大師傅粥品 (TKO Gateway西翼)

Open Now

Now Closed

唔同類嘅粥品先20幾蚊係好平，最鍾意食佢嘅皮蛋瘦肉粥同埋粟米生菜粥，粟米粒粒都鮮甜夠新鮮每次嚟親都會嗌鹹肉糭，外賣佢哋會好貼心咁問埋你使唔使拆咗塊葉佢服務加分，上次叫咗牛肉腸粉質素就還好，塊皮厚咗少少，不過都係廿零蚊所以接受到嘅，咩價錢咩質素so far都滿意。

如果唔係家人想食魚腩粥我都唔會幫襯！ 上次買淨係得一隻紙匙冇筷子點食魚腩？ 要一對筷子但話要收一蚊！ 外賣已經加咗錢， 45蚊一個魚腩粥已經唔算平。 所以開餐廳嘅唔好怨香港人唔留港消費。 雖然一蚊好少錢但係 消費體驗實在太差！ 職員的態度太差！

夜晚又叫左碎牛粥同蝦米腸碎牛份量好多好夠料配上綿滑粥底 真係好夾好好味蝦米腸 一樣咁好食 腸粉夠滑蝦米略咸小小 粉量好夠食碎牛粥值得推介外賣堂食都一樣咁好味無乜唔同 以後會成日幫襯

近月因病試過响厚德邨大師傅嗌五次外賣，得一次打得通，每一次我都打10次或以上，隔幾分鐘分開打，無奈五次外賣只有一次接得通。我有點不惑，最近一次在店外打電話，發覺內有4位侍應，不算忙碌，當時食客似乎乖乖等待或食粥，但竟然電話鈴聲響，沒有一位侍應打算去接聽，服務態度真係好麻麻。味道方面係可以的，當然啲粥就冇以前咁多料，但性價比其實尚可取。以價錢不高來說，實可以接受。集團應該諗諗點樣提升服務質素，而唔係響OpenRice設個電話，但係永遠打唔通，咁對客人嚟講就有不好的印象。

天氣一轉凍就特別想吃粥, 一碗可以由頭吃到尾都還是暖的, 而且身體也會跟著暖粒粒。所以這個冬天也已經吃了幾次, 想暖一暖身體。♡ 生滾手打肉丸粥 $37生滾粥份量好大碗, 除了手打肉丸也加了蔥和薑絲, 增加味道層次。肉丸一吃就知道是手打的, 因為不會像機做的很彈牙, 而是有一點點軟軟的, 味道是有豬肉味但味精味較濃。生滾粥從頭吃到尾都沒有變水, 而且粥底很綿, 也還是熱的。 ♡ 艇仔粥 $29艇仔粥材料豐富, 碎牛肉、魷魚、花生等等, 味道很鮮美豐富。粥底也是滑軟綿, 每一口都可以吃到不同的配料。♡ 叉燒腸粉 $24腸粉份量也很多, 腸粉比例偏厚和粉, 叉燒不會很肥。雖然不是很熱, 但看到醬油是放在電鍋裡保暖的, 所以還是不錯。

走過無數次街角，今日突然心思思想入去呢家試下佢哋嘅粥。一踏入嘅感覺就係滿滿嘅家常味，櫈位唔多，環境淨樸，店員嘅笑容親切得來。頭盤上檯嗰陣，我個心已經半帶飄飄然。熱腾腾嘅生滾粥入到口，那種綿滑得黎帶點嚼勁，真係撫慰到我成個胃。再加上超級鮮甜嘅雞肉，充滿咗屋企味道。🥣脆口夾軟嘅蒽花炸兩，外皮香脆得黎唔會過油，好容易令人就咁一啖接一啖！加上啲自家調嘅醬汁，麻麻哋嘅芝麻醬夠哂味，令到整件事情更上一層樓。😋至於艇仔粥，真心無得頂！材料新鮮，多種鮮味湊埋一齊，食一啖就停唔到口。以上嚟講，我呢次嘅食記絕對值得一試，下次心郁郁，一定會再嚟！👍

環境地點位置易搵，將軍澳坑口站a出口一出就見到，環境都算闊落乾淨，不過就同位與位之間就近啲食物講明是粥店就一定要食粥啦，我就嗌咗個生滾粥，份量好夠，就算放咗一陣都唔會變水，味道好食，唔會太多味精。另外叫咗個炸兩，炸兩入邊嘅油炸鬼脆身，醬油冇溝水，足料夠味總體坑口站來說，是一間非常高性價比的平民粥店，值得推薦

價錢又平，又好食，平靚正👍👍👍👍👍我今日就外賣咗豬紅粥同炒米粉，炒米粉同埋豬紅粥都好重料，豬紅粥薑味好重，又滿滿一大碗，而且又味濃，一定會再幫襯～～～

坑口區內基本上應該得返呢間主打粥嘅餐廳，由佢開店到依家都依然生意興旺，主因相信係價錢平民化，質素唔太差牛脷酥唔油膩，而且外脆內軟，甜度適中炒麵呢次比平常嘅油好多，雖然麵質幾好，配料都足料炸両新鮮，腸粉皮薄又滑，油炸鬼脆口，醬料自己加，呢點係非常好，通常我都多麻醬多芝麻鹹肉糭正常水準，餡料可能偏少，不過整個都蒸得好好，唔會有硬粒或者太濕太淋嘅情況艇仔粥超足料，有牛肉碎、豬皮絲、魷魚鬚、花生，緊記食之前要攪勻底部嘅牛肉碎！粥底綿，調味剛好，食完唔會口渴！連埋煎堆，三個人先至食咗$13x，平過茶餐廳同雜團快餐，隔日食可以省返啲

大師傳粥品艇仔粥 價錢方面我覺得OK😎一碗粥大大碗😍熱辣辣😁而且啲粥煮到軟綿綿😆口感好好🤪而且足料🤪大大碗兩個人食都夠👍炒米粉同糭味道都幾好食，價錢又ok😎😎😎絕對係早餐之選🤪🤪🤪📍大師傅粥品 ❤️‍🔥價錢：8/10❤️‍🔥味道：8/10❤️‍🔥服務：8/10#hkfoodie #粥 #將軍澳美食 #將軍澳早餐

兩個人堂食，叫咗一個艇仔粥，一個魚片豬紅粥，一份油炸鬼。等。。。。等。。。油炸鬼問先上。跟住上艇仔粥，就食完都未見另一碗。問阿姐，佢望下張單，大大聲話，哦！我以為你叫艇仔加豬紅魚片，頭先好多人太忙，落咗一碗，你食個陣唔覺多咗嘢嘅咩？首先，晚上十點幾，多人？咁日頭咪係咁落錯單？完全無道歉，佢認為地球人都知艇仔粥有咩料，識背嘅，common sense你唔係唔識呀？其次，兩個人堂食，一個人食一大碗加料艇仔，我再落多幾樣，你碗粥咪變咗”過橋粥”? 另一個人就淨食油炸鬼，飲水？你覺得合理嗎？太忙？爛excuse!見佢逢人都大聲夾惡，就叫咗另一個阿叔，重新落多一碗粥，都好快有得食。半個鐘之後，舖頭真係無人喇，個阿姐先烚熟狗頭行埋嚟，話唔好意思，頭先真係以為你叫一碗粥，我嚟睇吓你有無需要加多啲嘢食。what? 你聽日後日大後日先問呀嘛？食得7788先過嚟問？我估你應該係經理級or 店長，管理一間舖頭，想生意興隆，食物質素固然重要，服務態度都好重要。希望貴公司管理層見到客人意見，並作出改善，謝謝。

坐咗十分鐘.叫極都冇人應.有人應啦.佢話啱啱落完隔離枱記唔到咁多.轉頭先到.等咗五分鐘.、都冇行過嚟.遲過我到嘅人都食緊.第二個行埋同我講我唔落單㗎淨係上菜.粥鋪喎唔係酒樓.唔係個人唔舒服都唔想去食粥.結果係我走咗啦都冇人嚟.唔係得你呢度只有粥食以後我都唔會再去

最近因為隔離睇中醫，其實之前已經光顧一次，服務態度巳經麻麻，當天是平日下午四點左右。我叫咗腸粉同菜乾豬骨粥。我食完腸粉，都未食粥，個待應唔問我巳同我收碟😨。算啦，其實係咪咁趕時間。在食嘢途中，可能平日下午，冇咩人好應聲，就聽一個亞姐就不停爆粗😰（短髮染色女仕）到今天傍晚6點再次去，今次真係決定冇下次，坦白講啲粥真係唔好味，而炒麵就勁多油。話說落單時愛理不理的態度巳不太好，到粥嚟就放在枱邊，（我自己取回）到問亞姐可唔可以比杯水，亞姐話自助的明白。到粥嚟咗8分鐘後仍未有炒麵，但係又見到亞姐不停把炒麵比外賣，於是我便同亞姐講欠炒麵，染短髮亞姐又口嗡嗡，坦白講我入座時係冇咩人，我怕漏單問一聲，如果係粥都嚟咗8分鐘後問不算太過份。總之沒有下次，何況真係唔好食。

呢間都好多年，愈做愈差，近排兩次去，兩次原本想坐少食客啲個邊既枱，上次就話清潔緊唔開放，但唔知有個客投訴咩佢又幫人換枱換入去。今次就比個女人喝住，語氣係「喝」，話個邊枱員工用膳（其實得一個人係入面食緊）。十分意外疫情時期都多客時間留左一半樓面面積黎員工用膳，焗晒全部客坐滿另一邊，第一次又係咁, 第二次又係咁，我都唔明點解增加顧客風險都要焗晒班客坐滿一半樓面，冇咩事唔會再幫襯，唔想中招。大家唔介意中武肺風險就多啲幫襯

今日去坑口店首先入店沒人安排座位，之後自己找位置後發現椅子有食物殘骸，估計食抹枱時直接掃落去，之後叫人落單，揮了數之手先有人來，而且唔係黎到你面前落單，係單機到大聲直接問你食咩，我清晰地叫了一碗粥和一碟蝦腸，店員聽不清楚要求我重覆，重覆數次先成功落單，後旁邊一枱婆婆向店員投訴炒米粉過咸，面淡底好咸，店員A（穿黑色羽絨衣）望一望卻說你食到碟野咁樣點換比你,個個都冇話咸係得你話咸，店員A拒絕了更換，還回去出餐位跟其他店員說別理佢，後婆婆拎碟米粉出去要求更換，店員B（捲髮）說冇得換，米粉是成盤炒的，唔食得咸就唔好叫炒米粉之後拎了婆婆碟炒米粉直接倒了，婆婆出去賣單，店員A立即收了婆婆枱時大聲說上次已經騙左我兩碗白粥，係到騙飲騙食，婆婆聽到後和他理論，店員B話唔係講你，我和在場客都知店員B是話婆婆，婆婆走後店員A,B還在大聲話婆婆，後又入了一個客，客人叫單，店員B走了過去問要什麼，客人清晰地說要一碗粥和一碟牛腸，這時我心裡在想落單冇紙記低客人要d咩？結果店員B回到單機問客人係唔係叫左一碗粥同炒米粉，客人心裏很不滿又重覆，到我賣單時一句多謝幫襯，慢走都冇，未見過這麽差的員工。