122
8
1
3-min walk from Exit D, Jordan MTR Station continue reading
Telephone
34833673
96368891
Good For
Group Dining
Private Party
Additional Information
本店由法國藍帶美食協會廚師主理,廚師擅長把時令菜式按照客人要求而精心安排,私人party,公司party,我們會按客人預算提供最好的食物與服務
Opening Hours
Today
15:00-00:00
Mon-Sun
15:00-00:00
*上午可提供場地作租用
Payment Method
Visa Master AE Cash UnionPay
Number of Seats
34
Other Info
Wi-Fi
Alcoholic Drinks
May Bring Your Own Wine
Parking
Phone Reservation Details
Delivery
10% Service Charge
Review (137)
隱秘既私房菜 Featured Review
Level4 2017-05-21
2731 views
今日又到左出糧日,當然要約朋友去食返餐好,今次朋友搵左呢間非常隱秘既私房菜,環境舒適,係一個聚餐既好地方呢度有唔同既套餐俾客人選擇,價錢由來$345-$450左右,我地揀左starter+soup+First Main+Main+Dessert$450...首先係奉送既海膽,份量十足,感覺新鮮,味道濃郁鮮甜油漬五味藍鰭吞拿魚配西班牙火腿,日本大拖羅他他田園:吞拿魚油脂分布均勻,肉質鮮嫩配上肉質軟綿,啖啖油潤既西班牙火腿,口感層次豐富,真係完美配搭.4款麵包:有麵包條,香草麵包,法包,黑色既大概係竹炭麵包,暖暖地,無論配上香滑牛油或者蒜蓉香草醬都咁滋味...法式干邑龍蝦湯:龍蝦味道濃郁,唔同平時飲既龍蝦湯被茄膏搶味,口感綿密有致,而且幼滑無比,伴碟既蒜蓉麵包條非常香脆.鮮蝦冬陰功燴海蝦意粉:份量唔多,用鮮蝦冬陰功煮既意粉,好特別創新,味道唔會太辣,但愈食愈刺激胃口,意粉煮得比較硬身,海蝦爽口有蝦味香焗鮮龍蝦伴芝士XO醬(需加$20):雖然龍蝦唔算大隻,但蝦身卻肥厚多肉,且鮮爽彈牙,配上既芝士XO醬無蓋過龍蝦既鮮甜,反令到整體味道更加突出,配菜既薯蓉加入牛油,十分香滑綠茶拿破崙:拿破崙由三層酥餅以成,中間夾住香滑既綠茶忌廉,食落唔會太甜膩,仲帶點綠茶既苦味,而拿破崙口感似食緊蝴蝶酥,香酥美味,配上既雲呢拿雪糕,雲呢拿味重,但雪糕冰感較重,質感似雪葩 continue reading
(The above review is the personal opinion of an user which does not represent OpenRice's point of view.)
隱藏於鬧市的私房菜 Featured Review
Level4 2017-05-21
4608 views
今晚朋友預訂了間隱密度高的私房菜,沒有招牌,卻隱藏於街道中,走過小樓梯,按下門鈴後,迎面而來可看到一張白色典雅大沙發,幾有氣派。這裡點餐都以每道菜式來計算,例如soup + main + dessert $345, 而我們點的是5道菜 $450,包括starter + soup + first main + main + dessert ,而惠顧晚餐會奉送海膽一客。意大利雜莓果醋海鮮沙律,除了用料矜貴,份量還頗多,有阿拉斯加蟹肉、虎蝦、海膽及煙三文魚。煙三文魚肥美鹹鮮,兩隻虎蝦都很爽口,海膽偏少但味濃甘甜,蟹肉一絲絲也很鮮味,沙律已經很豐富,令人期待下一道菜。西餐的餐包籃當然不少得,估不到有4款麵包之多,有香脆的麵包條、鬆軟的香草麵包、黑黑的麵包有少許芝士碎頗香口,還有有嚼勁的法包。雖然麵包不算熱辣辣,但抹醬很吸引,牛油配蒜香醬,很香很美味。意大利黑松露野菌忌廉湯,賣相很美,還有烘得香脆的蒜香牛油麵包。陣陣黑松露味飄來,有濃郁菇菌味,食到打得細滑的蘑菇碎,而且不太鹹。香煎北海道帶子龍蝦汁燴意大利飯,上菜時已被珍寶帶子的光芒吸引。微微煎香表面的雪白嫩滑帶子,肉質細膩帶彈性,味道清淡鮮味,配濃郁鮮香的龍蝦汁龍大利飯,味道十分配合。意大利飯煮得剛好,除了吸收龍蝦汁的味,質感還保留咬勁,軟硬度都很適合我的口味。烤澳洲M7和牛肉眼配時令蔬菜,主菜反而份量不太多,伴菜有雜菇、蕃茄及薯蓉,但食到呢度開始微飽。M7和牛粉紅色的肉很吸晴,肉質極柔軟嫩腍,入口快溶,牛味濃郁多肉汁薯蓉不會太碎太軟,保留粒粒薯肉的口感,混入鮮牛油,味道更香更滑溜。焗肉桂菠蘿金寶伴自家雪糕,甜品也不馬虎,擺算精美,如藝術品一樣。即焗夠熱夠香,傳來陣陣肉桂香,菠蘿焗過還有很多果汁,最吸引還是鬆脆有牛油香的金寶,伴以雪糕同食,真係令人回味。雪糕是自家製,creamy奶味重,加上甜度低,食完都不會膩。 continue reading
(The above review is the personal opinion of an user which does not represent OpenRice's point of view.)
尋路的挑戰 Featured Review
Level4 2017-05-15
2335 views
首先 今次gathering 我真喺感受到「天將降大任於斯人也,必先苦其心志, 勞其筋骨,餓其體膚」事關佢個門口真喺超級 非常 極度 難搵🙈搵得咁辛苦都喺食個頭盤先😂-法式香煎鵝肝拼意式蕃茄沙沙脆多士 對於鵝肝 我表示 愈肥愈愛~鵝肝嘅油份完全滲透哂入多士到 但多士食落又不失香脆~不過好多人食到一半就會好膩唔想食 但呢到好彩有較酸嘅蕃茄沙沙 中和咗個油膩感🤤-法式干邑龍蝦湯喺比較稀身 但不失濃郁龍蝦味~飲到後期會覺得比較咸🤦🏻‍♀-鮮蝦冬陰公燴海蝦意粉 呢個絕對喺泰國fans 必點因為鮮蝦同意粉盡嗦冬陰公精華👅-香煎阿特蘭大鱈魚 珍珠蔬菜配咖哩椰菜花汁魚喺重點~ 平時食西餐多數都喺牛牛牛見到有魚當然要試下🤤大鱈魚煮得皮脆內嫩👍🏼-焗肉桂菠蘿金寶伴雪糕 平時食得多喺配蘋果 估唔到配菠蘿又幾新穎💓 continue reading
(The above review is the personal opinion of an user which does not represent OpenRice's point of view.)
山林豪華晚宴 Featured Review
Level4 2017-05-14
2148 views
佐敦山林道食肆林立,Price Range 亦非常廣,豐儉由人。今天來試試 "Luxury",且看 Luxury 西餐質素是否如其名字一樣的 Luxury。包括前菜、餐湯、兩份主菜與甜品,套餐要價 $450,價錢中規中矩。落單時已經選定了 Dishes,剩下的只需要準備享用美食的心情。首先以日本廣島蠔三焗作為前菜。三焗即是荷蘭菠菜汁、脆煙肉芝士與芝士蘑菇口味的焗蠔。三種口味各有特式,尤其菠菜汁獨特的菜青味配蠔肉細滑的香味。其餘兩種芝士味道亦沒蓋過焗蠔的味道,配料經焗烤至微脆。餐湯選擇中有我最喜愛的法式龍蝦湯,擺盤挺有美感呢!將忌廉與龍蝦湯拌勻後,添加了幼滑口感予濃郁龍蝦肉香的湯羹之中。第一度前菜份量比較 Light,泰西 Fusion 的鮮蝦冬陰公燴海蝦意粉。冬陰公微辛帶酸口味非常使人開胃。意粉質地爽彈而偏硬,甚有口感。海蝦肉質飽滿,與冬陰公味道調和得恰當,像 Pad Thai 般的感覺。雖然已有些微果腹感,主菜烤澳洲肉眼扒現在正要上場呢。吃牛扒當然是吃 medium rare 的好,皆因個人口味偏好半生熟帶有的血水鐵質味道,混和切口處滲出的肉汁,而且肉質鬆身,經咀嚼後肉香味於口裡久久不散。晚餐以焗肉桂菠蘿 Crumble 作結。一口雪糕一口 Pineapple crumble,冷熱互融。與傳統的 Apple crumble 比較,菠蘿遇熱後味道變得更加酸了。店家自家製的雪糕的甜彌保了那點酸。並非 Luxury 的價錢,卻吃了五道菜式,性價比來說頗為高呢。 continue reading
(The above review is the personal opinion of an user which does not represent OpenRice's point of view.)
撑。枱腳 Featured Review
Level4 2017-04-26
1501 views
又約咗個friend係尖沙咀食飯,但點知OT搞到勁遲,難得餐廳肯比我地改晏少少時間,不過為免朋友等太耐,都搭左成百蚊的士過去!間餐廳個門口真係有少少難搵,我哋搵咗一陣先見到,入面果然好有私房菜feel,地方好隱蔽!入到去地方細細,環境都幾靚,同埋座位都坐得好舒服唔會勁迫咁!本身我哋已經揀左set dinner,但無啦啦待應放低左盆田螺話係送的!又幾好喎,啲田螺都幾大粒幾有咬口,個汁都幾惹味有少少微辣咁。跟住嚟左個麵包籃,因為本身已經好肚餓,所以啲麵包我都食咗好多,佢有三四款麵包,全部麵包都好鬆軟而且好好食,因為我最怕食到啲擺咗唔知幾耐搞到無晒水分硬到不得了嘅包!前菜係日式四色拼盤,我最鍾意個海膽燉蛋,啲蛋好滑海膽又新鮮!而三文魚砌到好似朵玫瑰花咁,好靚,仲有魚子醬係上面提鮮!至於巴拿馬火腿同埋凍豆腐都唔錯,但無前面兩款咁啱我口味。跟住嚟係個黑松露忌廉湯,個湯要大讚,勁濃郁,由於平時返工LUNCH飲開茶餐廳嘅罐頭忌廉湯/中湯,所以今晚我一啖都冇淨!朋友都笑我呢個行為已經成為左我出街食晚餐嘅一慣做法了。第一道主菜我要左北海道帶子龍蝦汁燴意大利飯,帶子好新鮮好鮮甜,意大利飯就煮得煙韌,而呢個份量都唔錯啱晒我地兩個人分,但最期待都係等陣要食真正嘅主菜! 終於到咗我最期待嘅澳洲M7和牛肉眼,今次揀咗七成熟,有啲人話三成熟先正,但近排太生嘅野我個胃真係消化唔黎,佢個賣相簡簡單單咁已經好受落,而一食入口就更加覺得不得了。佢外邊煎到小小焦脆,但入面就保持嫩滑細膩,仲好juicy,雖然食到一半都好飽,但忍唔住都食晒佢!最後仲有個甜品,係朱古力火鍋加生果,生果雪到勁凍,所以一放入朱古力度,就即刻變咗脆皮!總結嚟講收左工係呢到吹下水食下野hea下不失為一個幾好嘅選擇! continue reading
(The above review is the personal opinion of an user which does not represent OpenRice's point of view.)