454
126
147
Telephone
26911828
26911594
Introduction
This Chinese restaurant is located in a hotel that is designed with an ancient inn style. You can enjoy meals under a vintage atmosphere.
continue reading
Additional Information
茶芥每位$13
Opening Hours
Today
11:30 - 22:30
Mon - Sun
11:30 - 22:30
Above information is for reference only. Please check details with the restaurant.
About Reward Scheme
都隔咗幾年冇嚟沙田龍華乳鴿,諗返起都有啲好笑,明明以前喺附近做嘢,老細竟然請食野唔係請呢度,🤷🏾♀️而係求其喺商場買其他茶飲、小食做外賣,真搞笑。再吃,反而龍華乳鴿已經冇以往那麼旺場,當然,這天是閑日而且是晚上,現場去到只係見到得幾台客人,簡直係場面凋零。結果我們一行五人都叫了個餐醉乳鴿雪凍的,都夠凍,味夠香濃,但是因為凍了,乳鴿的質地就梗係冇咁滑,不過都不算太過鞋身,可能因為它的乳鴿本身都帶點脂肪,即使弄成醉乳鴿,也不見得特別。 炸乳鴿就最知名,夠晒大隻,外皮香脆,內裏蘊含大量肉汁,因為店員話如果我哋一人一隻的話,其實唔使切原隻上,用手套自己撕開,保留更多肉汁,溫度夠晒熱燙,你可以見到乳鴿的肉中間還含有大量汁。平時我食呢啲set餐嗰啲小菜,都不太喜愛,想不到,這個XO醬炒雞柳,雞柳夠話不嬲,帶少許XO醬的辣味吊味,味道香濃跟住有個湯羹好受歡迎般,看到餡料除咗啲菜粒之外,只有火腿、蝦粒、瓜、冬菇等等,不太啱我食,因此都沒有試。可能又係因為一人兩隻乳鴿都比較多肉,以及炸大腸好似客人不算特別鍾愛,於是吃得比較多肉,因此後尾冇人食停晒手嘅時候,我都吃了不少湯浸白菜,份量夠多,味道不會太過鹹太過濃,相當出色。不過始終由於佢真係歷史悠久,而且的確有很多名人或是巨星到訪,因此裏邊很多相片都值得一看,或是那些海報、報紙專訪等等,好像是一個活生生的博物館一般,讓人看得目不暇給。另外嘅菜式呢一個係炸大腸,唔知係咪因為下面嘅脂肪肥膏去除了,好似比起大排檔嘅煮得更加好,冇咁多脂肪肥膩,更加容易吃得多。豆腐花嘅味道亦都係想像唔到咁出色,夠晒凍之餘,帶少許甜,味道是剛剛好的,有時比起有些郊外地方所謂的山水豆腐花更加出色。太太問外國同事嚟到香港,和她們吃什麼好,因此我就覺得好似去呢啲傳統港式舊式比較好,比起港式那些好似北京樓那些便宜,而且環境冇咁拘謹
continue reading
懷舊情懷湧上心頭,來到龍華酒店🏨 食下心心念念的乳鴿😍 回憶殺的門口打卡位,好似日本鳥居嘅紅色長廊⛩️ 仲有花園同韆鞦,忍唔住影幾張相留念下😆 而且超幸運的!食飽飽後看到孔雀開屏了!🌻🌼🪺🦚🫧🌈 好,奔主題吧😂 我的乳鴿🕊️ 🥢紅燒乳鴿 (@196) 火候🔥控制很好,外皮香脆🥰 肉質鮮嫩多汁🤤 價格少貴但質素超凡! 沒想到龍華的湯也很出色!🥄姬松茸燉鴿湯 🍲濃濃的鴿子肉香🐦,對不起了您真好吃😂 (怎麼可以吃鴿鴿?) 姬松茸的野菌味好夾,帶出清甜味覺🥄淮山杞子螺頭燉烏雞 🐥🍲 非常滋補養生的湯,清香的藥材味很易入口,吃兩口烏雞對身體更好🥄黃金花膠海皇羹 🐟🦐🍲原以為會很清,誰知材料多得溢出來了😯 超濃縮且十分足料👍🏻 蝦、花膠、魷魚🦑、瑤柱、蘿蔔粒……🥄沙田雞粥 🐥🍲粥底綿密,功夫很好,雞肉滑,有雞翅有腿應是半隻啦🥢XO醬爆龍鳳球 🦐蝦球🍤很彈牙,韭黃+紅蘿蔔🥕+西蘭花🥦 健康又美味🥢椒鹽豆腐片🥠外硬肉軟,有湯可蘸,像潮洲菜式🥢粉絲蝦米節瓜煲🍲 透明的中式粉絲,加上節瓜片、紅蘿蔔片、肉碎,煲在一齋相得益彰,夠冧啱我食😋 (職員態度硬朗、直言直語、用詞不加修飾,可能因為家庭/親戚式經營,不過這態度也是旅客對香港飲食業的印象了吧😂)三個人已經吃很多了,下次再來吃其他菜。
continue reading
龍華聽聞已久,知道它歷史悠久,而且最出名是乳鴿。原來龍華酒店建於1938年,直到1950年正式開業。過去有不少政要名人影星留下足跡,好像李小龍、金庸、彭定康等,亦是不少電影的取景點,例如較近年的有金像獎最佳電影「樹大招風」。龍華位於下禾輋,地點雖然離沙田站不算十分遠,但因位處村屋民居,所以一般情況都不會經過,去的朋友都是特意過去。走過門牌,沿著左右掛滿大紅燈籠的上坡走道,中途經過一個庭園,以及幾隻孔雀的家,就正式到達龍華的用餐區域。有室內室外,職員安排我們坐室內。環境十分有年代感,因為裝修仍保留住當年五六十年代的風格。樓底偏矮,兩邊牆上掛滿泛黃的舊時照片,燈具牆身地板窗戶無一不在透著它們的年歷。當日剛好遇上有聯歡晚會,所以氣氛好熱鬧,還有多個表演唱歌看😂,當中還有李錦聯參與。餐牌選擇不少,裡面更有滿滿龍華酒店的歷史故事,與各款菜式的講解。茶錢每位$13,另有加一。‖ 龍華脆皮燒乳鴿 ($98) ‖招牌菜當然要試啦!乳鴿跟兩三塊蝦片一起上。外皮炸得好香脆😋,肉雖不多,但嫩滑多汁,調味鹹香得宜。喜歡吃乳鴿的朋友值得來試試。‖ 新鮮菠蘿咕嚕肉 ($168) ‖這道菜是李小龍太太最愛🩷。賣相好厲害!菠蘿不是簡單切塊和咕嚕肉一起煮,而是整條切成魚形放在旁邊🤩,特別而有心思。咕嚕肉酸甜適中,肉質扎實,外皮微微硬脆,味道不錯。‖ 石鍋大少鴿鬆炒飯 ($168) ‖因為是石鍋上菜,所以非常熱辣辣。賣相有趣😂,飯上插著乳鴿頭和翼。見有個鬆字,以為有肉鬆在內,原來是沒有的😂🥲。炒飯中有蔬菜粒、香菇粒和乳鴿肉碎,味道比較平凡,沒鑊氣。‖ 原味手造豆腐花 ($68) ‖最後叫個木桶豆腐花當甜品😊。清涼香甜,雖不算很細滑,但作飯後甜品,都幾開心。總結,乳鴿的確出色,其他食物就比較普通。因為環境有歷史感,加上當晚熱鬧表演,所以那晚用餐體驗都幾有趣。喜歡懷舊的朋友,值得去試一試。
continue reading
位於沙田嘅「龍華酒店」在香港應該無人不識,小時候已經跟媽媽來食乳鴿,還依稀記得一定會同啲孔雀玩,大個咗嘅就調返轉間中會帶家中長輩嚟懷緬一番,永遠都覺得佢哋嘅乳鴿係最好食,今日心血來潮又來朝聖,所有事物環境依舊不變,這間開了83年嘅老店,真的要繼續好好傳承下去👍🏻食飽咗唔好咁快走,可以四圍行下,欣賞周圍的園境,睇吓孔雀、和鸚鵡傾吓偈、影吓相、都幾開心㗎,好似今晚咁我就同鸚鵡玩咗半個鐘,就係為咗等佢同我Say Hello 🤣每次嚟到餐牌都唔需要睇,就會點咗以下呢幾款嘢食,咁多年都改變唔到😋🕊️▪️龍華脆皮燒乳鴿 (皇牌 )$ 98每枱必食,乳鴿多年不變都係大大隻,炸得皮脆肉嫩,啖啖肉又夠入味,鹹香鹹香,更可以沾上淮鹽或者喼汁,更加有風味🕊️▪️秘制豉油皇乳鴿 $ 98賣相一流,豉油皇乳鴿味道帶甜香,入味得黎醬汁味道非常適中,肉質多汁又嫩滑,永遠能保持最佳水準🍲▪️馳名沙田滑雞粥 $ 98粥底入口綿滑,同時保留米香,配上足料的雞件入饌,雞肉肉質肥美嫩滑,令粥底滿有雞油香,再加上油條和香蔥,更美味🍜▪️懷舊頭抽皇炒麵 $ 98炒麵選用店家獨門秘製豉油汁爆炒,絕對鑊氣十足,幼麵口感爽滑彈牙,醬油包圍住每一條麵條,條條分明之外,口感油而不膩,炒麵亦是配雞粥的最佳拍檔🐖▪️新鮮菠蘿咕嚕肉 $ 168最喜歡菠蘿是用新鮮,鮮甜又多汁,咕嚕肉外脆內軟,肉質半肥瘦啖啖肉,爽口又彈牙,山楂酸甜汁調味恰到好處,酸甜味道非常開胃,伴上新鮮青紅椒和洋蔥,必食之選
continue reading
今晚帶外國朋友來這間傳統歷史悠久的酒樓吃晚飯,沿路行入這間飯店兩旁放滿傳統中式燈籠🏮,餐廳內牆身也掛滿著之前來過的名流紳士,而前港督彭定康先生也是座上客。這間已經開了86年嘅沙田乳鴿老鋪!真的要好好保護和承傳下去。🥢龍華脆皮燒乳鴿皇牌最好吃的乳鴿就是用手撕來食,每人半隻啖啖肉,外皮超香脆內裡肉質嫩滑多汁,真是這間店招牌菜之一👍🏻!🥢生磨杏汁燉白肺湯這個燉湯超濃郁,奶白色生磨杏汁非常之清甜配以豬肺好潤喉夠滋補,豬肺大大件沒有澀味,喝後整個人也暖暖的。🥢蒜片安格斯一口牛這款安格斯牛肉粒用上黑椒和蒜片炒很惹味,安格斯肉質腍身很牛味,還有香脆炸蒜粒好香甜很特別。🥢龍華煎釀手做豆腐*此菜是傳統菜式鍾太太親手教當年大廚何伯做的。大大件煎釀豆腐很嫩滑豆味香濃,香煎魚肉釀在豆腐裡很搭配,煎完豆腐再用醬汁燴過,味道特別香甜又入味。
continue reading