敏華冰廳 (Closed)

朝早見有半個鐘， 諗住快快食個沙嗲牛面再返工，第一， 落單好慢， d 姐姐全部好似未起身， 唔止本人， 餐廳不同角落都充滿想落單、催野食嘅客人。等左15mins 只有一杯落錯嘅飲品，完全唔知d 姐姐慢速行黎行去係做乜的。 第二， 衛生程度差， 張枱無抺， 但佢有執枱員？？ 同場有另一枱客大聲同姐姐講仲未有食物， 催完都仲係俾少一樣， 再俾又係錯餐。 輪到本人， 白等20mins 完全唔自有人有意識會俾餐我， 唯有轉外賣。 服務差、慢、錯 乜都有齊， 勒大家唔係放假唔好諗住食

侍應生完全沒有表情，反應超級冷淡。第一次幫襯叫外賣，本來話只需要等10分鐘，足足等了30分鐘，其間追問了幾次，沒有答覆。到我話要取消訂單時，才叫廚房即整。我唔係要有五星級服務水平，但基本服務態度係要有。好後悔，幫襯前無上open rice 睇吓評價，中伏。真心希望老闆會親自落場，觀察員工工作表現，從而提升服務水平

Meal break 諗住去搵間快靚正既野食點知去到服務欠佳叫落單叫左好耐好多次多次被叫「等等」但個位侍應其實係冇野做緊好不容易終於叫到餐Lunch set :「忌廉雞湯叉燒蟹柳湯米粉」$48好失望😣個湯完全冇忌廉味⋯只有雞味，而且係好重味精既味道😣蟹柳過熟，黎到已經散哂😣叉燒算正常啦，但都有點偏老⋯熱奶茶不過不失啦

閒逛銅鑼灣，行到攰揾地方坐下飲杯嘢，本來都冇係乜期望㗎喇。喺門口企左一陣，入面店員明顯見到我地企喺度都冇招呼我地入去坐。再企多陣有客埋單，店員要出嚟收錢先招呼我地入去坐(原來裡面有位)。叫左一份西多士同一份咖央多，西多士成塊飽索曬油，食兩啖已頂唔順，決定放棄。咖央多椰子味較淡，好彩塊牛油可以自行剷走，至少可以食哂唔浪費。

差不多每朝都喺度食早餐，但每個星期都見到 轉換服務員，有啲服務員hea住做，有啲慢條斯理，有啲叫極都唔應，有啲點單時候鬼死晦氣。在疫情底下，叫他清潔檯面，他只清潔得一半， 唯有自己用濕紙巾抹。雖然食物還好，但服務去到咁，都唔知講咩好喇。

敏華冰廳，現在比較容易有位，因為疫情下，訪港遊客大減９成，銅鑼灣由人擠人，回歸平靜！抗疫時期，減少聚餐，工作日午餐，多數自己１個人吃，港式茶餐廳，是個不錯的選擇！路過，如果不用等位，walk in敏華冰廳，一般會點M7常餐：#沙茶牛肉公仔麵：號稱沙茶最强，味道確實好！不會死鹹，鹹中帶點鮮味，鮮味應該是來自牛肉，簿切的新鮮牛肉；公仔麵沒有煮過頭，好吃！#雙腸炒滑蛋，雙腸比較鹹，滑蛋夠滑但不夠熱！#牛油餐包，挺好的！#熱鴛鴦，好喝！喜歡的味道！

今日行經銅鑼灣利園一期，想輕鬆食個簡單午餐，行經見到文華冰廳，都見到幾多人幫襯，於是都諗住同朋友一齊試吓餐廳設計都幾有特色，十足港式茶餐廳風貌，好有親切感，餐廳光線都充足，幾光猛，衛生情況都唔錯👍🏻沙茶牛肉米粉 拼炒滑蛋火腿及歐式軟多士($52)- 食物上枱速度都幾快，如果係附近番工，啱晒打工仔食個quick lunch- 沙茶味道都幾香濃，湯底飲落都OK，唔會食落淡而無味- 牛肉咬落都幾軟，肉質都幾鮮嫩，幾好味；米粉份量都幾正常- 炒滑蛋火腿幾高質，啲蛋炒到啱啱好唔會吵得太老- 歐式軟多士都幾厚身，烘到好香，揸埋啲牛油一流熱奶茶(跟餐）- 奶茶香滑，入口順滑- 茶底濃郁，有質素👍🏻成個港式午餐份量同味道都唔錯，非常滿足！

我地一家，一向是敏華冰廳的常客，通常我自己就一係食黯然銷魂飯，一係就食夠薑豬潤牛肉米。今日揀左食薑豬潤牛肉米。敏華冰廳呢啲連鎖式嘅餐廳，水準一向較一般茶記穩定，但今日個豬潤牛肉米真係好唔掂。一向鐘意食呢個係因為鐘意佢個湯底夠濃，但今日個湯底同滾水係無咩分別嘅，再試食牛肉同豬潤，都係無味嘅，灰左。諗緊繼唔繼續哽埋碗野去，都係攪唔掂，放棄。放低雙筷，戴返口罩，起身埋單走人。跟手過隔離街食碗小鍋米線無咁嬲。

Been craving for some hong kong style breakfast and i've stopped by the right place - runny scrambled egg, sausages, thick toast with butter and tasty sa cha beef noodle are exactly what i was looking for; on the flip side the famous bbq pork with egg and rice doesn't live up to its fame, the bbq pork is tender but it was way too salty for my liking. It would have been better if there were more char siu sauce on the rice.

已Black list 呢間餐廳！現在比較少餐廳有葱油食，所以食了好幾次，可惜各方面都每況越下。食物方面，豬扒有時好乾好(銀)，size時大時細。廚房唔睇單出菜，走色無走色，多飯無多飯，完全亂甘嚟。侍應服務非常惡劣(尤其短頭髮嗰位女仕，好似係主任)，寧願坐喺收銀機入面都唔肯落單，有一次太耐無人落單，幾枱客走左，包括我。餐廳最入位置電話接收會好差，非繁忙時間同侍應講轉枱，距會叫你自己執野調枱。唯一凍奶茶keep到水準，可惜跟飯都要+$15一杯(應該無記錯)，市面上大把選擇。

敏華冰廳 Men Wah Bing Teng📍銅鑼灣 Causeway Bay.🍜 夠薑豬膶牛肉公仔麵 拼炒滑蛋及歐式軟多士 $59: 湯底真係夠哂薑味 仲比我揾到粒薑𠻹🤣豬膶唔鞋牛肉又滑 公仔麵入哂味👌🏻: 配熱奶茶或咖啡

敏華冰廳 Men Wah Bing Teng📍銅鑼灣 Causeway Bay.🧈 三叔公馬來咖吔多士 $30: 多士香脆 咖吔少甜而不膩 加上兩細塊牛油 少咸混甜 非常豐富滿足🥰: 配熱奶茶或咖啡

已經差不多5:30，有點餓，見到開了不久的敏華，便去食少少野！嘩，茶餐有煉奶西多士，就點了！送上時，多士不算大，亦不厚，比正常的細少少，可以接受的！ 煉奶放在多士上，太少了！一片方形牛油放在煉奶上，差不多見你唔到有奶😂 唔知咩原因，牛油溶得好慢！唔知係多士唔夠熱或是被煉奶令到無咁熱！搞左好耐就全片牛油溶晒！好難切成小件！放入口只是微溫，口感好差！沒有甜味…因為太少奶！好似食緊一舊多油麵粉團😰🤦🏻‍♂️好難食吖🤮

樓面人手嚴重不足，9-11時早餐時段就算有位置，也沒有侍應幫手下單，看到接二連三有剛進來嘅客人，等待了5分鐘左右，就離開了。食物質素跟價格是合理的，就是欠缺落單。另外送餐的每次都只送一兩杯奶茶，就算看到有客人舉手下單，這位送餐的女士也會視而不見。😅處理外賣的女士還好，再忙還能面帶笑容，這個部份值得讚賞。總括來說還是要解決落單和送餐這兩個部份，是有需要改進的。尤其是送餐的這位女士。給人家的感覺是長命功夫長命做，就是那種像給人家說你慢慢等吧😅

叫左餐，我個蛋腸方包黎左，個麵未黎，男友個飯都黎埋，食晒，都未黎。有新既顧客黎左，一叫完，個麵即黎。我唔追，都唔會黎喎，就算追都俾左其他人食麵先....而最重要既係，本人自認腸胃好好，好少機會肚痛。估唔到食完當晚就肚痛，去完廁所後個肚仲係唔舒服，有啲想嘔... 到朝早又痾，痾到中午，痾三次，以家個肚都未好晒，仲要無再食宵夜同早餐，證明係晚餐問題... 希望唔係因為追而加料 另外個麵一黎到只聞到味精味..