麥當勞 (益新大廈)

Open Now

Now Closed

昨天同honey去m記食早餐，佢叫了新出的脆魚手指餐，一咬......立即吐番出嚟，又靭又難食.....咬多一口....都係頂唔順，又吐番出嚟!!! 同服務員換番早晨全餐，白白蝕了3蚊(2個餐相差3蚊)!!!!最近都覺得m記差左好多，d薯條都難食左好多....唉...!!!!

呢期麥記推出24 小時McCafe 咖啡, 就連平時只在McCafe 分店供應的latte 和cappuccino 都24/7 有得賣, 對我呢個咖啡來講簡直係功德無量! 夜半三更, 四野無人, 可憐我還得趕工, 急需咖啡因充充電, 此時連星巴巴都已休息睡覺去了, 好在還有麥記。還原基本步, 就來杯McCafe 優質即磨咖啡($10.6) 吧。感覺上總覺得係發泡膠杯咖啡借屍還魂吊高來賣, 不過我太久沒喝過也就不要緊了, 起碼用紙杯裝沒有那種怪膠味啦。味道也不差, 起碼不會淡茂茂, 還有咖啡香味呢(有些咖啡是真的沒有咖啡味的)。不過, 夜媽媽飲到杯即磨咖啡喎, 而且價錢不算太貴, 收貨有餘。雖然愚見認為麥記賣的大部分都是垃圾食物, 不過絕對不是臘鴨, 以市場觸角來說比其他競爭者還是佔上風。

個椒財板燒雞腿飽,好好味就一定無佢份,只係算得上可以,黑椒味不重,只有少許辣,雞腿肉當然係”鞋”口啦!薯圈炸得好脆,這一餐最得的就係個包裝,睇見個包裝都開心!仲有利是封送!

因為某D原因，所以個個星期都要黎呢間麥記食野。今次要講下佢D服務D counter真係唔掂囉。去左3次，次次買野唔計排隊都至少用左4分鐘。話明快餐店就梗係無乜時間先食啦，但計埋排隊就用左成10分鐘，根本無時間俾我食野。D職員一係無記性，一係就聽錯晒。上次話要豬柳漢堡餐但薯條換脆薯皇，佢竟然斜左個新出既雞包餐我，仲要慢條斯理咁慢慢執。算喇，我趕時間唔同佢講話換返。今次話要個蜂蜜雪梨茶同粟米杯，又俾錯左檸檬茶……

正如前一位所講，呢間舖頭真係唔多掂唔係話佢d食物，而係裝修....有乜理由廁所後面有位架個廁所又細到死只係入得一個人...!!去過呢間M記幾次，周不時都見到好多阿公阿婆，個廁所咁樣，老人家好易跌親所以奉勸所有人帶老人家去呢間Ｍ記要好好睇實佢地

野食就間間都差唔多，但係地方黎講，呢間可以拎第一名，係最差環境的第一名。得獎原因：1. 卡位走廊位夾硬加多張圓凳卡位就梗係四個人坐啦，加多張凳，坐又坐得唔舒服，又阻住個走廊，又唔夠位放多個餐盤，又唔好睇。作為國際商標的麥當勞，點可以容許有分店「加位」？2. 廁所後面設桌椅.個廁所又唔係香，點會係個廁所後面加檯凳？有位唔好o徒？加上呢度係後巷通道同員工locker位，係度加檯凳係唔係有D阻住晒呢？3. 超密+矮桌椅廁所後面D檯凳，正常成年人或者青少年人都冇可能坐到，腳位放唔到，背脊又頂住牆，一張咁o既圓檯仲要擠八張咁o既小朋友凳，點坐？另外，呢度衛生唔得，見到有蟑螂，檯凳污糟。麥當勞應該有一定的標準去控制環境，但點解呢間會咁？