35
5
0
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
Recommended Dishes
是日同家人行開朗屏，順便帶佢地行下翻新過嘅好順福商場，而家改左名做順福糧倉😆越來越多食店進註，家人話喇沙好似唔錯，咁就食馬六啦。🥢厚切豬扒喇沙摻摻先叫左碗豬扒喇沙，豬扒重香茅味，好食喎。喇沙湯濃郁鮮味，微辣好惹味。估唔到下午茶餐份量都無縮水，摻摻一大碗，豬扒亦很大塊，好飽肚😋🥢巴東牛肉配班蘭椰漿飯仲要左份牛肉飯，牛肉炆得軟腍入味，班蘭椰漿飯好香喎，而且飯粒仲係分明，唔會過淋，好怕食爛飯吖嘛😆🥢新加坡鹹蛋黃魚皮呢個至愛每次黎到都會叫，介紹下比家人先😘香脆魚皮加上厚厚鹹蛋黃醬，正～🥢班蘭咖吔多士另一樣至愛，又鹹又甜好好味，最正係塊牛油厚切，同埋班蘭醬塗得夠多，讚😍🥤香茅橙茶 & 🥤南洋白咖啡 & 🥤馬來手工拉茶店員提示店內餐飲偏甜，問使唔使少甜，又幾貼心喎👍香茅橙茶有兩大片鮮橙，狠狠篤佢迫哂啲橙汁出黎😆正如香港人飲檸茶都係要起勢咁篤佢😆咖啡好香，無少甜都唔覺太甜。拉茶少左甜就覺得仲係幾甜下，茶底香口，好飲吖。食左好多野好飽呀，滿足滿足。
continue reading
之前在網上已經見到有人介紹依間 "馬六"，是吃新加坡菜同馬來西亞菜，一間餐廳有齊兩個國家嘅菜式，的確當然要試吓啦 ~依個商場係新開嘅，所以餐廳都係全新，以木系材質為主，設計柔和雅致，令人感覺寧靜舒適。睇睇餐牌先，有下午茶套餐，包括主菜+飮品，加$配小食，而主菜有無骨海南雞飯、厚切豬扒喇沙摻摻、娘惹茶燻鴨油飯、参峇醬烤雞髀乾拌油麵等等，款款地道又特式嘅美食。馬六無骨海南雞飯 $65 (轉髀位+$10)呢款充滿南洋風味，海南雞飯必吃，三款醬料：黑醬油、薑蓉、辣椒醬，香料味濃，轉髀位$10，好入味同幾大隻，肉質嫩滑，油飯甘香，充滿雞油同秀料味，與雞肉一齊食，滋味可口。配埋紫菜湯，清甜潤喉。厚切豬扒喇沙摻摻 $58橙橙紅紅嘅湯底，睇起嚟好似好辣，但飲落個湯唔係太辣，只係微辣，喇沙味濃，配料有豆卜、蝦米、半熟蛋、蔬菜，味道鮮甜，加上厚厚嘅豬扒，肉質鮮嫩。而摻摻即係油麵和米粉混合，兩樣一齊食好爽滑，口感非常特別。新加坡咸蛋黃魚皮 $22新加坡其中一款小食我最喜歡，就係咸蛋黃魚皮。依炸得非常香脆，塊塊沾滿咸蛋黃，咸香惹味，薄脆鬆化，越食越上忍。娘惹芝麻蝦多士 $18細細件嘅小食，酥脆可口，帶有芝麻香，好滋味。套餐附有飲品，我哋點左馬來手工拉茶同椰汁斑蘭冰，手工拉茶味道唔錯，入口帶濃郁煉奶香，風味獨特 ; 椰汁斑蘭冰亦恰好，入口帶淡淡斑蘭椰香。
continue reading
元朗順福糧倉翻新咗之後多咗好多餐廳選擇，今日揀左呢間馬來西亞餐廳食👏🏻2點後 下午茶最抵食，28蚊至60幾蚊…可以有一個套餐！出街食我通常會揀啲手工比較複雜嘅食物🫶🏻我揀咗嗰幾份小食都係手工嘢，家常少啲機會自己煮黎食。斑斕咖吔多士同馬來手工拉茶、斑斕沙冰，係馬六嘅招牌小食之一，多士香脆金黃外脆內軟配牛油斑斕醬，好好味，而呢到既拉茶- 茶味香濃好滑👍🏻斑斕沙冰味道香濃而且消暑夏天飲一流！釀蟹蓋入邊有蝦肉蘿蔔絲粟米同埋，好惹味👍🏻芝士條都係用蝦肉包住啲芝士醬，味道真心唔錯！雞卷就係拆咗骨嘅雞再包住啲雞肉😆望落好似雞骨，但其實成舊都係肉嚟 🤤巴東牛肉配班蘭醬飯、綠色飯好吸引，牛肉醃得非常入味，斑斕醬加飯到好香，色香味俱全👍🏻我相信呢個係招牌菜！茶燻鴨飯，份量非常多，係愛食肉之選🤤仲有三隻吾同味道嘅醬汁點配，再加一碗紫菜湯👍🏻正我哋今日食咗呢幾樣嘢～斑斕咖吔多士配馬來手工拉茶 $28巴東牛肉配斑斕醬飯 $62 +$8椰汁斑斕冰馬六娘野茶燻鴨飯$62 小食-釀蟹蓋 +$22-芝士條+$18-五香雞卷 +$22馬六 (元朗)📍元朗壽富街60號順福糧倉地下G24號舖
continue reading
陪母親大人買餸做阿四當然要先餵飽我呢隻豬🤣招牌大大個一睇就知食大馬菜(˶´⚰︎`˵)服務跟食物都很不錯只係枱之間有點迫冷氣有點大◂ ◂ ◂ ◂ ◂ ✐☡ ▸ ▸ ▸ ▸ ▸下午茶份量不少幾抵食又有跟餐飲品(特飲加錢)特別一提伴碟青瓜🥒好新鮮爽脆無草青味▸ 巴東牛肉椰漿飯有好幾款都好想食最後都係揀咗Lasi Lemak💚牛肉大粒啖啖肉好嫩腍醬汁濃郁少少辣好惹味可惜冷氣大令醬汁好快凝固飯質粒粒分明唔太粘椰汁味重撈埋銀魚仔同啲醬整體不錯 ▸ 茶燻鴨飯母親大人一見到就話要試所有配料跟海南雞飯一樣配有蒜末、酸辣醬、香甜豉油仲有大大碗Q香油飯同海帶湯只係主角變成茶燻鴨🦆鴨肉香濃有肉汁無鴨羶味皮下脂肪肥膏唔算多油膩感少👍🏻▸ 手工拉茶 (熱/走甜)可揀少甜走甜健康啲叫走甜🫣走甜都好ok因有原身甜味茶味濃唔苦澀而且好滑又夠熱▸ 美祿哥斯拉(特飲)非常香濃美祿朱古力😆頂部唔係平時朱古力粉係細個成日食嘅朱古力脆脆波份量唔少有得飲又有得食🤎 咀饞的我另外叫多兩個小食✌🏻▸ 娘惹焗釀蟹蓋細細隻但餡料多多蟹肉撈埋鯪魚肉、洋蔥同紅蘿蔔釀滿整個蟹蓋焗到外脆內軟口感豐富味道香濃唔太咸🥰▸ 蛋黃咖央薄餅炸彈咖史多士食得多咖央薄餅第一次食薄餅上有煉奶中間夾有咖央咖央味唔太甜有少少果皮味配埋咸咸地酥脆薄餅又幾夾😋
continue reading
同一大班同事午市時間去到馬六大家嗌咗幾個唔同嘅餐杞子桂圓紅棗水紅棗水上枱時太熱，但出奇地未有焗到杞子紅棗嘅味道，所以下次I’ll give it a pass.😅海南雞清湯米線招牌海南雞，肉質嫩滑，如果雞同麵可以分開放就更加好，可以食到海南雞嘅調味厚切豬扒清湯米線豬扒厚身，調味帶出豬扒本身嘅甜味，米線軟硬適中，仲有流心蛋，清湯米線份量都幾大桔仔話梅水感覺好潤喉，夏天飲仲有種消暑解渴嘅感覺!!!!大家去到可以不妨一試
continue reading