物名就真係可以 用食神入面嘅對白同佢講义飯就叉飯啦 乜嘢暗然銷魂飯加多隻荷包蛋頂籠埋22蚊一碗唔好懶有型啦靚仔佢哋嘅招牌菜黯然銷魂飯仲要有張紙教你食作為周星馳迷嘅我 絕對不能不試只可惜嚟到嘅時候大失所望四個大字遠離水準睇下張相就係一碟叉蛋飯一啲誠意都冇最少加條油菜而且叉燒味道偏鹹 質地亦都偏硬黯然銷魂飯嘅叉燒 應該係要用內力打斷曬啲筋硬到咁 點可以用呢個名抄人哋個名 都要認真去製作呢個飯買到六十幾蚊我覺得有啲唔抵只係能夠飽肚一啲驚喜都冇仲叫咗其他餐 不過都係冇乜驚喜所以唔寫咁多希望你哋有所改善 整個真真正正嘅黯然銷魂飯出嚟

去新世紀一田買完野，攰攰地想搵個地方坐下飲番杯奶茶，睇吓水牌樓下有間敏華冰室，就搭lift落地下飲杯野順便坐番陣。餐廳人流快來快去，唔駛等好耐已經有位，排隊時見到新鮮蛋撻出爐啊，所以同男友一人一隻。蛋撻有分蛋白同埋蛋黃酥皮，我揀蛋白，上枱熱辣辣，蛋白味香，酥皮都OK，但就唔夠鬆化同埋個底有啲overcooked.另外叫咗個咖咉多士，呢個就真係極度失望，之前明明試過好好食，點知今次上枱個多士只係微暖，當然咁嘅情況下塊厚身牛油就做溶唔到，搞到兩樣嘢好似分開食咁，完全係失晒水準！奶茶依然盛載喺厚厚嘅杯身入邊，既香且滑，但真係太細杯，有啲唔係嘅夠喉！

同老公去花墟拍拖行吓街，順便買個盆栽點綴一下，行到MOKO附近有啲攰，就走去睇吓附近有咩食.一上完電梯就見到文華冰廳，唔使諗就直接入去。茶餐廳裝修明亮，乾淨企理，冇論廳面同廚房內嘅櫃都貼好用具分類，雖然係半開放式嘅廚房，但就算你坐近吧枱嘅卡位，都絕對冇油煙味，值得一讚！食物方面，見到咖咉多士上枱就已經流口水🤤，一開4份，每份夾住一小片厚身嘅牛油，配上甜度剛好嘅咖咉醬，再呷一口黑白淡奶杯嘅香滑奶茶，悠閑又享受嘅感覺！另外仲叫咗個鹹牛肉蛋治，因為太肚餓，見到已經秒速食晒唔記得影相，呢度食物分量唔算大但味道唔錯，見到佢有個暗然叉燒飯，下次行完街又來試吓先！

呢幾年冰室開到成行成市，主打懷舊風，但其實唔少冰室質素都參差不齊，但今日呢間敏華冰廳就真正做到抵食又好食沙茶牛肉公仔麵配炒滑蛋及脆多士（$37）炒蛋細嫩幼滑，加上半溶牛油一同放在脆多士上，每啖都食到3重口感；沙茶牛肉比較特別，一般茶餐廳多數用沙嗲牛肉，但估唔到沙茶醬都幾好食公仔麵的湯底有少少似五香肉丁湯底，少少辣，朝早食零舍開胃～跟餐仲包埋熱飲，我就+$3叫左凍奶茶，呢到奶茶成杯都冇冰，有d似出面十幾蚊既樽仔奶茶，但加$3就飲到，絕對係抵食又好食

之前來敏華覺得食物ok.今天下午5:30來，人客幾抬，想order食物没人理會，叫了3次，一個籃色衫服務員反問為何要大聲叫人，我都唔想，待應又倾計，又设道歉，態度又差，唔怪生意差了很多，除了新冠，自己服務態度都那麼差。沒下次。😔😔

好耐無出旺角呢！襯今日出去整頭髮就梗係要行下喇！之後仲去左花墟行左轉，買左扎至愛既黃玫瑰呢！言歸正傳，行完花墟梗係要去醫肚喇！正想著食咩好既時候，叮！新世紀有敏華喎！於是........黯然銷魂飯~~我嚟喇~~~~~~即烤燶邊叉燒+流心荷包蛋+醬油，真係無得輸，由於個人比較重口味，所以濃濃既蛋黃加上濃濃既醬油.....響呢個moment又點小得一杯凍檸樂呢！靜雞雞話你地知，個飯嚟之前，我仲食左個新鮮出爐（阿姐話㗎！🤣）既酥皮蛋撻呢！

又來到敏華冰室，咁今日你係食下午茶唔係食午餐，敏華長期都keep住有幾多人喺度食，下午茶都唔例外，好彩唔使排隊，咁今日下午茶就唔食叉燒飯，咁我叫咗個荷蘭煉奶西多同凍咖啡，另一個就叫咗個常餐，叉燒湯意粉拼雙腸炒蛋牛油厚多士，咁見到佢蛋撻啱啱出爐，忍唔住叫多個酥皮蛋撻，個西多舊牛油超大夠超肥仔，正，我覺得西多一定要配咁大舊牛油，呢個仲要係鹹牛油，糖漿啱啱好，又夠熱，炸到金黃通透感，非常出色，個蛋撻就好一般，個酥皮太油又軟琳琳，又冇蛋香味，好扣分，個凍咖啡好夠香，又冇另加冰溝淡，值得讚賞，叉燒湯意粉個叉燒同暗然銷魂叉燒蛋飯好似有少少唔同，味道尚可，個太陽蛋煎得非常之好，加埋舊多士係一絕，腸仔就正常超市貨

係新世紀moko既角落，有一間港式冰廳經常行過都見距人山人海據聞依度既菠蘿油，同黯然銷魂飯非常出名，不過我今日係朝頭早黎食早餐，試唔到個黯然銷魂飯有幾銷魂我覺得敏華冰廳個招牌logo設計得幾靚門口係cashier, 行入去先係餐廳坐位餐廳長期都好多人，可能係冰廳開正酒店門口，見到有好多外國人去幫襯open kitchen 見到煮食過程，感覺好似衛生啲太早黎既關係，只係得早餐供應炒蛋炒得香滑，蛋漿無太多既調味，反而食到更加多既蛋香味厚多士唔算好厚，但烘得香脆鬆軟忌廉火腿通粉，湯底有好香既忌廉味配埋杯凍齋啡三十八大元，如果比起去排長龍去食光速餐，我更加偏向選擇依度

1）餐廳有位坐，叫你出面排隊等，排頭高過五星級酒店2）餐廳電子化，用tablet 落單，但程序比落手寫單更慢，要有耐性啟動tablet，逐樣慢慢落單，order一杯熱檸茶要等30秒才成功完成落單3）經理假裝很有禮貌，但其實態度極度惡劣囂張，從來沒有聽過「請等等」，「唔該」這些有禮貌的句子這麼難聽4) 食物質素雖然不差，但有這樣的團隊應該非常容易趕客!總括然而，旺角這麼多食肆，這樣的冰室應該很難生存下去吧！

今日去咗食我最鍾意嘅茶餐廳，茶餐廳嘅特色就係快靚正，而且我哋香港擁有世界獨有嘅港式奶茶 ， 但係大家知唔知道其實奶茶同茶走有乜嘢分別，咁其實奶茶就係落糖嘅，而茶走就係落煉奶嘅😂。咁最大嘅分別係一個係死甜一個唔係 所以好多識飲奶茶嘅人都會飲茶走🤣因為的而且確係好飲過普通奶茶好多🙋🏻‍♂️咁個飯大家應該知係乜嘢啦 就係叉燒煎蛋飯 亦都係好多茶餐廳成日都有嘅餸😂😂😂😂呢個蛋我覺得幾好 因為係窿邊蛋 所以食落口脆脆地幾正 而叉燒都係爽口嘅我覺得大家如果經過都可以去食下🤞🏻雖然味道唔係超級出色 不過價錢都對得住

最近用黯然宵魂飯做賣點既餐廳都不少，但如果只係普通叉燒煎蛋飯既又點配用嗰咁特別既名呢，所以一有機會就會試下不同既所謂黯然宵魂飯，睇下係唔係真係有料到。今次同朋友去開MOKO睇戲，順便就試下敏華既黯然宵魂飯。叉燒係典型既味道，但因為厚切，咬入口保留到肉汁，肉味亦香濃，做得不錯，雖然肉都算淋，但因為偏瘦，如果年紀大點可能會咬得有點吃力，如果一碗四塊改成五塊甚至六塊，薄一點應該更好咬口。另外煎蛋有點偏熟，如果可以選擇生熟程度會更好，豉油充滿蔥油香應該係自製，有誠意加分。另外見到隔離枱有蛋撻好靚仔，我地都叫左兩隻，買相非常高，味道都不錯值得一試

去得敏華冰室，有幾樣嘢通常啲人都會食，一係就係黯然銷魂飯，一係就係菠蘿包，我揀嘅就係黯然銷魂飯。暗然銷魂飯，如果譯做英文就係sorrowful rice 或者 tragedy rice。就咁樣講返我呢次食到嘅暗然銷魂飯。叉燒好鬼瘦，雖然用梅頭肉係燒得好香，但係好黯然，在於叉燒嘅肉質好硬，而且咬落乾爭爭 。 飯都好黯然，煮出來的白飯是一粒粒又硬又有骨，我比較偏向鍾意食軟飯，硬嘅飯唔啱我口味。好黯然。我提醒侍應，話明唔要落豉油，點知呢碗飯有好多豉油，我覺得好咸 我同侍應講，可唔可以換過一碗，佢話有難度。咁即係我要被迫去食，我果日唔食嘅豉油。真係黯然神傷。大失所望。

敏華冰廳近來愈開愈多間分店，下就見肚餓就一於入去食返個常餐～我就叫左依個餐，入面有五香肉丁公仔麵，配雙腸炒蛋、牛油厚多士（$52）。佢個炒蛋炒得好滑，唔會老，有口感，而且份量都多；多士就烘得好靚👍🏻👍🏻👍🏻而佢個五香肉丁公仔麵都好好食，公仔麵冇overcook到，幾彈牙，配埋五香肉丁，好香口惹味😋😋😋配埋一杯港式奶茶，奶茶既奶味出，略嫌茶底未夠濃，而且偏甜，下次都係叫返少甜🤣😋

話說尋晚放工自己一條友， 見咁啱有冇乜人陪我食飯， 咁就自己毒過兒試下呢一間敏華， 因為始終一條友食所以好快已經有位畀我， 咁自己就嗌咗一個黯然銷魂飯。 等咗唔係好耐，飯已經送到。 其實呢碗叉燒飯，叉燒半肥瘦， 係水準之作，同埋佢都擺咗隻好大嘅雞蛋。 所以係非常之好食 ，D蛋漿餸飯係非常好食，再加上佢啲豉油汁， 好快我已經扒曬成碗飯! 另外我建議食客可以試埋佢杯凍奶茶，因為佢杯凍奶茶都茶味香濃， 同埋茶同奶都balance到。 絕對要試下呢一度啲招牌菜咁多人等都唔係浪得虛名!