6
0
0
Telephone
23626263
Opening Hours
Today
11:30 - 14:30
18:00 - 22:00
Mon - Wed
11:30 - 14:30
18:00 - 22:00
Thu
Closed
Fri - Sun
11:30 - 14:30
18:00 - 22:00
Above information is for reference only. Please check details with the restaurant.
Signature Dishes
行完山 同成班朋友又係大嶼山搵食 行完山實在太肚餓 決定要食埋先出返市區 好彩朋友揸車 呢個位都唔算容易搵 我哋都係㗎Google先搵到我哋今晚六個人食飯 叫咗芝士魚 咖喱牛腩 椒鹽鮮魷 蝦醬豬肉蒸茄子 香橙豬扒 同埋咖喱雞 食落有啲懷舊茶餐廳嘅味道 可能大家都好肚餓嘅關係 每人仲食咗兩碗飯 最後仲加左一個墨魚餅 墨魚餅即叫即煎 墨魚味十足 爽口彈牙芝士魚亦都係佢招牌名菜 送飯一流最後埋單，每人$150連埋飲品。大家行完山如果肚餓就不妨黎食埋飯先走啦，當係支持下大嶼山嘅餐廳
continue reading
去貝澳探朋友幾多年第一次叫外賣，意外地幾好食！價錢都唔算好貴。揚洲炒飯有正常水準，有飯香，飯粒粒粒分明，但配料味道唔出，同成盒飯色水暗淡左D。菠蘿咕嚕肉有正常水準，醬汁酸甜度適中，掛到汁唔會太晞，肉係外酥內軟，最受歡迎好快比人食曬，漁香茄子煲雖然望落個樣好單調，但食到咸魚香，味道亦唔會太咸，撈飯一流。滑蛋蝦仁味道正常，但滑蛋唔夠滑，蝦仁都太細粒。椒鹽鮮魷麻麻地炸到亁曬，唔建議。芝士焗魚塊好多芝士，魚塊底有蔬菜，幾好味！
continue reading
摸完蜆已經天黑，慢慢由渡假屋行去餐廳！貝澳餐廳唔多，揀一店內環境簡單！小廚格局！食品以小菜為主！坐在店內6人枱！店員落單好快！食物要耐心等待！蒜香孜然骨（$90）炸得香脆！賣相好靚，熱到辣口！不過孜然味道唔夠，唔夠香口惹味！鹽水豆腐（$60）豆腐炸得香口，豆味濃！點嘅醋唔夠味！唔係就更好！芝士焗什菜：熱辣辣，芝士好滑好濃！蔬菜爽口！金銀蛋莧菜（$68）幾大碟，上湯好濃，皮蛋彈牙，鹹蛋淋身鹹香！莧菜嫩口入味！好味蓮藕煎肉餅（$78）一塊好似蛋榚，夾雜好多蓮藕碎！肉餅唔會好實，多汁好味！蒜茸包：即叫即上，好明顯唔係即做嘅，所以唔熱，又硬！唔夠鬆脆！差！店員有禮！上菜收碟爽手！唔使自己煮食得好舒服嘅一餐！
continue reading
「偏遠地區的食店，不是比較便宜嗎？」有位朋友這樣問。某個好天氣的周末，一大班朋友，浩浩蕩蕩闌入大嶼山貝澳，踏入那個聲稱擠得下九個人的渡假小屋。不過地方淺窄也有好處，通常大夥兒都會玩得投入些。這一晚，其中一位廚師朋友親自下廚，竟然將十多公斤重的私伙廚具由港島帶到山卡拉之地。敬佩之餘，其實真的有少少感動。對於朋友的手勢，大家都非常滿意。咳咳，不過，同食評無關的部分就略過吧。鏡頭一轉，太陽升到頭頂，心不甘情不願地起床退房。臨走前，大家打算在貝澳吃個午餐。 有時，選餐廳講究眼緣。走過幾間餐廳後，大家決定推開「茂記」的大門。但為什麼選這間，無人知道原因。我們恃著人多，霸了一張大圓桌。坐低之後，部份朋友露出中伏的表情：「咦 ...... 咁貴？好似不太抵食喎。」但既然入得來，無理由樣衰衰走出去。留意一下餐牌，發覺這兒的小菜價格的確比一般家庭式小餐館略高。於是亦出現了其中一位朋友的提問：「偏遠地區的食店，不是比較便宜嗎？」這支歌仔以前可能還講得通。不過香港百物騰貴，所謂偏遠地區都已經變成高檔次的旅遊點。看看貝澳，其實有不少外國人和酒吧，地價亦不能倖免地飛昇。雖然不能肯定這間餐館的價格跟此有關，但慨嘆一下時代變遷是錯不了的。講返食物，原來都有比較實惠的午市套餐，但四、五十蚊起跳的價格也不便宜呀。我要了一碟咖哩牛腩飯，配凍奶茶。點解想食咖哩牛腩？因為見到隔離桌好多人食，跟風應該是最有保障的。 飯的份量幾多，但牛腩就不多了。得幾片，好快食完，還好都煮得夠入味同腍。咖哩汁亦勝在夠多，味道上是港式的香濃加上辣勁，用來撈飯食，其實好好味。總括來講，是有少少質素的港式咖哩腩飯，比預期中好。至於凍奶茶都不俗，茶奶比例恰當，不會過甜。 大家叫的食物都不同。問過大家評語，沙律非常鮮脆，各色碟頭隻都不俗，除了某位朋友的評價較差之外，算是令到多數人滿意。其中比較想分享朋友的奄列。一向是蛋迷、見到大大份、賣相似乎幾好，於是偷了一點來吃，蛋又確實煮得幾嫩同蛋汁都足。剖開奄列時，更加見到內裡材料豐富，不偷功減料。 這時候我又想，何必多想偏遠地區的食店是不是比較便宜，也不要猜測地價和物價的問題。無論在何處，好不好食，值不值得，才是真正有意義的事情吧？雖然只光顧了一次，但綜合多人意見，覺得茂記水準略高於平均（食物值得 3.5 分），雖然貴少少但可以接受。
continue reading
一進入餐廳，是很佳的服務。我們首先看看精選菜，第一行大大的寫著「葡國雞」，於是便點了半隻。 甫上枱，一陣香味直衝向鼻，金黃的汁，還沒有吃，已經感覺到它的威力。馬鈴薯非常入味！ 由於實在十分美味，不消十分鐘，已經吃光。
continue reading