覓茶活 (Moved) New Location

出埋說好的奶蓋！成家都好欣賞佢嘅紅柚綠同百香果綠茶，上個星期飲左三次，臨結業先發現到呢間舖好可惜，佢地做到今個月14號咋，請同路人作最後支持，希望後會有期。.金鳳茶王加奶蓋:20幾蚊咁大杯抵到爛，奶蓋講明用4.3厚鮮奶打成，口感偏柔滑，唔係好厚身好滯嗰款，奶味較出，芝士係配角，但撈埋醇香嘅金鳳茶王係好飲嘅。

沙田柚一定要識去石門搵食，以前嚟石門都以為係工廠區，但有咗依兩座商場後，原來有好多起沙田搵唔到嘅小店可以選擇。今日一口氣試咗幾間，夏天熱辣辣梗係要飲返杯嘢飲啦。不過佢間鋪起一座2樓上電梯後再後一條行，起牙醫旁邊，要細心啲先搵到，不過同路人一定知道喺邊嘅。雖然依家芝士好成行，不過我都係鍾意啲透心涼嘅選擇，所以揀咗多多❄️❄️（益力多） 有奇異多多同抹茶多多，我自己就鍾意奇異多多多啲啦，酸酸地，唔知自己係屋企可唔可以溝到呢🧐🌬🌬今次真係涼多多多多多多😆😆

呢間茶飲店早排告急過，但最後四月中都宣布5月14號係最後一日😞🤧 希望大家都可以分散投資，一間都不想少😭🥤黑糖珍珠厚鮮奶 $29厚鮮奶好濃厚～ 有驚喜呀，同珍煮丹嘅厚鮮奶不相伯仲，佢仲要平d添😎 黑糖珍珠都不錯，有嚼口，杯嘢就算放咗差不多兩個鐘都表現不錯☺️🍓 芝雪草莓 $38呢杯真係飲到有草莓果肉🍓，芝士奶蓋配果肉加綠茶🍵，有士多啤梨嘅酸，幾好～不會過甜😙希望大家都可以作最後衝刺支持吓佢🤧 btw喺覓茶活隔離嗰兩間都是良心小店，分別係Supine同豆腐巴克，石門真係好多店🙌🏻

插個隊介紹呢間就結業嘅茶飲店先，佢位於黃店林立嘅石門京瑞廣場，食完飯過黎買杯野飲就啱啱好。另外沙田友都真係唔話得，佢告急後今日明顯多左人幫襯。.桃香烏龍Menu有好多選項，睇到花多眼亂，最後叫左寫明一茶一泡嘅桃香烏龍，茶底行清香路線，桃味若隱若現，味道唔會好假，食完飯飲幾消滯。.紅柚綠阿妹以前好鍾意X狼嘅紅柚茉莉茶，呢杯係幾好嘅替代品，可以見到杯內真係有新鮮紅柚，酸味味帶少少苦澀，特別適合天氣熱時飲。由於紅柚份量都幾多，建議唔好甜嘅揀少甜，中和返個酸味。.鹽酥雞為左支持叫多左個小食，過左20分鐘後食仲好酥脆，亦唔太油膩。

抗疫不忘抗爭！與其困在家裡，不如做好防疫措施，外出透啖新鮮空氣！石門出名黃店多，今晚我就決定支持「覓茶活」。未入店，已見門面貼有連登米豬連認證，是真正的良心商戶。「覓茶活」有台茶有小食，最後我點了40元套餐，包一杯珍珠奶茶和一款珍系炸物。套餐可揀20元或以下飲品，珍珠奶茶就剛好20元。其他台茶店雖然大大杯，但有時結果反而造成浪費。所以「覓茶活」500毫升份量更覺合適！一喝，茶味香濃，珍珠口感煙靱！珍系炸物則揀了鹽酥雞。由於是即叫即炸，店員禮貌示意需等10分鐘左右。細細杯，十多粒，熱辣辣，配埋冰涼的珍珠奶茶，享受一流！

推介原味珍珠奶茶，茶味又香又滑；鹽酥雞細細粒，又入味，好食；炸魚旦十分彈牙；三文治即叫即整，新鮮熱辣辣，超好食；滷水雞翼滷水汁好入味，鷄翼肉質滑；店舖彩用開放式設計，以做台式飲品、小吃、三文治及即食撈麵為主，雞旦仔係店舖signature 甜品，有淨雞旦仔，雞旦仔併雪糕，多款口味選擇。餐廳以外賣為主，設數個吧位堂食，店舖環境乾淨、企理。整體：食物質素好，用心製作，物超所值！一定會再幫襯。有質素的黃店、絕對值得支持

依家好多大大少少嘅茶店，連鎖或小店都飲過，而呢間小店係我暫時飲過覺得最好飲👍🏼本身中意飲桃味嘅野飲，但出邊飲過咁多間，間間都係用糖水溝茶，d 味一飲就飲得出，假假的...但佢地覓茶活係用新鮮嘅桃❤️真係一飲就飲得出分別，係清甜架～仲要價錢唔係特別貴！所以經過都會買番杯黎飲～奶蓋都好好味，夠滑又香濃。唔同季節仲有唔同生果飲品，下次試下佢個荔枝先老闆（我估佢係啦）仲好nice 👍🏼不過間鋪有少少入。

之前食飯既時候講起台茶店其實京瑞冇10間都有8間賣台式飲品試過幾間 都不過不失於是朋友介紹呢間覓茶活 話好好飲黎到發現都好多選擇千挑萬選之下揀左芝士金鳳茶王諗住都應該唔食難飲咁味道都真係ok既但個奶蓋既芝士味略嫌唔夠濃同埋就咁打開蓋飲既時候完全冇辦法一次過飲到芝士同埋茶🤣之後仲有喺度買個紅棗薑茶(熱)我比較中意呢個講緊係拎到返公司將杯野分為兩杯加熱水沖淡黎飲😂因為就咁飲係非常之甜沖返1/3熱水個味就岩岩好我覺得自己賺左🤣

雞蛋仔是香港的名小吃之一，早前《延禧攻略》剧組作客TVB時，皇后娘娘就盛讚雞蛋仔“好吃”。原本今天的目標是意粉，然而取號後發現要等好久，唯有四週圍行吓，於是搵到這間賣雞蛋仔的小食店。之前並未試過朱古力味的雞蛋仔，今天小朋友們想試，於是點了這個口味的。等了大約十分鐘，開放式廚房的阿姨終於完成了這個雞蛋仔。新鮮整出，外表微熱松膽，內𥚃的“空氣感”太强，口味比較淡，20元一份就太貴了些。

好愛這家店啊啊啊啊啊！第一次喝到這麼大杯黑糖珍珠厚鮮奶～超滿足足足700ml，原價29 加大杯＋2，總共先31。其實我一見到鮮奶類產品就必點，係其他地方都成日買，但係人地都唔比走冰，有d連甜度都唔比較。呢間就好話事啦，因為老闆同老闆娘兩個開個小店，可以＋2蚊常溫，或者免費轉最少冰👍🏻👍🏻好滿意的一次購物，人生第一次喝台式飲品喝飽，會再黎～鹽酥雞也好吃，不油膩，香口，配牛奶剛剛好，吃完就當吃晚飯

聽朋友介紹石門新開左間好正既台式飲品，仲有我最愛既紅柚茶，趁今日放假，即刻去試下。一出東鐵站口，對面就係京瑞廣場一期，商場上2樓，係右邊角落就係覓茶活既位置啦。成間鋪既感覺好舒服，平時買開依啲飲品鋪，通常感覺都係間鋪好細，排隊等位好迫，望入去會有密集恐懼症😂不過依間鋪好闊落，又用藍色做主色調，感覺好舒服。等飲品期間，仲有潛水片睇，聽店員講，老闆係一個專業潛水教練添。今日同朋友仔孖住去， 朋友叫左杯鮮百香紅少甜同鹽酥雞。杯百香果好好味，好香，不過朋友話飲既時候，有啲百香果果核有啲酸，反而感覺幾真材實料😂唔係用罐頭貨👍🏿另外個鹽酥雞超好味，香口得黎又唔油，絕對推介👍🏿👍🏿而我自己就當然飲我至愛既紅柚綠啦🤤仲叫多份雞旦仔添。朋友果然冇介紹錯，杯紅柚綠好正，味道剛剛好，唔會死甜，又香柚味，讚👍🏿👍🏿至於個雞旦仔，每粒都好飽滿，唔似平時嗰啲好似食風咁😂只係差少少脆度，不過都幾好味。見到其他人有加雪榚，下次再去要試下先😍雖然石門站唔算係一個非常方便既地方，不過店鋪質素頗高，一定會再黎食，推薦👍🏿

自己平時都好中意飲台式飲品，近期大熱既黑糖珍珠都係my favourite☺️喺朋友facebook見到介紹呢間覓茶活，佢有埋ig(maketeawork),就上佢ig望下有咩選擇，覺得好吸引，所以呢日就同埋男朋友去試下。芝雪白桃🍑相信好多女仔見到都會俾呢個名吸引左💕上面既芝士奶蓋同桃味好夾🍑我自己特別中意桃味既野，而且唔係好多鋪頭都有，覺得好特別而且好岩女仔既口味🍑我見到仲有好多唔同既系列，水果茶都好吸引，下次都一定會再去幫襯！

已是第二次幫襯。之前見有新店開張，試左珍珠奶茶同紅柚綠。珍珠奶茶d珍珠非常彈牙，而且奶茶茶味香濃，非常好飲！紅柚綠就飲過返尋味，今次再去買來飲。左起芝雪白桃，奶蓋紅柚綠，芝雪雜莓。不得不讚覓茶活嘅芝士奶蓋真係十分出色！仲意芝士奶蓋嘅朋友一定要去試下！呢度嘅老闆十分友善親切，會教客人如何飲芝士奶蓋。而我就仲意紅柚綠飲過咁多紅柚台式飲品，算覓茶活嘅最好飲！另外，我地仲食左魚蛋，雞蛋仔同炸薯條，十分🈵足下次會再約朋友一齊去！(期待期待)

路過發現新開小店, 無諗過竟然有近期大熱嘅黑糖珍珠鮮奶同生果茶, 即管一試。黑糖珍珠厚鮮奶 - 珍珠煮得剛剛好, 非常彈牙而且香濃黑糖味道。黑糖珍珠同鮮奶比例不多不少, 鮮奶更加唔係好似平價珍珠奶茶咁用奶粉開, 濃濃的鮮奶明顯飲得出新鮮而滑順。 親切女店長更表示為顧客著想特意將甜度調較低一點, 值得一讚!紅柚綠 - 紅柚既味道好強, 好fresh, 我覺得適合一d鍾意清新口味嘅人, 有時下下飲奶茶都會覺得好濟嘛...仲有驚喜既係佢既綠茶茶底, 紅柚味過後你就會飲到茶嘅甘香!店長好好, 你需要幾甜佢都會幫你調較或者比意見你, 好有心。無諗到自家小店一樣可以做高水準飲品, 唔再需要響出面d人氣店排半個鍾隊. 下次嚟開石門食飯要試一試奶蓋系列支持下有心小店先得