Maxim's MX

今晚食快餐。揀嚟揀去，為咗杯奶茶揀美心mx。晚市剛開始，見有蕃茄炸魚套餐好似幾吸引，咁就揀咗佢嘞。 呢個係送餐嘅，喺位等咗幾分鐘。員工送餐過嚟嘅時候，我抬頭一望，當時表情如標題咁“嘩！” 點知個員工仲興奮過我！雀躍地笑住同我講: “好大條呀！我哋都忍唔住影咗張相呀！我從來都未見過呢到有咁大條魚呀！發達囉！” 😂😂😂😂 咁佢比我想像中係大咗一倍嘅。嗰個魚頭好似個拳頭咁大。個餐有條魚，一盅湯，一碗飯和一柸中國茶。四十幾蚊，其實都幾抵。自己多杯奶茶，都係五十幾蚊。 本來係為咗杯奶茶，估唔到得到咁大嘅驚喜和愉快真摯嘅服務。😁😁ps. 呢間MX 11月30日會搬到美孚萬事達廣場。…Read More

我由於skip左個lunch, 就搵個下午茶食下，為方便都係食快餐。見到呢份燒鴨米粉廿零蚊就試試啦。份量當然係下午茶應有既份量，即係唔太多，不過聞落幾香。燒鴨都夠香，因為有脂肪黏住皮與肉之間，鴨肉唔叫滑，而肉味唔算重浸埋上湯就剛好，至於份米粉就無甚特別。…Read More

今日下午茶食呢份最近出既餐，包裝上看似新，但實質新酒舊瓶。先黎碗火腿絲米粉，無什特別一向既快餐水準，米粉軟硬度算適中。而主角係呢個熱狗，麵包有淡淡牛油香，中間有雙色腸，略嫌幼身，腸味一條普通腸味，另一條就淡d, 仲有個沙律醬加生菜提升清新味道，30元仲有找就不能要求更多。…Read More

行開美孚，想搵好野食但覺得美孚的選擇又唔算多於是決定去美心簡簡單單又一餐五寶飯用料多多，個咸蛋黃好正！紅腸真的咸了些少，BUT 配白飯真不錯油雞與叉燒亦油香撲鼻燒得味道好其實37蚊再減3蚊現金券唔算貴的質素之選…Read More

轉涼啦唔知食乜好，黎到美心見到有新野，膽粗粗試下呢個麻辣雞煲。自己一個人一煲，雞既份量都唔少，賣相OK，雞既麻辣味都幾夠，辣度算剛好，加埋其他配料洋蔥同薯仔，係幾惹味。雞煲食完就加雞湯好似打邊爐咁，有生菜同金菇呀咁，加上雞煲麻辣底都唔錯，一個雞煲可以兩食，一個人幾滿足。…Read More