媽咪雞蛋仔 (Closed)

呢間同平時嘅小食店有啲分別，佢係設有堂食座位，除雞蛋仔外，仲有窩夫、雪糕三文治等等。俾錢後等咗陣，我嘅番薯雞蛋仔（$22）就整好喇。撕咗一粒落嚟，見到入面填滿咗紫心同黃心番薯蓉，都算係咁啦。如其他食家所講，番薯蓉令到雞蛋仔有啲濕同腍，除咗頭先嗰粒外，其他都唔能夠撕出完整一粒。冇外皮脆、內餡如小蛋糕嘅質感，只係番薯蓉比例多呢part優勝。

一段時間無去禾輋廣埸, 原來開左一間媽咪雞蛋仔, 好多牌仔寫住"米芝蓮"推介, 買左一份$25的試試.即叫即做, 足足等左15分鐘先有得食.雞蛋仔好厚身, 雞蛋仔粒粒飽滿, 口感軟熟, 絕對無"賣空氣", 淡淡抹茶味, 唔會苦, 粒粒雞蛋仔都有幾粒甜紅豆, 而且仲係粒粒都有紅豆!

今次已經係第n次食由紅磡追到銅鑼灣 再係沙田開分店真係就哂腳 先唔講食物，服務 有質素! 雖然要等，但等黎都係想食好味既野然後個姐姐話個底整得唔好，問我地介唔介意等多陣，即刻再整多底俾我地。既然佢咁講，一定係等既(前題係唔趕時間牙下) 咁我認為佢對呢個小食都係有佢既執著同堅持既。尊重佢哈哈!朱古力粒雞蛋仔唔駛講一定係必食 外脆 內軟 加上 粒粒都有朱古力 真係無得頂 食朱古力食到悶 呢度仲有多款選擇 今次試埋栗子雞蛋仔 唔駛講，無疑的 料是十分十分足的八成都有大大粒栗子所以呢個口味是很飽肚的加上栗子相比其他口味較淡，無咁甜 所以如果好甜又怕濟的朋友可以另覓口味。下次要試埋其他口味呢<3

上次食過朱古力味好味過蕃薯味後，今次決定試綠茶朱古力味！朋友話叫多底朱克力，萬一綠茶唔好食，都有嘢打底！ (傻瓜)出爐時，熱辣香噴噴，綠茶味唔算濃，但我就覺得剛剛好，唔太濃都就唔洗好苦。啲朱古力粒分怖得好平均，粒雞蛋仔裏面好軟腍腍，有啲似食蛋糕仔。呢個味都幾好，下次再試第二個味先！

雞蛋仔呢樣街邊小食從80年代開始開遍全港，但每次食都要凍冰冰咁吹住冷風企係街邊食，而且每間舖頭都有各式各樣既雞蛋仔，資素好壞就要睇好唔好彩啦，就算出名既北角雞蛋仔，媽咪雞蛋仔都要睇邊間分店，甚至當日師傅有冇放假，多唔多人排隊（因為有時多人排既話資素有可能差啲）等因素影響雞蛋仔既quality禾輋呢間媽咪雞蛋仔竟然有堂食，而且都唔少座位，眼見當日有幾個同學仔一人一排雞蛋仔坐係度食住吹水價錢同其他分店一樣，而且仲有味道選擇，當然我只會食我至愛既原味啦講返主角雞蛋仔先，廚房有3，4個人負責整雞蛋仔，有一樽樽已溝好既蛋漿，問過收銀姐姐，如果果隻味差不多用哂會點做，佢話會暫停唔賣住，總好過夾硬溝稀佢整出黎賣。客人落左order先開始整雞蛋仔，過程要等大概5至8分鐘左右，確保新鮮出爐熱辣辣無論堂食或者外賣都會用個穿哂洞既紙袋包住，大概係要蔬左啲蒸汽唔好整淋個脆皮雞蛋仔既口感好厚，好香既蛋味，唔會好似有啲車仔檔，雖然脆但啖而冇味。而且呢餅雞蛋仔剛剛出爐吹乾幾秒先比我，佢既皮非常脆，加埋堂食可以坐低慢慢歎，感覺真係好好食物質素幾好，加埋包裝，堂食，15蚊雞蛋仔既抵食指數非常高！

冬天最開心就係能夠食到我最愛的栗子。而雞蛋仔也是我平時喜歡食的。今日黄昏途經這裡，看到有"栗子雞蛋仔"$28,好特別喔！栗子+雞蛋仔能夠一次過滿足哂我個胃wo~即刻要買來試試。即叫即整，熱氣騰騰的好味喔！每粒都脹卜卜，外脆內軟，內裡仲有粒粒栗子。栗子好香甜，真的令我食唔停手添！ 栗子雞蛋仔，應該係冬天先有，有時間要去食多次先！

新鋪開咗喺禾輋廣場，仲有堂食坐位。雞蛋仔除咗一般朱古力味、原味，仲有雙色蕃薯、咖啡、綠茶、綠茶紅豆等。而且仲有格仔餅、雪糕三文治、同飲品等等。蕃薯雞蛋仔 ($22)喜歡紫薯嘅我當然要試下蕃薯雞蛋仔！雞蛋仔一拎到手係微微香脆，可惜淋得好快，食落口雞蛋仔係屬於煙韌，唔係外脆內軟，我估因為蛋漿入面加咗好多蕃薯，所以會難啲整脆。但係要讚嘅係，蕃薯份量一啲都唔吝嗇，好多粒雞蛋仔入面都有滿滿嘅蕃薯，味道黎講其實我係喜歡嘅。可惜雞蛋仔淋得太快，所以好難完整地一粒粒搣開啲雞蛋仔，如果鋪路整好雞蛋仔之後，攤凍多一分鐘先入袋，情況一定可以大大改改善。

朋友讚呢度既雞蛋仔好食, 同朋友走左去試佢有好多款唔同既雞蛋仔, 原本想試芝士既但係因為夜晚仲有其他野做, 最後叫左抹茶紅豆一搣開, 個雞蛋仔好厚肉再咬一啖, 佢個抹茶味都幾濃, 濃得黎又唔苦唔澀而且, 佢都真係比幾多紅豆我最意佢有位坐又多個地方食住黎打躉了

以前好鍾意食媽咪雞蛋仔嫁啦，但以前只有紅磡有得食，呢家都開左好幾間了，況且開響我返教會既附近商場就可以多啲機會食到啦！呢間除左有傳統幾隻味雞蛋仔外，仲有雪糕格格同雪糕三文治等，多啲選擇，有埋雪糕，仲多啲人鍾意啦！買完先見到完來有咁多新口味的，有啲後悔添，哈哈！第一次見有位坐的媽咪雞蛋仔，但得三張枱咋！上星期米芝蓮公報左名單，今年新加了米芝蓮小食，媽咪雞蛋仔當然入圍la～好大底，仲OK “聚手”添，顏色啡啡的，不貨出面街的淡黃色咁。雞蛋仔外面十分脆，裏面都有幾多朱古力粒，半溶狀好好味！而每粒入面仲有熟咗嘅粉漿，並不空心，十分足料！完全估到外脆內軟既交果。朋友的蕃薯雞蛋仔一粒內有矖紫薯同黃心蕃薯，又香又甜，但鍾意食脆的就唔好選呢隻了，因為水份較多，不能成脆的效果。呢家咁方便，咪可以成日食囉！嘻嘻嘻～

食雞蛋仔文化,一向都是一路行一路食、(地道。傳統)不就是這樣嘛?媽咪雞蛋仔就好似打破這個傳統,在禾輋廣埸(沙田),就租上商場舖面積不算大,但總叫有位座、感覺上較(企街)食塵,舒服多了味道還有多款選擇、 「宇治抹茶,抹茶紅豆、咖啡、咖啡紅豆及雙重芝士」,總有一款適合甜魔心水!個人對紫薯今期情有獨鍾,所以揀來(紫薯雞蛋仔)$22.等待時間約需7-8分鐘, 微暖而帶少脆外層包封的紫薯也不少,原來還夾雜著黃心蕃著、兩者合併來吃,還是感到紫薯濃郁略勝黃薯

味道唔錯 但係個朱古力咖啡味我就覺得有少少苦味 同就咁食朱古力味差左少少不過其實主要為左搵姐姐先去有次佢整出黎燶左少少 個姐姐就同我講燶左少少都係咁好食 我諗都唔諗就接受左 但係個雞蛋仔有一部份真係燶得好緊要所以無食晒所以下次如果姐姐拎出黎同你講話燶左少少記得講要換個份喔