媽咪雞蛋仔

Open Now

Now Closed

係對面買緊野都聞到好香嘅雞蛋仔味 咁梗係好自然咁行咗過去啦叫咗個第二最受歡迎嘅朱古力香蕉朱古力雞蛋仔 因為第一嗰個係原味 我咁貪心點會淨係食原味呀我覺得呢個雞蛋仔其中一個好食嘅原因係因為喺呢度係即叫即做既 所以每一底雞蛋仔出到嚟都係熱辣辣香噴噴 食好嘢梗係要等下啦我哋等左10分鐘左右啦 唔算好耐姐就咁睇都睇到d朱古力粒粒好多 但係就好似見唔到啲香蕉粒咁 一食落口啲香蕉朱古力味一齊湧晒出嚟 朱古力粒粒仲要係半熔架 好正呀大家睇相都見到個邊做到好薄好脆咁 其實佢既外層都係咁架 但係入面仲係軟林林架 做到咁樣嘅效果絕對唔容易呀 相信呢個亦都係佢受歡迎嘅原因 佢真係好多好多味可以揀 甜嘅有好多咸嘅亦都有唔少 所以真係令人揀到眼花撩亂我下次都會試吓嘅第三名嘅芝士 睇係咪真係咁好味先鮮榨檸檬汁係我次次黎到都會要嘅飲品。其實即係檸水 不過唔使自己死篤爛篤個檸檬先楂到少少汁 啲杯檸檬同埋水嘅比例啱啱好 唔會太酸 我鐘意飲完佢之後會好似冇咁飽肚咁

行過廟街見新開左間媽咪雞蛋仔, 有好多唔同嘅口味, 香橙朱古力, 香蕉朱古力, 白芝麻,咖啡, 有機栗子, 芝士, 抺茶紅荳,  紫薯等等, 同幾年前係黃埔果間店比較, 而家多左好多選擇, 仲有雪糕格仔餅, 同多款沙冰,去到嘅時候巳經有好多人等緊, 裏面同一時間有好多部機整緊, 後來揀左最近好 heat 個款黃金雞蛋仔, 除左現金仲可以用八達通, 大約等左廿分鐘, 新鮮出爐, 熱辣辣, 香噴噴黃金雞蛋仔 $30 新鮮出爐, 外脆內嫩, 蛋黃味濃郁每粒都有咸蛋黃味, 味道香濃, 超正

雖然媽咪雞蛋仔出曬名仲話係米🐷蓮，但由於平時都係食開土瓜灣小舖既雞蛋仔，所以都未試過!但小鋪已經冇做又咁岩經過就試一試佢既虛實先好多款式!不過要試真佢既虛實梗係試原味啦原味都成18蚊底可能我食開小舖既11蚊底，大鄉里出城等既期間都好多遊客黎買等左一陣終於有啦!!!雖然佢唔同小舖用明火，係用電爐整，但睇落都幾脆食落都係外脆內軟，唔係死實果隻脆，過左一陣都唔會話太硬除左外皮脆，仲保留到一半係蛋糕，咁既外脆內軟既情度為之perfect

平時食開銅鑼灣個間，今次經過佐敦廟街呢間見佢多好多口味，所以即刻買返底！佢呢度多左芝士味，辣肉鬆味, 仲有雪糕格仔餅。同埋有好多款沙冰揀tim。不過我地岩岩食完晚飯，所以剩係買一底雞蛋仔share。一行四人商量過後，決定揀香蕉朱古力雞蛋仔。其實我地買個陣已經有一大班人等緊，佢裏面都好多陪機同步整緊。我地等左大約十多分鐘就有得食啦。新鮮出爐，外脆內軟，每粒都有香蕉同朱古力，超正。好彩四個人share, 唔係會肥屎。。。

佐敦新開左間媽咪雞蛋仔，唔知係咪因爲新開張有咩人知，竟然唔使排隊😂😂等叫左個粒粒珠古力味返到公司同同事開心share🙊同事話有d甜，但我覺得岩岩好，珠古力味濃，老闆仲好好人，知我唔係即刻食，驚焗得耐會「淋」，所以幫我吹凍d先俾我拎走，返到去仲可以食到脆卜卜既雞蛋仔👍🏻👍🏻😍

今日唔使點排隊就可以食到好好味嘅雞蛋仔，上次試咗香橙朱古力味，今次就揀咗綠茶朱古力味，濃濃嘅綠茶味加上一點點朱古力嘅甜，味道調配得相當之好，因為有套餐優惠，仲可以叫埋杯檸檬蘆薈梳打水慢慢嘆住等，正！！！

本來食個雞蛋仔是何等平常的事，但你企響到等雞蛋仔，發現有個哥仔已經食雞蛋仔食到可以話你知咩好食，就要豎起耳仔👂🏻聽下啦！我同美女朋友叫左底得呢間分店先有嘅香橙🍊朱古力🍫，同抹茶🍵。一個高大型仔（不是重點）的男顧客就同個收銀店員建議點改良個雞蛋仔，唔記得佢地話咩味，但佢等緊攞嘢食果陣就介紹我地下次試香蕉🍌朱古力🍫(my favourite)，同金莎格仔餅，聽完佢講我都心郁郁！但實在太飽食唔落😵,唯有下次！我地個雞蛋仔都ok, 真係好有橙味，同朱古力都好balance，但杯抹茶就對我黎講太甜啦！🙅🏼 可能係我飲開茶，呢啲真係唔係我杯茶啦！

今天下午經過佐敦，試下新開的媽咪雞蛋仔😋又想試下新出奶茶味又想試下紫菜粟米，結果諗唔掂數，兩隻買哂，好彩兩隻都有買，因為兩隻都好味。雞蛋仔要外脆內軟是常識吧？兩款雞蛋仔都達標，本來期望奶茶味是英式Earl Grey, 怎料入口是濃濃港式奶茶味，我是白痴嗎？menu有寫明啊😭雖然期待落空了，亦無損這口味的美味，想不到原來茶記奶茶和雞蛋仔能融合，但我覺得粟米和紫菜才是絕配啊，紫菜香脆加上粟米的囗感，我愛呀😍

媽咪雞蛋仔不嬲唔錯， 不過之前試過佢地嘅維他奶茶雞蛋仔就覺得有啲甜。今次見到佢地用傳統茶底， 就即管試下啦。果然完全唔同！ 正！今次佢地嘅奶茶雞蛋仔唔太甜， 奶茶為夠，食落仲有少少回甘。佢地嘅奶茶都好香濃，仲要係冇冰個隻！完全頂到晒我嘅奶茶癮 依家買奶茶雞蛋仔凍奶茶仲有半價！超正！我老婆就試左佢地新出嘅香橙雞蛋仔， 口感真係好清香特別。食落去會有淡淡嘅橙香走出來，裡面又真係有好多橙皮，同個雞蛋仔好夾。同埋要讚讚啲店員。佢地真係有好多選擇，花多眼亂！但啲店員都好有耐心慢慢介紹啲雞蛋仔俾我地