193
98
37
3-min walk from Exit B3, Mong Kok MTR Station continue reading
All Branches (4)
Telephone
23924880
Opening Hours
Today
07:00 - 03:00
Mon - Sun
07:00 - 03:00
Payment Method
Cash Octopus
Other Info
Open Till Late
10% Service Charge
Review (356)
Level5 2017-09-01
3640 views
上次我在旺角明星餐廳「左麟右X」的食評講過,遲點我會跟細佬會去看「譚校長」跟「歌神」,在「香港紅磡體育館」開的演唱會。就在「左麟右X」食評刊登後一個月,我就正式跟細佬去「紅館」看演唱會。細佬在觀看演唱會當日下午,先行出了九龍,在旺角有事要辦,之後我坐車來到旺角跟他會合,在旺角食完晚飯,才趕到「旺角東站」,坐港鐵經東鐵綫前往「紅磡站」,去看我的「譚校長」加「歌神」演唱會。下午七點左右,我在旺角中心附近跟細佬會合,然後商量在旺角找哪一間食肆食飯。本來細佬可能會求其,在快餐店如「大X樂」食個平飯了事,結果我跟他討論過後,結果找上了近「旺角道」的「民華餐廳」食晚飯。晚上七點左右的「民華餐廳」,雖然坐滿了大量食客,但是「民華餐廳」始終有一個很不錯的好處,就是餐廳的當眼處,沒有明顯礙眼的電視機,和電視新聞台的刺耳聲音。「民華餐廳」跟坊間大部分餐廳有個很大的分別,就是「民華餐廳」另外有提供中式盅頭飯和點心。細佬在「民華餐廳」,點了一客中式的排骨盅頭飯,和一客中式點心「鮮竹卷」,沒有另外點選任何飲品。至於我在「民華餐廳」,看見「民華餐廳」原來有他們的招牌咖喱套餐,單賣咖喱飯的話只收港幣四十七元,另加一杯凍飲亦只需要加十二元,這個價錢如果在西貢餐廳的話,可能是稍嫌托大了一點。但是咖喱雞飯加一杯凍檸水,港幣五十九元的價錢在鬧市旺角,還吃到一個味道絕不交行貨的咖喱雞飯套餐,這餐晚飯在享用之前,都未曾有太大的不安或疑慮。唯一真正的疑慮,是阿媽最近以我皮膚質素欠佳為理由,不准許我食咖喱飯,惟恐咖喱飯裡面咖喱汁的香料和辣味,會令我的皮膚問題日益惡化嚴重。但是,我在外面比較陌生的餐廳,有時不食咖喱飯的話,隨時會變得「冇啖好食」。所以,對於我媽的「咖喱飯禁令」,我在外面餐廳食店,都是抱着「陽奉陰違」的政策,咖喱飯照食可也。花上港幣四十七元的價錢,去食的「民華餐廳」招牌「咖喱雞飯」,單純從咖喱汁的角度去評論,「民華餐廳」的咖喱汁的確是做到,有濃烈的香料味道的同時,「咖喱雞飯」的咖喱汁味道又不做得太辣,是恰到好處的一客招牌咖喱飯。和西貢茶餐廳的「咖喱雞飯」相比,或許「民華餐廳」的「咖喱雞飯」份量疑似做得不夠多,只有一個飯碗左右的份量,再在白飯面舖上一塊煎蛋,再加上一兜顏色較深,醬汁較稠身的咖喱汁。「民華餐廳」咖喱雞飯外表美觀的同時,卻稍嫌白飯份量不足,即使再加上煎蛋一隻,卻彌補不了白飯偏少的缺點。外表顏色較深的咖喱雞,以一個斜身,一邊碗身高企的大餐碗盛載,相對份量較單薄的白飯(跟煎蛋),咖喱雞雖然辣味尚可,但是白飯份量不足,令我吃得不夠盡興,令咖喱雞未能彌補白飯的不足。另一方面,「咖喱雞飯」的咖喱汁,雖然咖喱汁做得比較稠身,但是「民華餐廳」每次都做出一大碗份量的咖喱汁,咖喱汁份量比上不足,比下有餘,濃稠辣味的咖喱汁用來伴飯已經綽綽有餘。咖喱雞飯內的雞件,貌似用上了一定時間去煲煮,所以咖喱雞出來的口感,雞肉十分軟腍,連骨頭也幾乎被煮透,快要可以把骨頭吃掉的樣子。咖喱雞連醬汁一起食,咖喱雞件明顯煮得很入味,再吃白飯才發現,白飯的高度有一定程度,其實白飯已經夠食,再勉強加底加飯,原來留下的咖喱汁到最後隨時不夠撈飯食,吃到失去預算就不好了。跟我以往在其他餐廳食咖喱飯的經驗,「民華餐廳」的咖喱汁味道辣度惹味,而且煮得十分稠身,所以連馬鈴薯也被煮得十分腍身,不過薯仔今次在「民華餐廳」「咖喱雞飯」只是大配角,所以參考價值只是一般,不足掛齒。吃完白飯份量只是剛剛好,咖喱汁過量之餘又有點辣度過剩的「民華餐廳」招牌「咖喱雞飯」,再喝一口冰凍「凍檸水」,我已經差不多近乎全飽。我留下剩餘的胃量,在紅館飲汽水,食紫菜薯片,看「譚校長」跟「歌神」表演,我已經再吃不下其他東西。總結整晚「民華餐廳」晚餐的價錢,合共是港幣一百零五元,我的咖喱飯餐配凍檸水要四十七元,單是一味名不虛傳咖喱汁雞和飯,已經令我覺得值回票價。四十七元這價錢,「民華餐廳」晚飯相對西貢餐廳晚飯的價錢,已經不是最昂貴的一間,性價比不高的餐廳我都見識過,至少「大X樂」的咖喱雞飯,已經被「民華餐廳」的咖喱雞飯比了下去。 continue reading
(The above review is the personal opinion of an user which does not represent OpenRice's point of view.)
Level2 2018-08-15
4 views
今日好早放break蛇王,同事話佢今朝趕時間無食早餐,叫我陪佢去食野,咁佢就黎左呢間餐廳,叫左個招牌常餐,而我,無理由有得睇,無得食啦,見佢個菠蘿包有火腿又有蛋好似幾正,不如見黎試試喇!就叫左呢個菠蘿包餐!一黎到見到個菠蘿包成座山咁高哈哈,我同同事都哇左一聲,蛋炒得幾嫩,菠蘿包都係脆皮既,食一啖好容易跌晒d菠蘿包碎出黎,個包又要咁大咁高,真係好難顧及儀態呀哈哈,火腿相對上有d凍,同成個包好似有少少違和感,配埋野飲大概$30,這個early lunch還可以 continue reading
(The above review is the personal opinion of an user which does not represent OpenRice's point of view.)
Level3 2018-08-11
53 views
今日諗住嘆個light嘅下午茶,但係周圍都好大份嘅下午茶套餐,咁啱見到太子民華呢度有小食叫,所以就行咗入嚟~位置都幾多,唔會太迫,所以嘆下午茶來講都幾舒服,我叫咗奶油多,再加煉奶本人好鍾意食煉奶,所以就叫左,嘆埋凍檸茶其實呢個份量啱啱好食下午茶,又唔會太飽冇得食晚餐🤣等咗大概5分鐘左右,就有得食,見唔到份奶油多都幾厚好似好抵咁!揭開,見到好足料,落咗好多牛油同煉奶😍感覺超級值!味道超好,我覺得如果淨係牛油多士嘅話就比較單調,但係加咗煉奶,仲要係暖暖地嘅狀態上,特別好食!淡淡都係甜味 continue reading
(The above review is the personal opinion of an user which does not represent OpenRice's point of view.)
Level3 2018-08-07
52 views
早幾日夜晚同朋友打完波,打完波都有D肚餓,一行幾個人就決定搵反間茶記食下個宵夜。 十一點幾黎到民華,雖然好大間,但仲係坐滿人!真係好誇張,不過好彩等左一陣就有位了。 民華其實好多都好出名,點心係,常餐都係,而且我覺得民華既蕃茄牛肉通係比較出色既,所以我就叫左個常餐,43蚊。 蕃茄牛肉通個湯底好有蕃茄味,而且仲有一粒粒蕃茄係入面,都幾足料,而且通粉唔會太淋,size 幾好,因為我覺得太大粒既通粒反而無咁好食。常餐仲有炒蛋、餐肉同埋多士。 雖然天氣熱,但我仍然點熱奶茶,因為依度既熱奶茶都好飲。 continue reading
(The above review is the personal opinion of an user which does not represent OpenRice's point of view.)
Level2 2018-08-04
55 views
民華ge鮮油多係一絕,包同牛油係一樣大細,每一啖都有牛油同包融合,我係佢支持者點心同豬軟骨飯so far都ok,豬軟骨好淋,汁底比較甜,春蛋燒賣亦係我最愛之一奶茶亦可以只係蕃茄湯通粉就不敢恭維了… continue reading
(The above review is the personal opinion of an user which does not represent OpenRice's point of view.)