麥當勞 (星光行)

Open Now

Now Closed

今次麥當勞推出左一隻新既滑啫啫奶昔，我本來就好中意士多啤梨味，所以即刻黎試試。味道上黎講都係士多啤梨味好好多，我應該唔會再買呢隻啦。不過間唔中有新嘢試下都ok既。

平時喺海港城返工食飯都比較貴，所以有時會買定麥當勞早餐放到中午食，貪佢價錢平啲同埋個份量啱啱好😂唔會影響到晚餐嘅胃口。今日叫咗板燒雞腿扭扭粉加蛋。其實我係第一次食呢個組合，通常都係食漢堡扒，不過今日諗住板燒雞腿好似健康啲，熱量冇咁高，又冇咁熱氣。畢竟啲人成日話減肥食麥當勞都係揀板燒雞腿比較好。雖然碗粉放咗咁耐，但係除咗啲粉浸得腍咗少少之外都冇乜其他特別唔好。想慳錢嗰陣咁樣買定都的確係一個唔錯嘅選擇啊😂

今日真係麥當勞之日，因為我今日一日兩餐都食咗麥當勞啊，朝頭早食咗mc griddle，晏晝都係再食麥當勞啦，今次就食吓佢嘅新嘅巨無霸，本身以前巨無霸係用漢堡扒肉肉，而家新嘅巨無霸轉咗脆雞肉肉，成為一款新嘅脆雞巨無霸，見到佢個名咁好聽，真係要試一試啦一食落去，完完全全冇一個新鮮嘅感覺，有少少失望囉，只不過係一個麥香雞包嘅味道，只係一個兩層嘅麥香雞包，所以完全唔係一個好好嘅賣點，唔明白麥當勞點解會選擇佢做一個新款式

已經唔係第一次。。。我每星期五都幫襯，但竟然可以連續3個星期都比漏野，我已經喺人流唔多嘅時間落單，負責出餐個同事係唔識字定點？真心建議炒左佢唔好得失d客。叫左麥樂雞就比得盒甜酸醬，無左件雞。叫左蘋果批又比漏左。

我喺麥當勞最鍾意嘅，應該就係新地筒雪糕 見證住佢有2.X 價格加到而家差唔多$6 都係會肯俾錢去買 因為真係回憶黎🤤🤤 間唔中都有好多唔同嘅新嘅口味 但係食嚟食去都係最鍾意原味❤️❤️

最近我去 McDonald's 試咗佢哋嘅脆辣雞腿包餐，真係好正！以下就同大家分享下我嘅感受。雞腿肉炸得剛好，外面 crispy，裡面又好嫩，咬落去有種層次感。Spicy 味唔算太勁，啱晒大部分人食。每一淡都令人滿足！雞腿包入面有新鮮生菜同番茄，增添咗清新感，唔會覺得油膩。 sauce 嘅搭配亦都好好，令整體味道更加出色。我仲配咗薯條同可樂。薯條外脆內嫩，真係經典，咁樣食真係好搭。可樂又清爽，令整個用餐體驗更加好。麥當勞嘅脆辣雞腿包餐真係好食，無論口感定味道都好令人滿意。如果你鍾意 chicken 同 spicy 嘅味道，呢道餐絕對值得一試！下次去 McDonald's，我一定會再點，期待再享受呢份美味！

麥當勞最近新出咗呢個楓糖班戟漢堡，呢個真係好好食，鹹甜嘅配搭完全係一個極新鮮嘅處理，但係佢嘅熱量都係非常之高，食咗半份都已經覺得好飽，已經冇空間再食埋薯餅啦，所以下次都係同朋友開心share先

喺香港終於可以食到McGriddles唔洗返鄉下喇!!!唔知點解味道好似香港爭啲啲..可能係環境影響🤣🤣 外層甜甜既鬆餅配埋鹹香嘅豬柳估唔到咁配😙記得要叫有蛋果款!!!! 抵d.. 雙重享受

平日好少食麥當勞，但早餐除外雖然麥當勞常常被標纖係唔健康既食物，但係其實如果去茶餐廳食早餐，都唔見得好健康吖😆由於公司樓下就係M記，而且可以遙控🕹️訂餐，一去到就即刻拎走🏃對於經常徘徊喺遲到邊緣🙈但又要食早餐嘅我 真係一個好便利嘅安排🤭今日食好d 試下 MC CAFE 既 菠蘿雞肉意式包 同凍即磨鮮奶咖啡 $43💰麵包就好鬆軟🫓，菠蘿雞肉好夾🍍🐔Coffee☕方面 自己本身唔係好高要求😬 呢個價錢仲有個包😋已經覺得好常好👍👍

我仲記得早兩三年前麥當勞嘅質素都還好嘅而且佢每個月都會推出唔同嘅新包，或者新嘅食品，但係睇返呢一年佢嘅新款都係不外將啲big mac轉做雞 mac，而且佢個程式叫外賣又又複雜咗，每一次去到等攞餐嗰陣其實都感覺有啲混亂，不過都唔緊要喇，我都係重視返食物嘅質素不過今次嗌咗個外賣餐，我見到啲薯條都係不堪入目，我仲記得記得上一次嗌咗個麥樂雞四件佢又係唔記得家長再上一次佢又漏咗個蘋果批畀我，其實係咪麥當勞轉咗股東呢嗰啲營運政策嘅服務質素好似真係有啲下降我希望可以慢慢改善返啦。

又出新品了！好软好嫩哟滑蛋午餐肉汉堡🍔一口咬下完全毫无阻力，细腻的滑蛋既厚实又绵密，仿佛是轻轻柔柔的一股风吹过了舌尖，蛋液的丝滑更是滋润了肉饼和面包🥯，让味道变得既融合又很满足珍珠奶茶风味麦旋风🌀果真是加了珍珠，吃起来会稍微有点甜，不过口感上倒是挺丰富的我爱麦麦

今日決定嚟麥當勞放個大啖，一試佢地個將軍漢堡，俾我話你知，真係出奇地惹味！漢堡扒香噴噴，煙韌得嚟又汁多，醬汁味濃郁中帶點甜，好夾實！定食嚟個粟米，爽口得滋，咬落去粒粒飽滿，跟杯宇治綠茶珍珠鮮奶，😌添增咗迷人茶香，珍珠QQ嘅，軟硬啱啱好。飲品部分，McCafé個咖啡真係唔輸專門嘅咖啡店，拉花靚仔到不得了，而牛角包鬆脆得嚟，啖啖牛油香，好滿足。再講下呢個雞翼，啖啖肉哂骨香，炸得香脆，外酥內嫩到令人一試鍾情。依家講到口水都流晒出嚟，下次我仲會再黎試埋其他新鮮嘢！食得開心，心情都靚晒！🍔🍟🥤

每到新年就會出呢個黃金脆薯牛堡，每年都會食番一次😂😂黃金脆薯牛堡這款牛堡夾左脆薯餅作為賣點，應該會增添了獨特的脆度和口感。但今日嘅薯餅已經完全淋左，所以唔係好食得出個口感。牛肉一如既往嘅味道，有少少黑椒汁的適量使用提供左一絲微辣的味道紅豆年糕批紅豆餡料的甜度適中，口感綿密細膩，年糕皮的口感尚算軟糥。薯圈今次炸得金黃酥脆，好好食凍檸茶唔想飲甜嘅唯一選擇小總結❤️❤️❤️📌雖然每年加價，但都係間中會想食下😋

好耐冇食麥當勞 諗住試吓新出嘅阿華田批 結果好失望 有陣好苦嘅味道 唔夠阿華田味 同埋都幾漏 食咗一啖都唔想再食 似流心都多醬 唔脆 可能擺耐咗先食更加麻麻 熱啲應該好食啲啲 流心效果會出啲

今日香港開始轉涼，唔知點解就係咁涼先想食雪糕🤣麥當勞最近做緊阿華田雪糕系列，一直都好想試，今日終於俾我試到！阿華田雪糕味道濃郁，唔會太甜，d 阿華田粉係雪糕面，食落有脆脆地嘅感覺！