Read full review
2014-11-30
1899 views
對上一篇朱古力食評，已經喺幾個月之前嘅事情，當時介紹咗馬莎嘅排裝「西西里海鹽牛奶朱古力」，不約而同，今次同大家分享嘅又喺馬莎貨品「大都會朱古力餅」（Metropolitan Biscuits） 。多謝食友餽贈，令我有個甜蜜嘅下午茶，有時簡簡單單幾件朱古力餅，加杯咖啡，都喺好寫意嘅享受 。馬莎貨品一向有質素，就好似依盒餅，無任何化學色素、添味劑或防腐劑，令人食得較安心，故此，相對同類產品，馬莎一向賣得貴過人，所以，多謝食友厚愛 。每盒有12塊朱古力餅，而每一塊都厚身墜手，因為鬆脆嘅餅乾有半邊都包著厚厚嘅比利時牛奶朱古力，存放晌室溫之下，朱古力香甜圓滑。不過，因為唔喺獨立包裝，開封後就要快啲食。好些食友對馬莎產品都有份偏愛，所以，除上述嘅朱古力餅外，亦從其他食友收到脆片小食及茶包，故此，就順道一個食評分享埋。「扁豆脆片」（Lentil Curls）主要喺以扁豆粉製成，因為加入咗酸忌廉 和甜椒粉作調味，你問喺咪好食得出扁豆味呢？我又覺得有啲難，都只喺當食薯片咁。不過，脆片捲捲曲曲嘅外形幾得意，而且，印住90個卡路里，就正如包裝袋所寫：「guilt free」，絕無擔心有罪惡感 。「有
多謝食友餽贈，令我有個甜蜜嘅下午茶，有時簡簡單單幾件朱古力餅，加杯咖啡，都喺好寫意嘅享受 。馬莎貨品一向有質素，就好似依盒餅，無任何化學色素、添味劑或防腐劑，令人食得較安心，故此，相對同類產品，馬莎一向賣得貴過人，所以，多謝食友厚愛 。
每盒有12塊朱古力餅，而每一塊都厚身墜手，因為鬆脆嘅餅乾有半邊都包著厚厚嘅比利時牛奶朱古力，存放晌室溫之下，朱古力香甜圓滑。不過，因為唔喺獨立包裝，開封後就要快啲食。
好些食友對馬莎產品都有份偏愛，所以，除上述嘅朱古力餅外，亦從其他食友收到脆片小食及茶包，故此，就順道一個食評分享埋。「扁豆脆片」（Lentil Curls）主要喺以扁豆粉製成，因為加入咗酸忌廉 和甜椒粉作調味，你問喺咪好食得出扁豆味呢？我又覺得有啲難，都只喺當食薯片咁。不過，脆片捲捲曲曲嘅外形幾得意，而且，印住90個卡路里，就正如包裝袋所寫：「guilt free」，絕無擔心有罪惡感 。
「有機純綠茶」茶包（Organic Pure Green Tea），喺「公平貿易」（FairTrade）貨品，表示廠家晌製造茶包時，對所有原材料均支付合理嘅價格予農民，唔會為利潤而克扣、壓榨佢哋，加上喺有機貨免，更加值得支持 。每盒綠茶共有20個茶包，盒背教埋你點沖一杯完美嘅綠茶，雖然無跟到咁足去沖，但綠茶味道幾輕盈清香，加少少蜜糖，晌秋冬時節，更喺滋潤倍添。
食友們不時為小弟帶嚟唔同嘅零食，喺沉悶工作嘅調劑！
Other Info. :
因為喺朋友所送嘅小禮物，所以，環境、服務、衛生、抵食幾欄嘅參考值唔大。
(The above review is the personal opinion of a user which does not represent OpenRice's point of view.)
Post
