麥明記 (Closed)

公司附近有一間老字號粥粉麵店，一貫老派裝潢。午飯時段會有套餐，比起正價平少少。皮蛋瘦肉粥粥底綿滑，皮蛋和瘦肉份量不少，果然名不虛傳，粥品有水準。鹹肉糭這個就有點失望。外層糯米厚，內層綠豆蓉太少，蛋黃都無一粒，只有肥膏一件。丁點香味都無。正價是二十八元一隻，如以這樣的組合未免太貴了。

今日同之之黎到呢間位於天后水星街既麥明記take lunch~👫入到黎坐底感覺都幾好,唔會話好嘈,我地重選擇左坐係一個角落卡位到.🤗🤗🤗黎到呢間野,雲吞麵當然係必食既野黎,我地二話不說都叫左一碗大既(打算兩份分)🤤🤤🤤然後,叫左一個牛腩飯 + 鯪魚球 飲左個熱奶茶.首先黎左個大蓉,色水,賣相幾好.湯底望落去清澈見到底,一睇就知師傅造過功夫去處理湯底.雲吞:皮薄餡靚,雲吞皮真係好薄身,絕對唔會話令你咬左落去令你口入面感覺有層野.蝦+豬:肉都食得出係新鮮,調味方便都做得好好!(加埋辣醬真係好正!)麵:時間掌握合適,D麵一咬就開,但又唔係林哂唔好食咁.牛腩飯:牛腩鬆軟,食落唔會有渣!腩汁都相當濃郁.芥蘭:都唔錯,叫做嫩.加埋腩汁都好正!!!!鯪魚球:賣相好吸引,重大過粒乒乓球 ,即叫即炸!咬落去就知道魚肉相當足料,，又彈牙！而且有甘香既陳皮味,我自己個人對呢件波波既評價相當之高!絕對建議大家去食!!!最後到杯熱奶茶:本身係呢D麵檔隨食野唔會期望杯奶茶好正,但係飲落又唔係差最後賣單都係百多塊，相當底食，下次會翻轉頭！

伙伴會議完成，到了附近食雲吞麵，果然好味道，無論麵質是銀絲細麵，彈牙冇鹼水，湯頭淸有蝦子香味，一囗雲吞，而水餃也不錯，爽脆，必再光顧的，飽足感恩！食完冇口乾，這才是正宗雲吞麵。

今早來到麥明記，放棄了自己情有獨鍾的炸醬麵，點選了一個粥品餐：皮蛋瘦肉粥配菜、豬潤粥及油條。粥綿綿，材料足，油條脆，配上粥品實在一絕。 價格雖較一般店鋪略貴，但偶爾善待自己也不錯。

今日星期日帶媽媽去附近食午餐，就試左麥明記食粥粉麵。先叫一碗瑶柱白粥。粥底好綿，又夠熱。豬潤粥～豬潤份量都有五六片，唔會好厚兼爽身，感覺都幾新鮮。柱候牛腩飯～牛腩好入味又夠腍，個汁送飯好快KO了。蝦米腸～呢個極力打推介！腸粉好滑，家陣坊間唔係咁多粥舖可以做到。蝦米又香蔥花又多。食下又一條食下又一條，嘴刁嘅媽媽都話讃炸鯪魚球～香噴噴熱辣辣，影完相侍應姐姐幫我地剪開一半方便食。鲮魚肉彈牙好香果皮味，值得一試。呢餐盛惠$179(仲有杯菜蜜冇影相）

雲吞撈麵 - 湯清甜帶炸大地魚甘香，韮菜添清香- 麵幼細彈牙，豬油使麵條條條分明，散發甘香，少量甜豉油可說是畫龍點睛，為麵添上淡淡鹹鮮，精緻- 雲吞藏於麵條下，夾開麵條，乍見每顆雲吞都是尾部朝下，擺設得如花又如金魚般，雅麗。雲吞皮薄滑，蝦彈牙，豬肉餡甘香，一口一顆，優雅

以前常去天后麥兆記，但係越黎越貴。一碗水餃面加一杯凍檸茶要7拾文+。但現在佢亞哥麥明記開左分店在天后，味道及服務比麥兆記不相伯仲。但價錢就正好多，下午茶時間細蓉+凍檸茶50蚊。佢地嘅粥都好好味。想回味兒時味道，這是一個好處+價格公道。

之前與吃貨1號去過西營盤的麥明記吃朋友極力推薦的嫡傳雲吞麵，吃過之後覺得真的不錯！除了以前造訪過數次的中環麥奀記，極富實驗精神的吃貨1號，後來又自己去試了麥明記分家後的其他兩家：忠記及麥明記天后新鋪，吃貨2號在他的鼓動下，有一天便跟他去了麥明記天后店。有許多知名食店往往在開了分店之後，便開始品質參差甚至退步到慘不忍睹，因此，如何像鼎泰豐一樣讓全球每一家分店都維持一貫整齊劃一的水準，以維持其盛名不墜，確實考驗著經營者及廚師們的智慧。因此，我們便決定也TEST一下麥明記，是否已具備鼎泰豐般的水準。上一世紀著名飲食評論家陳夢因在《食經雋語》一書中曾經形容，做的最夠條件的雲吞，是不厚不薄用全蛋製作的皮，包上先將瘦肉、瑤柱剁得細碎，鮮蝦、肥肉切成小粒，再加上炸香的大地魚末及蛋黃攪拌均勻，如此做出來的餡味道才夠鮮濃；而麵則是要一斤麵配上五隻新鮮大鴨蛋去揉出來，如此做出來的全蛋銀絲細麵，在滾水裡一泡即熟，吃起來才會爽滑不黏。幸好麥明記的雲吞麵無論西營盤或天后店，皆有著如前述食評家所云的水準，兩家店品質都很一致，不錯！之前曾在西營盤吃過雲吞撈麵，這次便來嘗嘗不一樣的招牌炸醬撈麵，跟在台灣吃慣的北方炸醬

好少可會去到天后哩邊 咁嘅經過麥明記 就入去食野啦 可能係由於時間尚早嘅關係 所以店舖不太多人 仲坐得好舒服呀👍🏽😉 入座時 店員已奉上茶水 我覺得茶的味道很特別 茶質不錯 會想一飲再飲 嘻嘻小妹我點了牛肉粥同埋炸兩 首先講下牛肉粥 佢嘅粥底真係好綿呀 係我在外面食過最好嘅粥底👍🏽👍🏽碗粥真係好熱好生滾 粥上仲有多條香葱 食嘅時候仲好香 好正🤤🤤牛肉方面係新鮮牛肉 唔會淥得好老 口感適中 唔會過韌😍😋不過如果多兩塊就好喇哈哈😂😆另外 炸兩都係值得一讚嘅 因為係即落單即整架👍🏽👍🏽👏🏽👏🏽雖然制作需時 但真係值得嘅 皮薄函靚 炸兩有十舊 味道方面 粉皮好滑 炸兩好脆呀😍🤤好正!!!!!真係會想再encore!!!!! 另外 價錢都不算太貴 所以都值得一食

水星街的麥明記和我常住的酒店只是兩個路口之距……成為我每次短居香港必然光顧的店....我是一個麵痴……生麵更是至爱！麥明記的雲吞麵出色不在話下，他们家的豬膶新鲜爽脆、鲮魚球Q彈有魚味……我最欣赏是他们不吝啬地在每一碟撈麵上加上一撮香葱絲，不單颜色好看也能提味……豬膶鲮魚球撈麵成為我必點的……不能不提是那碗伴着撈麵來的湯，鲜甜但不讓你喝後有口乾的感觉……最近他们推出布拉腸粉！天啊，也是我的最愛……簡簡單單白腸粉和葱花腸粉沾满甜麵醬和余均益辣椒醬……一條一條吃進口內……是一種满足幸福的感觉……其它款式的腸粉全部都做得很好……令我感动的是他们服務態度，從老板、他的兒子至其它侍應生都是誠懇禮貌的照呼每位坐上客……難得！

奇怪了，明明上次我去左西環果間麥明記，和女朋友食的牛腩麵、炸醬麵、淨雲吞水餃都非常好吃，這間麥明記又會吾同口味嘅?水準差好遠，特別係湯水，好失望啊!是不同老闆開的吧?

未到晚飯又食左lunch...行過就買左杯熱咖啡,平時經過見佢開左一排但都冇機會試。整體感覺係員工好有禮貌,態度好好。冷氣夠。返到公司開黎飲,熱咖啡好香滑搵日我會黎坐低試下佢個麵,同事話唔錯

附近開左新餐廳, 當然要同老公來試下~吃晚餐的街坊都多, 但仲有位唔洗等.  入面乾淨企理, D服務員都親切, 一坐底就有茶送上.我叫左牛腩面, 老公叫左豬潤面, 再來一個淨雲吞~ 等左一陣就有得吃, 好快, 客人都幾多, 但速度都追得上, 讚.牛腩好好味, 勁有牛味, 唔難咬 (我D牙麻麻地, 但又鐘意吃牛腩 ) , 以後可以黎儘情吃啦~ 老公話D豬潤好新鮮好好吃, 我都夾左黎試, 真係唔錯~ 我地同老闆講好好吃, 佢好開心, 同我地講D豬潤每日新鮮來貨, 師傅們火喉控制得好, 先可以俾你地吃到咁新鮮的豬潤, 真心讚!雲吞自然都好吃, 間店話係雲吞面世家, 果然好味, 蝦夠實, 新鮮, 雲吞整體調味岩岩好. 下次會再黎幫襯, 最鐘意免加一的小店 又有人情味 !!

唔係聽老友講起都唔知道原來麥明記係天后開左分店放假黎開呢面當然要趁機食返個麵店面相當新淨清潔仲比西環老舖寬闊都幾舒服佢呢度都有套餐雲吞麵+個菜，或者粥+粽兩款麵係四十零蚊比散叫平左十蚊左右好抵食呢個價真係地踎污污糟糟又難食果D麵店都未必得想叫個麵餐但又想試多D野聞到隔離個牛腩好鬼香所以叫左個腩撈+淨雲吞個牛腩堅正，睇落唔散，但又好林好滑炆到入晒味正到飛起麵都好爽，抵讚雲吞都好好味蝦肉大大粒又彈牙湯麵好香好有鮮味以呢個價黎講味道環境都咁好真係食得過

過開北角揾朋友順便吃埋晚飯, 朋友話呢間雲吞面唔錯, 就信佢去試下啦~ 企左係門口就有店員打招呼歡迎我地入去吃, 都幾好笑容。 餐廳好乾淨夠光亮, 感覺唔錯。可能我地早左吃飯, 6點半, 客人不太多, 有三四枱客咁。两個人叫左牛腩面, 雲吞面同炸雲吞。D野吃都好快就來~ 牛腩好似好堅實, 吃落有牛香, 但又易咬, 讚! 雲吞面入面D蝦好新鮮, 唔錯。鐘意個湯底唔係味精湯, 好似真係蝦籽煮出黎的, 有鮮甜味。最估唔到炸雲吞更一流, 可能佢地專登隔左一個油, 完全入口脆香而不油膩!!  温熱的口感岩岩好。估唔到無意中來一次北角可以試到咁好吃的小店, 好想推介俾大家去幫襯下, 讓好吃ge 野繼續有得吃