媽咪雞蛋仔

Open Now

Now Closed

復常後真的感受到四周都是滿滿的遊客， 在一些美食店前總會看到一大群人不是在輪候入座，就是等待美食準備完成拿著外帶邊走邊吃～ 其中這款極具代表性的小食，無論是本地人還是遊客們都是極度喜愛黃金雞蛋仔 $41熱柚子蜂蜜 $22（跟餐價）$26（單價）作為香港獨有的傳統街頭小食，最常吃到的以雞蛋、砂糖、麵粉及淡奶等配料攪成蛋漿的原味道；但時至今日雞蛋仔的口味已經發展到非常多元化，單是店家供應的都有廿多種口味，滿足一眾愛新鮮的香港人！之前已經嚐過這間的原味、紫薯味跟芝士味，這次到訪就來試試黃金雞蛋仔～ 所謂「黃金」即是鹹蛋黃的顏色，雞蛋仔份量十足，外觀如一個呈金黃色的蜂巢，每一顆飽滿扎實，外脆內鬆軟，有濃厚蛋糕的香味，甜度掌握得剛好！鹹蛋黃粒被包裹在雞蛋仔中，兩者的甜和鹹完美融合，鹹味不會太重或油膩，惹味可口！吃著雞蛋仔配一杯飲料就更加享受，店家特意推出優惠，購買雞蛋仔或格仔餅可減$4優惠啊～ 喝著一杯熱騰騰的柚子蜂蜜，甜甜的夠滋潤，配著雞蛋仔真的有夠好吃，作為下午茶的話絕對一流！店家在港已經開業多年，幾年前更重新包裝品牌形象，特別是包裝袋的設計，由以往只是簡單的用雞皮紙(正名叫：條紋牛皮紙）袋

買左個格仔餅燶到黑色，仲要係淋嘅，格仔餅做唔到外脆內軟真係垃圾，明明之前都有食過媽咪雞蛋仔啲格仔餅，我認為係好食嘅，所以經過都想買返個嚟食下，排隊已經排左十分鐘有多，中間個店員一直叫我等等，等佢忙完啦，終於到我落單啦，同我講五分鐘就有啦，最後等左15分鐘先有得食，滿心期待下，竟然係俾一個燶嘅淋嘅格仔餅，我諗係我食過最差嘅一個格仔餅，我唔認為咁樣嘅嘢可以賣出嚟，仲要我等左咁耐…無諗過今次體驗咁差，應該就無下次了。😅

抹茶味雞蛋仔 ($29)抹茶味幾濃郁 又唔會太甜 內餡足 外脆內軟 記住趁熱食😋🌟 𝗈𝗏𝖾𝗋𝖺𝗅𝗅 8/10📍媽咪雞蛋仔 Mammy Pancakes (銅鑼灣)銅鑼灣希雲街1-5號禮信大廈地下17號舖—𝖿𝗈𝗅𝗅𝗈𝗐 @𝗈𝖺𝗍𝗌𝗇𝗐𝖺𝖿𝖿𝗅𝖾𝗌 𝖿𝗈𝗋 𝗆𝗈𝗋𝖾!

媽咪雞蛋仔喺出名食雞蛋仔，但係今日想食格仔餅，之前都冇試過一於試吓啦！🍵抹茶格仔餅 $33 (8/10)格仔餅好厚，外脆肉軟，有口感，質感好煙韌，有啲似麻糬，抹茶味好香濃好出，加埋花生醬煉奶，好香好豐富，唔會好甜，好好食！推薦指數: 8/10食過好多次，估唔到格仔餅都咁好食，呢一間連鎖嘅雞蛋仔保持到質素，真心久唔久又想食吓。

新式雞蛋仔，種類繁多價錢同舊式傳統都相差好多不過人氣米芝連 媽咪雞蛋仔👍🏻值得一試除咗雞蛋仔，都有格仔餅同少量飲品當中有款雞蛋仔口味幾特別😝就係——>清新檸檬🍋味<——不過我最後驚小伏😂😂所以揀左鹹味TOP1雙重芝士$45成個過程都係等左十分鐘左右拎上手 暖笠笠外面好脆 食落就係軟軟地 煙煙韌韌嘅口感芝士好有鹹香嘅味道 食哂都好飽，仲有啲漏添，不過都期待下次食埋個媽咪朱古力味

一向都知呢間雞蛋仔好出名 但其實一路都冇食過 今次路過銅鑼灣心血來潮就去試吓～我自己個人不嬲都鍾意朱古力口味，而呢間既朱古力味都好出，唔會係個啲好死甜好假既朱古力味😍😍😍而且個雞蛋仔整到好外脆內軟 個粉都幾香蛋味！（有啲街邊檔雞蛋仔個粉漿會苦苦地 唔好食🙈）呢個價錢黎講 真係唔錯 幾值得食！本身諗住買來同朋友share，點知未meetup到個朋友已經自己食晒成底🤣🤣🤣🤣下次會試咖啡朱古力同埋香蕉朱古力！！😋😋😋

媽咪雞蛋仔多年前經已人氣旺盛，隔咗咁耐，開咗超過十間分店就算到而家，依然keep到外脆內軟，一樣咁好食。原味雞蛋仔只係 $20，蛋香十足，性價比高🤤🤤難怪任何時候都有人排隊🙈試過唔少款式，但最鍾情既都係原味～其次高係朱古力😋始終覺得最原始嘅味道係最好食🤭美中不足嘅位係，雞蛋仔好快就會凍咗，記得一定要趁熱食，攞上手暖笠笠嗰陣就要快脆清咗佢🤣同埋而家轉左用紙盒裝住，雖然比較美觀，但亦都冇咁環保😕

金莎朱古力格仔餅：呢款餅非常香濃，朱古力味道好濃好濃，每一口食落去都有種幸福感。個餅身又脆又酥，真係好好食嘅零食！雙芝士雞蛋仔：呢款雞蛋仔非常特別，裡面有兩款芝士，一啖落去就有好香濃嘅芝士味。個仔身係鬆軟咁，香脆外皮，加埋芝士味，就算唔夠甜都好好食！

- 口感：4.5/5- 外觀：4/5- 味道：4.5/5- 飽足感：3.5/5**總評**：雞蛋仔具有令人滿意的口感，外觀具有標誌性的蛋形或球狀造型。味道香甜可口，具有濃厚的牛奶和雞蛋香氣，令人懷念。飽足感適中，作為街頭小吃相當合適。### 服務：4/5賣家態度親切，現做現賣，維持雞蛋仔的鮮味。整體服務令人滿意。### 總結：雞蛋仔作為一款經典的香港街頭小吃，具有獨特的美味和魅力。無論是當地人或遊客，都值得一試。希望未來能在更多地區品嚐到這款美食。

平時有傳統嘅雞蛋仔口味，呢間攤位都有售賣其他口味嘅雞蛋仔，例如香芋、紫薯、抹茶等等，味道獨特，值得一試。攤主都好注重食材嘅質素，用上新鮮嘅雞蛋同高質素嘅配料，令雞蛋仔更加美味可口。而且，攤位嘅價格非常實惠，每件雞蛋仔只需數元，非常適合想要小食嘅人士。攤主都好友善，熱情有禮，令你用餐嘅過程更加愉快。攤位嘅環境簡單舒適，讓你可以好放鬆咁享受美食。總之，呢間雞蛋仔攤位係一個非常值得一試嘅好去處，如果你鍾意香港嘅傳統小吃，一定要嚟試下佢哋嘅雞蛋仔！

媽咪雞蛋仔真係好好味啊！佢哋嘅雞蛋仔外脆內軟，啖啖都係酥脆香甜，加上佢哋嘅特製醬汁，一咁食就更加滿口幸福感。如果你想試下新口味，可以試下佢哋嘅媽咪芝士焦糖雞蛋仔，係一款特別嘅口味，一試難忘。如果你鍾意清淡啲嘅，可以試下佢哋嘅水果雞蛋仔，配上新鮮嘅水果，健康又好味。除咗雞蛋仔之外，佢哋嘅手工珍珠奶茶都係一個絕對嘅亮點，口感順滑，加上Q彈嘅珍珠，令人回味無窮。總之，媽咪雞蛋仔係一個充滿驚喜嘅小食品牌，每一款都值得一試！

雞蛋仔由細食到大，呢間媽咪雞蛋仔好出名，好多不同口味雞蛋仔有原味、抹茶、抹茶紅豆、清香檸檬、雙重芝士、香蕉朱古力、咖啡、伯爵茶、媽咪朱古力、芝麻肉鬆等等🍫伯爵茶朱古力💰$36伯爵茶味同朱古力味都係我鐘意，有得mix埋就最好啦，整體唔太甜，微微伯爵茶香味，朱古力唔係爆饀但都有少少朱古力溶化咗嘅質感，好食嘅😋🍋鮮榨檸檬水💰$22冇冰啱晒我，鮮榨檸檬水無添加好好飲，偏酸開胃醒神🚩媽咪雞蛋仔 (銅鑼灣) @mammypancake.hk 📍銅鑼灣希雲街1-5號禮信大廈地下17號舖

不嬲係唔同時間都一定有條長龍係門口最近經過仲見到多左好多遊行我有理由懷疑 其實媽咪雞蛋仔已經成為香港名物 個個都拎住打完卡先食.《抹茶紅豆🫘🍵》媽咪雞蛋仔永遠都唔會剩係得個殼唔係得空氣 而係軟熟鬆軟的真係食到粒粒雞蛋仔都充滿抹茶既香醇唔係死甜嗰啲㗎綠茶粉而且每粒裏面都有綿密紅豆Balance 返抹茶嘅甘.《熱抹茶鮮奶🥛🍵》特登叫番杯matcha latte襯返個雞蛋仔味道唔會死甜 飲到奶香 估唔到飲品都唔錯的

由細到大，好鍾意食雞蛋仔食過咁多間，呢間真係最好味，最足料多年來都保持到水準，唔會無餡得個殼，亦唔會成舊蛋糕咁難怪每次經過都大排長龍每底都係即叫即製熱辣辣，所以等一陣都好值得✨伯爵茶朱古力雞蛋仔朱古力 配上英國品牌Twinings嘅伯爵茶滲出淡淡茶香 味道好夾，而且唔會太甜，裡面仲有粒粒朱古力，好有咬口蛋漿嘅比例恰好，真係做到外脆內軟，包裝袋夠硬淨，仲有透氣窿窿就算放耐少少，都Keep到脆口✨無冰鮮榨檸檬茶炎炎夏日，點少得加杯冰凍飲料出面好多凍飲佔咗半杯都係冰呢杯無加冰都好冰凍，裡面粒粒鮮榨檸檬，比起就咁放一片檸檬更鮮更香見到有金莎醬格仔餅好吸引，下次一定要試

今日去咗銅鑼灣嘅媽咪雞蛋仔～平時都幾多人不過可能今日落雨所以就少啲（＾_＾）.「媽咪朱古力雞蛋仔」 ($27)真心好好食！外脆內軟嘅雞蛋仔 (*^_^*)朱古力味好濃唔係用嗰啲溝到好稀嘅朱古力漿整好推薦大家試吓！.「凍檸茶」 ($26 跟雞蛋仔買會有$4優惠)真係好檸檬嘅檸檬茶飲完之後個口腔好似食咗好酸嗰啲味覺糖咁茶味相對地都冇咁出不過整體嚟講都係好飲嘅 V(^_^)V如果係好鍾意好酸嗰啲檸檬茶嘅話就會更加鍾意