Maxim's Cake Shop

平時都有去美心西餅買蛋卷，因為這家蛋卷都保持到水準而用現金又平多少少，今次去到荃灣的美心竟然見到有新口味的花生而且價錢都一樣，就即時買一條回家，但眼見都有少少濕，皮都爛了但因已經沒有就照買再買多了一個麵包回家吃。迷你蛋卷花生味$18，一開同平時的蛋卷一樣，切出來沒有花生感覺，食落去只有好輕輕的花生味和一二粒花生碎而且忌簾仲要勁少好失望。之後再食燒汁雞肉焗薯仔包$12，因凍晒就叮一叮，味道都幾香，但食就覺得醬汁味道好淡，雞肉吾多又細粒，薯仔包不嬲都不差，今次二款包和卷可以一試就夠。…Read More

承接上話，今日來到了美心西餅。不經不覺美心西餅已將近二百間分店，而其集團成為香港龍頭餐飲，相信其背後中央工場，品質的管理功不可沒。但近來其麵包多為空氣包，我也沒光顧很久。來此店之因其現場烘焙，似乎可以。今天買的脆皮腸熱狗。以手感來說，軟熟有彈性，合比例重量，有麵粉香味。麵包應該是落模定型烘焙，放上腸醬料。質感結構理想，網絡細緻，有彈性有咬口，略偏鹹。腸是正常貨色，腸衣帶靱，偏鹹。千島醬加芝士，本來無挑剔，但令整個味道更鹹，假如包身做大一點平衡可能更好。整體而言，是合格之選。售價12.5，是不會飽，但滿足了口味。現場所見麵包有設計，走精緻路線，偏日系風格，是久不久一次的選舉。…Read More

麻糬控嘅我，見到麻糬產品，一定會試。晚餐前，有少少肚餓。經過美心西餅，見到芝士麻糬撻，即刻買個來試。暖暖地，撻皮係曲奇皮，脆脆的。咬開中間有佢粒麻糬係度，不過我嫌佢太腍，如果可以韌少少就好喇。不過佢個甜度剛剛好，唔會太漏。…Read More

自從經歷過食親美心西餅都有蛋殼嘅時期後，除非有人請，自己幾年都無買過佢出品，今次竟然俾我遇到佢限時優惠，雪芳蛋糕，平時優惠最多$10/2件，今次竟然$12/3件，可遇不可求，唔買都對唔住自己！口味唔多，原味、蛋白、檸檬同朱古力，蛋白味幾清，唔太甜，質感鬆軟，帶滑，唔會成袋油，難怪只淨一舊；朱古力基本甜度，濃度剛好，唔會覺膩；檸檬主要係香精味，唔會過甜，勝在質感好，比其他牌子好食，確實係值。…Read More

經過見倒有陸陸續續既撻、麵包出爐，其實對於撻控兼包控既綿羊係件好吸引既事😂軟心芝士撻 $13同其他芝士撻相比，價錢唔算貴🙂食落個撻皮唔及其他脆，佢只有邊邊位係脆🙁不過都唔係好差😂餡其實做得幾好，室温食係軟心既，味道唔漏，尤其面頭估係蜜糖既透明層甜甜酸酸，減低芝士既膩😙-----------*指定產品現金價買5送1👆軟心芝士撻係包含在內嫁，所以買6個既話每個只係$10.83，都算抵食嫁😉…Read More