媽咪雞蛋仔

Open Now

Now Closed

基本上雞蛋仔由細食到大既甜品，唔會好特登搵間雞蛋仔去試，但媽咪雞蛋仔算係呢幾年食開，都維持到幾高質既雞蛋仔，仲要出左好多唔同口味，疑似有高人指點。🐦 鳳凰卷雞蛋仔：成塊紫菜夾左落去，同埋肉鬆平均分佈，因為都係用雞蛋整，咸咸甜甜，外面脆脆地真係好似鳳凰卷，但又多左糕既鬆軟，超上癮，唔小心食晒成底。🍵 凍抹茶豆花牛乳 ： 走左冰，抹茶同牛奶濃郁得黎又有豆腐花既清新豆香，推薦! 🌼🌼🌼🌼🌼🌼🌼🌼🌼🌼🌼🌼🌼📍媽咪雞蛋仔🏠 尖沙咀天星碼頭1樓KP-13 29及30號舖🌼🌼🌼🌼🌼🌼🌼🌼🌼🌼🌼🌼🌼

紫薯雞蛋仔紫薯雞蛋仔係一款視覺同味覺既雙重享受，外脆內軟之外，紫薯自然色澤同甜美滋味係雞蛋仔既香氣中綻放，每一口都透露著健康同美味😛😛😛令人懷念無比。獨特既搭配令人有愉悅既囗感產生甜蜜回憶😙😙😙😙凍抹茶豆花牛乳凍抹茶豆花牛乳宛如清新甘露，抹茶清香同豆花滑嫩完美結合，口感柔和😚😚😚凍飲形式令整杯飲品充滿清爽感，豆花既細膩同牛乳醇厚係舌尖上相互交織，帶來無與倫比既滋味享受😋😋😋

媽咪雞蛋仔都唔係第一次食 個日口痕唔想食朱古力伯爵茶個啲口味 既然趕得切捉到冬日尾巴 就試下限定口味的紫薯蕃薯雞蛋仔($45)🍠 尖沙嘴天星小輪分店多人到傻 即叫即整 每一底平均都要等15-20分鐘！！！！媽咪雞蛋仔無論咩分店 每次食都係粒粒完整飽滿 外表焦糖色 外皮又夠脆，咬開有滿滿既紫薯餡 唔會空虛 部分係紫薯粒 部分係紫薯蓉 完全唔會太甜～🙂‍↕️ 唯一要挑剔既係蛋味反而欠奉 同埋有部分邊邊位置啲紫薯料唔係好平均🫢

我覺得尖沙咀天星碼頭間媽咪雞蛋仔 啲阿叔（應該係老闆）都幾唔識待客之道 見自己後面啲Number都有得攞 一問之下原來睇漏咗單 頂 一句道歉都冇、唔好意思都冇 仲嬉皮笑臉咁同你講咁你等多陣 仲要唔係即刻做返俾你，仲要做埋後面嗰啲單先 好似覺得你要食就要等㗎啦 唔得咪退返錢俾你 其實唔係你喺嗰個位 就一定啲旅客要排隊慢慢等你囉 香港真係唔係得你一間啊其實咁樣做生意，你就唔好加盟啦 真係唔好再鬧點解香港生意咁難做 我係香港人我都唔想幫襯你呀

媽咪雞蛋仔由紅磡黃埔街誕生，2014年喺銅鑼灣開第一間分店，連續六年獲得米芝蓮香港街頭小食推介，至今喺香港各區都有佢嘅蹤影，細細個開始食，好鍾意佢哋嘅原味，蛋香氣四溢，自己一個人都可以清晒且唔會覺得膩。隨着時代改變，佢哋亦加入唔同新口味，中秋節有白蓮蓉蛋黃月餅、萬聖節有楓糖南瓜同M&M、新年有蓮蓉煎堆同芝麻湯圓，而今次試咗冬日期間限定嘅紫薯番薯，咬開各佔半粒，香香甜甜，外層酥脆可口，內裏軟綿，令人越食越上癮。除咗雞蛋仔之外，佢哋亦有格仔餅同飲品供應，懷舊口味、創意沙冰、手調抹茶、清涼果香、甜蜜滋潤同咖啡系列。抹茶牛乳紅豆沙冰甜度適中，抹茶牛乳同紅豆嘅味唔會蓋過對方，沙冰嘅質感亦唔會覺得嚡身，夏天飲真係好解暑。

今日經過尖沙咀碼頭，發現有一堆人行左喺度唔知等咩，原來係天星碼頭開左間媽咪雞蛋仔，即刻買返底，扮下旅客打卡先🤭平時都仲意試唔同口味，今次揀左個紫薯味～一拎上手已經覺得整得好靚，焦糖色既外表，食落真係外脆內軟，而且每一粒雞蛋仔都有滿滿既紫薯餡😆大滿足！除咗好多唔同口味既雞蛋仔，仲有好多款飲品👍🏻推薦抹茶牛乳，非常濃郁既抹茶味，加上牛乳口感順滑，而且唔會太甜❤️提提大家，店內有一個可以影埋維港/天星小輪既打卡位🥰千祈唔好錯過吖！

喺咁多香港地道小食之中，我最鍾意食，就係雞蛋仔，所以基本上香港所有雞蛋仔我都會去試，不過我最鍾意嘅，始終都係媽咪雞蛋仔，因為除咗佢本身口感好好之外，就算食新穎嘅味道其實都覺得超出色！今次去咗尖沙咀天星碼頭嘅呢間分店，呢度景觀好正，好多打卡位，當然遊客都唔少啦，睇完咗餐牌，考慮完有啲咩新嘅味道之後，最終就要咗紫薯雞蛋仔，紫薯味好濃，口感順滑，外皮超脆，外脆內軟嘅口感，真係淨係可以用幸福嚟形容！飲品方面，就叫咗凍奶茶豆花，奶茶好順滑，完全有香港風味，加埋舊花就好似食緊一個醒神嘅甜品咁樣，真係幾正！

由一間毫不起眼的小店，發展至擁有逾十間店舖，今日經過尖沙咀天星碼頭人頭湧湧，好多人排隊呢間「媽咪雞蛋仔」。「媽咪雞蛋仔」在 2016-2021 年榮獲「米芝蓮街頭小食推介」之美譽，已連續六年獲此星級推介。呢到有好多口味雞蛋仔，格仔餅，雪糕雞蛋仔，飲品等，總會有一款適合。抹茶黑糖麻糬雞蛋仔$53外皮金黃酥脆，口感輕盈，咬下去時能感受到微微的鬆軟。內餡方面，抹茶的香氣濃郁，與黑糖的甘甜相得益彰，讓人每一口都充滿驚喜。麻糬的加入則為這道甜品增添了Q彈的口感，讓整體的口味更加豐富。無冰鮮榨檸檬水$22清新提神，酸酸甜甜的滋味恰到好處，能有效中和雞蛋仔的甜膩感，讓人感覺清爽無負擔。

係尖沙咀睇日落又好想食下小食，行過媽咪雞蛋仔🥹🥹🥹超級香，又勁多唔同款味道既雞蛋仔，於是就忍唔住order 左推介❤️🍵抹茶黑糖麻糬雞蛋仔抹茶綠色酥脆的外殼，一咬開好香脆，入面軟身有口感，係濃濃既抹茶味雞蛋仔，然後就係每粒雞蛋仔咬開都有黑糖麻糬，麻糬好煙韌可以有拉絲效果，十分吸睛😍😍 而且黑糖味濃郁，一定要試下👍🏻👍🏻🥤抹茶紅豆牛乳沙冰抹茶的香氣濃郁而不苦，融合了抹茶的香氣和🫘紅豆的甜美，而且用上高質牛乳，做出沙冰的質地冰滑綿密，入口即化，搭配紅豆的顆粒感，有豐富層次口感🥰🥰➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ 好味指數：😋😋😋😋😋回頭指數：💖💖💖💖💖🔖 媽咪雞蛋仔 (尖沙咀)尖沙咀天星碼頭1樓KP-13, 29及30號舖

各位街頭小食愛好者，你哋一定要試試「媽咪雞蛋仔」！呢個由三位創辦人喺2009年開設嘅小店，短短十年間升呢成為「米芝蓮街頭小食推介」！2016至2021年更連續六年獲得呢個星級推介，真係唔話得啫！次次去到天星碼頭，都會俾嗰陣香濃嘅雞蛋仔味吸引住我，媽咪雞蛋仔就係我嘅首選！👍🏻天星碼頭呢間店排隊都係人山人海，但係絕對值得等！媽咪雞蛋仔只專注於「雞蛋仔」同「格仔餅」，唔賣其他嘢，求做得最好，成為「雞蛋仔」嘅專家！特別推薦佢哋嘅朱古力味雞蛋仔，外皮金黃脆口，咬落去就有「咔咔」聲，裡面軟滑兼充滿濃郁嘅朱古力味，食完一個仲想食多個！對於鍾意朱古力嘅朋友，呢款真係岩哂你！🤤 

香港必食雞蛋仔尖沙咀天星碼頭無論係遊客定係local都一定會去🛥️經過見到原來媽咪雞蛋仔係度開左分店，買一底過下口癮😋🍵抹茶黑糖麻糬雞蛋仔$53雞蛋仔外脆內軟，空氣感唔重所以咬落煙煙韌韌，黑糖嘅香氣慢慢滲出黎，越咬越香，最後仲食到抹茶嘅甘苦，記得一定要趁熱食！不過食到最後凍左都唔怕，只係稍為冇咁脆口🥤凍抹茶豆花牛乳$34一啖飲落去，抹茶嘅清香即刻彈出黎，豆花滑到入口即化🌫️若隱若現。唔記得叫少甜以為會出事，點知牛乳嘅奶香同抹茶嘅甘苦完美融合👍🏻default嘅甜度都啱啱好🤌🏻遊客們經過就唔好錯過啦💚媽咪雞蛋仔分店好多架，仲有一間係附近！ 🍽️媽咪雞蛋仔📍地址：尖沙咀天星碼頭1樓KP-13, 29及30號舖

次次來親天星碼頭都會比雞蛋仔味吸引🤤媽咪雞蛋仔原味真係又平又無得輸！🫣 不過今次我試下伯爵茶☕️味！特別少少🤏🏻原來幾香茶味！ 粒粒都有餡！ 新鮮整完熱辣辣食 大大塊正爆🔥🔥🔥配埋杯鮮榨檸檬茶飲仲會更開胃！偏酸口味！我最愛😍 （有啲似維他之前出嘅酸味檸檬茶紙包飲品味道！）

我想同你一齊食…芝麻湯圓雞蛋仔坐船過海，一到天星碼頭⛵️就見到街裏人人「媽咪雞蛋仔」芝麻湯圓雞蛋仔坐船過海，一到天星碼頭⛵️就見到街裏人人「媽咪雞蛋仔」芝麻湯圓雞蛋仔外層雞蛋仔香脆得嚟帶少少煙韌，入面夾住芝麻同麻糬，咬落去QQ的，甜度啱啱好，口感豐富，食落好滿足！ 紅豆奶茶奶茶茶底香滑，紅豆煮得軟腍，唔會太甜，幾好，飲落好順口！估唔到雞蛋仔款式甘創新，行過天星碼頭⛵️試！係2025新年限定🤣

今日就去左天星碼頭既媽咪雞蛋仔 平日夜晚都超級多人, 小店對住維港景色, 環境好Chill, 仲可以望到店員即叫即整見到最近推出左新年限定既芝麻湯圓雞蛋仔，即刻order 左一份應下節, 大概等左10分鐘左右就有得食🤣雞蛋仔份量十足, 烤到外脆內軟, 好香蛋味, 融和左淡淡既芝麻香味, 搣開粒粒都有麻糬喺入面, 口感煙韌, 增加層次感之餘,都幾似包住粒湯圓係入面咁奶茶豆花茶底清香, 底層放左豆花, 豆味香濃, 融入喺奶茶入邊飲落更幼滑

媽咪雞蛋仔係本地人和遊客中都有較高的人氣，經常需要排隊購買，天星碼頭呢間更是最多人幫襯一間！我每次去都會食粒粒朱古力味，基本每顆雞蛋仔都能吃到朱古力🍫今次去新推出芝麻湯圓雞蛋仔🤩一底$49，雖然有點貴，但幾有創意組合！見住店員倒入面糊同麻糬，成底雞蛋仔都好脆口，外脆內軟，粒粒都有軟糯 Q 彈的麻糬，黑芝麻香氣醇厚，甜而不膩，幾正另外叫多杯抹茶豆花牛乳，抹茶清新帶點微苦，飲到底有嫩滑豆花，帶淡雅豆香