Video
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
餐廳：初遇地點：西灣河太安樓菜式：台灣野餐牌：平日兩點至六點有下午茶套餐，主食20選1，有米粉、吐司、拌麵、飯、手工麵、小鍋等，好多選擇。套餐配飲品6選1，可以加錢升級餐飲。另外都有地道小食。慢煮烏醋豬軟骨便當 $56慢煮烏醋豬軟骨便當有超大碗白飯底，面頭有三大件豬軟骨，豬軟骨好淋，一咬就化，而骨位帶少少彈牙，超正！而味道好入味，酸酸甜甜醋味令人好開胃。伴有酸菜，椰菜，紅蘿蔔同粟米粒，色彩豐富，仲有一隻蛋角仔。烏醋豬軟骨 $82 唔夠喉仲可以單點豬軟骨，一客六件，份量唔少，醬汁撈飯一流。台南擔仔米粉 $45 米粉超滑溜，幼身吸湯，面頭加有滷肉，好夠味，中間有半隻去殼蝦，灑上蔥花同酸菜，簡單而好味道。初遇紅燒半筋半肉手工麵 $62招牌紅燒半筋半肉手工麵大大碗，手工麵係白色粗身有咬口麵條，個湯加左$3轉宜蘭沙茶湯底，超惹味，推介。牛筋三大條，好淋，食落滿嘴骨膠原。牛腱心兩大條，肉中間有好多筋，整得超淋，好好食。伴有好多鹹菜同蔥花。麻辣鴨血 加$16小食可以無限追加，無限一個餐只可以加一款。麻辣鴨血一客五薄片，好爽脆，面頭加上大量辣椒同花椒配蔥花，味道非常辣。鮮鳳梨水果茶 加$8鮮鳳梨水果茶加有新鮮橙片同菠蘿粒，味道帶濃濃鮮果味，而茶味唔會太濃。珍珠奶茶 加$8珍珠奶茶有好多珍珠係底，叫左少甜同少少冰，同行友人飲得津津有味。冷泡台南高山烏龍茶 跟餐冷泡台南高山烏龍茶係膠樽裝，好方便又衛生。呢度食物質素唔錯，最緊要係價錢非常街坊價，而且無加一，好抵食。裝修光鮮，座位舒適。
continue reading
今日喺西灣河做完野放工見到一間好耐之前食過嘅一間台灣菜餐廳叫初遇而且轉咗menu就入去試吓啦✨紅燒半筋半肉麵🍜加$6 轉咗麻辣伴麵🌶️上菜時見到麵好大碗🍜麵上有牛筋同埋牛肉各兩舊✌🏻牛筋炆到好淋👍🏻一咬就㫁，而且仲有陣骨膠原醬住個口牛肉紋理清晰可見一樣好淋，入口唔使咬就斷開🤟🏻食落仲有陣陣牛肉味加油香麻辣麵底亦好出色🤟🏻🤟🏻麵條仲有預先用麻辣汁醃過🌶️🔥令到每條麵都會掛有麻辣汁，相當惹味💦而且食完又唔會油膩食到落碗底仲有好多半肥瘦滷肉同埋辣椒碎麻辣加油香撈埋真係好好食😋✨古早花雕雞卷🐔🍗有六大舊上菜時仲聞到陣陣花雕酒香🍶每件雞卷都有杞子作點綴雞皮好薄，雞肉好滑好嫩口👍🏻食落冇咩肥膏，啖啖肉啱哂鐘意食得健康嘅人✨黑糖薑母茶🥃🫚杯茶好足料落單時仲可以揀要少少甜飲落薑味濃👍🏻飲完成日真係有股熱力走混全身🔥餐廳內部闊落坐位枱面整潔企理👍🏻通風亦好充足💨💨侍應態度親切咁上菜時會講出菜名同埋會放喺食客面前👍🏻👍🏻
continue reading
我約好友去位於西灣河筲箕灣道57-87號太安樓地下G25號舖的<初遇>食下午茶餐，環境舒適，裝修雅緻！我哋點咗：🥢二人套餐A $148📍滷肉飯&蔥油拌麵：滷肉味香濃，撈飯好食；拌麵軟硬適中有咬口。📍地道小食3款：士林鹽酥雞、古早烤台灣香腸、鹽酥福州魚丸：三款小食都酥脆可口，好味又好食。📍飲品兩款：大甲芋頭芋圓鮮奶 ：芋味香濃，鮮奶好飲。鮮鳳梨水果茶：果味清香。🥢彰化黑麻油雞翼手工麵（葱油拌麵）+ 花蓮地瓜酥（4件） +桂圓紅棗茶 $68麻油味香雞翼滑漏好味，地瓜酥香脆可口，紅棗茶潤喉好飲。🥢烏醋豬軟骨 $82豬軟骨軟腍入味，烏醋味香濃，好味有咬口。
continue reading
下午茶時段，最令人興奮是可以用較著數的價錢試食不同餐廳的菜式，今次就去西灣河品嚐台式美食。慢烤雞腿蛋吐司這款可算是雞肉親子吐司，新鮮脆口的吐司，包裹著嫩滑的雞脾肉與流心蛋，賣相相當吸引。咬下去的一刻，蛋汁混和柔軟多汁的雞脾肉，口感豐富，滋味無窮。蜜汁滷排骨手工麵作為下午茶，這件大豬扒確實有驚喜，伴隨的蔥油拌麵爽口彈牙，與滷汁和燥肉混和一起，非常入味，忍不住一口一口吃下去。脆炸的排骨搭配黑醋汁，酸酸甜甜，十分開胃，唯獨排骨可能有點過火，肉質相對硬了一點，不過整體味道還是很好。食台灣菜又怎少得珍珠奶茶呢？這次選了黑糖和芋香口味，味道不過不失，但如果茶味可以再濃一點便更好。由於配上濃味的菜式，微甜的奶茶仍是不錯的選擇。食店提供的下午茶套餐種類也不少，除了以上菜式，還有牛肉麵、滷肉飯、蛋餅等地道美食，同時食客亦可因應喜好選擇套餐飲品，各式其適。
continue reading
店面雖然不大，但佈置得溫馨雅緻，充滿台式小店的文青氣息，坐下就能感受到那份台灣特有的親切感。餐牌上的選擇不多，但每一款都精挑細選，主打台灣地道小吃和特色飯麵。我最愛他們家的滷肉飯，滷肉滷得軟糯入味，肥瘦均勻，滷汁香濃，淋在粒粒分明嘅白飯上，再配上半隻滷蛋，簡單卻幸福感爆棚！每一口都是濃濃的古早味，彷彿回到台灣夜市的小巷裡。除了滷肉飯，他們的鹽酥雞也炸得香脆可口，外酥內嫩，灑上胡椒鹽，滋味無窮。還有那杯經典的珍珠奶茶，奶味香濃，珍珠煙韌彈牙，甜度恰到好處，完美搭配各種小吃。
continue reading