69
14
4
3-min walk from Exit B, Fortress Hill MTR Station
continue reading
Telephone
22742999
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
Recommended Dishes
餐廳：馬六地點：炮台山電氣道菜式：馬拉野餐牌：茶餐12選一，有多款飯粉麵小食，配冷熱飲品6選一，另外仲有小食追加同加$8升級飲品。馬六娘惹茶燻鴨飯 $62馬六娘惹茶燻鴨大概12件，好多肉食，基本上好似煙鴨胸肉。伴有4片青瓜，跟有大大碟三色醬汁。雞油飯大大碗，非常黏口。仲有一碗紫菜蔥花湯。海南雞喇沙摻摻 $58海南雞一排大概五六件海南雞，雞肉都嫩滑。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣度剛好。其他配料有半隻糖心蛋，豆角，豆卜4件，同少少爽口芽菜。娘惹芝麻蝦多士 $38娘惹芝麻蝦多士一客四件，每件多士上半面有半件蝦膏，面頭鋪滿白芝麻粒。食落係脆口中帶彈牙蝦膏，正呀！伴有芝麻醬可以調味，同樣伴有青瓜同車厘茄可解膩。街頭雞肉串燒 $26街頭雞肉串燒一客兩串。雞肉啖啖肉，好重咖哩味。伴有青瓜同車厘茄。老街椰汁冰（跟餐加$8）老街椰汁冰用杯裝，椰汁味好香，飲完好似食完甜品。椰子班蘭冰（跟餐加$8）椰子班蘭冰色水呈綠色，味道係椰汁加班蘭味，咬落有粒粒碎冰，好飲。總括而言，茶餐似正餐一樣大大碗，非常抵食！座位都舒適，裝修光猛。
continue reading
而家出街食餐飯真係唔平今日比我搵到呢間星馬餐廳環境乾淨舒適叫到成枱都係野食埋單都係百零蚊加上係下午茶時段．價錢更抵食套餐跟飲品．仲可以追加小食．性價比好高✨馬六無骨海南雞飯啖啖肉嘅海南雞．肉質嫩滑好肥美沾上三款不同嘅醬汁，各有風味跟湯同油飯．份量充足✨馬六娘惹茶燻鴨飯茶燻過嘅鴨肉好香口起哂骨仲好夠味味道唔會太鹹✨娘惹蝦多士咬落香脆．裡面充滿蝦肉喜愛香口一定不能錯過✨街頭雞肉串燒串燒好惹味．燒完唔會太乾依然保留肉汁✨香茅橙茶味道清甜，加入新鮮橙肉滲出啖啖香茅味道．健康之選✨美祿哥斯拉小朋友最鍾意呢杯冰凍美祿．面層加上脆卜卜嘅朱古力口感豐富總括今餐二百蚊有找．好味超抵食
continue reading
IG:Eattobefit.hk💪🏻 椰子斑蘭冰 (+$8)好少可飲到斑蘭嘅飲品，作為斑蘭愛好者，我覺得呢個沙冰好好飲😋 好香嘅斑蘭味，而且成杯都係綠色好靚🤣 斑蘭配椰汁都好夾，同時飲到2種嘅味道！💪🏻 海南雞喇沙摻摻 ($58)喇沙湯底好濃郁，有好香嘅椰漿同蝦醬蝦膏味道，送麵一流！豆卜都索晒喇沙湯。海南雞係無骨，而且雞肉好滑身😋！💪🏻 巴東牛肉配斑蘭椰醬飯 ($62)巴東牛肉嘅味道同我之前係峇里食嘅相近，香料味同椰香味都突出！牛肉都炆得好入味同好淋，主要用牛腩位去整，肥瘦均勻。💪🏻 娘惹芝麻蝦多士+娘惹焗釀蟹蓋 (+$18/$22)蝦多士好香芝麻味，亦可以點南洋風沙律醬。蟹蓋mix咗一啲雜菜一齊整。味道：7.5/10性價比：8/10 食住瘦指數：💪🏻💪🏻/5 *下午茶價錢
continue reading
呢間餐廳有好多分店之前喺西灣河分店食過，覺得唔錯今日咁啱係北角嗰邊所以同朋友入去食個快餐🍽️餐廳食物種類都幾多👍🏻今次叫咗兩個餐1️⃣娘惹蔥油辣菜圃厚切豬扒飯今次叫咗走蔥油豬扒好厚身，份量好足夠調味啱啱好，唔會太油膩👍🏻2️⃣海南雞飯配肉骨茶一般海南雞都會配雞湯不過呢間就有得揀配肉骨茶👍🏻 本身係配油飯，我轉左白飯，少飯肉骨茶湯煮得濃郁，散發着不同藥材嘅味道🤤🤤湯裡浸泡著大塊豬骨😍豬骨煮得軟又入味😋海南雞飯同其他餐廳一樣轉雞髀要加錢我冇加到，整體肉質都唔錯，唔會嚡有幾件雞係雞髀位置，有幾舊係雞胸位置，加半隻雞翼海南雞飯配上三款醬汁，薑蓉，黑醬油，辣椒醬海南雞同汁嘅份量好足夠☺️
continue reading
中晒伏！嘢食完全無味！建議就算食馬六都去其他分店食 今日同埋屋企人去完醫院覆診，由三點搞到成七點先終於走到諗住搵個地方食完飯快快手返屋企休息下啦，自己餓到暈暈地咁，行過附近呀媽就見到就話想食海南雞飯就即刻入左去坐低揀食咩好。估唔到係呢個情況下會令到我上網寫第一次食評！ 揀咗晚餐3樣野食，分別係海南雞飯，燻鴨飯同埋咖哩豬扒飯，三樣嘢都可以話完全無咩味，嚴重懷疑佢地係唔係無落鹽，d飯仲凍凍地，尤其係海南雞同咖哩完全無味，咖喱只係感覺到少少辣，係我成餐飯難得食到既味道。反而加$8蚊飲咗杯椰汁冰味道係最正常。 我一開頭以為自己味覺有問題，諗住喺餐廳問下屋企人覺得點，又估唔到連呢個時間都無侍應係外面無人等位既情況下好快已經清枱趕客走，由坐低到埋單都無30分鐘，真係要讚下佢地好勤力！ 最後埋單一出門口行咗幾步，屋企人第一句即刻話D嘢無味既，你地果D我試完都係無咩味，真係無下次！一家人係外面食飯遇到咁既經歷都成幾年無試過，難忘既回憶！
continue reading