6
4
0
Opening Hours
Today
07:00 - 23:00
Mon - Sun
07:00 - 23:00
Above information is for reference only. Please check details with the restaurant.
McCafé榛子朱古力小雞蛋糕禮盒裝(2件) (by 麥當勞App 優惠卷 $54)賣相：🐧🐧🐧🐧🐧味道：🐧🐧🐧🐧蛋糕為可愛小雞造型，表面平滑圓潤，十分精緻奪目。蛋糕每個以膠罩覆蓋保護好，再入自家設計復活節紙盒包裝好，賣相討好。味道方面，蛋糕外層為榛子朱古力慕絲，口感柔滑細膩，朱古力味足，甜度剛剛好。內裡配有榛子朱古力脆脆內餡和海綿蛋糕，內餡朱古力味特別濃郁香醇，脆脆口感佳、鬆化可口，但略嫌過甜過膩。🐧❤️結語：應節、可愛、味道又不錯的小雞蛋糕。備註：15/4/22-17/4/22 復活節限定。
continue reading
見天氣開始凍，當然要歎返杯熱朱古力暖下身。見McCafe最新出咗聯乘Maltesers嘅麥提莎熱朱古力，當然要試下。叫咗Combo set $42有麥提莎熱朱古力同新餐肉蛋沙律意式飽，都幾抵食。麥提莎熱朱古力勁香濃，飲完即刻暖笠笠!為咗配合聖誕節熱朱古力用咗聖誕版紙杯，非常有聖誕氣氛，背面仲有鹿仔圖案，非常可愛!跟熱朱古力仲會送一包麥提莎，就咁食又得、飲一啖熱朱古力食一粒又得，壓碎做麥提莎脆脆撈埋熱朱古力飲又得，得咗!同場加映嘅喺新餐肉蛋沙律意式飽，素餐肉厚切加埋蛋同芝士，非常有滿足感。#mccafe#mccafehk#maltesers#chocolate#merrysweetmas#新餐肉#OmniporkLuncheon#hkcoffeeshop#hkcafe
continue reading
接了肥髀去淘大商場，佢想食麥當勞，呢間地方大，疫情期間入場會探熱，快餐在自助機點餐，我想飲Mc Cafe咖啡，就在旁邊櫃檯落單，點了一杯熱Long Black，只有一位男店員，佢好快手沖好比我，堂食區與快餐共用Long Black(s size)喜歡見到是瓷杯，成杯咖啡即刻高分晒，不過抗疫期間，鐵匙轉了膠匙，我不落糖及奶，咖啡夠熱，味道微甘唔澀易入口（沒有酸味）解膩好好！這個價錢抵飲男店員少言，不過好爽手，八達通比錢方便，比埋儲分卡（其實咁耐都未試過儲到一杯咖啡）如果用埋apps儲分會更便捷！
continue reading
我較喜歡喝港式奶茶，故一向甚少光顧McCafe，即使幫趁也只會買紐約芝士餅。昨日下午經過，偶然見到門外的宣傳「易拉架」，下午茶組合竟然只需$32。於是今日便速去幫趁。優惠如何抵食呢？以我今日點的Mochaccino朱古力泡沫咖啡+New York Cheesecake紐約芝士餅為例。單點中杯裝咖啡$30、芝士餅$28（合計$58）；平日已提供的優惠是：買任何中杯裝咖啡，加$18可配芝士餅一件（合計$48）。而現在，於優惠時段這個組合只需$32！落單時服務員已表示，即使是堂食，咖啡會以紙杯盛載。因此，咖啡表面給杯蓋覆壓過，變成「一pat嘢」，無復「靚仔外貌」！至於味道，今日兩樣都有點失色。Mochaccino甜到膩喉，朱古力味完全蓋過了咖啡味，我要加一杯熱水來中和，味道才均衡點。而那件芝士餅，平日是濃厚而軟滑的，今日卻是綿軟和鬆散，相信是因為餅櫃不夠凍所致，故大大影響了口感。下次再試時，希望會好點吧！
continue reading
淘大M 記裝修完, D枱整到細哂.好窄.......但D 牆身就整到好HIGH 咁, 入左黎一D都唔覺係M 記... XDDD升左級咁款!XDD今次黎係想試新野,.. 上次已試過朱古力千層, 又幾好食, 所以今次出左士啤梨味就特登試下~散買要$27.5 一件, 跟飲品就只需加$17. 都OK 既, 好多小店都賣緊呢個價, 不過就只係外賣啦~咁呢度有得坐, 重唔理你坐幾耐tim. 係咪抵哂？講返件cake,整體唔差， 我幾中意。上次食完朱古力覺得唔錯， 所以今次試新味~我食左士多啤梨味先， 唔會太甜又會有微酸， 好似幾真材實料。。 係咪真定添加劑我就真係唔識分了。到食完士啤梨再食古力味時， 即時覺得古力味好甜呀。 要飲水。。。。 士啤梨個味清d. 冇古力咁濃。有時係淘大想食甜品時， 又唔想等位咩？呢度都係一個唔錯既選擇。
continue reading