Video
Opening Hours
Today
06:30 - 23:00
Mon - Sun
06:30 - 23:00
Above information is for reference only. Please check details with the restaurant.
Recommended Dishes
我相個由落單到食完，無一個組合嘅堂食早餐有我呢個快，有得食又有得飲，如果有組合快得過呢個嘅，歡迎分享。炒麵我喜歡甜醬、辣椒醬加芝麻呢個組合。呢間連鎖店嘅炒麵，我起另一區食過，兩間啲麵同樣偏硬，而且唔香，但不同嘅係嗰間有鹼水味，呢間無。起食嘅期間見到餐牌上有豬膶公仔麵，但要$41，而且無話包飲品，相比其他食店，例如譚仔及雲桂香，呢個價錢算貴，究竟咩原因導致佢賣呢個價錢呢？要下次去食先至知。另外，餐牌上亦有兩款特色小食：XO醬燒賣及XO醬粉睇，味道如何？亦只能寄望下次試一下了。
continue reading
大師傅粥品位於石門京瑞廣場一期地下，專注於港式粥品，裝潢以茶餐廳風格為主，乾淨舒適。我晚飯過來，看見街坊很喜歡過來吃飯，而且與店裏的人員很熟！氣氛很好！🔶黃砂豬膶粥 這道粥品濃郁滑順，豬膶鮮嫩，搭配香滑的米粥，yummy ！🍚😋🔶牛利酥 外皮酥脆，內餡豐富🤤🔶豆漿 豆香四溢，口感柔滑，清新又健康，是粥品的最佳搭檔！🥛✨總體來說，大師傅粥品的港式粥品與小吃都十分美味，而且服務態度不錯，充滿人情味，絕對是街坊用餐之選！！！
continue reading
首先，我買咗兩碗粥(一碗豬潤粥加粉腸豬潤粥)加一份XO醬炒腸粉，總共消費116。炒腸粉不過不失啦，XO醬炒腸粉都炒得差嘅話，就真係唔識評論啦。 其次，豬潤加粉腸係需要加8蚊嘅。8蚊有兩舊粉腸，真係好多謝，原來依家係咁嘅價錢，我可能真係唔知道通脹得咁快。新鮮程度就一般啦，冇發臭都算係咁。打電話過去，樓面聽電話，而樓面姐姐對佢哋啲出品一無所知。跟住樓面姐姐話下次俾翻舊粉腸我，我話唔洗啦，都唔想再幫襯。再者，豬潤嘅質素真係好可笑。我都知冇可能拎石門大師傅粥品嘅豬潤品質同其他豬潤舖頭(例如漢發)相比，但都起碼要新鮮啊正常啊。我真係咁大個人先食到發黑發硬嘅豬潤，真心嬲。跟住再打電話俾大師傅粥品，樓面每次都需要同廚房粥品師傅confirm佢哋啲出品嘅，對於我話啲豬潤發黑，佢哋冇反駁，只係話叫我地拎翻舖頭俾佢換，做過食肆嘅都知投訴係會得到加料嘅機會。其實之前買過好幾次都冇問題，足料同埋啲粥好綿滑，可能因為夏天冇乜人食粥，啲嘢去得慢，但呢個唔係一個理由要俾垃圾豬潤啲客人食。我之後都唔會再幫襯呢間嘢㗎啦。我今次同佢清咗少少發黑發硬嘅豬潤，聽日其他人應該減少咗機食到呢啲垃圾豬潤，除非大師傅仲有垃圾豬潤散唔到貨。希望大家此生都唔會食到發黑發硬嘅豬潤。#有啲食肆做唔住真係唔關香港人北上事。
continue reading
不久之前也試過呢間大師傅粥品店，不過不是這間分店。今晚突然間想食粥，就立刻搵下附近有冇分店，好彩又俾我搵到！✌️✌️🎖️黃沙豬膶粥 - 厚切豬膶，煮到啱啱熟，不會有「嚡熠熠」的口感🎖️鮮皖魚腩粥 - 皖魚腩夠厚身又新鮮🎖️炸兩腸粉 （細） - 俾想像中大碟，腸粉的皮夠簿，加埋香脆油炸鬼，就係最好味!🎖️豆漿（一枝） - 非常方便，飲唔曬就索性拿走慢慢飲，不會浪費🎖️牛利酥 - 大大件，外層炸得香脆，味道不錯🎖️XO醬炒腸粉 - 個人覺得XO醬味道可以濃些就更好原則上味道同上次那間沒有太大分別，今晚第一次食XO醬炒腸粉，就是味道略為有點淡。
continue reading
今晚收工約咗朋友仔行石門站 一出京瑞廣場一期 行到1930右右肚仔叫 同朋友又想食清清地 見到有間餐廳新開嘅餐廳名叫做 #大師傅 咁就入去試一試入到去我哋兩個人坐四人枱 環境光猛乾淨 朋友嗌咗🥢粟米生菜粥$25呢個粥食落會清清地 粟米甜加生菜 鍾意食清啲同埋食素 朋友就唔可以錯過比較啦🥢蔥花腸粉 $14不落醬料 都已經好食 有埋蔥花蝦米 更加香 一個人食兩碟都可以🥢油條 $10一份油條剪到大大件 又好鬼脆 正😋🥢豆漿 $9正遠豆漿 唔會太甜 重豆味👍🏻👍🏻🥢另外呢度居然有豬雜麵 麵係跟出前一丁 幾特別 所以試一試
continue reading