文樂園 (Closed)

幾年前呢間點心店剛開張果時幫襯過，印象質數麻麻地。今朝起身想食點心，又唔想行去旺角飲茶，不如試多次文樂園啦，見佢Open Rice 都係正評多過負評（同埋我心諗：事隔幾年，或者有進步呢！？疫情都捱得住嘅食店，應該唔會太差卦！）誰不知一試，仲衰過以前！蝦餃燒賣‘’乾爭爭‘’！ 我買完外賣番屋企開嚟食，前後唔洗5分鐘，點會乾到咁㗎？！！D皮乾到‘’硬掘掘‘’， 好似食緊膠咁！個蠔油鮮竹卷正確名稱應該叫‘’漿糊塑膠卷‘’！我覺得個鮮竹卷直情係成舊炸完再蒸！！！佢menu 豎咗手指公嘅鮮蝦春卷都強差人意，個皮係脆卜卜嘅，不過入面咬落係好似有少少蝦+"一pad嘢‘’， 未至於好難食，但真係唔好放隻手指公誤導人，賣$24三件，貴過$22三粒嘅蝦餃。最後就係個温泉蛋牛肉盅頭飯，其實只係將塊山竹牛肉餅放落白飯上面，唔係我諗緊嘅盅頭飯：餸連飯蒸，D飯有餸汁味。不過算啦，佢真係賣好好好平，仲要個盅飯係用紙盒包住錫紙兜，包埋餐具都係收$28！真係冇乜錢賺！我真係好少寫食評，但真係唔想其他人中伏！講真，何文田附近幾條街都冇呢類型點心店，算係獨市，照計應該好多捧場客！認真檢討吓改善吓，唔好辜負我哋D街坊啦！蝦餃

依家想食點心盅頭飯好方便～洗咩仲去酒樓🙊我去咗「文樂園」點咗幾款外賣返屋企慢慢嘆呢道食品由香港製造，自設工場。我叫咗一個套餐加多個盅頭飯同點心。🥡盅頭飯餐 💲54套餐可選一個盅頭飯同兩款點心。慢煮溫泉蛋牛肉飯份量好多，上面有一大塊牛肉餅，肉餅內加咗西芹同馬蹄，味道好香，口感彈牙爽口。鮮竹牛肉球肉質亦都嫩滑。黑松露素球嘅黑松露味道唔會太搶，都食到素菜嘅清新感。🥟 懷舊魚翅餃 💲18外皮薄，包住素魚翅同爽口嘅配料，口感唔錯！🥡 醬香鳳爪排骨飯 💲28蒸飯好香，米飯粒粒分明。鳳爪同排骨調味適中。📍文樂園何文田窩打老道69號地下A號舖

首先聲明，我唔係第一次食，之前都食過，記憶中燒賣係好食，咸水角都好味，但今次難食得太過分。首先打開個糯米雞，塊葉係爛哂，要一下一下咁了開，啲飯痴住哂，未試過食個糯米雞攪到一手都係仲有未食過生竹牛肉球係超級無敵咸，明明已經落左喼汁，但都係超級咸，每啖淨係食到咸味，一啲喼汁味都食唔出今次個咸水角仲要唔脆，又摷晒皮咁，仲油冧冧添，唔知係放左好耐定無限返熱，真係頂唔順今次過後應該都無下次，唔怪得知好似愈來愈少人

今日來學校觀摩.發現一間幾特別外賣專門店（始創1947 文樂園 香港製造） 我決定買以下食物：花膠灌湯餃$28 非常吸引蟹子燒賣 $20惹味麻辣燒賣$20 黑松露波波$18蟲草花香菇滑雞飯$28煙韌蜂巢糕$18首先我真的很喜灌湯餃.夠大碗比酒樓大份。真有花膠，冬菇,灌湯餃內仍保番舊式翅條.肉碎味道都好鮮.麻辣燒賣比想像中不同.好香麻辣香味.但不辣的很特別。怕辣的也可以試吃！肉質彈牙！黑松露波波 是素食有紅蘿蔔.冬姑.木耳.沙葛……好香黑松露味道.粉皮像粉果但很煙韌.一口一粒會吃到爆汁口感！蟲草花滑雞飯.飯粒乾身細長有米香煙韌蜂巢糕 味道有點像年糕. 黑糖糖而不膩.煙韌很喜歡像黃金糕口感.感覺太細件！全部點心食完.沒有口渴問題,相個店家用材料新鮮.完全有酒樓水準！包裝好安全好精美

足料外賣點心😋咁啱要去何文田買啲嘢，經過見到一間點心專門店都有很多選擇，於是買了回家跟媽媽一齊食做午餐。回到家點心還是熱騰騰，保溫做得不錯，我哋首先食花膠灌湯餃，入面真是有一大片花膠，而且灌湯餃勁大隻入面好足料，除了鮮肉還有些蔬菜，跟外面的雞湯一起吃很滋味，然後就食溫泉蛋牛肉飯，這個牛肉夾雜了一些陳皮香味，而且溫泉蛋很滑，跟牛肉飯好夾，味道不錯，之後食紫薯包，這個包的size不小，而且內裏的紫薯餡很豐富，又不會太甜，可能只加了很少糖，紫薯味很香，最後我地食黑糖蜂巢糕，這個黑糖味很香，而且煙煙韌韌，很有口感。

之前聽同事介紹過呢間點心外賣專門店性價比高，今日特登兜過嚟呢邊幫襯下先，揀咗幾個點心同埋一個套餐A，套餐A揀一個蒸飯，揀咗醬香鳳爪排骨飯調味啱啱好， 米香軟熟，正！呢個係魚肚滑雞扎，拆開咗一隻雞扎就係咁樣，好足料 而且雞件亦都真係好嫩滑啖啖肉，必點另外特別要讚嘅係：文樂蝦餃皮薄餡靚勁大隻蝦餃而且好好食上面係層層薑汁糕，薑汁味重彈牙甜糯勁好食上面係懷舊魚翅餃， 而家好多地方都已經冇得食，估唔到呢度都仲有得食仲要整得好食凡買滿$50可以$3優惠價換購蕃薯包或香芋包一個，多買多換，我分別換咗一個蕃薯包同一個香芋包，呢個係蕃薯包，勁足料，皮薄餡靚總結： 呢間點心外賣專門店衛生乾淨，食物分量足料，質素好，性價比高

之前睇網上報道，介紹依間點心店，book mark左好耐，趁假期，即刻嚟打下卡先😎😎舖頭主要係外賣自取，有熱辣辣嘅點心，如果好彩遇上炸物啱啱出爐，都幾吸引😋點心選擇大眾化，好多都係傳統點心，但係都有一啲係創新嘅點心，花多眼亂。麻辣燒賣，必食！雖然話係麻辣，但係唔會辣到你嗌救命，反而係好食到停唔到👍🏼👍🏼口感夠爽👍🏼另外一款新豬肉燒賣，行素食健康路線，菇味濃，可以避免左肥豬肉，岩晒減肥一族蜂巢糕我自己都幾鍾意，佢嘅質感好實在，口感有層次，而且唔會太甜，係一個幾飽肚嘅甜品灌湯餃呢一樣都非常推薦，性價比好高，淨係湯入面嗰粒冬菇，夠晒肥大肉厚，已經好有誠意。啲湯幾好飲，灌湯餃餃子皮唔易爛，仲食到入面有花膠！$30都唔洗！真係抵食！黑松露素球外表有少少似潮州粉果，個皮煙煙韌韌，唔會太厚，入面就滿滿黑松露味，係唔錯嘅素食選擇泉蛋牛肉飯依個蒸飯份量非常多！估唔到牛肉嘅份量都好多，非常厚！溫泉蛋令到成個飯嘅賣相更加吸引，蛋味夠晒香濃，配埋喼汁同埋甜豉油，飽肚又滋味👍🏼整體來講，對依間點心店嘅印象都幾好，乾淨企理，好味夠實際，會再嚟幫襯😎😎

呢間點心外賣店嘅點心款式特別多岩哂想食點心又入唔到酒樓食嘅人連素食點心都有㗎食點心當然一定要食蝦餃燒賣‼️木耳香菇燒賣平時嘅豬肉燒賣就食得多，素食燒賣真係第一次食最欣賞呢度嘅點心唔多油香菇燒賣有好香嘅菇味，亦有木耳爽爽口感，與香菇Q彈口感不謀而合文樂蝦餃蝦餃皮真係非常透薄，水晶皮唔會一夾就爛係我食過最薄嘅蝦餃皮蝦肉非常爽彈有口感‼️香炸粒粒墨魚餅呢個墨魚餅唔係熱辣辣的，有啲遜色～～不過口感幾Q彈，味道唔會太鹹可惜就無粒粒墨魚嘅口感！花膠灌湯餃呢個只係$28咋仲有大大塊嘅花膠個湯非常清甜唔油膩嚟到真係一定要買呢個食，無得頂層層薑汁糕薑汁味特濃，又唔太甜好岩我口味

今日行開旺角窩打老道一帶發現有間幾得意的外賣點心店， 感覺好懷舊，原來已經有多年歷史。花膠灌湯餃保溫設計值得讚賞，杯內放咗一個錫紙兜，保溫唔錯，返到屋企仲熱辣辣 。 濃濃的湯浸着好大隻灌湯餃，餡料豐富，除咗有肉、菇類、素翅、仲食到少少花膠tim。湯好好味好濃味冇味精， 全部飲光也唔會覺得口喝。黑松露波波原來即係素菜餃，入面加咗黑松露的關係，食起上嚟唔會太寡。木耳香菇素燒賣一份有四粒，原來用咗新豬肉加咗木耳，食落感覺好健康。層層薑汁糕薑味好濃，一層一層，考功夫之作。蜂巢糕必試之選，因為出面唔係咁多地方有得食，口感好得意， 有蜂巢的感覺，煙煙靭靭，甜甜的，值得一試。

這間餐廳位於旺角與何文田之間，地理上還算方便快捷，距離旺角地鐵站路程需要十分鐘左右，這間餐廳主打的也就是中式美食，也是我最喜愛的點心類型。門面看起來十分簡約，但食物包羅萬有。食物方面，我挑選的當然就是蝦餃和燒賣還有兩個菜肉包。蝦餃方面，一籠三粒，分量和酒樓的沒有什麼分別，但我更喜愛它的餡料，蝦肉爽口彈牙，肥瘦比例適中，加上蝦餃皮薄，更為美味。燒賣方面，黃色的外皮，配搭內裏爽口彈牙的肉感，令我更為滿意。菜肉包，本以為和某記點心差不多，沒想到餡料卻不一樣，令我更加喜愛，全因為味道更貼合我心意，鹹淡適中，肥瘦比例均呈，菜肉比例更佳。

平時點食外賣點心，都係買唐記/包點先生，因為多分店，總有一間喺附近，但今日行過何文田，見到有呢一間好似好傳統嘅點心店，就買咗幾盒返屋企同阿媽試吓。佢個餐牌都有好多款嘢可以揀，全部都唔係最普通係唐記可以買到嘅嗰啲，所以每樣都買咗少少試吓。呢度係粒粒香芋包，同埋黑椒肥牛包，$9個，其實同唐記差唔多，不過就勝在夠特別，黑椒肥牛食到好香嘅黑椒味，我就鍾意香芋包因為入邊嘅芋蓉好香滑，仲有一粒粒嘅芋頭。粒粒墨魚餅，$18，真係好彈牙，好似食緊啲手打墨魚丸咁樣。麻辣燒賣$20 ，黑松露波波$18 ，本身都驚麻辣燒賣有啲伏， 但識落係真係有麻辣味嘅，不過又唔係好搶，黑松露波波就係 好似粉果皮，中間有黑松露醬既素餡。煙靭蜂巢糕$18，食落好有口感， 但又唔算好甜，冇負擔。媽媽成日都話，買點餸返屋企沖茶又抗疫又抵食。佢都話呢間可以encore！

最近有朋友推介文樂園嘅外賣點心, 於是車車收工就決定買番屋企做lunch, 門口已經見到好多人排隊買, 係門口排嘅時候見到一個個蒸櫃擺住好多熱辣辣嘅點心已經好吸引, 樣樣都想試下, 經店員推介後, 最後車車就點左7款點心🌟蟹子燒賣皇燒賣皮薄而口感煙韌, 粒粒飽滿🌟懷舊魚翅餃車車第一次食魚翅餃, 食落口感幾豐富, 味道不錯🌟煙靭蜂巢糕食落口感軟糯, 煙煙靭靭, 甜甜地幾好味🌟香炸粒粒墨魚餅炸到金黃色, 咬落去好彈牙同鮮味唔油膩, 仲有粒粒墨魚增添口感🌟花膠灌湯餃平時好少食到外賣灌湯餃, 打開香噴噴, 餃子大大粒, 皮薄好足料🌟香滑奶皇包打開奶黃饀爆滿, 麵包柔軟煙韌 🌟麻辣豬耳豬耳口感好爽脆, 味道唔算太辣但就好惹味, 佐酒一流

前排睇咗 條片講關於75年歷史香港手造點心工廠, 已經好想食文樂園嘅 #點心 🤩今次喺考試前買咗外賣🤣 當日喺暴雨嘅下午⛈️店員都叮嚀我小心小心🥺🌶️麻辣燒賣 3粒 $20橙色嘅燒賣! 呢個燒賣外皮薄薄, 表面撤有蟹籽, 食落其實喺微辣, 好過癮🤣 食完個辣會想再食多粒!🍄木耳香菇素燒賣 4粒 $24素燒賣嚟講好多料! 木耳同菇味道好足~ 其實唔講都唔知喺素燒賣😋 想食素嘅話呢個都幾健康~🌹花膠灌湯餃 1件 $28包裝得幾好, 仲有錫紙碗保溫, 個湯超清淡好好飲! 大大粒灌湯餃餡料滿滿~🐝煙靭蜂巢糕 3件 $18煙靭店十足嘅中式糕點, 食落去淡淡嘅甜味~ 最正嘅喺食完之後7個鐘喉嚨都無乾涸感覺~ 無味精真材實料!!

位於何文田「文樂園」係我最鍾意買外賣點心的地方，這裏裝修很有五六十年代懷舊特色，傳統的點心款式又多，味道又不錯，熱辣辣即叫即蒸👍醬料及餐具都很齊全!麻辣燒賣一盒有四大粒，麻辣味道剛好不會過辣，豬肉肥瘦適中加點豉油一齊食更加美味！新豬肉燒賣素燒賣這款點心比較少食到，食落同一般燒賣差不多，香菇味濃郁，咬落多汁帶點爽口，一啲都唔似食緊素燒賣。泉蛋牛肉飯牛肉飯是用錫紙兜裝住，可以確保飯的溫度，牛肉加入溫泉蛋令到肉餅好嫩滑，又多汁好好食😋黑松露素球餡料有黑松露、蘿蔔絲和椰菜絲等材料，外皮煙煙韌韌，咬開充滿黑松露的味道，配搭埋蔬菜健康又有益！蜂巢糕有q彈既口感，微甜，口感好有層次😋

因為住得唔算近，本身想外賣去附近公園食，但問完原來有得買生嘅點心，所以買咗啲返去同屋企人蒸嚟食。🔸蒸品▪️蟹子燒賣皇▪️惹味麻辣燒賣▪️秘製醬香鳳爪▪️花膠灌湯餃▪️魚肚滑雞紮燒賣皇爽口彈牙Juicy！麻辣燒賣特別又惹味，浸麻辣會Stay喺口入邊，鍾意食辣嘅唔好錯過。灌湯餃足料，呢個點心出邊仲要勁難食到🤤🔸素食▪️黑松露波波▪️木耳香菇燒賣黑松露波波煙韌食落重黑松露味。香菇燒賣唔似食緊素食，木耳爽口亦都好香菇味🔸炸物▪️金絲炸芋酥呢個係熟嘅，用氣炸鍋加熱，依然酥脆🔸包點▪️古法馬拉糕▪️香滑奶皇包▪️健康紫薯包包點類味道微甜，鬆軟。奶皇包香滑🔸麻辣小食▪️麻辣豬肚惹味爽脆，食唔停口整體點心好食👍🏻高質佢哋嘅社交平台有張圖教好晒要蒸嘅時間