Madison's (MegaBox) (Closed)

時間過得好快，眨眼又來到周末了，呢日繼續影靚相，趕快係2019年來臨前完成✅。第一站去九龍灣德福廣場影泰迪熊🧸，之後坐shuttle bus過MegaBox影Little Twin Stars，尾站當然係去沙田新城市廣場，完成尚未完的心願⋯⋯MegaBox 影完相已是下午四點幾，我哋周圍行下度下，為晚餐作好準備。行到11樓UA戲院對面，見到一間環境寛敞，好多沙發椅的西餐廳🍴，上前翻下menu，見有weekend brunch set 喎，供應時間係11:30am-5:30pm，set餐$88-$148價錢相當抵食，我哋一於提早食晚飯，5點幾入坐。咁抵食，兩個人嗌三set也不為過吧!首先端上來的是芝麻餐包，好溫暖的麵包香。北海道帶子銀魚蝦汁燴扁意粉$138：肉質肥美的帶子，爽口又彈牙。扁意粉入口滑溜有咬勁。個蝦汁激似龍蝦汁味，帶少許微辣。牛肝菌野菇黑松露醬燴意大利飯$128：一山還有一山高，最強係呢碟飯，特濃嘅黑松露醬最啱我哋口味，而且有好多牛肝菌菇，味道鮮美可口。脆炸魚柳薯條伴他他醬$98：薯條厚身夠肉最好食，兼且香脆熱辣燙口。大大件魚柳，外脆內嫩。隨碟伴上的沙律🥗菜，脆脆的，好清爽。

從未試過去一間餐廳的服務態度超級差，一開始問他是否上漏左麵包（湯已飲完），他非常晦氣地說乜無比你咩(ok算，忍)，全程態度不知所謂，到埋單打多左個set, 我以為自己睇錯問佢可唔可以比個餐牌望一望，他說有咩問題呀，我話你地打多左個set($800), 他才說係咩，改後不明白什麼原因他們即時黑起塊面，呢度唔使簽呀，跟著就比番張單我，一句沒說繼續黑面，呢間餐廳請我都不會再來，戥佢老闆慘，請著班咁嘅員工，佢老闆執笠都係多得他們不少！

今日因約左朋友睇傢私，順便上網睇下食咩Book左8:30 但唔多人，其實如果平日可以唔需要book位三個人叫左三個菜，佢有個set menu 包兩杯嘢飲前菜主菜，不過佢地仲有個menu系買一送一 ，叫一個牛扒送另一個菜，但因為我地想食其他嘢所以散嗌叫左個黑椒和牛漢堡，香煎鴨肝手打雞肉漢堡同埋carbonara ，兩杯手工啤酒同白酒一杯👍Burger餐仲包埋薯條👍，飲酒點可以無薯條環境其實幾好，好有氣氛，不過因為10:30就關門，所以要去就早小小去

剛巧閒日下午茶時段,就試下,做緊tea set又幾ok甘,於是叫左他他牛,炸魚薯條,卡邦尼意粉三個set 包歺飲,共339元先講他他牛,他他牛同個汁調得好好味好fresh,酸同辣嘅味好平均好似fushion左嘅他他牛,真心推介,配埋個多士食都好夾,意粉必試,好creamy,但個口感一点也不厚重,好回味,真心好食,炸魚薯條就一般,炸槳做得不太好,薯條還可以,我會again嘅歺廳環境清靜希望keep到水準,佢地重有個6xx嘅二人歺,下次都去試等我

年年生日去酒店吃自助餐吃到嫌了，沒有新意，久尋良久得知一好去處，終於找到了，慕名而來，朝一朝聖。從九龍灣站乘shuttle bus五分鐘即達Megabox，這間位於11/F的Madison's歐菜餐廳裝修夠氣派得來又不浮誇，晚膳氣氛非常優雅，座位寬敞，坐得舒服，真估不到有這好地方，不嘈吵，非常適合商務、情侶及老友久別長談，傾生意、談談心、吹吹水，個人覺得無得彈！回到正題先，既然是生日，當然要比平常豪一豪，生蠔真不好少，嘩！啲蠔新鮮肥美到您唔信！踏入深秋真係吃法國生蠔絕佳時候，細心看著蠔身，哈！仍有輕微蠕動，這才是真正生蠔，一口連清新海水鮮味吞嚥，極品享受。生蠔之外，試了前菜叫了蟹餅、蝦沙律，清新開胃，兩伙子再唊一客魚湯、一客龍蝦湯，真不得了，用料十足，不知是否故意？湯卻浠了點但剛好吃完餐包都不會飽飽地，龍蝦湯除真的有龍蝦外，湯不是傳統的，竟然係夠奶味！太美好！再點了黑毛豬及牛肉眼，嚇了一跳，個portion真係夠！如果是兩名女仕同來，建議一個main course都夠晒！真意料不到，除抵之外，味道、品質及生熟程度都烹調得宜，說大師級絕不為過！甜品有新意並多種選擇，特意真要讚揚餐廳女經理

第一次來MADISON'S食LUNCH, 點了肉眼扒, 忌廉湯, 大菇, 生蠔同青口, 肉眼扒點了7成熟好味, 忌廉湯好香, 大菇真的味道好濃郁, 未食過咁香的菇, 有別於SUPERMARKET買的菇, 另外, 青口同生蠔都好好味. 正!

去到megabox ，突然好想食西餐就去左呢一間，第－次來食。内裏並不擠擁，坐底已有杯水送到，服務很周到。牛扒叫左五成熟，另外叫左碟帶子意粉。蘋果汁新鮮揸，唔錯！牛扒幾入味，几淋，帶子好食，意粉好干。未到食物送到已有些麵包送來頂肚，唔錯

Quite the hidden gem, a restaurant that gives a variety of western dishes rather than the usual types of restaurants you’d find in shopping centers. Pretty nice ambience, quick service, good selection for set lunch. Very reasonable in terms of pricing. Worth a visit!

托義大利朋友的福，昨晚再次來到Madison’s吃晚餐。即使滂沱大雨，都澆不滅我們對美食的嚮往。時隔幾月未光顧Madison’s，本來有些擔心食物的口感是否會退步，但一開吃，變打消了顧慮，Madison’s 的食物出品與服務仍然保持高水準。餐廳經理竟然仍記得我最愛的白葡萄酒是Sauvignon Blanc! 👍👍👍開胃菜應義大利朋友要求，點了Beef Tarta，牛肉醬嚐起來有少少辣，滋味很特別，第一時間便捕獲了義大利帥哥的心❤️主食我特地點了Rissoto給義大利朋友品嚐，迫切想知道廚師是不是做出了家鄉菜的味道，不出意外，朋友給了一個大大的讚！自己最鍾意Slow cook pigeon, 和朋友兩人爭先恐後地吃完後還意猶未盡。飯後甜品一定是現做的Apple Crumble, 底部仍然滾燙的Apple crumble混合頂部的冰爽vanilla gelato, 簡直是冰火兩重天，甜而不膩，非常之過癮！唯一過意不去的是因為塞車，我們遲了一個小時才到餐廳，但是餐廳經理還是為我們保留了位置，非常暖心！這樣的好餐廳，值得一去再去！

下雨天，於是在商場揾食。這西餐廳同事試過話食物味道好，今次就選擇在這裡食 lunch。這裡提供多款 lunch set, 前菜可選沙律或湯，有主莱和餐飲。今天我選擇了椰菜花湯和大蝦海鮮南瓜汁意大利飯, 同事則選擇了燒吞拿魚沙律和温泉蛋野菌意大利麵。點了菜之後，先來餐前麵包，細細個的麵包鬆軟，味道清淡，不錯。等了一會，餐湯和沙律已經上桌。椰菜花湯有着椰菜花的甜味，質感適中，不稀不稠。剛喝完了湯，意大利飯便已送上，最注目是面頭的一隻大蝦，肉質夠爽，充滿鮮味，意大利飯被香甜的南瓜汁包圍着，中間夾着一些魷魚粒和魚肉粒，增加了口感，整體味道很好。這餐廳環境舒適，上菜速度剛好，不過急，也不用久等，讓上班一族可以輕鬆地享受一頓好味的午餐。

Megabox 依個MALL甘山旮旯 唔係我fd車我都唔去。想食比較light 既西餐見到Madison's有set就試下，佢地個門面都幾靚。無咩野好影相除左個logo.友人叫左個 煙三文魚牛油果牛角包set, 好足料！睇相就知，爆哂出黎。甘既價錢幾值，又包Lavazza 咖啡 或 茶.我就食野菌煙肉片賓尼迪蛋, 個hollandause sauce 煮得幾好，唔會好膩。D蕃茄幾新鮮，個poached egg介開流心好治癒（心心眼）如果比多幾塊煙肉就好啦。我就加$30要杯house red wine, 三十蚊你要求怎麼~ 當然一分錢一分貨。 不過見到台面有promotion做緊crazy hour, 飲shot幾抵 印象中$25/shot. 飲完幾轉落LKF一流。可惜仲有下場，下次會比較想試佢地D 扒類野，同埋坐得幾舒服，同朋友傾計黎依度ok

週末下午和好友在UA cinema看完蟻俠出來看到這間餐廳，雖然價格不菲，但想到馬上畢業后再難相聚，不如來“壕”一頓算美好回憶呀。菜單以意式菜為主，還有漢堡可選擇。我選啦黑椒和牛漢堡，朋友揀一份素牛肉醬芝士千層麵，還加一份三文魚包酸忌廉魚子醬做前菜。前菜分量不算大，精品餐廳大都如此，但味道很驚喜。三文魚的鹹味、魚子醬的鮮味，同酸忌廉融合的很好，口感也夠滑。漢堡普通，牛肉黑椒味道均夠足。朋友的千層麵芝士十分足，拉絲夠長，看起來比我選的這個要好吃！

呢間Madison’s喺Mega Box里比較高端的一間餐廳了，平日里睇下午餐廳人都唔算多，今日有朋友從國外回來，就特特揀咗呢間餐廳食午餐兼敘舊。我哋一行五人，點咗滿滿一桌，有一份凱撒沙律，鵝肝，一份經典意粉，三文魚魚籽意大利飯，千層麵，同兩個唔記得名字嘅意粉/飯。沙律菜品新鮮，鵝肝煎到幾入味。幾份主菜各有特色，我的三文魚籽意大利飯中仲有幾多三文魚肉同蟹肉，米飯軟硬適中，正！其他朋友都講食物不錯。相比別家，呢間餐廳的確貴出一些，但service好環境安靜，適合朋友聚會！

週末同屋企人外出覓食，希望找家安靜檔次高嘅餐廳，Mega Box這家Madison’s非常讓人滿意。我哋兩個大人同一個寶寶點咗一份，同，又揀咗奶茶同果汁。千層麵非常細膩，每層間都有幾豐富嘅芝士同肉醬，芝士拉絲嘅長，味道卻不膩，好評！意大利飯同樣不錯，米飯軟而不黏，裡面菌菇都幾多豐富，黑松露醬提味效果都幾好。Bb十分鐘意佢嘅沙律，蝦新鮮，柚子不酸，清清爽爽。總之是家適合同屋企人同食晚餐嘅餐廳啦！

今日一行三人去九龍灣megabox 這間餐廳用餐,門面比Ruby Tuesday好似高級啲所以入去試下. 我們去的時間是晚上七點半當時並沒有太多人, 職員為我們抓了一張梳化位,一坐上去感覺上就是桌子比較高, 用餐不舒服. 兩個大人一個小朋友我們點了龍蝦酥皮湯,墨魚汁炸大蝦,牛仔扒加鵝肝,大蝦意粉,以及雞卷. 炸大蝦味道不錯有些特別但係要立即食否則過咗幾分鐘表面淋左就唔好食, 龍蝦酥皮湯味道好淡,牛扒明顯雪藏味道也不夠,大蝦意粉不吃也罷,雞卷上碟係西式擺設味道是中國味道. 本人做廚房十多年對食物及食材頗有心得,最想同大家分享的是這裏的餐竟然會用味精用餐後女兒不斷說口渴跟住老婆同我都係. 從網上照片看來好似唔錯,唔知佢地係咪轉咗大廚,所有食物除咗唔新鮮之外亦都非常初哥, 最重要的是回到家中我連續屙左四次,所以如果大家想清腸胃回顧一下味精的感覺不妨試下.