媽咪雞蛋仔 (Moved) New Location

旺角有成條小食街好多好野食就係人都知嫁啦，比我係一個街尾既轉角位到搵到呢間好好味既小食店，佢主要係出售雞蛋仔為主題，仲有好多味道選擇，例如抹茶，芝士，咸蛋黃等等，而且仲可以揀混合兩隻味道。我就揀左果傳統既原味雞蛋仔黎試，想睇下同其他店既雞蛋仔有咩分別，一試就知真功夫，呢個雞蛋仔實在有哂我想要既口感，首先外面係脆既，裡面並冇偷工減料，而係軟綿綿既料，真係真才實料，唔似得其他果d所謂既雞蛋仔，只得個脆字，咬落口係卡住喉嚨既，真係值得讚啊！

雞蛋仔一定列入香港街頭小食頭3位，真係由細食到大都唔覺得厭要搵到一間做到外脆內軟實在有難度，有d好平，但質素強差人意，一係唔脆，一係就得薄薄一層唔知食緊乜⋯「媽咪雞蛋仔」近年開咗唔少分店，味道亦都有唔少選擇，咸咸甜甜任君選擇。個人喜愛最原始味道~~~原味雞蛋仔，香脆可口，蛋味濃，就算凍咗外層都可以keep住脆卜卜，唔會淋咗疊埋一堆，入面仍然非常軟熟，絕對保持到真正雞蛋仔嘅精髓因為每底雞蛋仔都即叫即製，等候時間大約10-15分鐘，不過都絕對值得等下嘅

很久沒有去廟街逛，這天正好約了朋友到佐頓吃火鍋，時間沒到就去廟街逛一圈，路過看見媽咪雞蛋仔，有很多口味選擇，就忍不住買了來吃，挑的平時很少吃的朱古力味，外脆內軟，味道不錯，我知道這家還有其他分店，以後路過會再吃的！

等屋企人一齊食晚飯之際，比細佬吩咐去買份芝士味雞蛋仔，好彩當時唔算多人排隊，大約等咗7-8分鐘左右，新鮮即叫即整嘅雞蛋仔就出爐啦。嘻嘻，叫得我買，咁我就當然有份食啦！🔹 芝士味雞蛋仔 $35媽咪雞蛋仔暫時嚟講都算無失手，保持到外脆內軟，而且熱辣辣好正。芝士味都算重，食第一粒個陣有輕微拉絲，有驚喜！鹹鹹地，不錯！📍媽咪雞蛋仔旺角廣華街1號潮流地域G23號地舖．．環境分數：7.5/10食物分數：7.5/10Encore分數：7.8/10

米芝蓮推介的香港街頭美食 - 媽咪雞蛋仔🍵🍫綠茶朱古力口味 | $29即叫即整 拎上手已聞到綠茶味綠茶味濃郁到會有帶點甘😋 唔係坊間其他綠茶味食品果種死甜等左唔係好耐 大概10分鐘度

🍳黃金雞蛋仔超讚！香酥軟糯，裡面也有點脆脆的，鹹蛋黃夾心好棒，每一粒都是滿滿的鹹蛋黃顆粒，咔吱咔吱一粒粒掰下來吃，不亦樂乎！​​​要不是真的很撐，真的想多試幾個味道，比如咖啡味，芝士味(ღ˘⌣˘ღ)。

而家嘅雞蛋仔 越嚟越多唔同嘅口味 但我自己最喜歡的口味 依然都係簡簡單單 無餡 只有蛋香既原味雞蛋仔所以基本上就算店舖有唔同口味提供 原味雞蛋仔都會係我嘅選擇 今次亦都唔例外 呢度整嘅雞蛋仔的而且確即叫即做 所以免不了少少等候時間 大概等左10分鐘 新鮮熱辣嘅雞蛋仔就準備好了👍🏻 先講外表 呢度嘅雞蛋仔完美帶光澤 全部望落脹卜卜 粒粒都好完整 一啪開 清脆嘅聲音就知道佢嘅外表非常香脆 可惜咬落去我覺得個皮相比經典雞蛋仔較厚 雖然脆身但略嫌過厚 時間耐左甚至會覺得硬 至於入邊 非常香軟 蛋味亦都足夠 不過充其量只係佔一半嘅份量 所以咬落冇非常綿密的感覺 但整體口感算係不錯

在媽咪未受米芝蓮青睞前偶爾也會特地前往光顧，無論蛋香、脆度、甜味等各方面都平衡得很好，即使要等也值得。平日多吃原味或朱古力味，今日心血來潮試試它的鹹食，無看清楚菜單直接到收銀處，問店員有沒有紫菜肉鬆被告知有，不過到手的是紫菜粟米，不要緊照吃可也。鹽燒紫菜粟米雞蛋仔$30雞蛋仔即叫即做，等大約十分鐘。即食皮不脆還有少少韌，感覺好油膩；雖然每一粒都爆粟，但問題是那罐頭粟米太甜，跟雞蛋仔完全不配，究竟是誰推這口味出來？！兩個人你推我讓在不浪費的前提底下勉強完成，太大整蠱。 上個月吃粒粒朱古力時已經覺得水準大跌，以為他們一次失手，怎料再臨覺得更難吃，價錢亦十分進取，實在太失望。祝君好運，再見！

已經食過好多間媽咪雞蛋仔分店，但依家先知旺角原來都有行過魚蛋舖見雞蛋仔就想食，朋友就即刻捉我黎，原來就係一品後一條街，下次排一品時可以買個食住等。每次黎到都會諗一輪食咩味好，實在太多選擇，不過，最終都會係揀朱古力味雞蛋仔。朱古力雞蛋仔 $25 外脆內軟，唔會得個脆殼，有蛋香味，而每粒都會食到朱古力係入面，仲要朱古力係溶溶地咁，但又未溶到比雞蛋仔吸哂，相當好味，媽咪雞蛋仔嘅好味之處就係咁，樣樣野都整得剛剛好。

最近先喺觀塘食完媽咪雞蛋仔。喺旺角行行下街又想食底雞蛋仔都係食我最愛嘅粒粒朱古力雞蛋仔😋因為旺角比觀塘旺，等嘅時間都耐啲，等左大約十至十五分鐘。食落味道都係咁，但無觀塘嗰間咁外脆內軟，朱古力分佈唔均勻，有啲雞蛋仔無朱古力。仲有呢到價錢貴啲，貴三蚊，一底要廿五蚊，都幾貴，但無咁好食，呢間有改善空間😣

今年下晝去旺角買雞蛋仔，雖然媽咪雞蛋仔好多人排，都幾出名同多人食。但其實我係第一次食。.叫咗個搽茶雞蛋仔，$25蚊。等咗5-10分鐘。雞蛋仔熱騰騰，外脆內軟，雞蛋仔嘅搽茶好濃郁，而且仲有搽茶本身果細細地嘅苦澀味。而雞蛋仔外層都做得好脆口。不過我其實蛋味反而比搽茶味蓋晒。

咁啱係附近收工，有啲肚餓。就去咗幾出名嘅人氣媽咪雞蛋仔到試吓，我就點左一個朱古力味嘅雞蛋仔，朱古力味道都幾好濃郁，唔會太甜亦唔會冇味，值得推介。下次我一定會再去食！

約左人8點半點係旺季食飯7點未夠就到左諗住行住街等, 不過行左幾步就開始肚餓咁就搵d野食啦, 一路行一路睇都冇咩想食, 唔覺唔覺行左黎媽咪雞蛋仔, 平時好少黎唎邊, 唔算易搵可能因為係食飯時間冇人等, 咁就買底雞蛋仔食下唎到雞蛋仔有10幾種口味可以揀咁我就好鐘意食朱古力, 同埋唔想太多種配料味蓋過雞蛋仔味所以就揀左底粒粒朱古力雞蛋仔($25)食等左10分鐘左右就整好不過如果有人等就10分鐘一定唔得啦, 除非唔係即叫即整即叫即整熱辣辣, 外脆內軟不過朱古力份量少左d雞蛋仔最主要係要即整同外脆內軟都做到已經好好

當日終於食番一底好咪既雞蛋仔，😋😋😋好感動😭.真係做琴到外脆內軟😍👍🏻.雖然等左17分鐘，但都值得呀😃😃😃.因為而家識整雞蛋仔已經買少見少，淨係識花巧野居多........環境❤️❤️衛生❤️❤️❤️人手❤️❤️食物質素❤️❤️❤️❤️❤️禮貌❤️❤️❤️選擇❤️❤️❤️送菜速度❤️❤️座位數量 0攝影環境❤️.5🎖為滿分.原味雞蛋仔：HKD$18

因為今日係旺角附近收工，就同同事去呢道買咗一底雞蛋仔。雖然有好多唔同味既雞蛋仔揀，但最後都係穩穩陣陣揀咗抹茶朱古力味，因為唔知其他新口味會係點😂😂。但俾咗錢之後先見到黃金雞蛋仔，原來係咸蛋王味！唯有下次先再試咸蛋王味啦。講講今次揀既抹茶咗朱古力味，味道方面抹茶味唔太明顯，但勝在唔會太甜同唔會太膩。口感唔錯，有蛋糕心既口感。最後要係新鮮整，食緊果陣係有熱力，唔係只得微溫！以今時今日既鋪租同埋市價嚟講，28-30蚊一底算係正正常常啦。當然可以再平d，平更加小食價定位就更加好。