Video
3-min walk from Exit D1, Nam Cheong MTR Station
continue reading
Telephone
27882313
Opening Hours
Today
09:00 - 20:30
Mon - Sun
09:00 - 20:30
Above information is for reference only. Please check details with the restaurant.
Offers
從來愛都是要及時，雖然大部份爸爸都是比較內斂，但都會以行動表示對子女的關愛，所以父親節到來，就讓我們同樣以行動表達對爸爸的愛意！適逢端午節做節，一家人齊聚一起，小姪女就請我代買父親節蛋糕，送給她辛勞工作的爸爸。左揀右揀都係美心的父親節蛋糕最我心水，做型可愛又各具特色，分別有「#經典百利甜酒朱古力蛋糕」、「#盞鬼爸爸」及「#長勝將軍」3款做型的蛋糕，適合不同性格及喜好的爸爸。🌟我就揀咗「盞鬼爸爸」(原價: $158)好配合我姪女爸爸（即我細佬🤣）的搞鬼性格🤣「盞鬼爸爸」其實就是美心西餅皇牌魔鬼蛋糕，內層是鬆軟的朱古力雪芳蛋糕，面層是香濃幼滑的朱古力忌廉，每一啖都是濃濃的朱古力味，不會太甜，而朱古力味又香又濃郁，非常滿足，內裏還有朱古力脆珠及朱古力碎碎，食落更有口感。P.s. 用App會員購買有92折優惠
continue reading
一年容易又中秋啦，仲有兩個星期左右就喺中秋節，依家啲月餅廣告宣傳真喺好厲害，早幾個月就有。最近，試咗兩款月款，不約而同都喺嚟自「美心」，一盒就朋友送嘅，知小弟喜歡試新嘢，就醒盒新品我試；另一盒就老婆公司送嘅，年年都喺送同一款，印象都俾咗有4、5年。美心拔絲蓮蓉月餅先介紹呢一款月餅先，因為都幾得意，包裝盒比較型格，黑底加上金線勾畫出蓮花圖案，再加啲彩線如水流般，睇落唔似月餅，有啲似高級嘅朱古力裝潢，用上紙盒製作，相對環保少少，易循環再做。打開包裝盒，內有月餅嘅特色同建議食法，原來，唔建議就咁切開，反而，一掰、一拉，可以營造出拉絲嘅效果。依家啲月餅都喺以迷你裝為主導，一盒共有8個，唔使一次食得太多，而且，獨立包裝已喺必然，耐放啲，又衛生啲。「拔絲蓮蓉」4個字都算多筆劃，不過，月餅面上嘅呢4個字都做得清晰可見，而且，外皮都烘得金黃。建議食法嘅首要，就喺烘番熱佢，張簡介紙無寫，我哋估估吓就以多士焗爐750℃火烘佢5min，等啲餡心受夠熱。熱烘烘嘅月餅，一掰、一拉，真喺做出絲絲相連嘅效果，可能焗完未攤得夠耐，餡心未軟透，拉絲效果未夠強勁，不過，軟滑嘅餡心已非常好食，可以講喺有濃濃嘅蛋黃香，又有清甜嘅白蓮蓉味，最得意喺外皮仲嗒到有啲花生粒碎碎，真喺既有香氣、又富層次。美心低糖蛋黃白蓮蓉月餅相對盒「拔絲」，賣相就比較「月餅」樣，一身橙紅色鐵盒，亭臺樓閣配荷花，帶中國色彩之餘，透過鮮艷嘅色彩配搭，雖然喺黃昏景致，但帶嚟一份活力感。 唔只盒面印住「低糖」，更喺盒角大大隻字標示含糖量低於5%。一盒共有6個，均以獨立包裝處理，衞生方便。順帶一提，近呢一、兩年嘅月餅，已少咗奉送啲膠刀、膠叉，對環保方面又再進步。 月餅面印壓住「美心低糖」，同樣喺筆劃多，但字紋壓得非常清晰，一樣烘焗得金黃均勻。個低糖蓮蓉月水準依然，皮薄而平均，白蓮蓉好軟滑，最正喺個鹹蛋黃流晒油，的確，食落真喺少甜好多，尤其對比起件拔絲蓮蓉月餅，甜度明顯低好多，搭杯熱茶，喺下午茶嘅好拍檔。 今次品嚐嘅兩款月餅，都可謂各有特別色，多謝老友，亦多謝老婆公司，等小弟預早應吓節。
continue reading
今日無端端有啲朋友話上嚟我屋企打麻雀，咁ok啦。然後佢哋嚟咗，見佢哋拎住一盒美心蛋糕我就面色一沉，呢個蛋糕盒上面寫著let's celebrate，咁嘅環境，美心集團佢哋想celebrate啲乜嘢呢？ 又有乜嘢值得去celebrate呢？不過slogan還slogan，食物還食物，我而家就先講講啲西餅嘅狀況。講真嗰句，真係冇乜西餅，好似美心西餅嘅西餅咁頹，蛋糕嘅質地又乾 又硬，味道上面係完全冇誠意，朱古力蛋糕冇朱古力味，奶油忌廉又唔好味，芋香味嘅忌廉蛋糕完全冇芋頭味。 一個字 : 頹。
continue reading
一知道美心西餅面包🥯買二送一 即刻走去買定做早餐先肉鬆麵包糯米糍（$9.5）大大個面包 表層佈滿肉鬆碎 面包香滑軟熟 打開之後有一大舊麻薯 口感煙靱 兩者夾住黎食 咸香咸香味 一流呀芝士粒牛乳包（$9）表面呈餅形並報滿芝士粒粒 芝士粉亦沾滿左面包表面 食洛口芝士味濃郁 繼而牛奶味有後勁 軟熟既面包 一試愛上最後 法蘭克福腸仔包（$8）外表呈現樓紋狀 腸仔咸香 唔會過咸 加上面包既甜味 可以中和腸仔既咸味 算不俗
continue reading
在V Walk商場食完飯，再走了兩轉，見到美心西餅，就走進去看看有甚麽好吃的西餅，西餅麵包款式都很多，看了很久，都是黃金脆脆迷你蛋卷及香蕉牛油蛋糕比較吸引，就買了這兩款蛋糕回家試，因爲我都很久未有嘗過蛋糕，黃金脆脆迷你蛋捲，顏色比較吸引，全條金黃色，看見非常可愛，食落鬆軟可口，忌廉適中。而至於香蕉牛油蛋糕，外邊有層鬆脆果仁，食落鬆軟，果仁鬆脆香口，而且香蕉牛油味濃郁。非常適合年青人的口味，而我就比較喜歡黃金脆脆迷你卷蛋。
continue reading