80
1
1
Exit E2, Mong Kok MTR Station, Exit B, Mong Kok East MTR Station continue reading
All Branches (2)
Telephone
39539320
Introduction
An all-you-can-eat Taiwanese hotpot restaurant, that offers nine different soup bases. Guests can choose from a variety of beef, including Angus, wagyu, etc,. The restaurant also offers direct food from Taiwan, such as Pork Blood Cake, Fried Squid Balls, etc. continue reading
Additional Information
online booking: https://masterbeef.hk/
Opening Hours
Today
17:00 - 02:00
Mon - Sun
17:00 - 02:00
Payment Methods
Visa Master Cash AE UnionPay
Other Info
Online Reservation
Open Till Late
Reward Dining Points
10% Service Charge
Review (92)
Level4 2020-01-26
3700 views
岩岩去完台北番黎,太掛住台灣吃到飽既打邊邊,之後約左朋友去食旺角新開人氣爆燈既牛大人!食物都係由台灣直送,有品質保證,食得放心!我地order左美國SRF極黑牛套餐,$208/位,點左個台灣鳳梨雞鍋🍍,台灣鳳梨出晒名好食,仲有半隻雞餚埋做湯底零舍香甜,雞肉仲好嫩滑添!仲配埋台灣鴨血,真係超滑嫩,encore左幾轉!仲有大大粒沙白,令個湯更鮮甜!呢度係用QR CODE落單,又快又準確!唔洗tick紙又環保!公眾範圍仲有個自助區域,分別有各種10多款丸類,特別是牛丸,牛味較香濃及彈牙實用,仲有新鮮蔬菜🥬任勻選擇,而醬汁都係自己配搭,有炒蒜、蔥等,特別推薦沙茶醬!打邊爐🍲必備醬料😋😋😋仲有自助香噴噴既肉燥飯,經典台灣美食,不過食少少就夠,仲要留肚食其他野!😆而飲品都有好多款選擇,特別是牛大人自家製既洛神花茶、菊花普洱、桂花烏龍等,味道唔會太甜又健康!仲有麥仔茶解下油膩添。依家like佢地Facebook/IG仲可以免費送黑糖珍珠鮮奶,但可惜個日我叫個陣已經賣晒😭😭熟食特別推薦鹽酥雞,好香脆鬆軟,唔太油及唔會太辣!皮蛋豆腐都唔錯,豆腐很香滑,豆味香濃!小妹大力推薦秘製滷牛筋、牛肚,滷水味好濃郁入味,又唔會太韌,食過番尋味!而肉類方面有上腹牛五花、安格斯特選牛板腱、美國SRF極黑牛肩胛、西班牙豬梅肉片、五花片、紐西蘭羊肉片等,全部肉類都很新鮮,特別是安格斯牛焯一焯已經食得,口感鮮嫩軟滑,而西班牙豬梅肉片晶瑩剔透,薄薄一片很易熟透,很爽軟彈牙!另外自家製蟹籽墨魚滑同干貝鮮魚滑都好味😋,蟹籽脆卜卜,墨魚滑爽滑彈牙,而干貝鮮魚滑很鮮甜爽,令其口感更豐富,重有雙重鮮味。最後last order時每人可叫一杯movenpick 雪糕,叫左士多啤梨🍓同朱古力,超滿足既吃到飽火鍋,充滿住台灣氣息既火鍋🍲店舖!😊😋😎+++++++++++++++如果大家喜歡💕我寫既食評,麻煩比個❤️鼓勵一下我,我會寫更多更好既食評比大家!😊 continue reading
(The above review is the personal opinion of a user which does not represent OpenRice's point of view.)
上網見到呢間好多好評 , 咁啱訂到 6 pm 😎 , 就早少少嚟食個 early dinner ! 係食之前上網做足功課 , 佢地網站好詳細咁介紹佢地嘅食材 , 有興趣嘅吃貨不妨去睇睇 ~晚上 6 點上到嚟已經有人排緊隊 , 而且差唔多坐滿 !! 😲😲食店乾淨 , 坐得舒服 , 仲有紙巾 , 餐車擺放食物 , 好貼心 !! 😌一坐低店員就會介紹套餐同湯底 , 湯底有 9 款咁多 , 各有特色 , 每款都好吸引 ! 我哋揀咗 $228 美國 SRF 極黑牛配呀嬤養生濃雞湯 ! 之後就可以掃描 QR code 點火鍋配料同台式食物 (食店有 wifi 😏) , 另外亦有自助區可以拎醬料 , 牛肉飯 , 蔬菜 , 菇類 , 丸同麵電子點餐嘅火鍋配料每份都係幾件 , 啱曬我呢啲想試好多款 , 但又冇咁大個胃嘅人士😜😜 ~ 啱食先再加單 , 唔使浪費食物 !! 👍👍之前睇食評有好多人讚佢自助區雪櫃非常夠凍 , 出曬煙 , 果然去到係一樣 !! 😲😲非常值得一讚 , 好少見到雪櫃夠凍 , 仲要出埋煙 !! 食得安全都好重要㗎 !! 食完唔舒服或者肚痾就掃興喇 ~~ 亦會見到有店員周不時喺自助區清潔 ~湯底足料 , 就咁飲有少少鹹 , 但用係淥火鍋配料 , 味道就啱啱好 !!各款牛肉 , 豬五花片 , 羊卷肉嘅質素都非常好 , 推介美國極黑牛肩胛 !! 🤤🤤 另外亦推介鮮甜海蝦 , 沙白 , 脆肉鯇 ~~ 仲試左瓜仔雞水餃 , 正正常常喇 ~ 蔬菜方面 , 有唐茴同皇帝菜 !! 飲品方面 , 一般汽水同茶都有 , 重點係樽裝冷泡茶 !! 😍😍  我地揀左菊花普洱同桂花烏龍 , 有個茶包係入面 , 真材實料 !! 飲茶健康 d , 個人極之推介 ! 另外電子餐單都有 5 款飲品 , 黑糖珍珠奶茶加 $25 ~  埋單後 , 每人會有 1 杯 Movenpick 雪糕 , 可以揀雲呢拿 , 士多啤梨同朱古力味 !2 個鐘食到飽飽 , 離開嘅時候都仲見到好多人排隊 果然人氣十足 !!整體黎講 , 食店食材選撢豐富而且高質 , 性價比好高 !! 食材由台灣直送 , 夠曬正宗 !! 店員做野爽快又不失禮貌 , 連加一 $250 絕對抵食 !!! 😀😀😀  continue reading
(The above review is the personal opinion of a user which does not represent OpenRice's point of view.)
Level4 2020-01-19
2049 views
牛大人都可以算係近期火鍋放題熱店,好多朋友都話非常難等位先可以食到。 今次我就晚上10:30先過黎食,果然等10分鐘就可入座。環境夠開揚闊落,兩人座位都做到私人空間。原來望望下呢度仲可以俾人包場做活動或party!限時120mins 火鍋放題套餐分3款:精選嫩牛、美國SRF極黑牛、澳洲極上和牛3款• 9款台式湯底選擇。外面提供了各式蔬菜、麵食丸類,各款台灣直送火鍋配料。火鍋醬料都有10多款,不過最特別梗要試下洋蔥牛肉醬,食牛肉的良朋知己。今次就選左美國srf極黑和牛 $208 及湯底 台中蒜頭雞鍋!整隻雞放入鍋,蒜香而不嗆。飲品最推介是冷泡茶桂花烏龍、洛神花茶~出面還有冬瓜茶、仙草蜜、汽水供應。如果like 左Fb 仲會送番杯黑糖珍奶。呢度滷肉飯都係用牛肉做, 好惹味。台式小食鹽酥雞、台灣腸、甜不辣、烤甜薯。時令海鮮。涼盤肉鬆皮蛋最正梗係任食多款靚牛,推介牛板腱 及牛肩胛 。牛肉色澤通紅有牛味,埋單時仲會每人送movenpick 一杯! continue reading
(The above review is the personal opinion of a user which does not represent OpenRice's point of view.)
Level4 2020-01-16
1888 views
食過咁多間火鍋,第二次食台式既火鍋,對上一次食,好多野食都要自己出去拎,出到去拎好似打仗咁,勁多人係到搶,拎曬又唔會即刻加,放到周圍都係,款式又唔多,地下滑到差D訓係地,係一個非常壞既印象!!今日黎到呢間,超大對比!用手機落單,款式多到不得了,有一部份食物都係出面拎,但放得好靚,冇曬會即刻拎入去加返,服務非常之好,有咩要求,即刻走黎幫忙,我愛上了~~佢呢個做法有點似日式,有幾個唔同既牛肉套餐,唔同價錢俾你選擇,但除左牛肉之外,其他全部都非常之台式,連湯底都係,好特別。我地叫左台灣鳳梨雞鍋。食物款式真係多到不得了,最重要有最出名既甜不辣,真係好好味,同台灣食既一模一樣,仲有士林鹽酥雞,鬼馬老油條,真豬小香腸(台灣腸),梅甘酥脆薯,魚香皮蛋豆腐,台式蝦餃,呢D全部都係台灣出色既食物,每一樣都同台灣既味道非常相似,真心覺得好值得在去。本身套餐入面包括有安格斯特選牛板睷,美國SRF極黑牛肩胛,呢兩個肉睇落好似好普通,送到黎個下得幾片,唔似咩靚野/高級野,但原來食落好唔同,牛味勁重,唔好老,唔鞋口,好好味,最重要肥既位置唔多,岩曬我呢D減肥中既人,正~~仲有個最最最想推介佢地既飲品,款式可能唔算多,但好特別,有桂花烏龍,洛神花茶,菊花普洱,全部都係原味冇加糖既飲品,最岩清淡既我!! continue reading
(The above review is the personal opinion of a user which does not represent OpenRice's point of view.)
Level4 2020-01-13
1016 views
有個邊爐達人朋友介紹先知,原來旺角開咗間非常有人氣的台式火鍋店,咁我就更係約埋男朋友去試吓啦!需然book咗位,但因為真係太多人,所以都等咗一陣先入得。我地今次揀咗個比較清的湯底,想試真啲啲牛的味道,因為嚟之前睇咗食評,話啲牛的質素很高!果然冇令我地失望,牛肉很鮮嫩,脂肪分布清晰均勻,下鍋後不用淥好耐就已經變色可以食得,牛肉味亦很出,老實講,任食有呢個質素真係有啲喜出望外,好易回到本海鮮亦係另一個喜出望外位,特別係啲蜆,很大隻,入面啲肉都很大隻同飽滿,而且都幾鮮甜有個私心推薦係呢度啲‘滑’,口感幾彈牙,我地食咗牛肉、豬肉、墨魚,都食得出不同的味道,非常不錯有一個位也是令我覺得性價比高的,就係‘台灣直送’的這個區域,需然食的係一般會吃到的丸類、蟹柳、芝士腸等等的火鍋配料,但老闆用上台灣的食材,感覺也較為放心和安全很多種類的菜同菇,頗新鮮和整潔。另外都有不同種類的粉麵最後不得不提係呢度的飲品,竟然會有黑糖珍珠奶茶,味道和口感仲拍得住出面街買的;另外仲有不同款色的冷泡茶同飲品,呢間餐廳實在真係性價比太高了 continue reading
(The above review is the personal opinion of a user which does not represent OpenRice's point of view.)