美心MX (Closed)

優生冬瓜盅幾清幾好味...燒味沒有失水準.

不經不覺, 公司成為真正的女兒國。受家母所托訂下到會招呼一眾亞姐。選擇美心, 因為1)恆生咭有八折同埋2)可以在其他分店訂, 旺角分店取(大家樂就因為無呢個service而被放棄)。食物食味真是不欲多提, 不過都叫做有睇頭。女兒國中, 沙拉最受歡迎, 真係有幾多清幾多。個人最欣賞肉醬意粉的肉醬, 肉碎有咬口得來又有洋蔥的香味, 其實快餐集團的肉醬, 好多時比好多所謂"西餐廳"好吃得多。火雞一大頭, 附送火雞汁及黑椒汁各一樽。個人口味屬意火雞汁gravy。拌著惹味的汁, 火雞肉再鞋, 都能連吞兩件。

北上公幹，在這個KCR 站吃個早餐才上去。我點了份「奄烈早餐」（$19.5）：磨菇白汁雞肉奄烈（蛋包略嫌粗糙）、鮮原茄（料先調味恰當）、多士、牛奶麥皮（濃稠幼滑）、熱奶茶（香濃）。同事點了「中式早餐」（$12）：糯米雞（份量不算很大，味道一般）配茗茶同事嫌糯米雞份量少，另點份「蘿蔔糕」（$9.5），煎起九萬光年，味道一般而已。質素無上次好！

北上公幹前，跟同事到這兒（MK KCR 站）吃個早餐。週六早上七點半，不選太多人，等數分鐘便有吉位。食客多是中年男人，睇馬經的為最多。我點了「排包早餐」（$19.5）：有一份煎蛋白（扮健康）、豬柳（鬆軟好味）、薯蓉（調味好好）、茄汁焗豆、排包（美心出品，烘過，脆脆的）、鮮茄通粉（唔油膩，茄湯調味好好）。餐飲選了熱鴛鴦，幾好味！同事點了「雜扒早餐」（$25.5）：有一隻煎蛋、火腿、腸仔、牛扒（港式蘇打牛扒，幸好唔乾）、茄汁焗豆、蘿蔔糕、牛奶麥皮（沒下糖）、凍檸茶（玻璃杯上，賣相好漂亮！）。凍飲加三蚊，麥皮加三蚊，結果要成廿五個半！貴價港式早餐。比「大家樂」好好多，有得選，都會再幫趁美心快餐。另：早市店長幾型仔，打扮時髦，工作落力，有特色。

寫的是銀行中心分店。經過一天的辛勞(特別今天沒有食lunch)，約了男友晚餐，選擇到這兒是因為出了火鍋船。又是兩人一條船，火鍋料比較少，價錢相對地比大家樂平小小。牛肉不新鮮，但是有鮮茄湯底，幾fresh。新裝修後感覺很光猛，還有tv睇，很照顧一個人食飯的人。黃昏後能與你一起晚餐，確是一件賞心樂事。

果晚同男友2人,一人叫左set 扒餐, 但D 薯條可欲係未熟架, 真係咁大果女都未見過, 就算去扒至之王都唔會咁囉!足PIZZA HUT, 勁勁勁難飲!我真係第一次見識美心咁CHEAP !

我o個區原本有間美心，以前成日幫襯，但摺左之後呢幾年黎幾乎完全冇去過美心食野...先黎個時光倒流...N 年前某一日，有個細路成日都去美心，最鍾意就係佢D 炸雞籃，每次都係落左order 先整，所以新鮮滾熱辣，一流，仲有o個杯用鮮奶沖既凍好立克/ 華田，第度真係搵唔到咁既味道... 返黎N 年後既今日，有條友無啦啦扯起條根想飲鮮奶華田，可惜而家杯華田已經變左普通貨色(或甚至比普通茶餐廳更不如，因為飲落杯野就算D 冰融晒都係暖既...)。雞籃嘛... 冇左雞籃之後換黎既係燒雞翼拼盤，價錢冇加，質素喇喎... 成碟野有兩隻雞翼，一條唔知咩腸，一大堆薯條，同一支粟米... 除左支牛油粟米叫做熱熱地味道還可以之外，其他o個D 真係唔熱得黎味道又差... 有杯石板街咖啡想試下既點知行到去囉野先話我聽冇...食既就講完，環境... 始終係一間快餐店，我都知唔可以點強求；服務... 佢服務態度就冇乜野，之但係個個都手腳慢好似唔憂做咁，條龍就黎排到出門口... 食完野想洗下手，行入廁所... (......) 真係諗起都幾乎嘔番晒D 隔夜飯出黎...大家樂大快活近年係咁賣廣告，美心就好似一路都死氣沉沉

一碗菜乾豬骨粥+兩件珍珠雞豬骨粥好綿珍珠雞一口就可以吃盡肉汁精華+糯米,很正!

吃了一個好多澱粉質的早餐一籠珍珠雞及一碗菜乾豬骨粥喜歡他的珍珠雞, 的式但卻已把精華全放在內菜乾豬骨粥的豬骨好淋,好好味但是環境不太好..好似好不衛生似的

尋晚突然好想食叉燒, 家姐話非美心叉燒唔食, 唯有專登行過黎旺角唯一一間美心快餐斬料!要左$15叉燒, 再加$20卥水墨魚. 本身都想要d燒肉孝敬父親大人, 但係原來最少要半斤, 唯有作罷.唔知佢地係咪同一個工場做,但係我覺得呢兩樣味道都較canteen淡, 叉燒無咁甜, 墨魚無咁鹹. 我覺得canteen叉燒好食d, 不過墨魚就差唔多.

見到海佈張相影得咁靚就試下，隻荷包旦是OK的，D飯就焗到硬晒，塊炸豬扒又乾又吾脆，仲要26蚊，一世人一次。

約了朋友去街，但早到，就決定吃個早餐。要了火腿、雙蛋、多士及熱奶茶。沒有一樣是熱的。火腿、雙蛋好多油，多士像沒烤過，白白的。奶茶不熱。就算只是$16.5 都不值。想不到美心差到這地步。