M&N Cafe (Closed)

已經有幾個月三個冇坐埋一齊食飯，有同事就搵咗呢一間大家去試吓。一個set lunch $88 + 10% up我就叫咗一個肉眼扒set lunch湯 - 蘿宋湯個味道都幾好，最好係佢冇落西芹(因本人對濃味嘅菜冇好感)主菜 肉眼扒叫佢整5成熟，但上到枱我諗最多得三成，都幾生吓;但佢本身塊扒質素都ok，有牛味，有口感淋身，冇筋，所以塊扒生d都ok好出奇，呢類餐廳d牛扒質素都唔差。…Read More

來灣仔的下午茶，第二次來，都是因為喝它的咖啡。。。很香，很滑！平均的下午茶費用是HKD34+10%雖然有點貴，但是這裡真的特別清淨，可以慢慢聊天，享受下午的滋味！顧客很少，對我來說很喜歡這寧靜的感覺拉麵很淡，湯底不好，面條還好！只是偏淡了，所以不夠吸引！焗意粉很香口，夠CHEESE！第一次的叫餐有天使麵，很不錯！…Read More

在大街大巷的軒尼詩道，有一間以菅地玻璃做門面的小餐廳，某日經過她時，發現此店有早餐供應，而是日早到了灣仔，又是我在灣仔區探索一下未曾食過的早餐地方的好時光。這兒的早餐是以西式早餐為主，所以我一早在這兒鋸一鋸扒，才合情合理。我叫下了一份雞扒雙蛋套餐，加埋藉條同麥包多士，非常的豐富。雞扒，味道同一般的連鎖快餐店出品相差不大，汁的味道，感覺是一樣的，只是雞肉比較腍同滑而已，蛋夠大夠多份量，可是我感覺到，一大清早食薯條就有點兒奇怪，食烚薯應該會更好。味道不錯，成為$26，更加令我覺得非常之抵食，但當我行去櫃檯結帳時，收$29....原來早餐，同樣要加一....吓，茶餐廳服務而已，加一.....有點兒那個了....…Read More

同朋友一齊去會展聽講座，中場休息就試下呢間餐廳，見間餐廳夠晒寧靜，唔係咁多食客，傾計一流:)。我地下午四點幾到，當然緊係食下午茶餐啦! 我地分別叫左海鮮天使麵同咖喱雞扒撈公仔麵，一杯熱阿華田同一杯熱奶茶。海鮮天使麵味道好一般，海鮮當然冇鮮味，都預左係食雪藏野:(。天使麵都係算OK，賣相同色澤就唔錯。朋友的咖喱雞扒撈公仔麵味道都係好一般，話明撈公仔麵，仲要係唔夠咖喱汁，朋友要要求多加咖喱汁:(，賣相唔多吸引，D公仔麵就好似要就住隻碟的深度。至於熱咖啡同熱奶茶，都係正常，冇特別。總括而言，以下午茶餐份量黎計，都尚算合理，但唔係抵食之選，冇驚喜，亦冇期望，食飽個肚再聽下場，下次再黎灣仔試第間:)。…Read More

屋企冇飯食，放工唯有遊遊盪盪搵食。食乜都冇乜所謂，就求其叫個雞扒餐，點知有驚喜。雞扒有三大塊，煎嘅火候啱啱好，皮脆肉唔鞋口，又唔會醃得過分，煎得隆窿窿地實在好食，分量又足，唔錯。食完仲送啫喱，雖然唔值咩錢，但都算有份窩心感覺。夜晚冇咩人幫襯，想靜靜地食一餐可以坐耐d，傾下計而又味道唔錯嘅實為一個唔錯選擇。…Read More

這夜與男友在附近逛街，發現這兒，竟然空無一人，哈哈 但我又唔怕喎，就當作包下餐廰吧! 我們都選了套餐，我頭盤選沙律，而男友選忌廉湯。男友的忌廉湯不過不失。我的沙律有波蘿、粟米、車厘茄及醋，我有點驚喜，味道不錯。只是奉上兩片烘多士，好像與沙律不配，還是配湯合適一點。男友的雜菌魚柳天使麵，他說不錯。我的黑椒牛柳意粉，味道也OK。:)最後，侍應還送了兩杯朱古力mousse給我們，又幾好味喎! 我們差不多離開時，也多了幾枱食客。這兒的食物與服務也算不過不失，我們在這兒過了一個靜靜的晚上。…Read More

今天打算來個北海道牛奶炒蛋時卻高朋滿座,那去前面的新式素食店吧,同樣地人滿之患,啥事??上次路過時兩家是沒太多人的,今天卻剛好相反,是日搵食運真的一般!幸好灣仔食肆多的是,打算取道前面交通燈到對面吃海南雞飯,這家蠻開揚的cafe就在身傍出現,最重要是人客不多嘛,就這家啦!近門口有兩個單人廂座,打算坐下時女侍應細心地說近門口大風,請我坐裡面更大的廂座,對我來說當更舒適嚕!看過下午茶及午餐後還是選較豐富的午餐,只因當時can eat a cow。午餐頭盤可選餐湯或沙律,明明記得我選碎蛋沙律的,送來的卻是餐湯,那當暖暖身不作更換好了。粟米魚粒忌廉湯比平時常見的粟米忌廉湯多了魚塊(幸好不是吃法國大餐!!),忌廉湯質感比較稀薄,淡淡滑滑的湯底勉強像碗湯,少量粟米增加輕微甜味,幾粒不大魚肉雪白不鬆散,竟有點多汁版粟米斑塊的錯覺。兩片蒜蓉法包像曲奇餅般大小,所用法包應該很小型,小小一片法包烘得乾身香脆,蒜蓉牛油份量不多而蒜味也不濃,吃罷沒有回味無窮之感。以為午餐的百里香雞扒跟意粉($48)會比下午茶餐飽肚,觀其意粉份量不多,換作食量正常的我會很不足夠,今天狀態不佳時則剛好。看似只煮熟沒加工的小撮意粉其實已加入一點百里香,意粉雖如港式茶記般軟身,在加了香草後味道就特別一點了; 兩片雞扒應是炸熟而不是煎熟,邊邊位置炸得稍乾吃來較硬,其他位置則保持有肉汁的滑溜,加上雞皮炸脆後變成外脆內軟,經過調味的冷凍雞扒也不會太木獨;英文版本菜單寫得較詳細,說是百里香肉汁的芡汁有著微微百里香的香草味,濃稠剛好的如喼汁煮成芡汁配淡味意粉蠻不錯。以翠玉瓜、甘筍水煮而成的雜菜本來蠻健康,只是鹽份重了手,尤至甘筍為最,結果變成配菜比主菜更重味。問過是即磨咖啡才點的熱咖啡表面有層咖啡油,薄薄一層之下的咖啡不是很香,加糖不加奶的味道仍很像苦茶,加入熱鮮奶後效果容易接受多了, 咖啡香度偏低口感也很單薄,喝來有陣杏仁味似的,只是令人回味的餘韻欠奉,算是水準以下的熱咖啡;剩下的熱牛奶反而更好,奶香十足的全脂鮮奶比咖啡更濃香好飲。這裡用上咖啡會的糖包, 店主是會員嗎??? 會否在會裡鑽研一下咖啡沖泡法或引入更好的咖啡豆?雖說是cafe但整體感覺像地道茶餐廳多一點,阿姐爽快語調換在茶記一定很受歡迎,最像cafe的就是不斷播放的英文金曲,其中一首還是我的all time favourite" Casablanca" ,實在太好聽了!!…Read More

Happy Friday，節目是晚餐會議，感覺真不爽。這類活動，傾多過食，而且會搞到幾夜，下午必須要打底。經過見到間M&N Café，未知是新開張或是我很少走這邊，反正我未幫襯過，心想試試也無妨。選了忌廉磨菇火腿焗意粉，下午茶時間，份量是較迷你的，適合我。端上來時香噴噴，色水賣相似樣。急不及待的扒兩口，意粉質地普通，卻有著濃濃的芝士香味，火腿味道唔差，磨菇亦爽口，三色椒爽脆，整體水準是可以的。跟餐的咖啡，奶是熱的。不過，這是一杯苦咖啡。廳面的服務生粗口橫飛，令人難以好好享受一頓下午茶。…Read More

依間餐廳初開時都有幫襯過, 果時見佢有d 比較特別0既西式早餐, 所以就算價錢略貴都照幫襯 事隔好幾個月無去, 今日再0黎, 已經轉哂港式早餐. 睇均都真係揀唔落, 因為都係果幾樣港式早餐 (仲要收加一喎), 但係價錢比一般茶餐廳貴, 真係無乜原因要幫襯. 不過既然入到0黎, 就是但叫樣啦. 點知就發生件令我 0既事 我問侍應姐姐依個餐0既沙嗲牛肉公仔麵可唔可轉米粉, 佢即刻斬釘截鐵話 "唔得":( 唔得都算, 估唔倒佢竟然同我講 "你轉出前一丁囉" 吓...乜出前一丁唔係公仔麵0黎0既???!!! 我唯有答佢我唔食公仔麵／出前一丁, 亦認為既然無野0岩, 就真係唔想幫襯, 決定走人:( 好唔好彩同日中午有FD 搵食飯, 好衰唔衰佢已經自行入左依間餐廳坐定等, 硬住頭皮都要入去啦 擺明侍應姐姐將今朝0既事通告天下, 因為成程我見0的廚房佬0係咁從出菜位"裝" 出0黎, "裝" 完就係咁講. 咁0岩我坐0既位置就哂佢地望. 我唔知係唔係侍應姐姐0既傑作, 但係已經令我成程飯非常唔自在.:( 我唔明我究竟有乜做錯, 個餐唔0岩食, 唔通仲要迫自己繼續留0係度幫襯?! 我接受唔倒囉 同埋餐廳侍應服務真係好值得改善, 永遠口黑面黑, 無論你自己一個幾時入0黎, 佢係唔係都會問 "一個呀?!" 唔通你見倒我隔離仲有一個係其他人睇唔倒0既?! 綜合而言, 我唔會再幫襯.…Read More

可能本人對咖啡的需求非常之大，看見這所似港式西餐的餐廳有咖啡賣，又叫自己做Cafe，就走了入去吃一頓及喝咖啡。見單點杯咖啡也廿多元，但是個下午茶的意粉餐就只收三十二元，真的是非常之抵呢！見個人都未有一半飽，就來吃個意粉及跟餐喝杯奶系的咖啡，然後再來一杯Espresso。點了餐之後，都等上十多分鐘才有得吃，這一客西西里炒意大利粉，本人真的第一次吃，究竟西西里式的意粉是否真的如斯煮法？本人不得而知，但本人一定可以如實告訴大家，這碟意粉其實是挺好吃的呢，用上了洋蔥、煙肉、蛋、碎葱及火腿絲炒的意粉，扁意粉雖未可說是al dente，不過口感是軟硬適中，炒過的意粉掛上了蛋汁，而且很有芝士粉及蒜蓉的味道，加上煙肉的油份及香味，再有蔥及洋蔥的辛香，整個意粉乾身得來夠惹味，不錯。先來的是杯Cappuccino，古靈精怪的用上玻璃杯盛着，看那堆白色的奶泡如肥皂泡般就知道出事，呷了一口泡，非常之鬆又沒奶的香甜，再呷多一口，咖啡香味其薄，入口那陣咖啡味都是其薄，只得那丁點甘味，咖啡身不夠挺滑，像沒加奶一樣，難喝！不信邪的點多杯Espresso，一如所料真的沒有好結果，杯Espresso極其大杯，Shot size勁大，咖啡脂極薄顏色極淡，有如咖啡自動售賣機的質數，那Crema沒半點油潤感，入口奴一堆冇味的泡，咖啡味也如是勁淡勁薄，果真是跟Cappuccino一脈相承，不得了！其實店家的食物是不錯的，而且又有一般茶記的飲料賣，那倒不如變做間茶記會更好。…Read More

每次經過灣仔軒尼詩道都會被M&N Cafe的裝修吸引著，感覺是鬧市中一個可以讓你安靜下來的一間咖啡店... 今天終於有機會跟老公到這間cafe吃lunch，卻有一點失望...以午餐的價錢來說尚算合理，我們點了一客焗豬扒飯，還有一客烤豬脾拼薯菜...前菜: (1) 忌廉湯 - OK(2) 車厘茄沙律 - OK主菜: (1) 焗豬扒飯 – 沒有特別的地方，大家樂的一哥焗豬扒飯較好吃一點(2) 烤豬脾拼薯菜 – 皮不夠脆，醬汁亦只有豉油味，薯條反而是最好吃的總括來說，菜式太過平凡，跟想像中有點距離... 有待改進，不過短期來應該都不會再在這間Cafe用膳了...…Read More

本人覺得M&N係在灣仔區內少有的中產格調西餐廳，食物有水準而價錢尚算相宜。可是今晚與友人再幫趁卻有點失望。一行四人點了四個套餐：三人要忌廉湯，一人要吞拿魚沙律，賣相與味道都合格。問題出在main dishes ：請參閱照片簡介，不贅。希望日後有所改善.....餐飲咖啡供應溫鮮奶，有酒店式服務態度，抵讚。我們從18:00pm坐到約19:00離開為止，就只有我們一檯客。門堪羅雀，睇黎餐廳老細要想想辦法，如果長此下去，都幾難維持.....…Read More

想係附近買野唔想走咁遠，又想食西餐，都試一試環境…都幾多枱午餐：肉眼扒蒜蓉包：蒜蓉味ok，只是有點油辣肉腸沙律：呢個幾好喎，d菜都清爽，個汁做得幾好，但都是有點油凍咖啡：我真係唔係好明點解d人整到咁甜…就是加左甜，d咖啡苦就係苦架啦喎，渣的肉眼扒跟薯菜：個汁幾好，薯條點d汁幾好，但個扒真係…嘩…第一舊我差點咬唔到…XD，好彩把刀都利，切細舊d，完全係快餐廳質素的…都唔係食唔到，當自己食緊以前大家樂個d扒…XD我對扒無乜研究，真係唔知點解可以整到咁…看在沙津份上又唔係好貴（但都唔平）份上我給ok…Read More

今日返工前想出去食早餐, 決定再次幫襯依間眼見入座率比之前好, 戥餐廳老細高興是日叫咗早餐C, 幾款三文治料中我揀咗芝士加咸牛肉另要西柚汁一杯今次要調一調次序, 講左缺點先缺：- 雖然人少, 但等候時間耐, 我諗我等咗大約5分鐘杯西柚汁先上(另一檯新嚟嘅男性顧客杯凍奶茶竟然比我仲早到!!??)再另外等多7分鐘份早餐先上(同一時間與我叫埋同一份早餐C果位男仕亦都有得食)變相我其實等耐咗, 因為廚房同時做兩份, 唔會先嚟先做食一個早餐要等十幾分鐘, 對匆忙嘅香港人嚟講真係接受唔倒囉- 麥麵與咸牛肉均處於室溫, 所以塊芝士係唔會熔, 分開哂, 唔係咁好 優：- 唯一優點係賣相, 仲有沙律菜放喺三文治旁, presentation 似足supxx sxxdwich埋單時, 點解會收$28 嘅呢, 明明係$25 個喎睇返張單, 先知竟然收加一, 仲要 4 捨 5 入, $27.5 變左$28 廿幾蚊嘅早餐要收加一服務費(仲要其實無乜服務可言)自我感覺欠佳下次要係再幫襯, 都一定唔會食早餐!!…Read More

日日落車都會經過依間餐廳, 舊舖吉咗好耐, 終於有人租仲要開食肆, 兼開咗成個星期都見無乜人幫襯食早餐, 我覺得應該支持下是日叫咗個最基本嘅早餐A, 幾款料揀左炒蛋配午餐肉, 蕃茄牛肉濃湯通粉, 麥多士及熱檸水優：- 服務很好, 我坐嘅2人卡座原本放左箱嘢喺檯底, 侍應見狀幫我移開等我坐得舒服啲查實佢唔搬我坐都無問題, 但係欣賞佢地嘅細心- 熱檸水成壺熱水上, 份量足, 夠飲幾次缺：- 雖然24蚊一個早餐唔貴,但係相對份量偏少, 炒蛋好似得半隻, 顏色極淡兼無味午餐肉薄切仲要得半塊- menu 明明寫麥多士, 嚟到只係普通白麵包多士, 失望...- 蕃茄牛肉濃湯好咸, 食完勁口喝總括嚟講, 如果有時間, 或者再嚟食下其他早餐嘅, 原因係因為近我嗟…Read More