美心MX (Closed) View

港式叉雞飯 🙈🙈🙈🙈 美心快餐夜晚食叉燒切雞飯~39蚊，包一杯汽水，啲雞都幾肥~叉燒半肥瘦 個飯正正常常啦燒牛肉 其實應該叫燒牛肉乾^_^肉質真係11成熟ge！不過勝在夠多菜而且冇澱粉質 （除咗啲薯仔之外）另外會有黑椒汁或者洋蔥汁畀你 雖然鞋d 但係overall都ok嘅D黑椒汁就係早餐嗰一種Rating: 6/10

第一次有機會係公司附近買個下午茶食，明顯間間餐廳都一樣，早餐下午餐都比午餐晚餐抵食，除左價性比大好多外，而且仲好食好味好多嫁。L1豬扒+是日湯粉面31.5是日面面係雪菜肉絲米，不特別，度度出品差唔多。豬扒包，須簡單，但包熱脆，豬扒掩到剛好又淋軟，洋蔥炒得香，雖然無其他料了，但都滿足。加3凍奶茶今早忘了拍，現在醒起喇。奶茶味刺台式感覺，奶多茶少。

今日happy反工day，自然要食反個好早餐啦。E3餐30魚柳加旦的組合炸得好香脆既魚魚，太陽旦亦好正斗。多士加了牛油外脆內軟。加6火腿通粉份量唔多，但不會煮到一pat咁，感覺唔錯。加3凍奶茶奶同甜味較茶味濃

新裝修後感覺唔同好多，價錢整體加了十蚊左右，但好刺好食不少，先係奶茶入左外賣杯，感覺衛生d，而且個午餐肉牛扒飯，望落唔曳，食味改進不少，可能因為轉左廚啦。相對裝修前最好食既咖哩豬扒飯我都只食到塊扒就全部掉曬食唔到真的好好多啦。

前兩日知道裝修完開返今日就同同事去食lunch~來到見到有好多新菜式，有越式湯粉又有泰式雞飯，唔洗成日都係食燒味同果d扒飯，我叫左椰汁香飯配烤焗醬油真味雞，賣相吸引又好香醬油味，同事就叫左紅咖哩燒鴨椰香飯，咖哩非常之香！！！ 而且份量都非常足夠喺中環區四十幾蚊食個午餐真係好抵，等我聽日過嚟再試下其他款先😜

話說和友人想到Deli and Wine 吃午飯，適逢閉門裝修，炎炎夏日下不想轉地點了，就膽粗粗的到這快餐店一試。友人說還有5分鐘才到達，故我想先找位置坐下。等了一會，座位是找到了，友人亦到達，故我繼續坐下，友人去買飯。餐廳在中午時是頗繁忙的，故排隊買飯亦見人龍，友人通知我飯票已買到，只是等待拿飯。這時，惡夢開始了...... 清潔阿姐不時在餐廳在大聲呼叫，問：「小姐，你究竟買左飯未架？你坐左好耐啦喎，我地d位係要買左飯先坐得架！你睇，好多人等緊！」(眼見一捧著餐等候中)我：「買左飛啦，朋友拎緊。」阿姐：「你拎左飯先可以坐低，我要對其他人公平d！」我：「我朋友買左飛，拎緊過黎呀！」 另一阿姐：「係囉，人地買左等緊位啦，你咁都好意思霸住d位既！」阿姐：「係囉，坐左好耐啦！」我：「......」 未幾，朋友迅速捧餐而至，阿姐始收聲。坦白說，在有人等候時，我霸佔了座位少於五分鐘(其餘的五分鐘我身邊都是有其他空位的。)，但這五分鐘聽到的是二人高聲和惡意的批評，眾目睽睽下，壓力奇大。若不是買了飯票，我想我會速逃。餐廳內並無告示說先買票，後等位。我明白地方是少，但是食客如若三幾人想一起吃飯，先找位

10月1日國慶日晚間去了附近美心快餐。點咗個咸旦蒸肉餅飯配冰滑奶茶。。個咸旦好正。配蒸肉餅混入白飯超好食。加入個極品豉油混入白飯都好食。個蒸肉餅肉質好嫩。杯冰滑奶茶無冰。飲落根本無因為有冰塊而溝淡味。杯奶茶冰凍好飲。值得推介。

當天打算到AIA遊玩，在附近的美心MX解決午餐。Order了一個焗豬同叉燒鵝飯。吃了數口，已經不想繼續吃下去。焗豬排飯的豬排不似豬扒，腍得像豬柳。飯被稀得像水的番茄汁弄得像糊仔。叉燒鵝飯比較正常，但叉燒和燒鵝的肉質都是「梅梅地」。雖說快餐不能要求太高，但以這個價錢能到大ｘ樂和大ｘ活吃到質素較好的食物。

終於，在這裡我找到一樣「食過翻尋味」的「快餐」菜色，就是「珍寶脆脆雞扒」(不包括那些「瀾飯」)。「珍寶脆脆雞扒」外皮超鬆脆，吃進口用門牙咬開時真的是「颯颯聲」。但內裡的雞肉又不失嫩滑。「MX」竟然又可以重拾「快餐之王」的風範，就是靠這塊「雞扒」。可惜的是，那些飯，依然是多麼的「濕 」，多麼的「瀾」。根本配合不到那「雞扒」的質素。深信因為那些飯是「本店」製作，未經中央品質測控，營成這樣的結果。$28元一個這樣的飯盒(因為用了優惠券)，連「可樂」，在中環來說可算是超值(撇開瀾飯不提的話)。在旺角？28元在地舖相信只能買到那塊超巨大珍寶雞扒。

美心mx的喇沙米線餸: 肥牛, 豆卜, 椰菜, 香茅雞翼喇沙味不太辣, 有少少奶香味, 但一定唔係惹味;簡單來說, 這是一碗即食米線全部料都是執落去, 趕急的人必食首選 ! 香茅雞翼雖然凍, 但係廚部同你另上, 唔驚浸到塊皮lum哂

天地良心，講寫「膳稿」，我未有資格; 講寫衰人，我同「美心mx」只有食客關係，絕無私人恩怨。在我的自我介紹，亦都講明，你整得好食，我會讚; 你整得難食兼無反省，我會彈到你爆。openrice這個平台，就是鼓勵了我們這班食客發表意見，致使業界能有自我反省以及帶出良性競爭以至提高香港飲食業的目的。這裡的美心mx，是我見過那麼多間之中，最差最差的一間: - 職員對顧客的態度，一絕的「差」; 曾經看過他們有職員「喝」食客，「藐」食客......情況令人汗顏! - 食物質素，「差、差、差」!; 這裡品質之差，令我會遐想到，這裡是否會是美心mx的「次貨」散貨場呢？以上情況，已經向他們的「所謂」的「熱線電話」反映過，聽電話個位小姐那種豪不著緊的態度會更加激死你~! 唉......!引發我爆發我積壓多時的不滿的導火線，是今天中午的「雙送飯」: 北菇蒸雞、涼瓜排骨。問題出現在「北菇蒸雞」，變了「北菇泥漿雞」~! 那些雞肉，溶蘭到變了泥漿似的!我問同事: 「你知道這是甚麼嗎 ？」同事回答: 「肉醬？肉絲？」我回答: 「北菇蒸雞~!」同事回答:「雞來的嗎？看不出!!!」以前的我，應該已經拿著那個飯盒到那間美

不是因為想為裝修過後的大會堂美心MX, 我都唔會諗到會為一間寫過, 同食過多次的快餐店, 寫下我的第二篇. 今日點解要行到黎大會堂美心, 不是看 show, 而是要去一去圖書館, 為決定去邊 Honey moon而去搜集資料. 借到書之後, 就落樓下食完先走.香港三大免費報, 如果你每天都攞齊的話, 相信你手中或眼見不少美心 cupon, 近來貪方便, 又有cupon, 美人差一點變成我同同事的每天飯堂.今天食乜好, 每況愈下的燒味己經淪為買外賣的費事諗之選. 今日堂食, 選擇都係果幾味. 原始的有煎蛋肉醬意. 又快, 又平. 就這個吧. 大會堂美心mx, 廚房小小的, 所以肉醬意粉要堂弄, 看見由淥意粉, 煎蛋, 淋肉醬. 要弄最便宜的肉醬意粉, 其實都要三兩下功夫.味道, 是一般啦, 美心mx除了燒味差了選擇少了, 其他, 也沒有什麼進步. 最簡單的肉醬意粉, 怎樣說呢..........要我說好食, 肉醬同煎蛋曷不錯, 但整體上, 卻有點保留.

本來諗住係入面食lunch，但依間MX太細間啦...lunch時間根本無咩位，只好外賣啦。咖喱雞肉飯 - 都幾好食，咖喱雞肉都好多，不過亦都因為太多汁，D飯覺得唔夠..個汁搞得幾好! Good!!! 但依間MX亦都無咩好野食揀, choice太少啦...><

很少上快餐店,全因手上有些現金卷,才會光顧.近日熱賣的焗豬扒飯,用到蘇絲黃出馬,自然大收旺場.事實上,她的推介也是很多人的"指標".去到剛好賣光,要稍等一會,好.新鮮出爐的焗飯,才能見真章.反正有時間,我不介意等一會.十五分鐘後,熱辣辣的焗飯已奉上面前.先嘗面頭的茄汁,一味得個酸.再吃些蔬菜,幸好未焗到過乾.吃落爽中兼帶點水份.主角的豬扒係幾厚,但是太乾,肉質有點鞋口.飯底無疑是用蛋炒過,可是炒得不夠均勻.蘇絲黃,豬扒並不是厚就好吃的.你身為"食家",咁都唔明?

因為趁午飯時間去大會當圖書館,所以只能匆匆係美心食個午餐,無咩好選擇,見到煎蛋肉醬意粉$26,算係咁,就求其點左。點講呢?我唔可以話佢好難食,但係個肉醬好漏,意粉又有少少油,搞到人食完好滯,反而唔知點解,果隻奇貎不揚既蛋,又幾好食,整穿個蛋黃用黎撈落意粉度,仲好食過肉醬撈意粉,哈哈!見到隔離個紅燒豆腐好似幾好咁,清清地,豆腐有大大件,好似有成四五件,其他配料都清清地,有機會可以一試。