美心MX (Closed)

10月裝修，11月16日重開，昨晚去吃了一餐很滿意的晚飯。裝修完很光猛乾淨，中間一張長檯放了幾部迷你電視，正在播ESPN。老公要了叉燒油雞飯。我要了香草汁煙火腿闊麵，湯是波士頓忌廉海鮮湯，還有一杯飲品。個海鮮湯是蕃茄底，不是白汁，好多海鮮粒粒，幾好飲，只是稍為油了少許，個闊麵好好食，香草味很香，不是一味打獻那種，頗有高級餐廳的水準。叉燒和油雞亦保持著美心一向的水準，薑蓉很多，但不會「油淋淋」。老公最喜愛吃他們的糯米雞早餐，他說是城中最好味的糯米雞。我們走的時候看見有人拿著一盆火鍋生料，好大盆，好多肥牛肉，下次要試試。

好耐之前已經發覺美心快餐0既食物退步0左好多（本人曾多次目睹美心員工喝罵食客，心驚！！），所以真係好耐無幫襯而轉投大快活0既懷抱，今日lunch唔知點解又心思思想俾個機會佢...點知...叫左個四寶飯，凍啡少甜外賣。講真，『四寶』裡面無樣係寶，不如改名『四草飯』把啦~紅腸無味，叉燒無味仲要好似擦膠咁韌，雞都好d，食到雞肉質感，但味道欠奉，最後咸蛋~我覺得佢應該重新取名為咸蛋白，半隻咸蛋我淨係0係蛋白裡面先見到dd蛋黃...0既油...真係皇恩浩蕩!!last~一杯凍啡，一貫怪味啡一杯，得個苦。結論：半年內我唔會再去美心。

今日下午黎食tea,$12磨菇芝士火腿多士+即磨咖啡,多士吾錯,足料而且脆帶微"濃";而咖啡只屬一般.始終不及大快活的好.比較下呢3間:環境:大快活全新裝修,自然略勝一籌.食物:其實差不多,美心及大家樂d奶茶好食,但大快活既咖啡最正!價錢:大家樂最貴!服務:大快活及大家樂都很pro.

其實我不嬲都唔鐘意食美心,不過下午茶既燒鵝瀨真係唔錯!湯底好濃味, 瀨粉又入味, 口感唔錯, 好滑,已燒鵝唔肥, 所以好好味