孖寶去骨海南雞 (Go Go Mall)

Open Now

Now Closed

本來去附近吃飯，因為太多人，見隔離孖寶去骨海南雞冇乜人，入到去原來佢都做好多外賣！外賣套餐$49，好抵，難怪咁多單！見啲人通常嗌海南雞飯，海南雞飯好大碟，就嗌海南雞飯，呢間嘢好耐之前已經見佢派傳單排到嚟屋企附近，但係好遠，一直都冇諗過會嚟食。一開始就上咗一人一個湯，雞腳有粟米紅蘿蔔，不過睇唔到湯渣，南瓜湯好甜，諗起上次響旺角食嗰間海南雞，又係有南瓜湯，唔通海南人鍾意飲南瓜湯？因為香港出街食飯好少會飲南瓜湯。老公嗰個係加大：我就標準口水雞，上枱以為攞錯，原來口水雞啲雞係普通海南雞，只係另外上一碟辣醬：唔係好辣，因為我叫小辣，飯係標準，佢可以加辣，分大中小，我係小辣，下次可以嗌個中辣，或者大辣，個套餐其實仲抵，有埋菜$65咋嘛，我嗰個細啲45，佢嗰個55，個女就食雞扒肉燥飯：都好多飯，雞扒即炸，所以等好耐，啲肉都OK，冇雪味，不過佢見我哋食得咁滋味，佢話下次都係食返海南雞飯！

今日係附近工作，係屯門周圍行下搵外賣，見海南雞都幾吸引。今次叫左一份例牌海南雞。部分位置有骨，雞既肉質幾滑，醬料都算味濃，職員好有禮貌，如果下次有多d quota會想幫襯海南雞飯。

今日lunch經過孖寶去骨海南雞，之前聽人講話呢間啲雞唔錯，所以入去試下。點咗個海南雞飯套餐$65，包一碟生菜同雞腳湯，凍飲要另加$6， 即$71埋單。上菜上得幾快，幾分鐘就上晒全部嘢。個雞湯飲到有南瓜，好濃郁，隻雞腳啲腳甲未剪，睇到都唔開胃，所以冇吃。海南雞飯啲雞份量算多，佢仲俾咗隻脾我，但啲雞唔夠嫩滑，其中有幾件雞仲食到有骨，好一般。個飯好黃，但冇乜味，名過其實。啲嘢食麻麻都算，仲要越食越熱，好似冇開冷氣咁，我食到彪標晒汗，我後面檯的女士都同店員講話好熱。總括來說，試一次就夠。

今日又去屯門練箭，練習前都搵d野食下，呢間孖寶海南雞好耐之前都試過唔錯，今日又黎食佢啦。店面細細，得幾張枱一眼望晒，人多時會比較迫d，今日中午1點左右黎都唔算好多人，但都有幾枱食客，地方細細就唔方便影個環境啦。坐底後都睇下餐牌，除左海南雞都仲有其他飯餐，價錢都係5-60蚊左右，不過都無包飲品，如加飲品就加6蚊，都合理。去骨口水雞飯（中）飯有得揀大或中，價錢差10蚊，由於不是太肚餓所以就揀個中size，黎到飯量就約1個飯碗左右，唔太肚餓當茶餐食都ok，先講講飯可揀白飯同油飯，我就揀油飯，佢地都係我鍾意既黃薑飯，黃薑味少少唔太濃，飯既質量偏硬身少少，我個人就ok，好過食濕飯，口水雞都係用返去骨海南雞，辣汁同雞係分開上，雞俾左脾位都幾滑，雞皮都爽口係差咁d啫喱，辣汁就少少酸辣同平時食開既口水雞辣汁有分別，都缺咁d花生香，我個人如果當海南雞點酸辣汁食係ok既，但如果一心想食正式既口水雞個感覺就會差d。凍檸茶跟餐加6蚊，叫左少甜但都朗偏甜dd，如果無少甜可能會更甜，要留意下，茶味輕微，凍飲水準普通無特別出色。整體黎講海南雞小店質素都叫唔錯，價錢都算合理，行開附近想食海南雞我都會再食。

聽聞呢間海南雞飯好出名，但小弟都唔覺有什麼吸引力！原因好簡單，睇雞及飯已經沒什麼吸引動力！直至有一日，有一位鄰居 買飯返黎，買多左盒！覺得味道普通，就請我食！打開一看，d飯黃到咁既顏色一係就好重味，一係就完全冇味！試左一啖，完全冇味，都唔明整到d飯咁黃做乜鬼！你比白飯黎咪算囉，見到d飯咁黃又冇味，真係擔心廚房究竟落左乜野去煲呢d飯....食左一啖就算難怪鄰居會比我食到雞方面，係正常既去骨雞，偶然有一兩舊有少少碎骨，擺到明廚房人手方面偷懶...雞肉係幾滑，不過係正常應該要有既！如果連呢一點都做唔到真係執左佢啦仲有既就係乜野醬都冇？齋食呢d去骨雞去送飯？真係好好笑，我去買燒味飯都有薑蓉送啦！坦白講，呢碟飯如果賣50蚊以上真係好過去搶！好采唔係用自己錢去買，否則喊出黎都似

今晚屋企人懶得煮飯 所以我地叫左外賣食揀來揀去 最後大家決定揀呢間孖寶去骨海南雞而我就揀左呢個去骨海南雞飯(大)配白飯 仲可以揀配油飯添$63 去骨海南雞飯(大)配白飯薑黃雞飯係有d乾身，啲飯係一粒粒，好有薑黃味啲雞好滑 雞皮唔會有好多肥膏 大細適中個人覺得配甜豉油最夾 而薑蔥油嘅薑就真係太過搶味😢 我個人會覺得有點兒咸添份量算正常大小，會送一個普通餐湯我估個湯係南瓜粟米湯 味道5錯 好清甜~好有誠意 抵讚  都夠曬飽肚可惜5記得影相!算係幾滿足既一餐

今日食左孖寶海南雞飯嘅外賣，50蚊到有一個套餐連湯連飯。首先講下佢個海南雞飯，個薑黃雞飯係十分之乾身，啲飯係一粒粒，好有薑黃味。另外啲雞好滑，同埋佢今日比左雞脾肉我，啖啖肉好正好juicy,個雞都冇咩雪味，下面墊著D芽菜索哂啲雞汁，好好味。最後要重點講既係佢既木瓜雞腳湯，超濃超好味超甜，嗰啲雞腳好高骨膠原，食落好脆皮，木瓜亦都好甜，飲完會好滿足，最緊要係冇味精，飲完唔會口渴。呢個餐俾50蚊比得好開心。

外賣2人餐1. 無味精湯 👍🏻👍🏻👍🏻👍🏻南瓜粟米湯 南瓜味十分湯 啱我口味2.去骨海南雞👍🏻👍🏻👍🏻肉多 但有啲雪味 3. 油飯👍🏻👍🏻飯身偏硬4.油菜👍🏻👍🏻👍🏻5.糖醋排骨👍🏻👍🏻👍🏻唔錯 份量多2個人食好夠飽！！！

孖寶去骨海南雞（Tuen Mun)哩間係主打無味精嘅海南雞舖頭🐔 雖然舖頭細細 但係招牌同餐牌都幾搶眼👀 一於去試下佢～⌖ 去骨海南雞飯（中）跟湯🐔🍚💰$44海南雞都幾嫩滑 雞皮唔會有好多肥膏😙 大細適中 油飯嘅雞油味同埋香茅味都幾出😋 只係略嫌乾咗少少🤏 隔離配有三色醬（薑蔥油，甜豉油，泰式甜辣醬）個人覺得配甜豉油最夾 而薑蔥油嘅薑就真係太過搶味😢 整體份量來講就爭咁啲 大食少少嘅朋友應該要嗌大啲嘅份量嚕😌最後附送嘅湯真係超驚喜😳😳 係好濃郁嘅豬骨南瓜粟米湯🐖🎃🌽 飲落好清甜又足料 完全係住家湯嘅感覺 好有誠意 抵讚🥰☻ 回頭指數：8 / 10 #Fatshit_ami #Lunchtime #屯門美食 #港式美食 #香港美食 #食好西 #去骨海南雞 #去骨海南雞飯 #油飯 #豬骨南瓜粟米湯 #住家湯

孖寶曾海南雞飯係我十分喜歡甚至說最喜歡的一間海南雞飯店，因為它不同於其他海南雞飯，他的薑蔥蓉味道較淡油飯味道較濃十分好吃！再加上價格便宜，即是我不是住在附近，也會專門過去買但是最近一個月，可能來了一個新廚師，味道都變了首先薑蓉變得極鹹，好像在吃鹽，完全掩蓋了蔥的香味和薑闢腥的作用而油飯只有色沒有味，沒有了原來咸鮮的感覺希望這篇食評能反映到給他們知道，讓我能再品嚐到原來的味道，否則即是推出了全屯門送餐服務，也難以挽留我😔加上其中一位送餐小哥態度欠佳，請正視

咖哩牛肉飯 $51咖哩香味濃沃，聞到都增添食慾，但係外賣送到嚟嘅外觀就偏差少少， 啲咖哩汁濕曬邊，一打開個蓋就 整污糟隻手。而且望落去係偏多油，女仕們揀呢個飯可能要三思下。牛肉分量適中，咬落軟淋，咖哩味道香辣，個辣度應該每個人都食到。整體味道其實唔錯，啲咖哩汁撈落飯度食真係好好送飯。份量算正常大小，會送一個普通餐湯。

今晚又嚟試下孖寶去骨海南雞餐廳。平時淨係嗌開佢啲海南雞飯食，今日就轉下口味，試下佢嘅五香牛肉肉燥飯。外賣送餐速度同平時一樣咁準時，返嚟到嘅時候都仲係暖嘅，唔會變咗食冷飯。不過佢個盒飯嘅飯量其實齋睇落去都覺得比較細，一個正常男人晚飯嚟講可能會唔夠食，雖然個飯先49蚊唔算貴，但係呢點應該值得改善下。但係盒飯嘅味道就有水準嘅，牛肉夠淋夠容易咬，啲肉燥都唔會話太咸，味道啱啱好，撈埋落啲飯度一齊食簡直食唔停口，而且仲有個湯送，邊食邊飲唔會太口乾。

今日同同事一齊買孖寶去骨海南雞, 咁我哋其中一個就嗌咗下午茶餐嘅去骨海南雞,另一個就嗌咗正常晚餐嘅去骨海南雞,價錢相差十五蚊左右,主要係雞嘅份量唔同。味道嚟講係十分之好味嘅,啲雞夠曬嫩滑, 醬汁亦十分之出色,令人食唔停口,可惜個份量就細咗少少,以正常男性嘅晚餐黎講可能唔夠你食。另一個遺憾嘅就係去送錯咗，原本個下午茶真係叫咗油飯嘅，可惜畀咗個普通飯，呢點完全扣曬分。我哋同時都嗌咗個拍青瓜，呢個拍青瓜就好抵食啦，麻辣味夠過癮，分量都十足。

📍孖寶去骨海南雞飯孖寶係屯門區亦係出左名嘅海南雞飯，佢哋主打去骨海南雞，今日晏晝就同朋友去咗食個二人餐。二人餐超扺食🙈二人餐有半隻無骨海南雞/口水雞+一個小菜+一個油菜+油飯/白飯+超級靚湯😍呢度嘅員工好好，為我哋介紹+$28可以要多一樣小菜非常之抵。不過我哋兩個都比較細食所以就冇嗌啦😚今日我哋就叫左海南雞半隻+梅菜扣肉+油菜+白飯配南瓜湯😍海南雞真係一條骨都冇👍🏻今次食有啲鞋冇平時咁嫩滑，有三個唔同嘅醬料可以俾你配黎食😉呢到呢南瓜湯真係好足料，唔止有好多湯渣，分別有雞腳、紅蘿蔔、巨量南瓜🎃超級鮮甜☺️⼀定要試❗️小菜我哋就叫咗梅菜扣肉，今次有少少鞋，但係扣肉唔會太肥啱晒女仔食，之前有試過其他肉餅覺得太鹹，食過唔同嘅小菜之後，都係覺得梅菜扣肉最好食😋 梅菜仲可以拎嚟撈飯🙌🏻佢哋油菜就正常水準，佢啲飯亦好大碗，唔知點解我覺得油飯食得濟啲同埋乾好多☹️都係鍾意食白飯多啲🥰評分時間❣️ (最多五顆星，如不推薦會打交叉）食物質素⭐️⭐️⭐️環境⭐️⭐️服務質素⭐️⭐️⭐️⭐️價錢💸:埋單$158

本餐：海南雞半隻 油飯2個無味精湯香煎魚香肉餅油菜凍檸茶凍奶茶外賣送到 餐還是熱 飲品仍有冰 很不錯但女友飲一口凍檸茶後：好難飲我飲一口後：這是五花茶？凍奶茶也是一樣 分別不大習慣香港冰室高品質的茶底 你是絕對不滿意的。然後嚐一下香煎肉餅 魚香來襲 為我們這一餐打下強心針 一致認可 挺好吃。不點雞醬 有鹹魚餘香 點後會比較順口 再嚐南瓜湯 第一口是有驚喜 可惜南瓜渣太多影響口感 雖然有一點法式湯的感覺 可是都對甜湯沒太大喜好的我們 就算了。再來油飯 對飯食有嚴格要求的我 看到油飯竟然不是粒粒分別 就知道不怎麼好吃 細嚐下結果還是一樣 飯的水份太多了。油菜 菜色都變成黃了 代表已經煮老了 也沒什麼特別 就這樣主菜海南雞 也挺失望 嫩不嫩 老不老 冰鮮雞肉質唯一好是皮薄 份量大 ，然而雞肉也沒什麼味道 如果主打海南雞 我是建議不如倒閉好了 反正疫情都不好過。最後3個醬 1.薑蓉 2.稀釋左既雞醬 3.海南雞醬油很離譜....1.以前就聽過 做得好的薑蓉是不用落鹽的 這個薑蓉很咸很咸 咸到你想講粗口2.稀釋左既雞醬 配雞會食到你懷疑人生 完全不夾 但配肉餅還是不錯 3.海南雞醬油 配雞食 都