39
10
3
5-min walk from Exit B, Ocean Park Station continue reading
Telephone
35551700
Opening Hours
Today
06:30 - 22:00
Mon - Sun
06:30 - 22:00
Payment Methods
Visa Master Cash AE UnionPay JCB Diners
Number of Seats
213
Other Info
Prevention of disease
Online Reservation
Wi-Fi
Alcoholic Drinks
May Bring Your Own Wine
Cake-cutting
Parking
Reward Dining Points
Delivery
10% Service Charge
Review (66)
在海洋公園萬豪酒店剛剛開幕嘅時間,就已經來吃過一次自助餐,那驚喜到今日還記憶猶新。闊別一年不見,香港社會雖然變了很多,但這裏的自助餐似乎冇乜點樣變,依然保持其最佳狀態。雖然喺三月頭剛剛因為疫情關休業了一會,不過,似乎回來後更加強勢回歸,係食物同衛生方面做到一個更大嘅平衡。就因為係openrice 看到多間酒店將自助餐轉為任點任食嘅形式,由專人送上枱或代夾,整體感覺好衛生,食都食得放心的文章後,就想再來試。在剛剛重開的這個星期,我們一行七人一於黎食飯,幸好,當時未有四人限枱令,如果唔係,都冇食得咁開心,畢竟食好嘢一定要一班人食先至夠高興。先講人人享用無限量供應嘅海鮮拼盤,包括有青口、海螺、蝦、長腳蟹同蟹腳,樣樣都咁正咁新鮮,特愛勁粗的蟹腳和海螺,而且真係要幾多,有幾多,平時後期海鮮會冇咁多,但去到九點,碟碟靚海鮮仲會源源奉上,你愛海鮮,就一定喜歡這個送上台嘅arrangement 。然後係刺身嘅部份,呢個就係自助形式,你自己又係鍾意有幾多攞幾多,甜蝦、北寄貝、希靈魚、帶子、油甘魚等等多種不同刺身,最重要係魚生夠新鮮而且好慷慨,基本上每次都被俾好多你,就好似呢碟我一次過攞晒咁多種,你胃口少啲都食唔晒。另外一讚就當然係呢度嘅燒味,上次已經講過呢度嘅燒味係米芝蓮嘅師傅做嘅燒味,最不能錯過的是叉燒,真係食幾件已經回本,仲有燒鵝、油雞等等也是優質之選,可惜如果要一碗白飯實在不智,還是欣賞單單一件叉燒的美。熱葷有好多種,最吸引的當然係海鮮同牛肉。先講牛肉,食咗兩種,一個係來自美國嘅牛,另一個係來自日本嘅和牛,加上簡單嘅燒汁,由於肉質本身已經好正,基本上不用太多調味都已經好得,呢個又係好多人會排隊,一定要食。另外一個回本作係鮑魚,每次一人兩隻,而且不停提供,速度非常之快令人震驚,不過不如驚你個胃冇位食好過。仲有黃金蝦、西蘭花鮑片、乳豬、鵝肝多士,蝦帶子鍋巴等等,基本上每樣味道都不錯,絕對令你眼花撩亂。上次已經知道有蝦子撈麵呢個item,今次依然有提供,品質同上次一樣冇變過,一樣咁好,係你面前每碗準備,即煮即食,每碗又唔會太大碗,兩口便完事,但用上嘅蝦子同外邊差不多。 最後仲有粉麵檔呢個不能錯過之選,用返上次嘅班底有花膠、冬菇和來自長洲嘅大魚旦,仲有好多種唔同嘅粉麵可以俾你選擇,如果你驚太飽,就咁一塊一塊花膠攞嚟食,一件一件冬菇攞嚟享受,增加一下骨膠原和養顏吧。燉湯又係不能錯過嘅系列,我唔知係咪晚晚唔同,但今晚飲嘅都不錯,我估下次你嚟到都不會太差。 最重要嘅一定係蒸活龍蝦,呢個絕對係今晚主角,套用呢度嘅員工話齋,基本上只要你食多幾件蒸龍蝦,就一定會回本,你只要吃過就知道活鮮龍蝦同雪藏龍蝦嘅分別真係好大,肉質的色彩,味道,入口的質感都有極大的分別,加上仲要有三種唔同嘅醬汁俾你點,個龍蝦基本上係有四種食法,你唔食番八件龍蝦試吓前後唔同滋味又點對得住自己。淨係前菜、熱食、刺身和龍蝦都已經令人非常滿足,甜品其實都有好多元化,不過真的不了,因為太飽的關係我只推介兩種,第一個一定要吃嘅係心太軟,第二就係佢個雪糕櫃裏面有兩個期間限定嘅雪糕,其中最愛係哈根大師的caremel CRE me brûlée mochi ,之前喺7-Eleven見過,三十元一杯,幾飽我都忍唔住食咗兩杯,因為太好食,睇到呢度,今晚又點會不回本?當而家變咗半自助嘅時候都一樣強勢回歸,宅在家中的你如果要選擇一餐去調劑下近日低落的心情,你又會唔會去食番夠本?海灣餐廳及海灣咖啡室  黃竹坑黃竹坑道180號香港海洋公園萬豪酒店海灣地下 continue reading
(The above review is the personal opinion of a user which does not represent OpenRice's point of view.)
Level2 2020-04-06
3310 views
一年最緊要就係開年飯 因為係附近做野 所以就成班同事專登搭的士嚟食buffet啦!!!!!🤩 一聽到阿姐請食ocean park marriott 個個同事都已經好開心 Buffet 既重點就係要量少 咁就可以食到唔同嘅款式 如果好味之後再返去添咁就最perfect啦 ! 一入到大門口就有一個好巨型嘅旋轉haagen dazs雪糕櫃 超級吸睛 由於食飯時間太短 所以都冇逐個影相 不過lunch 食物種類來講係多 而且有好多live station Eg lobster risotto, steak, lam rack, 紹興酒海鮮蒸蛋? 車仔面 Lunch 四個即煮station 黎講真係算多🤭 酒店又比較新 又用咗好多開陽嘅設計所以成個餐飲環境都唔錯於價錢因為係阿姐找數所以就無理啦不過會員好似有折扣 continue reading
(The above review is the personal opinion of a user which does not represent OpenRice's point of view.)
上星期六想出外走走,想起海洋公園停園,就去看看寧靜的公園會是怎樣,的確除了我們一行幾人外,便沒有其他人,真是靜到前所未有。當日天氣清朗,大家更在門前玩自拍,然後便走到附近的香港海洋公園萬豪酒店,最初諗住只是HEA下飲杯茶,但見到海灣餐廳剛推出「任點任食」,只限星期六、日及公眾假期提供,今日剛好是星期六,就決定飲一陣,夠鐘便去試試呢個「任點任食」晚餐。 其實我都是首次踏足餐廳,感覺又幾舒服,當我們坐下時,侍應已為我們送上海鮮拼盤,包括阿拉斯加蟹、鮮帶子、三文魚、海螺、青口、大蜆.....等,尤其是帶子,肥大肉厚超鮮味;長腳蟹滲出的鹹水令蟹肉特別鮮甜。 任食日式壽司和刺身,包括鯛魚、赤貝、油甘魚和赤蝦等,更是無限量供應,款款都是味道鮮甜,而三文魚肥美而鮮甜,口感油潤,甜蝦鮮味得來又帶有粘粘的口感,超讚。 開邊即蒸龍蝦,肉爽口彈牙,啖啖肉,內裏還有不少蝦膏,味道甘香鮮甜,超愛海鮮的朋友,單單食龍蝦已食了4隻,真是賺晒。 磯燒鮑魚配柚子汁,肉質鮮嫰而帶點咬口,那柚子汁大大提升鮑魚鮮味,滋味。 任食的厚切鵝肝,雖然好邪惡,鵝肝的表層煎得好鬆脆,入口即溶,滲出鵝肝的香味,令人難以抗拒。 一盅盅的那清澈的湯頭,芳香濃郁,滋補又養顏,喝起來甘醇順口。 燒牛和油花分佈,充足牛肉香味,簡單的放上海鹽調味,好味。 米芝蓮蜜汁叉燒,入口時有點焦脆燶邊效果,肉質軟腍又充滿蜜汁味,甜絲絲好惹味! 油雞肉質好嫩滑,吃時蘸上薑蓉,令齒頰留香。一定要試呀 !  最後要一提的便是衛生安全措施,餐廳提供清毒酒精搓手液,消毒濕紙巾還有信封供客人放口罩,相當的貼心。 continue reading
(The above review is the personal opinion of a user which does not represent OpenRice's point of view.)
Level4 2020-04-02
2025 views
我之前聽過很多人講過海洋公園的萬豪酒店,靚到不得了;同埋個buffet dinner非常高質素,可惜一直就冇機會來吃,因為長期都爆滿。呢度嘅環境非常之優美,來住一天就好像渡假一樣,如果單單來吃自助餐,然後就走,你可能興趣就不大;不過如果入嚟住一晚,然之後食餐飯,一站式,就好得多。之前一直也想訂這裏的自助餐,不過碰巧想入嚟住的時候,自助餐咁啱係呢個時候就暫停,之前社會運動嘅時候呢間酒店嘅房非常之平,而自助餐當時都好難book。呢個自助餐咁啱係兩個星期之前出返,仲可以夾埋有住房優惠,當然就要試吓。「食.住家庭樂」住宿計劃係逢星期五至日晚,價格為每房每晚港幣$1590 以上,包括住宿一晚和自助餐,最鍾意呢個推廣係主要針對週末,好似我呢啲一至五嘅打工仔就最適合。因為太期待,和朋友六點幾來到,自助餐都未開始,不過看到餐廳準備都已經係賞心樂事。特別係對眼發光嘅,就係呢個期待已久嘅活蒸龍蝦,呢個龍蝦嘅味道同平時雪藏龍蝦有非常大嘅不同,爽口就一定,而且好新鮮,最重要係有唔同嘅醬汁可以俾你配搭,我最愛係泰式汁,不過女仔真係食唔到咁多,想回本都只能係吃到多兩件,不過也好滿足。另外而家呢度變咗半自助餐,你唔需要再喺出邊攞海鮮,每人都立即送一份海鮮,有蝦有蟹腳,仲有專人送上,皇帝式享受。車仔麵吃得多,最正嘅係食花膠,冬菇和大魚蛋,多種都同的粉麵可以俾你做底,呢度嘅車仔麵唔會有啲好下欄嘅材料,就咁叫花膠冬菇米都已經係高貴都不行,女士愛骨膠原的話就必會吃這個。熟食方面有鮑魚,鵝肝多士,乳豬和各式各樣的牛扒,最正係仲有日本嘅和牛,即叫即整,入口牛味一流,鮑魚每次攞兩隻,那個西柚調味都幾搶鏡,整體嘅熱葷都不錯。魚生刺身有好多種,基本上每種都好精彩,剩係個多樣化選擇已經叫人迷倒。最好嘅係呢度嘅燒味,係應該我係全香港吃過嘅自助餐當中最好,叉燒的厚和肥美,絕對好過外面九成九的餐廳。甜品也是說不出的好,只不過個人真係好飽,吃不了太多的甜品,只能說不要錯過那個雪櫃裏的多種不同雪糕,我同朋友每個女仔都吃左兩杯,你話幾正。呢個自助餐再配合住一晚酒店,真的不能輸了,依家可能好多人都話唔會出街食,但係咁平嘅優惠無可能唔試吓。怪不得身邊的他常說有幾好有幾正,試過就真係無錯。 continue reading
(The above review is the personal opinion of a user which does not represent OpenRice's point of view.)
Level4 2020-04-01
1436 views
疫情肆虐下,大家出入真的要小心,尤其是家陣4人一檯的措施,對飲食業實在是重鎚打擊,這個寒冬真的暫時未見底。但有時偶爾想食餐好既,當然以衛生及安全為首要。早前跟幾位「生死之交」走訪了海洋公園萬豪酒店,一嚐近日推出的「任點任食」晚餐。是次重新推出的海灣餐廳午餐及晚餐「任點任食」更為客人帶來震撼優惠,現凡萬豪旅享家會員和海洋公園智紛會員,於星期六、日及公眾假期到酒店海灣餐廳享用「任點任食」,均可享超抵優惠。客人可於網上登記成為萬豪旅享家會員,即時可獲海灣餐廳「任點任食」七折優惠。海洋公園智紛會員更可獲六折優惠,屆時客人只需出示有效智紛全年入場證,則可享折扣。酒店只提供出入口各一,而且入酒店前要量體溫,而進入餐廳前,亦要先行用酒精搓手液消毒,又有消毒紙巾及信封提供,方便客人放入口罩,走的時候,亦見到侍應用火酒消毒餐桌,基本功夫做足,感覺良好。餐廳最強焦點,一定係任食清蒸環保龍蝦,原隻活生生去蒸,熱辣辣開邊,可以加芝士醬同泰式酸辣汁,好食到無朋友,環顧香港Buffet,真係一隻手數得出,仲要有找。另一個重點,由以往既鵝肝漢堡,轉成厚切鵝肝多士,充滿油香,口感豐腴,又係必食菜色。磯燒鮑魚配清酒柚子汁鮑魚烤得煙韌入味,可以食完又食,單食龍蝦同幾款主菜已經足以回本。蝦子撈麵同我食過Buffet既朋友都知道,在下係主食怪,每次都會整碗粉麵,更何況係蝦籽撈麵?粗麵底淥幾下即刻沖水脫鹼,的確一絲不苟,蝦籽下得重手,而且事前經烘焙過,蝦味更形突出,好食到無朋友。炆花膠配冬菇及長洲魚蛋雖然好多自助餐都有花膠供應,但往往只係一碟上就算,家陣又係任食,夠晒滋補。同場仲有超大粒長洲魚蛋,爽口彈牙,好味。鐵板燒其實鐵板燒除了鵝肝之外,仲有西冷、羊架、三文魚及和牛。首選一定是兩款牛肉,西冷烤得啱啱好,內裡肉質嫣紅,味道濃郁;而和牛雖然未至於滿口油香,但已經合格有餘,如果有岩鹽蘸點,相信更能提鮮。海鮮為了衛生,有幾款容易比客人摷翻的食物都換成了位上,海鮮就是其中之一。每位客人會送上海鮮併盤,包括翡翠螺、鱈場蟹爪、海蜆、藍貝與及海蝦,份量十足,而且食完仲可以再落order,包保衛生。刺身 同樣由服務員送上,有肥大肉厚既帶子、清爽肥美油甘魚及深海池魚,柔韌既北寄貝與及八爪魚,加埋希靈魚,刺身陣容大滿足。喜歡飲返兩杯配菜,大可加錢來一瓶清酒。 湯 先來一碗姬松茸瑤柱淮山燉瘦肉,入口一陣醇香,舌底生津,夠火喉表現,一口氣消滅了三盅無難道。至於每晚常備的西湯是忌廉南瓜湯,而中湯是節瓜鱆魚豬骨湯,絕不馬虎了事,老實講,的確飲了不少。熱葷 蟹肉海鮮鍋巴真係好足料,尤其是蝦肉爽彈,帶子肉嫩滑,放係脆卜卜既鍋巴上面,滋味滿分。螺片西蘭花好有喜宴菜的感覺,味道未必有驚喜,但自己幾鍾意。仲有鎮江骨、黃金蝦及星洲炒米,真係貴精不貴多。燒味 問下大家,若然係米芝蓮星級菜館食碟叉燒要幾錢?過百蚊是常識吧!家陣可以任食譚師傅主理既叉燒,厚切之下啖啖肉,有嚼口而富蜜味,少許冰肉位,只欠一碗白飯就完美了。仲有油雞、燒鴨及烤乳豬,都是自家出品。雜錦壽司及小食有三文魚籽、玉子、芥辣八爪魚、Konago、烏冬及蕎麥麵。芝士拼盤、Cold Cut及沙律 大堂一角的恆溫櫃,放上了芝士拼盤、沙樂美腸、parma ham、煙三文魚、紅菜頭沙律、煙鴨胸沙律及田園沙律。甜品一入門口已經好吸睛既旋轉雪糕機,入面放滿了不同品牌雪糕,先係哈根大師,有Azuki Mochi同Caramel Creme Brulee Mochi,口味獨特,好少機會係自助餐見到,仲有Chocolate Choc Almond雪糕批,又係必食之選。另一品牌係I Scream,送上Vanilla Madagascar Gelato,相信無乜地方可以品嚐到,大家記得留返少少肚食甜品。仲有即製焦糖燉蛋(咖啡味)、紅豆綠茶慕斯蛋糕、紐約芝士蛋糕、海洋蛋糕、核桃朱古力布朗尼、芒果椰子慕絲、焦糖布甸、士多啤梨意式奶凍、雙重朱古力松露蛋糕、檸檬撻及朱古力鬆餅。至於蛋白杏仁茶,同行朋友一致大讚,質地輕盈,甜度適中,杏仁味不會過於濃烈,好味。當然少不了即製班戟及窩夫。甜品的種類,雖未至於勁多,但每款都有水準,值得大家走一轉。P.S : 另外,酒店更有「食.住」家庭樂住宿計劃 計劃適用於逢星期五至日晚入住的家庭,價格為每房每晚港幣$1590 起,包括豪華客房住宿一晚、海灣餐廳兩位成人及一位小童自助早餐,以及海灣餐廳全新推出兩位成人及一位小童用「任點任食」午餐或晚餐。 continue reading
(The above review is the personal opinion of a user which does not represent OpenRice's point of view.)