早啲見面

Open Now

Now Closed

如果大家經過灣仔 記得試吓呢間嘅招牌菜 主要係試老闆娘嘅態度 每一句後邊都會有一句:”係呀係呀”你聽完將會唔舒服三日 堂食會趕客 外賣永遠送錯 保證上頭 建議當天心情太好或自問情商較高的人可以挑戰！

两個月前先食過呢間，又係時間去翻啅。佢可愛之處就係早餐已經有好好味既車仔麵食，同天后鍾記一樣，真係好食過一般既沙嗲牛肉麵好多。今早専程行去食車仔麵，點了慣常既麻辣中辣，要秘剛辣汁湯底，餸就要豬大腸、牛腩同埋水魷，例牌既油麵。大大碗麵上枱，麻辣中辣都唔會太麻太辣，所有野都好好味，好夾既一碗精彩既車仔麵。口味：🥚🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚

幫襯過幾次食物味道算係OK，但係老闆娘嘅外賣安排同態度真係好難頂！今次堂食坐四人枱，我哋食完嘢放低筷子碗碟即刻被收走，連杯熱飲都未飲完，就已經被催交枱兩次。第一次催交枱時，老闆娘話有客等位，我都仲可以理解，都盡量快啲飲但杯嘢飲真係好熱….飲到一半，再催話有三位客等緊，叫出面兩位客入嚟坐住先，另一位要出面等。我杯嘢飲都未飲完咁樣催法真係太過份，令人覺得好唔舒服。由入座，等嘢食，用餐到埋單前後都係只用30分鐘，就算想做生意趕翻枱，都應該要合理啦?! 唔再講外賣安排，咁樣嘅服務態度真係令人對呢間餐廳嘅印象大打折扣，希望老闆娘可以反思吓，改進吓服務方式，唔好影響餐廳嘅聲譽同生意。

灣仔莊士敦道早D見麵，一家主打港式奶茶小店，近日趁公司附近開會，特意踏足一嚐。四十三元的下午茶套餐，份量頗為豐富。雞扒以簡單的醃料入味，煎至金黃酥脆，肉質保持多汁，算是水準之作。半熟煎蛋火候適中，蛋黃微流，搭配農心辛拉麵更添滿足感。泡製得宜的辛拉麵保持韌性，湯底香辣適中，麵條吸滿湯汁的鮮味，令人回味。可惜店舖空間實在局促，座位之間僅容一人側身而過。用餐時段人流不絕，鄰座食客交談聲此起彼落，偶有店員匆匆穿梭其中，難免影響用餐體驗。搭台食客比例明顯偏高，令人擔心會否影響店舖長遠營運。整體而言，這港式小店憑藉紮實的廚藝功架及相宜價格，在競爭激烈的灣仔區仍能站穩陣腳。若能覓得更寬敞舖位，相信必能更上一層樓。

早排行街經過見到間野個名幾得意可能係近中午啦間舖入面都坐滿曬人就同2個細路行入去試下小弟叫左2個船麵湯底試水溫發覺個湯底好正好甜後來問個店員先知原來係限量供應。唔怪得咁好食。比起一d其他車仔麵黎講真係好特別我覺得唯一問題係間舖太細店入面好似有小小殘舊但係我問個店員佢地話開左先差唔多一年老實咁講坐得唔係太舒服飲品就正常味道冇乜特別細路們就食得好開心個人覺得環境70分左右啦食物有90分服務有85分下次可以再黎

店員態度非常惡劣，隔離枱個叔叔問多兩句俾人直接叫佢睇哂個menu先好嗌嘢食更加唔掂，豬扒包又乾個味又怪，最過分係share story送嗰個葡撻仲係凍嘅，又講到係威係勢，又話要等又話要盛好啦，諗住del咗個story費時人地以為我推佢地去試呢間劣食啦，del咗之後竟然走嚟pm騷擾我，話我咁做好過分，做promote做到咁都係第一次見，blocked+blacklisted呢間店，非常後悔入咗呢間嘢浪費金錢！

店員態度十分惡劣，只是禮貌上問一句餐點是不是在處理的途中 得到的回應十分之差 態度十分不好 因為有些餐廳會把餐點放到安全的地方以免被其他外賣員誤拿 所以我只是禮貌上問一句 得到的回應是態度十分不好的‘係呀’

甜酸齋非常正！😎最緊要係龍船湯非常好聽聞話係豬牛雞骨熬出嚟嘅湯有誠意到爆🥹聽講佢真係正到飛起😍仲未食過佢哋嘅咖喱雞扒飯下次嚟一定要試吓先😆 隔籬位食到心心眼😍

前兩日過來, 已經收左~言談下得知原來啲🍵湯賣哂就會收工。因為要保持啲新鮮有水準嘅料今日再來過。好少可有秋葵揀又有肥牛; 湯底揀左龍船湯(泰式口味)讚岐烏冬+秘製辣醬QR code 落單選項夠齊全; 蘿蔔有色夠入味秋葵夠爽~唔會太淋全店目測係家庭生意, 服務態度幾好銅鑼灣行過來食個車仔麵都值得嘅

車仔麵一向都鍾意食，出名嘅，都會試下。呢間用船麵湯底招來，船麵又啱我口味咁一定係呢款啦！車仔麵配船麵湯，係咩玩法。叫左酸齋，咖啡尤魚同冬菇，本身想食米粉，點知姐姐見我無點下午茶，佢即刻走過黎話幫我點，跟住改單係米線添。唔緊要，都啱食，加上服務好，見我無點下午茶貴D，即刻幫我點餐。先飲湯，都算正宗嘅船麵湯底，係正嘅。個酸齋都唔錯，唔硬，齋甜度適中，落左湯都保持到酸味證明入左味。但反而個咖哩尤魚D都無咖哩味，可以不試。冬菇都有驚喜，有一般車仔麵嘅傳統炆冬菇味，米線正常。整體酸齋唔多車仔麵有，試過幾間呢間我覺得值得一試，加埋船麵湯底，可以再黎 另外，飲品居然有美祿脆脆，一見美祿已經心心眼，真係無乜地方有很飲，仲要原來佢唔同美祿恐龍，係面到加末溶嘅美祿粉，而家真係脆脆，似早餐片個隻，呢個又加分，有機會再來

買碗粉想寫食評既，係買左返去打開，得半碗。一個正常size魚蛋粉面碗，得半碗。😑我叫船面湯底，河粉（$10），牛筋（$12），雲吞（$10）。加$5有凍飲，叫左杯凍袖子蜜。埋單$39。我係外賣，睇返張單，原來外賣加$2。不過我無睇到店面或者外賣落單紙有寫😒味道正常，船湯味比較淡，價錢亦okay，因為加$5有飲品。剛剛新開張，外賣餐具有特色，蓋上仲貼自己logo貼紙，感覺呢間店好會做門面功夫，這個手法能長久嗎？

一入到嚟就有員工熱情嘅招待😻迅速地帶位置同埋比qrcode我地落單🫰🏻落單後送餐都好快手車仔麵非常美味啲餸好足料😻😻食每一啖都有嘆為觀止嘅感覺🤩最鍾意係佢嘅解憂奶茶飲完真係解到憂吖💯💯總括而言係我喺香港食過最好食嘅車仔麵🫶🏻

菜式非常之多員工服務態度好食物品質都非常之好龍船湯一流🤩🤩同埋 客流量都好高 當地街坊非常支持最緊要係仲要好好食食過最好食嘅車仔麵就係呢間大家一定要試一試😍😍

見呢間幾多人食幾吸引咁都想去試吓，今日買咗外賣返公司食，四餸加飲料64😁，中上價位，叫咗腩汁牛筋、滷水雞翼、通菜同魚皮餃。原本想叫生根😁，忽然諗起有人話牛筋都幾好味，第一口幾好味，不過食真啲就知道唔夠入味，靠啲汁掛住好味啲😋。魚皮餃無乜特別，雞翼唔入味，仲有血水，湯頭幾好，汁就可以，少味精，呢間舖偏重口味。佢有得俾你揀多蔥少蔥多芫茜少芫茜多湯少湯等等，汁方面，佢有B哥辣汁揀，加埋船湯會變成酸辣湯，算係幾特別。但食咗幾啖之後，喺通菜度發現發泡膠粒，撩多下之後又見到有眼睫毛度眼眉毛嘅物體，當下有啲反胃，我估應該洗菜嗰位洗得唔夠乾淨，我諗應該未必再會幫襯了。

平日Lunch 係灣仔食飯，周圍都好多人，印以我選擇左2點後先食。行過見到有間新開嘅車仔麵，啱啱好見到有一個位，所以就入咗去食。下午茶，港式3餸1麵車仔麵$36，價錢好吸引，我問咩叫龍船湯，原來係泰國船河湯，用豬骨牛骨去熬湯，老闆娘仲好好咁介紹有邊幾款係人氣推介。41款選擇，唔算太多，但對於有選擇困難症嘅我，真係乜都想食🤪🤪數字最後，我叫左「龍船湯+咖喱魷魚+豬紅+墨魚丸配米粉」一放上枱已經好濃香嘅湯底，我話我冇叫到菜心，怕佢地俾錯左，原來老闆娘話想大家都有條菜食下，所以點都會搭少少菜俾大家，🥰真係好好👍🏻「咖喱魷魚」-唔算好辣，咬落去係爽口👍🏻👍🏻😋「豬紅」-好滑，同出面比較，係好味好多👍🏻👍🏻😋「墨魚丸」-食落去好香嘅墨魚丸😋🎉下午茶有咁平咁大碗又咁抵食嘅車仔麵。係港島區真係算唔錯👍🏻👍🏻👍🏻食完嘅時候，已經全場都坐滿人。幾好👍🏻Lee 間餐廳，雖然細鋪，位又唔多，最緊要係服務態度非常好，逐一介紹之外，有一個親切嘅笑容真係好緊要。非常推介同支持小店💪🏻💪🏻一定會再黎食。