124
14
7
Exit F, Central MTR Station/ Exit A2, Hong Kong MTR Station
continue reading
Telephone
28254003
Introduction
Located on the 25th floor of the Mandarin Oriental, the Cantonese restaurant serves exquisite local and regional specialities. Man Wah’s décor and panoramic views of Victoria Harbour and the Hong Kong skyline provide the perfect setting.
continue reading
Awards and Titles
Best Service Restaurant (2014), Michelin 1 Starred Restaurant (2015-23)
Opening Hours
Today
12:00 - 14:30
18:00 - 23:00
Mon - Fri
12:00 - 14:30
18:00 - 23:00
Sat - Sun
11:30 - 14:30
18:00 - 23:00
Above information is for reference only. Please check details with the restaurant.
About Reward Scheme
Recommended Dishes
RELATED ARTICLES
3172 views
眼見近月多間老字號紛紛結業，為秋天嘅三位壽星長輩慶生，大食會就好懷舊地揀咗喺快將花甲嘅「文華廳」品嚐星級粵菜。據悉，文華東方酒店襯疫情最嚴峻時為中菜廳翻新裝修，由從前俗套嘅桃紅及酒紅色變成更為時尚嘅藍中閃金設計，簡潔嘅雀籠燈飾、屏風等裝潢明顯冇咁刺眼同浮誇，視覺上負擔輕鬆得多！厚厚嘅地毯好吸音，厚墊嘅椅櫈亦十分舒適。近窗嘅散座有靚景睇，相信最受情侶歡迎，因拍窗擺出嘅大多為二人枱。限聚令下，十一人飯局被安排入座最內側嘅兩張七人及四人圓枱，私人空間感足，寬闊尤甚。餐桌上擺有美觀齊備嘅自用及公用餐具。另有鮮花盆栽擺設。整晚由Marco哥哥帶領招待，分餸及斟添酒水等服務都做到足，實在周到。嘻嘻，睇見茶杯底嘅兩條魚魚，心情尤其輕鬆寫意。如顧客有意自攜佳釀，標準裝紅酒、白酒、汽酒之開瓶費為$500/樽，從酒牌每叫一樽相同容量嘅酒酒即可括免一樽開瓶費。八頁餐牌可於網頁上下載，精明嘅XO仔當然係為生日會預訂埋菜單啦！（https://photos.mandarinoriental.com/is/content/MandarinOriental/hong-kong-restaurant-man-wah-a-la-carte-menu?_ijcid=1675064020794|4.2094840466.1675064009001.-3571a35d）松茸弋渣（$390/六件）：外脆內軟嫩嘅弋渣件新鮮熱辣辣，不過如果冇人講，真係唔係好食得出當中嘅松茸味，欠缺咗應有嘅香氣。蜜味西班牙黑豚肉叉燒（$488/例）：以西班牙黑豚肉做出嘅叉燒一客例牌只有六件。燒得夠燶嘅叉燒鬆厚得黎肉汁豐腴，不過值唔值八十多元一件就見仁見智啦！香烤片皮鴨（$1,388/全隻）：片皮鴨先原隻上場，以示其真材實料！六款配料高雅得體地以錦盒承載。另伴暖手又夠薄嘅薄餅皮。即片嘅烤鴨皮巧薄有光澤，咬落酥脆得黎同墊底嘅蝦片一樣咁鬆化。魚香茄子炆鴨粒：片咗皮嘅鴨肉選以魚香茄子炆成二食，鴨肉粒鬆潤入味，芳香味佳。脆皮炸雞（$808/全隻）：紅卜卜嘅靚雞當真如餸名般脆皮，雞肉亦軟嫩非常，實屬正雞也！薑糖酒炒芥蘭（$268）：粗壯嘅芥蘭色澤翠綠，爽脆甜美。鮮鳳咕嚕肉（$328）：晚餐最為失色反而係後加嘅咕嚕肉，其外層厚硬之外，肉質仲要係又嚡又實，不吃也吧！鮑汁羊肚菌紅燒豆腐（$368）：豆腐磚軟腍嫩滑，簡單用鮑汁調味已夠香濃，加配芬芳帶脆嘅羊肚菌即為口感添上層次。黑松露珍珠鹵鴿肉砂鍋炒飯（$468）：哥哥仔於分派飯品前先刨上黑松露。芬香撲鼻嘅砂鍋炒飯夠鑊氣，飯粒煙韌有嚼勁，鴿肉亦濃潤唔嚡口。桂花蟹肉炒米粉（$408）：女仕們最欣賞米粉炒得夠乾身，唯一唔係人人都食到蟹肉，似乎份量唔多夠。文華壽桃：預先喺文華餅店訂購其招牌芝士蛋糕於「文華廳」食可括免切餅費之餘，酒店更贈送軟熟嘅壽桃為長輩賀壽，實在窩心！酒店中菜廳「文華廳」雅麗闊落，服務生體貼客套，傳統粵菜雖無特別驚喜之作，但勝在高質美味。適逢「文華東方酒店」快將慶祝六十週年紀念，XO仔有幸被邀請成為會員後，更可即場享用九折優惠及使用其中一張$500禮券，結果慳咗千幾，埋單平均每人七百多元，個個都讚比預期抵食添。
continue reading
2926 views
大師發辦2.0，第二擊選擇了文華廳的「一脈相承．師徒四手嚐味菜單」。慕著大師姐的大名而來，需知道我們這些普通人實在無緣參加她的家宴，卻又聽聞吃過的人皆讚賞，因此今次機會實在難得！這夜，師徒二人創作了六道手工菜式；戈渣是一絕，皮脆內滑之極品；魚羹吃到細緻、以鮑魚角代替肚尖是大師姐家宴的常菜、蟹粉是時令、仙鶴神針顯功架。六道菜每位$1857，已計加一但不包茶芥。太史松茸戈渣千絲萬縷鮮魚羹七彩炒鮑魚蟹粉扒抽皮白玉仙鶴神針紅棗薑汁鮮奶燉花膠、松子南乳酥反沙腰果免費送上的小吃很稱心。太史松茸戈渣 美味指數:5/5雞子戈渣是知名懷舊菜，可惜雞子這食材在現代社會已經難求，師傅聰明地以松茸取代，我覺得效果很好。雖然我忘記了正宗雞子戈渣的味道，但面前這個太史松茸戈渣，高溫快炸的溫度拿捏得準，外脆內軟效果一絕。美中不足就是只得一粒，意猶未盡囉！黑毛豬叉燒上肉 （另加）美味指數:4/5特別追加重溫，因為我一向喜歡叉燒，這個叉燒真是份外軟熟、特別滋味。另一特色是柚子青瓜，酸甜度啱啱好！千絲萬縷鮮魚羹 美味指數:4.5/5東星斑湯底，湯料豐富，名副其實如千絲萬縷，魚肉、豆腐及木耳等全部材料都切得非常幼細，這就是矜貴細緻之別。鮮甜滋味，口感豐足。七彩炒鮑魚 美味指數:3.5/5據說是大師姐的家常菜式之一，原型是七彩炒肚尖，可惜又是食材難求，現在以鮑魚切細成角代替，賣相有幾分！七彩素菜包括西芹、味菜、欖仁、紅椒，我覺得最有趣是尖尖的欖仁，起初以為它是肚尖的替身，反而正選鮑魚角柔韌的口感不如肚尖爽口，有型而不足的替身！味菜帶出酸酸甜甜味道，令人開胃；欖仁濕了口感變得粉粉地，我不太喜歡。蟹粉扒抽皮白玉 美味指數:4/5時令蟹粉、配柚皮及大根－即是日本蘿蔔，濃郁的甘香配合軟棉的柚皮白肉，就是好吃。柚皮與冬瓜是兩種不同的口感，各有風味。仙鶴神針 美味指數:3.5/5把海參及竹笙釀在雞翼內炆煮，這個組合第一次品嚐，有點新意！完全鬆軟綿綿，味道豐富，醬汁好滋味。紅棗薑汁鮮奶燉花膠、松子南乳酥 美味指數:4/5最喜歡夠薑的薑汁，這個鮮奶燉花膠香滑味佳，甜在心中！棋逢敵手 (另加）美味指數:5/5佩服師傅的創意，這個棋盤上真正有個棋局，紅色棋子是紫薯酥，對對黃色棋子的鳳梨酥，維肖維妙，不過我一子錯滿盤街落索，走了三步已被將軍！茶芥每位$80，環境高級雅緻，倚窗而坐飽覽維港夜景，服務態度殷勤，不愧為五星級酒店。題外話，文華酒店大堂有鋼琴演奏，若然如我們般早到了，不妨在此待一待，藝術細胞先充電。
continue reading
今晚惠顧了文華酒店25樓的文華中菜，品嚐了他們的玫瑰豉油雞。這道菜非常入味，雞肉嫩滑，讓人回味無窮。另外，我也點了他們的桂花蟹肉炒米粉，米粉乾身不油膩，讓人食慾大開。另外，潮式砂鍋炒飯也是一道美味的選擇。最令人驚喜的是餐廳還免費贈送壽桃包、紅豆糕及芝麻餅，讓我們感到非常滿足。早前，我和家人一起惠顧這家餐廳，因為我加入了做會員，餐廳免費贈送了一瓶香檳和一磅的蛋糕。我選擇了他們最著名的文華芝士蛋糕，這款蛋糕芝士味道非常濃郁，質地柔軟，讓我無法抗拒它的美味。我強烈推薦這家餐廳，無論是用餐還是享受他們的服務或環境，都值得一試。
continue reading
✨帶子紅菜頭餃賣相精緻 餃皮軟糯有彈性 內餡清爽 配搭幾特別 ✨懷舊灌湯餃灌湯餃 皮厚薄適中 但偏乾湯鮮味偏淡 餡料豐富 ✨原隻鮑魚雞粒盞鮑魚鮮味彈牙 雞粒餡飽滿味道略有少少過濃撻底較鬆脆易散 有牛油香 ✨黑椒和牛酥和牛酥 外層酥脆鬆化內餡和牛粒軟腍 黑椒味香濃突出✨玉鱗魚躍逐金波得獎菜式 睇得又食得 賣相好精緻兩條小金魚喺湖面上 旁邊仲有瀑布同小石山好有詩意 就好似藝術品一樣小金魚 小巧可愛 皮厚餡少 味道普通湖面 係加左波菜汁玻璃芡嘅滑溜蒸蛋白 瀑布 由龍蝦肉海膽做成 味道鮮甜小石山 係羊肚菌 味道清香 口感爽脆✨懷舊功夫鴨腳包又一手工懷舊菜 將鴨腳去骨用鴨腸包住芋頭 雞肝 叉燒 腩仔等食材有咬口得黎又帶啲粉嫩 味道甘香惹味配上桂花糖漬冬瓜球 可以解解膩✨太史松茸戈渣懷舊菜式 坊間已經買少見少呢度出品為高檔版本 將原材料雞子改為用上松茸外層酥脆 內層軟滑 有濃郁菌香✨蜜味西班牙黑豚肉叉燒 點左半份 叉燒偏瘦 看似有啲乾 幸好食落又冇呢個問題 口感軟腍帶微甜蜜味 整體都算唔錯但唔係我杯茶 以呢個價錢唔太值✨桂花蟹肉炒米粉蟹肉鮮甜 芽菜清爽 米粉爽彈 再加蛋炒 炒得好乾爽 唔錯✨雲裳無花果甘露 造型打卡一流 粉紅色好靚無花果清香 唔太濃士多啤梨味相對更突出 味道清新 幾特別總結：食物只屬中上 令人失望環境唔錯 景觀幾開陽 但樓底較矮擺枱較密空間感低 但都算好坐服務可以以酒店餐廳黎講有好大進步空間價錢可以 同同級數嘅中菜餐廳比 價錢比較進取 但食物唔算特別出色以呢個價錢出面仲有好多選擇
continue reading
是日同朋友二人黎個late lunch 好耐冇黎文華廳，以前裝修主題為桃紅色，充滿古典美。依家就以寶藍色為主，装修雅緻又貴氣，置身其中有種貴公子嘅feel。由入門口到坐低，服務都到位 German細心咁幫我拉櫈入座，見我朋友未到，就送上熱手巾同menu俾我慢慢揀。當我對飲咩茶毫無頭緒時，佢又會俾建議，佢推介嘅崑崙雪菊茶真係勁好飲！有回甘嘅味道係口腔內徘徊（依家諗番都想飲）。到左點菜時，我同朋友都係冇任何idea, 好在Arthur會適時咁俾意見我地，最終試左幾款點心，仲食左名物叉燒同蟹粉蝦球。點心全部都精緻，造型出色，味道一流one bite size易食又不失優雅，點埋佢地自家制嘅X.O.醬更添美味 黑豚肉叉燒更係冇得彈，甘甜野味，肉質有彈性又軟實適中，配上佢嘅叉燒汁更是濃郁，成個咀好香肉味 依家佢地做緊大閘蟹推廣，蟹粉必不可少！個蟹粉蝦球真係好大隻，大蝦球煮得晶瑩剔透，圍住滿滿嘅蟹粉，令人垂涎欲滴 煮蝦球嘅火喉掌握得啱啱好，充滿彈性嘅蝦肉伴濃香嘅蟹粉一齊食，不知一覺一口接一口地食，清碟！成個進餐過程都有人貼心服務 Marco不時會為我地添茶，當我地對菜式有疑問佢亦會為我地解答。仲有就係好佩服佢地對菜餚嘅了解，Arthur、German同Marco都細心又詳盡咁同我地介紹餐廳嘅特色同演變，服務周到仲好有禮貌，好gentled 同間餐廳好襯有時食飯除左味道嘅要求，仲要注意用餐者嘅感受，有禮又周到嘅服務當然讓人滿意，再加上侍者平易親切嘅談吐，令人食得滿足又舒心。謝謝Arthur、German同Marco嘅服務，令呢餐飯更添色彩。
continue reading