8
8
14
Opening Hours
Mon - Sun
07:00 - 23:00
Above information is for reference only. Please check details with the restaurant.
今次在久違的機場內工作。因疫情及先前反修例風波關係，人煙冷清得異常恐怖……工作完畢後又來到下午茶時間，知道機場內幾乎不可能有平價餐，選了這間美心茶樓，單人匹馬入去飲茶。可能實在太冷清關係，幾乎看到的途人，不是過往擁擠的旅客，而是職員、清潔工、保安，光顧其他餐廳的人看起來亦是如此。旅客竟然成了稀有物種。先讚侍應方面全程都有面帶笑容，說話有禮，用餐舒服坐下後先來個小食，小食可提前通知不需要，因會額外計錢前菜（菜莆花生）－菜莆爽脆而帶點酸味，好食；但花生十分淋，兩者形成強烈對比 ($18)開的茶名為（太極香片）－香片味強烈卻不覺濃味，尚是不錯，但偏貴 ($38)（瑤柱鮮蝦韭菜餃）－瑤柱及鮮蝦咬起來有點彈牙，韭菜如果有更多會更滋味，整體算是不錯 ($38)（香滑奶黃包）－不會過甜，有些許蛋黃碎，半流心 ($32)（羊城鳳凰煎米雞）－被賣相吸引了，實際上應是用蛋包燸米雞來煎。面頭煎蛋有點（乾爭爭），味道尚可 ($45)結帳時自己都比自己嚇到，這些份量結果花了$188，下次在機場吃飯要再留意一下了
continue reading
係尼個黃加藍不能變綠的年代，翠園貴為美心集團旗下的一個老品牌，未被重新裝修都可以算是香港人對品質的一種肯定，或者是因為佢無大大隻字標明自己是屬於美心。 午飯時間，這間位於機場的翠園都被職員包場，皆因這裡的員工套餐性價比算高。粉麵一款加兩個點心未加一都係138。今次因為同枱人要食齋，所以就點了雜菌乾燒伊麵，點心就選擇了香滑奶皇包和瑤柱鮮蝦韭菜餃各一客。餸菜來至，時間剛好討論完上午工作的忙碌，可以開始補充能量，安慰一下身體。伊麵少油，有數個品種的雜菌，一齊食咬口爽脆柔軟，不會食到成口油。奶皇包鬆軟但沒有流心，不能有太多要求。韭菜餃厚水晶皮包住韭菜加一隻蝦，瑤柱就唔係好食得出，容易夾又唔會鬆散，分開兩啖食都唔會散修修，都係一種細心。作為午餐，份量適中。若果四人進餐，可以再點一至兩客點心，有餘的可以打包，下午茶時間用微波爐翻熱又係一條好漢。
continue reading
Welcome back to the real world！回港落地第一餐，思倉情緒高漲，立即廣東菜。招呼服務粗糙，高昂價錢不值！四眼姐侍應免強可以，肥姐懶埋只顧執檯，瘦叔叔熱誠有禮笑容滿面。出發加油站係您，回港補給站都係您，食飽飽就回家休息，明天要上班喲。敏爺食來食去那幾味，加上天煞的揀飲擇食，悶死我！咸菜、南乳花生，送粥還好，平時我都係麻麻地。花生銀魚仔，小食太行乾爭爭，用作餐前開胃菜？似酒前小食。砂煲鮑魚汁炆雞腳，浸到甩皮甩骨，外觀絕對不討好！整隻掉入吸啜，骨肉立即分離不用費勁，溫柔地吐出白骨。鮑汁濃稠，雞肉膠黏，煮理得還好。原隻鮑魚燒賣，兩大粒巨形鮑魚真係生猛到跳起喎！依間機場翠園不論點心散晒、炒粉麵飯亂到飛起，傳菜者都一於少理，我傳菜就係傳菜。即食鮑魚仔黏著魚蓉球淋上濃濁鮑汁，雷聲大雨點小。旅行前的加油站，食飽飽才起程，我又要飛喇！黃沙豬膶燒賣，好生猛喎！碌到左右開弓，而且蒸到爆開，漿腦塗地，甩皮甩骨，慘不忍睹，賣相有點驚嚇。黃沙豬膶苦澀乾硬，下面黏著一劈蝦膠豬肉，岩岩杉杉好難咬！蝦粒非常爽，勁多蔥花草腥味頂唔順，放棄。潮州蒸粉果，打風一樣！出乎意料勁多芫茜勁多芹菜，味道強烈霸道受不了！第一隻格硬唔趙吞下，剩下三隻唯有全部交由敏爺處理。蜜汁叉燒腸，太粗出晒界喎，無度位的嗎？其實點解唔捲幼一點修長一點，跟住碟的波紋放一定好靚，腸粉機太細部？粗粒叉燒分佈零星散碎，粉多肉少，淋埋甜而濁味濃豉油，不是我杯茶。碧綠龍蝦球腸粉，賣相真係唔掂，見到都食慾不振。勁粗凹凹凸凸，腰粗背圓，皮厚不滑，蝦爽味淡，一般平凡試試無妨。川芎白芷湯魚雲，兩口子都極愛飲中式湯水，魚湯都係三甲位置。得喎！真材實料魚味濃而清甜，濃郁醇美湯汁，不腥可口。大魚頭啖啖肉，啜得歡喜若狂！當然無得跟深圳新都酒店丹桂軒相比，人家用深海斑骨餚足幾個鐘既湯膽，再即場堂煮無得頂！杞子燉雞湯，茶壼湯？紫砂碗崩晒，完全明白，見者傷心。以前間點心小店既紫砂器皿補極都唔夠，損耗大得驚人！其實樓面及洗碗同事加倍愛護係絕對可以避免的。解剖調查，瘦肉、雞件、紅棗杞子，沒怎樣的特別驚喜。清清淡淡的雞湯，少少肉味，輕輕藥材，點點油香，熱烘烘順喉舒服。老城口水雞，全部雞翼雞胸，消失的雞髀去了那裡？師傅被您吃掉了嗎？ 將口水汁淋在表面，撈都沒怎樣撈過，我自己親自動手吧 ﹗陰沉的味道，不香不辣不酸不惹味，肥騰騰淡茂茂沒鮮味的雞，完全失敗。翠園燒鵝皇例牌，不是那麼的出類拔萃，平庸合格達標種類，明顯海港、盈昌、樂天漁港更色香味俱全。體型不屬大鵝類，少年剛成熟，肉質幼嫩無肥膏不油膩，醃味清爽散發陣陣鵝甜，鵝皮微韌，還可以吧。離港不足七日已非常掛念廣東燒味，急不及待立即享用以解思食之苦。糖醋骨，何解十足甜酸牛條呢？而且無骨喎。非常厚實的粉在外，酸度高微甜的醬，豬肉有嚼勁微弱肉甜帶少少肉汁，試一次便夠。焗叉燒包，只暖不熱，餡料空盪盪乾爭爭，外層不香口。已放段長時間再翻熱，靈魂早已死掉。燕窩雞蛋撻，的的骰骰容易食，酥皮焗蛋地獄甜，鋪滿冰糖即食燕窩，真係麻麻地喎。鮮蝦炸雲吞，敏爺只淨食脆皮不食餡的，幸好我是不折不扣的食肉獸，益晒我添啦！中間的雲吞每次都由我處理。餐牌張相精精神神企定定係度，實物懶懶洋洋攤直直係度。算熱但不燙手，脆脆外殼索一聲爆裂，蝦粒搭肉鬆略咸帶濕過得去。蠔汁鮑菇扒芥蘭，芥蘭爽甜脆卜卜，菜油欲滴，敝在微暖不熱無鑊氣。讓半滑半韌鮑菇片捲著享用，蠔味清爽，還有少少樂趣。原隻鮑魚荷葉飯，唔似糯米既？有點似綠豆質感。爛爛濕濕腍劈劈，不是炒飯來的嗎？淡茂茂寡寡的調味加粒即食鮑魚，不值一提。梅菜炆鴨，微溫唔夠熱，陣陣鴨羶味略重，炆得味道略咸帶濁。肉質極腍，在鞋霉邊沿。立即要求碗白飯，希望能將咸味羶味濁感減到最低。甜梅菜比鴨肉更加美味，醬汁菜粒搭著鴨肉混埋靚靚絲苗，挽回不少分數。鮮蝦雲吞麵，除湯底外，真心泊得住樓下何鴻記所謂 1 星雲吞麵 ﹗鹼水麵纖紅爽爽，湯汁清甜撈大量辣油進化成既香且辣，飲到停唔到口﹗自家製雲吞色香味突出明顯，大大粒蝦仁爽甜，鮮味不咸，還有鬆軟瘦肉襯托著，真心有水準好味道。翠園炒飯，炒功蠻優質﹗香噴噴有鑊氣，乾爽飽滿熱烘烘的。配埋鮑粒、蝦仔、蒜芯及大量蛋黃，神秘特別的氣味，味道多原分，豐富食得過。
continue reading
下午響美心食飯，用AE卡係冇折嘅，用原價食咁嘅質素，真心覺得有啲唔抵。剛去到員工執緊我哋張枱，抹枱嗰條毛巾有點臭，我哋要另外用濕紙巾抹走嗰啲臭味。有小許押味嘅皮蛋，流心不多，酸薑正常。炸釀蟹鉗，外面脆米粉炸得不錯，唯蝦膠份量有點小。燒鵝油淋淋，皮軟唔脆，肉質又唔香。椒鹽唔鮮魷，乾爭爭硬骨骨的魷魚腳，仲一大浸雪味。鳳爪普普通通，蝦餃還可以。排骨剩係得肥，超油。車仔腸粉厚薄適中，加埋醬汁都唔錯。最後係普普通通，蒸到外皮爛爛地嘅燒賣。
continue reading
筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！未婚妻從外地工作回港，我特意一早到機場接機給她驚喜，順道不慌不忙的在機場吃個早餐。以往我們都會去第二客運大樓的茶樓飲茶，但今天懈得走過去，就去了美心翠園。進店前知客告之有機場職員優惠，挺化算的，加上美心品牌效應，就進去了！如果沒有機場職員優惠的話，點心要五十至八十元，但有優惠的話點心只是二十元，粥品只是四十五元，我們共點了五個點心一個粥。醬皇蒸鳳爪鳳爪蒸得軟身又入味，加上柚子皮和辣椒添加風味，不會死鹹，醬汁不黏稠燒賣燒賣十分紮實彈牙，而且挺大顆，口感不錯，略嫌蝦肉較少肥豬肉較多炸春卷炸得乾身不會太過油膩，餡料是素菜絲和雞肉，帶點清新，不錯！韭菜蒸餃這個餡料超多蝦肉，而且韭菜清新味甜，但是不容易夾起來，因為餃皮十分黏，未放到碗裡已經糊掉。山竹牛肉球可說是高性比之選，料足入口爽彈，馬蹄粒更增添了爽脆感，喼汁帶來的酸味平衡了油膩感，相當不錯！艇仔粥調味還可以，但粥不夠綿而且食了一會就變得水汪汪，配料也不夠大氣！如果你喜歡我的食評，請按推薦給予小弟少少鼓勵，謝謝！
continue reading