Manecy's Studio Restaurant (Closed)

Spanish food not as good as the many happy reviews suggest. Avoid the appetizers and only have the main meats. The crab cake can more accurately be described as potato cake with a dry olive. The scallop tapas had very small actual scallop cores and was served with the surrounding meat to fill the dish. The Beck's beer on the menu was described as full pint but was in fact a 300ml serve. Staff refused to correct this arguing that the serve was bigger than the 250ml half pint serve of the other b

看了很多食評才決定在這間餐廳慶祝母親節，但食品質量與食評實在有太大落差，感覺有點中伏。蜜瓜不夠甜，火腿很一般除了餅底較香脆以外，味道極普通只有燒乳豬確是比較好吃豬手！鹹得離譜！最後吃剩半碟⋯另外還有一碟蒜香辣椒大蝦，由於一邊吃一邊很失望，所以連相片也不想再拍，蝦是霉的！😡千萬不要叫！總言之，這餐飯的感覺是去了一間一點也不精緻餐廳，無論所謂歐陸風格的裝潢和食物質量，也令人大失所望。一向做足功課，有備而戰的我，今次也老貓燒鬚! 伏已中！

除左自己冇注明要坐窗片系一個失誤之外，其他都好滿意！食物同服務都好好！會再帶其他朋友去！。 最後臨走俾人叫換位，因為來左10個人，但整體ok,因為我地自己本身用餐時間應該系有比預定時間長左少少既！食物整體ok,咸豬手個人覺得幾鐘意，夠香夠脆，仲會幫你切埋，夠細心. 當晚系full既，侍應都好忙，但我地叫幫忙影相都有停低幫手，就算唔系即時，但都有記住左。抵讚！亦都冇因爲忙而脾氣差，微胖既女侍應仲非常好笑容！ 希望下次記得book窗邊位啦！

呢排好想食西班牙野但係又唔想自己煮咁就當然係出去俾錢食啦我地叫左個crab cake 烤乳豬同海鮮墨汁paella Crab cake 裡面食到少少既蟹肉而佢配既tomato salsa 中和左個油膩呢個西班牙烤乳豬老實講真係有啲失望嘅因為佢嘅份量實在太少喇 佢差唔多成$300但係兩個人食都覺得太少喇但係佢嘅酸菜係做得唔錯嘅而呢個墨魚汁海鮮paella 都唔錯佢既飯做得唔太林 亦唔會過硬墨魚汁既味都幾出而海鮮食得出食急凍海鮮 但唔會腥

同朋友銅鑼灣shoppin兼覓食，意外發現樓上西班牙天地，有驚喜啊！😜-🔸西班牙式烤乳豬🐷全晚最愛的一道main course！乳豬皮十級薄之餘好香脆🥰以為乳豬肉會較乾身 點知意外地juicy配上酸酸地嘅芥末一齊食真係忍唔住食多兩件 😂 推薦！❤🔸 傳統西班牙海鮮飯嚟到西班牙餐廳這個是必點吧😍海鮮飯不會太乾身 飯粒入晒海鮮鮮甜味份量非常足 海鮮種類都豐富有大蝦 魷魚 帆立貝 青口同蚌！大滿足！👍🏼🔸香辣意大利腸燒烤醬pizzaEveryone loves pizza😛自家製餅底比較薄 配上意大利腸非常惹味🙈另有青同黃椒 解一解油膩感😂 可一試！

啱啱婚後第一個生日🎂冇大型嘅慶祝,因為懶😆食餐飯就算了黎左呢間餐廳有紅磚牆加烘型窗,裝修特別呢度出名食豬手,大大件不過我地就冇試,怕飽得滯食唔落其他叫左西班牙海鮮飯🥘賣相吸引‼️都幾多海鮮...有蜆,蝦🦐帶子,青口,魷魚🦑入口鮮甜,飯亦軟硬適中唔油膩 仲有意大利雲吞唔知由幾時愛上雲吞鍾意咬開充滿饀嘅感覺加上黑松露嘅香味♨️個人覺得係絕配🦑魷魚圈好香脆,作為前菜,配他他醬好快就食晒成碟🦐最後有大蝦4隻..蝦肉爽口蒜香汁味濃加少少辣,惹味‼️

早幾日係Facebook 見到佢地傳宣，廣告拍得吸引。今日黎試下，點知！唉！本應想轉身就走。但一場上到黎，試下啦。拎住兩隻碟好似傻仔甘等拎野食，因為大家都係度輪豬手，輪意粉。得兩個人付責我地成堆人輪後，又無分流，正常冷盤同主食係分開架嘛。大家死等一條龍。香港政府醫院急症都快過佢。香港人果然好有耐性等候。輪左18分鐘有多，終於到我有得食。豬手味道還可以。肉腸也一般(叫貨產品,唔會難食既。)意粉真係咸到叫救命。其實食物唔多款供應，味道總括好一般，死咸，要飲大量水。飲水都飽啦。食完成身油煙味，最憎！

朋友生日，黎試新野。叫左manecy’s招牌自家製披薩($158)，不過不失。低溫慢煮美國頂級牛肩胛扒($308)，配薯菜，薯條幾好食。原來扒跟薯菜，係唔知情況下另外又order左薯條，落單侍應又無提，野食來時有2份一樣既薯條，有少少失望。朋友叫左玫瑰樂園($58)，唔錯。紅酒味手工啤duchesses Bourgogne($78)，好有特色。

最欣賞最欣賞的地方真係-唔會催交枱無限時！不知從何時開始，周圍都限時食90分鐘食得黎，又無時間傾計，逼人再去下場飲野食糖水，哈哈~Happy Friday, 友人選擇左呢間樓上舖。第一次黎，位置都算就脚，地鐵站出步行幾分鐘就到。當晚落雨無帶遮都無點淋濕香煎吞拿魚伴意大利青瓜想象中係一塊大青瓜片上面鋪上小吞拿魚粒，結果一上枱，我同友人都不約而同笑左出聲。原來剛好是相反的，是青瓜粒上面舖上一塊吞拿魚片！味道唔錯 但係員工要加强對自家菜式的認知，因爲點餐前我地問過職員呢道菜其實即係咩，好明顯係答唔到啦，唔係我同友人都唔會一齊估錯~~德國脆爆咸豬手分量好大呢~真係脆爆，推薦推薦！！豬手肉唔會太咸，香味突出。如果分量可以選擇大/中/小就更好啦~我地2個人，都食唔曬1份豬手，亦都叫唔到太多其他菜式員工態度都好親切有禮貌，時不時會自己行過黎加水，笑容都好好.我覺得友人選擇得非常好呀！因爲當晚真係想輕輕鬆鬆傾下計，慢慢品嘗一下美食，舒緩一下整個工作星期的壓力

突然間有朋友過嚟銅鑼灣搵我食飯，求求期期搵左呢一間西班牙菜，喺香港真係好少食到，不過感覺都不錯，餐廳裝修環境都幾優雅，而服務員嘅質素亦都尚算不錯👍🏻傳統西班牙海鮮飯海鮮意大利飯就食得多，但呢一間嘅海鮮飯真心不錯，見佢返上面嘅海鮮數量真係好多，而且每隻海鮮都係鮮甜美味，見到都流晒口水🤤招牌自家製pizza朋友鍾意食薄餅，每次出去都必點嘅薄餅，而呢一間嘅招牌Pizza出奇地好味道，個Pizza薄薄地，食落香脆，而且唔會好膩嘅感覺，真心推介👍🏻最後朋友亦都叫咗呢一支啤酒，兩個人啤啤佢，傾吓計，咁就過咗一晚啦！

朋友仔生日，諗住好耐有咩特色餐廳啱佢，最後搵到呢間半隱世餐廳好似幾特別，位於銅鑼灣鬧市中嘅一幢商廈入面嘅Manecy’s Studio Restaurants可謂旺中帶靜，環境都幾闊絡，見到餐牌都幾多選擇，於是就決定黎試下啦香煎吞拿魚伴意大利青瓜吞拿魚配青瓜呢個配搭都幾有新意吞拿魚厚肉而且帶鮮味，唔會食到有腥味同雪藏味，配埋下面嘅青瓜沙律，味道顯得格外清新！作為餐前小食最為不過黑松露野雜菌忌廉汁闊條麵個人認為係必食之選闊條麵爽口有彈性，黑松露味道唔會太濃烈，適合初嚐黑松露人士。配上大量菇菌、香濃芝士同忌廉，口感十分香滑豐富籠中鳥籠中鳥真係有隻鳥喺個籠入面其實就係原隻燒雞，下面仲有三隻鵪鶉蛋同少量配菜，賣相精緻職員會特意等客人影完相之後代為切件，十分細心燒雞薰香撲鼻，而且皮脆肉嫩，味道唔會太鹹，空口食都冇問題低溫慢煮美國頂級牛肩胛扒慢煮食物聽得多，慢煮牛扒就第一次嘗試我地叫咗七成熟，中間部分嘅肉仍帶紅，同埋有少量紅水。經過慢煮而成嘅牛扒，肉質鮮嫩而且香濃牛味，點少少醬汁更加美味。特別要讚賞薯條，份量不少之餘每條都熱辣辣好新鮮！加上調味粉更加惹味，好食到停唔到自家制石板街朱古力蛋糕外貌極為

小妹好多年前去過西班牙，試過西班牙海鮮飯之後一路念念不忘係香港好難搵到食西班牙菜嘅餐廳，日前終於比小妹搵到呢間位於銅鑼灣中心地帶嘅西班牙餐廳，即係要book下位試吓先呢間Manecy’s Studio Restaurant 好好搵，喺銅鑼灣C出口一出，行多大概一兩分鐘就到餐廳嘅裝修好古色古香，色調都係行懷舊路線，餐廳設計好似西班牙古堡咁，餐廳做事左好多古舊嘅擺設，俾食客有穿越從莉的感覺<傳統西班牙海鮮飯$258>材料好豐富，海鮮有帶子、青口、魷魚同埋大蝦，海鮮好新鮮，加埋檸檬汁將海鮮嘅鮮味調埋出嚟，好正 海鮮飯煮得淋、濕潤，加埋檸檬汁嘅調味個感覺好Fresh唔油膩<香燒紐約堡豬肉腸$108>一盒有六條豬肉腸幾抵食，豬肉腸煎得香脆，肉質鮮嫩爽口，酸菜用黎解膩豬肉腸食到有少少濟嘅時候，陪返啲酸菜嚟食岩岩好

每次來cwb 都心思思想吃豬手，於是今天再到訪Manecy. 今天心血來潮, 在餐牌上看到有乳豬和三文魚, 很想一試｡西班牙式烤乳豬 $228烤乳豬上海市已聞到非常香, 乳豬皮燒得非常香脆，不會有過份的烤味, 肉軟多汁，肥膏適中。 旁邊還有幼新的炸薯條,薯條香脆非常適合配以酒水吃， 酸菜和酸瓜可以配以西班牙烤乳豬一起享用, 可以減少乳豬的肥膩。慢煮三文魚伴薯容 $208慢煮三文魚是以低溫幾小時慢慢製成, 這樣的製法潰瘍三文魚的肉質有點不同, 起上來會比本來的三文魚質感更為香滑, 以中間會有點點的偏紅。旁邊的配菜有蕃茄和薯蓉， 薯蓉香滑,中間還有菜蔬。

今日係晚飯嘅時候嚟食嘢，同行嘅朋友想食西餐就揀咗呢一間。位置就喺消防局對面都算好就腳。入到去第一個感覺就覺得佢嘅餐廳環境唔錯，啲枱唔會排得太迫而且有d窗口位四人枱都係排左2張2人梳化，同啲朋友嚟食飯可以舒舒服服咁樣坐 係一個唔錯嘅選擇。今晚叫嘅嘢食唔多因為得兩個人所以淨係叫咗三樣嘢第一樣野就係佢自家製嘅蟹餅呢個蟹餅賣相係唔錯嘅，而且都炸得好香脆入邊係蟹肉加埋薯蓉整成嘅，食得出有一絲絲蟹肉充滿蟹肉味道而且亦都有薯嘅香味第二個係墨魚汁海鮮飯墨魚汁海鮮飯同樣地賣相幾靚，睇到墨魚汁飯上面鋪滿海鮮 有蝦 青口 帶子 蜆 而且飯入邊亦都有魷魚。我覺得佢個墨魚汁飯都整得唔錯唔會太咸令到你食到每一啖飯都充滿墨魚汁嘅味道。第三個就係烤乳豬本身都掙扎緊食豬手定係烤乳豬最後就叫左烤乳豬，烤乳豬考得非常之脆身而且亦都唔會考過火啱啱好，個人覺得再點多少少芥辣會比較好食。

為左慶祝好朋友生日，揀咗呢間位於銅鑼灣的西班牙餐廳「Manecy's Studio Restaurant」，餐廳裝修感覺復古，又帶點酒吧元素，有供應各式酒類飲品，令人可以放鬆一番，同朋友把酒聊天香煎吞拿魚伴意大利青瓜一客有三件，適合同朋友開心share。厚切吞拿魚煎至半熟狀態，魚肉好軟嫩！底下有青瓜同粟米等等蔬菜粒墊底，酸酸地的幾開胃低溫慢煮美國頂級牛肩胛扒七成熟的牛肩胛扒好大塊，入口有香濃牛肉味，但略嫌肉質偏韌幸好伴碟嘅薯條非常香脆，炸得金黃通透，加上左少少辣粉，好好食籠中鳥呢個籠中鳥賣相非常有趣，係一個大雀籠。鳥其實即係燒春雞，原隻燒春雞都幾大隻，燒得好香口，皮薄肉厚，雞肉味濃郁，好肥美，啖啖肉！仲有幾粒鵪鶉蛋添