155
30
3
10-min walk from Exit B, Kowloon Bay MTR Station
continue reading
Telephone
25062122
Opening Hours
Today
07:00 - 20:30
Mon - Fri
07:00 - 20:30
Sat
08:00 - 19:30
Sun
10:00 - 19:30
Public Holiday
10:00 - 19:30
Above information is for reference only. Please check details with the restaurant.
Recommended Dishes
相信大家都聽過享樂烘焙或者已經食過,不過我都照介紹吓先啦😆我自己已經幫襯過好多次,次次一買都買幾百蚊🤭主要都係幫襯九龍灣嗰間,所以麵包都係以呢間作評價🙈《明太子法國 $22》明太子法包好多明太子醬,明太子味好香,又唔會太鹹,法包係外脆內軟,有驚喜👍🏻《特濃抹茶焦糖三角 $18》表面有少少糖霜,甜甜地,抹茶味幾香,但食落係麵包質地,感覺普通啲,較為厚實🫢《小山園抹茶麻糬牛角包 $26》抹茶麻糬牛角包好酥脆,麻糬好軟糯,抹茶醬都好濃郁,推薦👍🏻《菠蘿肉鬆 $14》肉鬆包味道係唔錯,但呢款比較普通冇咩特別🫢《肉桂焦糖脆脆酥 $16》肉桂味幾香,糖霜唔會太甜,配咖啡一流☕️《德式/抹茶/伯爵茶流心朱古力布丁撻 $20/24/24》原味幾有蛋香味,幾多餡,撻皮幾薄,又唔會好漏,食多個都仲得😂抹茶係流心架,伯爵茶朱古力都係,好邪惡,推薦!!《開心果吉士酥皮冰心 $32》開心果控必試!!好香開心果味,表層酥脆,呢個入面麻糬相對硬少少,可能因為雪過,但都唔係好硬個種,都軟熟既,買完記得即日食🙈《日本焙茶麻糬貝果/湯種野生藍莓乳酪貝果/ 湯種手工芋泥貝果 $18》《湯種特濃抹茶麻糬貝果/湯種紫菜肉鬆手工貝果/湯種伯爵麻糬奶茶貝果 $20》《開心果麻糬貝果 $24》Bagel好軟熟,餡料都算多,但抹茶味冇咁突出,麻糬都有少少🤏🏻焙茶味就麻麻地,冇咩焙茶香,伯爵茶麻糬反而伯爵茶味幾出,就咁聞都已經聞到,佢個麻糬係有啲似黑糖麻糬,呢個好食啲👍🏻開心果味好多奶酥好正😎芋泥同藍莓乳酪都幾好,唔太甜!咸味既話紫菜肉鬆係幾正😆不過整體Bagel啲餡料有啲就比較乾身啲,可能因為奶酥🫢《牛奶手撕吐司 $30》千層吐司🍞好軟熟,幾濕潤又有牛油香,不過會有啲啲油,真係可以一層層塵咁撕出嚟幾好挽,食到咁上下就咁咬又得,幾有層次感,好好食!《小黑喵千層吐司 $38》貓吐司同樣好軟熟,朱古力味又唔會太甜,好食👍🏻《台灣紫薯麻糬包 $14》《南瓜麻糬包 $20》紫薯同南瓜麻糬包好足料,啲餡好多,南瓜包幾香南瓜味🎃整體感覺享樂烘焙啲抹茶產品做得幾好,本身個抹茶粉唔錯,而啲麵包都好軟熟,幾有特色,款式選擇又多,日日食都唔厭😂之前仲食過佢啲scones啊蜜瓜包,不過唔係太突出就唔特別介紹🙈享樂烘焙九龍灣常悅道21號The Eastmark地下3號舖[⭐️5分為滿分]味道⭐️⭐️⭐️⭐️環境⭐️⭐️⭐️⭐️服務⭐️⭐️⭐️價錢⭐️⭐️⭐️推薦⭐️⭐️⭐️⭐️
continue reading
今次KO嘅,係一間bookmark咗好耐嘅麵包舖!我本身唔係好鍾意食麵包,但唔知幾時開始覺得原來 #Bagel 都幾好食,我鍾意有少少咬口嗰個口感~ 早排去咗啟德同牛頭角中間位置做嘢,諗起呢間麵包舖,諗住買返屋企試吓~於是大熱天時行咗十五分鐘過去買😂麵包舖位於德福商場後面,行過條天橋落地下就係,唔難搵~ 去到見到好多款麵包花多眼亂😂 淨係Bagel都有一行,最後揀咗 #湯種日本焙茶貝果 、 #湯種伯爵麻糬奶茶貝果 、 #法國Lescure朱古力酥 、 #極濃芝脆法國 、 #日本宇治抹茶蜜瓜包 同埋 #伯爵茶蜜瓜包我淨係食咗焙茶Bagel同伯爵麻糬奶茶Bagel😆 同咬咗一啖伯爵茶蜜瓜包~ 其他分咗俾屋企人食~ 個焙茶Bagel好重焙茶味,個麻糬出啲,而且偏甜~ 相對伯爵麻糬奶茶Bagel無咁重味,麻糬無咁突出。而伯爵茶蜜瓜包,個面脆脆地都幾得意,有輕微似菠蘿包個面咁,但脆多少少🤏🏻 呢間麵包舖啲麵包款式幾特別,可以一試😊
continue reading
相信香港嘅麵包愛好者一定聽過《享樂烘焙 LY Bakery》呢間港式麵包店。由創立至今六年內,憑招牌bagel以及其他手工烘焙品吸引唔少人光顧,現時喺全港更有四間分店。佢哋嘅宗旨係絕無麵包改良劑,用全天然牛油,唔會用植物,人造牛油或豬油。聽聞《享樂烘焙》呢個名係源自於兩位創辦人都好熱愛烘焙,希望食佢地麵包嘅人都可以共同享受烘焙帶來嘅快樂。~🤩芋泥大福酥菠蘿 (HKD 22)首先,講下個脆皮啦。呢個脆皮介乎係日式蜜瓜包同港式菠蘿包之間,酥鬆但帶啲硬度,不過完全唔𠝹口。即使唔係新鮮出爐,其實都仲係好脆嘅。面包體唔係普通嘅面團,而係帶有層次感嘅丹麥酥面包。同一般面團相比,佢更加有牛油香味,口感更加豐富。芋泥部分俾得好慷慨,整個面包都係滿滿嘅芋泥餡。芋泥餡唔算太滑,食落有啲小小粒粒嘅口感。至於麻糬,都好足料,口感都好煙靭。即使放涼咗,都冇變硬嘅問題,仲保持住啲拉絲效果,真係好抵讚。總括嚟講,脆皮同面包體質感我覺得冇得彈。雖然麻糬已經冇甜味,但脆皮已經有砂糖係上面,而芋泥餡又有一定甜度。所以,調味我覺得稍稍有啲甜。不過,呢個價錢食到咁多工序又咁足料嘅面包,真係抵食又好食啊!🍞~💵價錢合理🍞麵包控一定要試下
continue reading
平時好鍾意食scone有次聽到朋友話享樂烘焙嘅scone同bagel都好食試過唔同口味嘅bagel就算放到第二日食都仲係煙韌👍🏻個人最鍾意藍莓yogurt口味-不過最鍾意都係佢嘅scone伯爵茶,朱古力,抹茶,蜜糖提子乾全部都試過🤣每款都好香牛油味而且入面鬆軟得黎唔乾!夠濕潤而且甜度啱啱好🥹唔同口味有唔同價錢買兩件仲可以平d! $28@2比起其他港島烘焙店平好多而且都算大個每次想食scone經過都必買😙
continue reading
✨紫薯南瓜包($16)見到好足料 就想買黎試下💜🧡食食下先發現原來呢個麵包嘅組合就係:南瓜蓉、半舊紫薯、麵包,南瓜蓉甜甜地,好容易入口🎃~反最Surprise嘅係佢係連皮紫薯就咁放喺麵包裡面,本來以為係紫薯蓉添🙈🍠而麵包嘅比例比例相對少~所以整體來說 食落好似好健康咁🤣🤣
continue reading