Mango Tree

Open Now

Now Closed

被安排坐在靠落地窗那邊, 光線充足, 清靜, 與朋友邊食邊傾, 十分舒適。三個人, 開了一支紅酒, 兩份頭盤包括沙爹串燒及炸蝦餅, 主菜是大蝦炒粉絲, 招牌燒雞及炒通菜, 另加二份甜品, 千三元, 食物質素及環境都有交代。

母親節當然要同媽咪食好西，上網睇到圓方呢間餐廳好多好評就網上訂位。開得係圓方價錢貴係預左，但野食就真係好麻麻, 平均四個人食左二千蚊, 而食既野味道實在太一般!!!店員仲要老點我媽咪洗手間位置，指示又唔清晰!整體黎講係一個唔好既體驗，不會再來光顧!咖喱蟹肉農夫包 HKD 328: 見到人地旁邊台都有叫就以為係好野跟住叫，點知中伏，味道係死咸個隻，食唔出咖哩香! 完全唔夠咖哩味。重點係冇咩蟹肉，已經收得貴都唔係一分錢一分貨麵包的口感我都唔鐘意，麵包皮難以撕開好似法包個隻硬度，其實係好難用黎下飯。冬蔭海鮮 HKD 178: 一定要比差評，睇圖都知有幾稀版，好似偷工減料咁。味道方面冇冬陰功湯的香濃，而且酸味太重，好怪不知所謂!你話佢係羅宋湯都得!蒜蓉炒椰菜苗 HKD 98:  如果簡單野都炒得難食就真係執得笠，好彩椰菜苗算新鮮。不過一場黎到食泰菜最好食竟然係普通椰菜苗，錯曬重點。最後仲要發生小插曲令人失望，我媽媽問酒吧女店員洗手間係邊，佢答出面左手邊，结果我媽行左出去10分鍾都搵唔到，於是入返去問佢，她說在入面，仲問佢咩服務態度 (擺明老點HEA答)不過算，因為真係冇下次，說好的又不到令人回

朋友生日食飯，選了圓方這間餐廳。食物還可以。但服務很一般，價錢偏貴。但係冇辦法圓方的餐廳基本上都係偏貴。泰式燒雞半隻$198真的有點偏貴，燒雞腌得幾好幾入味，味道不錯但雞肉有少少乾。燒雞送糯米飯。糯米飯質素很一般感覺很硬。食咗一啖就食唔到。咖喱蟹肉，咖喱調味唔錯，但係蟹肉真的少得可憐。要食到最後底部先搵到少少蟹肉。但係蟹肉質素幾好，不是冷藏貨。泰式大蝦炒金邊粉只有三隻蝦感覺真係唔係好大隻，仲應該係雪藏貨。炒粉味道幾好但係上枱嘅時候已經唔係好熱，有啲溫溫吞吞。鯰魚伴青芒沙律-青芒沙律調味幾好，很正宗，伴脆鯰魚爽脆加酸酸辣辣很開胃。但鯰魚很快會淋要即時食。總體來講食物質素都算可以，菜式擺碟都幾靚。但服務真的有待改善，服務員偏冇禮貌。兩個人要$1000左右埋單，以呢個食物質素都幾貴。但係地段問題冇辦法。圓方普遍上嘅餐廳都係偏貴

臨時約食下午茶，又唔想等位，見OpenRice 訂位及友人推介下即日訂台食下午茶！呢間餐廳嘅位置都比較僻靜，所以當我地到達嘅時候都只有三四台人坐在餐廳裏面！由於定位有折扣嘅關係，所以我們到達後便詢問是否可以用折扣優！下午茶餐就有優惠！泰式下午茶，有咸同有甜，可以單點只要甜或只要咸！我地點左2個兩人下午茶（甜加咸）再叫左蝦餅同炒飯！又一眼寬肚窄既表演，最終朋友仔打包左個飯返屋企！甜點：有芒果糯米飯、南瓜布甸、椰汁糯米糍鹹點：炭燒大頭蝦、柚子蟹肉沙律、沙嗲雞肉、軟殼蟹米紙卷、燒牛肉沙律、豬肉水晶小丸子二人餐包兩杯野飲，我哋揀咗兩杯Coconut treasure, 一杯lychee smash , 一杯pineapple mojito ！每日三點至五點半供應！飲品來說，還是椰子的最好味！ 炭燒大頭蝦：肉梅梅的，沒有彈性！雞肉沙嗲：雞肉還是很滑亂那個沙嗲醬也很足味豬肉水晶小丸子：這個充滿驚喜，很好吃！ QQ的水晶被包着豬肉這個吃起來很特別！椰汁糯米糍：食起來QQ的，有很香的斑斕香味！南瓜布甸：比較普通由於炒飯同蝦餅是追加的關係，所以當他們來到的時候我哋已經飽了九成，最終每人吃了一件蝦餅，不能

這間餐廳位於圓方，由於圓方商場十分大，而且隱蔽在眾多名店中，所以要花一點時間尋找。用餐當日我曾致電更改用餐時間及查詢店舖在那一個區域，店員都很用心回答，讚！餐廳佔地面積很大，能夠容納很多客人，但枱與枱之間卻有足夠空間，而且裝修豪華，感覺就像進入了很高級的餐廳。與朋友二人獲安排坐在窗口位置，我與朋友從晚上7:30一邊吃飯一邊聊天直至10:45，店員也沒有打擾，實在是閨蜜談心的好地方！食物方面，與朋友點了柚子大蝦沙律、軟殼蟹米紙卷、泰式雞肉炒河及芒果糯米飯。柚子大蝦沙律甜酸度適中，很開胃。略嫌軟殼蟹不夠鬆脆，但唔整個米紙卷口感還好。泰式雞肉炒河則味道及賣相一般，可以不吃。芒果糯米飯口味正宗，唯獨欠缺正宗泰國芒果糯米飯常用的綠豆脆脆粒。整體而言，值得推介！

Had lunch with some relatives and decided to try Mango Tree, a Thai restaurant. We ordered a few dishes including their popular Pineapple Fried Rice and Fried Shrimp Cakes. The Pineapple Fried Rice was pretty flavourful and delicious. The pineapples they served us were relatively fresh and sweet too. For someone who doesn’t like pineapples, this dish was pretty good. The shrimp fish cake was also decent. Nothing too amazing but still a decent snack.

今天同三位友人過嚟食lunch，我哋叫咗個四人餐，有炸春卷、沙嗲雞肉串、炸魚餅、泰式菠蘿炒飯、炒金邊粉同泰式飛天通菜。春卷裏面係素菜，炸得香脆可口😋，沙嗲雞肉串雞肉鮮嫩多汁，調味得非常好，再加上沙嗲醬冇得彈👍🏻，炸魚餅外脆內彈牙，魚餅裡面有d香茅帶出魚肉鮮味👍🏻，其實呢度嘅蝦餅仲好味架😆泰式菠蘿炒飯同金邊粉就不過不失，因為四位都係女士，略嫌太飽😅，泰式飛天通菜炒得香口惹味👍🏻，今天套餐嘅甜品係兩款椰汁糕，兩款都好食，但我自己較喜歡綠白色相間的，椰汁香濃糕煙韌👍🏻👍🏻👍🏻

星期六第一次來到食下午茶，環境舒服，食物賣相ok,影相好似好靚，但係完全唔好食，蝦肉霉左，米紙卷個皮好硬，串燒雞肉好鞋，甜品一般，個芒果糯米飯d飯係硬到食唔到既，飲品都唔得😓真係超級失望！整個set就好似擺左好耐咁，好唔新鮮，真係估唔到係咁既質素，唯一可以的是雞翼，即炸夠熱

入到去環境好好！不過發現基本上唔使book枱，應該即刻有位，雖然唔係坐窗邊位，但環境同氣氛都好好！泰式沙律唔會太酸！不過生蝦就一般，不過最主要都係食氣氛，生菜包都新鮮但係就比較辣！重點好食嘅就係泰式鮑魚！非常鮮！整體來講都幾適合生日去食！

幾鍾意逛圓方，超巿，名店，戲院，食肆，應有盡有。今日在mango tree 下午茶，環境舒適，精緻泰式鹹甜美點，如軟殼蟹米纸卷軟殼蟹香脆甘香，柚子蟹肉沙律柚子果香襯托蟹肉鮮味，芒果糯米飯軟滑清甜...等，味道唔錯。加上特色飲品，好一頓輕鬆怡情下午茶。

有一少半枱向落地玻璃窗，很開陽，下午茶時間人少少，十分清靜，談天好去處，Aternoon tea set 味道好，特飲好飲，經open rice訂位有15% discount ，只是服務就很一般了。

我們一行四人，一早就預訂好位置，靠著窗位食個靚tea!!!🤣🤣🤣Mango Tree 素來食物都有保證，大蝦🍤大大隻隻，沙嗲肉串又惹味，椰子冰都過份好飲！.個人認為咸點實在太出色la, 搞到甜點ge表現真的有點遜色，😢好似芒果糯米飯咁、略嫌糯米飯太痴又無味.. 不過可能甜點已經盡了力🤷🏻‍♀️始終不及咸點威威🐷.坐到下午五時許，實在太舒服，環境又寧靜，簡簡單單就這樣結束一個下午吧😊woooo~

網評唔錯，e次帶小朋友去試下個下午茶set.陽光好好，心情唔錯。等左陣，食物來到。賣相ok.但食落龍蝦好梅，個泰式春卷包皮好韌，柚子沙律臭臭地怪怪地，係個沙嗲串好d，甜品過得去，但甜品間間都過得去啦，係咪？又order左一份雞翼，有d過火，乾又硬。味道都算了，但點解要斬開咁細件，叉唔到，逼住出手。又冇紙巾冇手套又唔換碟……食物可以話有個人因素，但咁樣冇心待客真失望。見得幾枱客，有d野真係一次就夠了。

因為難得見到下午茶是鹹食多過甜食，泰式下午茶的食物真的好吸引~加上又是在圓方的mango tree~所以就同姊妹一同去到享受未食過的泰式下午茶了~~去到，因為book左window seat的關係，陽光照下真的食tea也開心起來~原來最特別是，可以分開叫鹹食同甜食，但當然會叫埋他的tea set啦~~我同朋友分別飲品點了watermelon pop 同埋荔枝飲品，(因為熱飲唔太合口味)到泰式下午茶上來了，是用木板放起下午茶的食物，陽光下的下午茶，真的吸引到我們是咁拍照~~之後開始食鹹食，最好味是炭燒大頭蝦同埋雞肉沙嗲，真的味道剛剛好~~大頭蝦真的好多膏~~之後甜點，最好食是南瓜布甸，面頭是燒過的糖，好像焦糖旦咁~~加上南瓜味好重，愈食愈creamy飲品有少少酒精~都唔錯~~最滿足是可以在陽光下同姊妹嘆tea同埋談天~~日落時真的好美~~價錢唔太貴，真的好滿足的一個tea~~

2月16號晚，我和太太偶爾到了圓方商場，想找一間環境和食物都比較好的餐館食晚飯。終於我們選擇了Mango Tree😋我們沒有預訂的。門口的服務員很有善地馬上就給了我們一張四人枱😊，並告訴我們一個半小時便要還枱。我們坐下來不到一分鐘，餐館經理馬上就過來問我們是否四個人。我當然說只是兩個人吧。他匆匆地走到門口接待我們的服務員，之後又匆匆回到我們，叫我們轉換另一張二人枱。我們當然沒有問題。這個餐廳經理為我們落單，但我覺得他是不在意我們的。我點了蝦餅，沙律，鮑魚和椰青。另外我問他另一個餸，紅柳雪魚是否很辣，他很求其地告訴我們知係中辣😏。我即時的感覺係好似去左間茶餐廳嘅招乎😰。因為我不食辣的，所以我們沒有點這個魚。他覆我們所落的單時，景然張我落的蝦餅變了春卷😰！後來我再找另一個服務員加了一個芒果蟹肉炒飯。後來又找另一個服務員再加了一個雞串燒。這兩個服務員都很友善😊。另外給我們加水的服務員也很有善☺️。當我們食完只一會，忽然餐館經理把賬單放在枱上我太太的一邊。一點說話都沒有說😰。我起初還以為一個半小時已經到了。所以便把賬單從我太太那邊拿過來，把我的信用卡放在賬單上給餐廳經理😰。後來我看青楚手表，原來