280
19
20

【性價比爆燈】高質! 不限時火鍋放題: 雞煲X游水海鮮任食!


平時食放題要限時；食雞煲未夠喉就要加湯打邊爐……咩都限住真係好唔過癮！今次介紹嘅「倫哥尊尚火鍋私房菜」，就無限時、無限量任食雞煲、海鮮、打邊爐。係呀！係食完一轉雞煲可再加、再加，食到夠再轉鍋打邊爐，湯底仲係自家足料熬、零味精。 但私心提你要留肚，因為呢度嘅游水海鮮、40種火鍋配料全部任飲任食。同場仲有鮑魚、刺身、美國牛頸脊、炸蝦等…講緊只係成人$348／位，食飽埋單嗰刻，真係無諗過呢個價錢會食到呢個質素，而家平日仲有9折優惠！
無限時放題，任食高質雞煲、海鮮、打邊爐。
仲有自助區食物、飲品區。
店內好多梳化位，坐得舒服。

無限時放題優惠！


無限時放題價錢*：成人$348/位、小童$174/位

優惠詳情：逢星期日至三，每位88折；VIP房按照原價

價錢：星期五六，假期及假期前夕每位加$10元

 

*任食火鍋須2位或以上

免開瓶費及免切餅費

即睇放題有咩食！


無限時任食

-宮廷四小碟(前菜4款)
-*列國刺身併盤 (蝦，帆立貝，三文魚，北寄貝，八爪魚...)
-阿麻雞煲
可轉(4選一)(非任食項目  必須最少一天前預訂)
#<老壇酸菜魚/重慶水煮魚>
-*帝皇蒸海鮮三式 (鮑魚，元貝，蠔，聖子，貴妃，象仔...) (款式不定)
(蒜蓉/剁椒/鴛鴦)
-*#自選湯底(自選湯底 5選1)
倫哥麻辣鴨血湯
老檀酸菜魚湯
牛乳豬骨湯
芫荽皮蛋湯
招牌番茄湯
-寰球海鮮(4-6款時令海鮮) (海蝦，龍躉片，鱔，青口，多寶魚 ，廣島蠔，脆鯇片，蜆，鮮魷...)
-無語倫比牛頸脊
-黑毛豬火鍋片
-西班牙黑豚肉
-#自家秘製手打滑
蝦仁墨魚滑
墨汁墨魚滑
-阿媽雲吞水餃
-低鹽少油響鈴魚皮
-田園蔬菜籃
-多達40款火鍋配料
-罐裝飲品及自家製飲品
-*雪糕

*為非任食項目
*滿4位可免費升級湯底
(仙氣雞燉湯/花膠雞金湯/龍利葉雙果燉雞湯)

【無限追加】古法香辣雞煲　零味精


以前對放題刻板印象，都係重量不重質，但呢度完全打破呢個諗法。無論雞煲、湯底、海鮮都係用心製作，雞煲醬甚至係獨門秘方！特地由重慶買入香料—肉桂、花椒、八角等炒成粉，再加柱候醬炒3小時而成。入口香辣不嗆，後續輕甜極有層次，一食就知唔係現成貨色。

雞煲過後打邊爐！零味精足料濃雞湯底


食夠雞煲嘅話，可通知員工換鍋打邊爐。呢度有共8款火鍋湯底選擇—牛乳豬骨湯、老檀酸菜魚湯、倫哥麻辣湯等，但個人最鍾意溫泉雞湯、花膠老雞金湯，一上枱一定要要飲碗熱湯先，濃郁暖胃嘅雞湯，一飲就知係自家足料熬製。

溫泉雞湯　超鮮甜椰皇＋海鮮


湯底用椰皇、老雞、雞腳、豬手、赤肉等熬製，坊間少見以椰皇代替椰青，雖然成本較高，但椰皇確實清甜得多，完全令濃郁雞湯甜中帶香。
員工教落飲完第一碗湯後，唔好急住放肉打邊爐，而係先放免費追加嘅游水海鮮，滾起再飲多碗又多種鮮甜味，好似將個湯提升咗個層次咁，呢個變化幾有驚喜。連飲湯都咁講究嘅放題店，確實難得！

花膠老雞金湯　原雞燉煮


開始秋涼，就心思思想飲雞湯暖胃。呢個雞湯用足花膠、老雞、雞腳、豬手、金華火腿、赤肉、紅棗等熬製，熬湯前仲特別將雞肉爆香，令湯底味道色澤均更濃。全部真材實料，絕無味精同現成雞湯。加埋鹹香金華火腿吊味好有層次，而且花膠好足，每啖湯都感受到花膠種黏口，口感十足。
溫泉雞湯、花膠老雞金湯2位享用價$128；4位免費升級，並需最少一天前預訂。

無限追加！寰球海鮮拼盤


店家每日下晝1點買入游水海鮮，再放入魚缸養飼，300幾蚊任食游水海鮮真係無得輸，今次就有紐西蘭中蟶子、虎蝦、貴妃蚌、象拔蚌BB、龍躉、蠔等。每日時令款式唔同，無限追加一定食到滿足！

列國刺身船 挪威三文魚+日本刺身


講開海鮮，其實食雞煲、火鍋前已經有大大個刺身拼盤，有三文魚、凡立貝、北寄貝、牡丹蝦等，如預訂VIP房更免費送馬糞海膽1客。
列國刺身船，每日隨機4至6款時令刺身。
挪威三文魚外，全部刺身均來自日本。
想食得豪啲，可預早1日時令價預訂原條象拔蚌。

入座即送 無與倫比牛頸脊


打邊爐不得不提肥牛～除咗有美國肥牛任食外，入座仲有免費手切美國牛頸脊1客。牛味夠濃，食落亦估唔到咁厚肉，好難忍住唔追加多客。

香港出品 高質丸餃! 仲有40幾款火鍋配料任食！


丸餃都係香港高質大廠出品，食落就知有誠意，個人最鍾意芋泥包心丸同芝士丸，芋泥餡綿滑淡香、芝士丸爆餡流心。同場仲有多款火鍋配料任揀，秘製手工滑、低鹽少油響鈴魚皮、黑毛豬、美國靚肥牛、蔬菜田園籃等。當中台灣製造嘅墨魚滑同蝦滑好高人氣，最勁試過有食客食足40幾條呀。

8款佐酒小食 慢慢等齊人都唔悶


約班朋友食放題，實有幾個遲到...食住等嘅寰球八小碟前菜都好豐富—麻辣鴨血、吉列炸蝦、小丸子等，大廚坦言想食客由前菜到甜品都食得滿足，唔會有一刻悶場。顯而易見，佢哋真係做到。
寰球八小碟有多款香口小食，同樣係無限追加。
仲有香辣小食！
入座時按人頭免費送鮑魚。
全場罐裝飲品、自家製飲品任飲。
食飽飽仲有Movenpick雪糕食。

宅在家都得！懶人雞煲/邊爐


店家推出懶人雞煲，將即製新鮮雞煲入盒，返到屋企加水就會發熱滾起，等10至15分鐘就食得，味道同堂食一樣㗎！ 雞煲係新鮮整再入盒，味道同堂食一樣。HK$68 (1人份量) 火鍋外賣已包括錫紙盤、火酒膏，喺屋企倒湯點火就食得。
Overview
Category
Guangdong, Hong Kong Style, Hot Pot, Seafood, Private Kitchen, Celebrity Shop
POPULAR DISHES
More conditions
VIP Room, TV Broadcast
* Above information is for reference only. Please check details with the restaurant.