10
2
3
Above information is for reference only. Please check details with the restaurant.
Recommended Dishes
今天不太肚餓又想試吓雲吞麵，入到去睇了餐牌，唔知系米星期日，忙到想搵個人落單都難，又見到侍應拉低口罩用紙巾抹鼻跟住又繼續做嘢不是太衞生，本身落單叫了雲吞麵，豬手麵加雲吞和炸醬撈麵。結果張單碗豬手麵又漏左無加雲吞，跟住送到黎碟炸醬撈麵，老老實實分量太小唔講以為人地食左兩啖，$72會否分量太小，一糸加貴d整返大碟d,味道也是一般，雲吞麵已預左好細碗，舊雲吞有d硬好似都未熟透，如果話呢間野系出名雲吞麵完全糸笑死人。糸得豬手麵好少少但都係無乜肉食，整體每一豌既分量只夠一個小朋友食。真係唔會再黎食
continue reading
昨天上山頂未肚餓想搵輕食，行咗好多間食店，見到呢間麵店，睇完Openrice都幾好口啤，就決定入呢間食碗麵，我們叫了一碗雲吞麵和一碗牛筋牛腩麵，超快趣有得食，不過真係大笑了一聲，得一個飯碗咁細嘅雲吞麵不過唔緊要，真心唔肚餓抱住試食心態，原來都真係幾好味，蝦新鮮嘅，啖湯最後飲曬，真心好清甜；牛筋牛腩麵大碗小小，我試咗牛筋都不錯，好夠淋，男朋友點曬頭，埋單當然貴過平時小小，但可以接受嘅，大家可以一試。
continue reading
三點幾上到山頂， lunch都未食，第一間見到嘅餐廳就係呢間麥奀雲吞麵世家，雖然不嬲都知道呢間偏貴，不過我自己又鍾意食雲吞麵，同埋呢間又真係整得好食嘅呢個時期，呢個時間，餐廳冇乜客人，保持住一如既往嘅水準好食不過可惜個價錢就真係有啲貴
continue reading
秋意漸濃，今日上山頂行個圈，到咗下午茶時間，因為本身食飽先上山頂，唔係好餓但係又想食啲嘢😋見到麥奀唔需要等位，就揀咗呢間米芝蓮餐廳食碗雲吞麵。份量細細，做下午茶啱晒！星期日嘅下午茶時間，店內人流不多，大把位選擇，坐喺梳化位坐得舒服，一入到去姐姐好快招呼我哋坐低，我哋二話不說一人點一碗雲吞麵，嘢食都好快送到。雲吞飽滿彈牙，湯底好鮮甜，面都好彈牙，份量作為下午茶啱啱好，午餐晚餐就要叫多啲小食，滿意嘅一餐。
continue reading
前排山頂廣場裝修完, 咁就上去行下順便睇風景。行到lunch time就開始搵野食。見每間餐廳都排哂隊, 望到麥奀記條隊短D就行埋去等。本身同朋友都未食過呢間, 但聽人講間野既野食唔差但份量係好少。入到去坐低, 落單呀姐就好趕咁問我地食乜(可能想做多幾枱客)我叫牛腩河,朋友就雲吞河。上菜既速度好快, 不過份量就真係好少。牛腩夠入味夠冧, 腩汁湯底唔會咸。朋友讃雲吞入面粒蝦好彈牙。 食物既味道真係好既, 但真係貴精不貴多, 可能要食2,3碗先夠飽。
continue reading