龍門海鮮酒家

Open Now

Now Closed

有生以來食過最貴的海鮮酒家，這間是專做遊客生意的，極少本地人食，食了5斤龍客兩食，4斤老虎班兩食，油鹽焗奄仔蟹，蒜蓉粉絲蒸貴紀蚌，辣酒煮花螺，陳皮蒸鮑魚，味道不過不失，但鹽焗蟹是蒸熟了先焗，完全沒有油香味，餐廳環境乾淨，坐位舒適，8人埋單$7900,人均消費$1000,不會再來

海鮮呀😍😍食海鮮除左西貢鯉魚門都係吾錯既選擇😀客人可買鐘意既海鮮再交由舖頭加工處理🦐🐚🦑🐟🐙🐠🦞🐡🦀海鮮好新鮮 只係簡單煮法都好鮮甜食飽飽仲有新鮮甜爆既生果送🍇🥭

鯉魚門與海鮮掛鈎，是晚一班好友便組了一個吃海鮮吃到飽的「飯局」！超過半世紀的龍門海鮮酒家始創於1967年，是區內歷史最悠久的海鮮酒家之一；亦是當晚的聚腳地。友人一早已在相熟的海鮮檔(棠記海產)訂了好料，交予菜館後便可按喜好作出不同風味的烹煮。訂了共九款海鮮，包括：海中蝦、大貴妃蚌、南非鮑魚、刀貝、野生紅瓜子班、特大瀨尿蝦皇、特大蟶子皇、本地青龍蝦及爆膏奄仔蟹，光看菜單巳令人超級期待！當中有幾味特別出色，就和大家分享一二吧！1）海中蝦～個頭不少，肉甜而脆，看到蝦頭那黃澄澄的一坨膏嗎？特別的甘、特別的香；雖只每人平均兩隻，但少吃多滋味，且好吃陸續有來呢。2）野生紅瓜子斑(飛機貨)～正牌野生貨，阿廚控火功夫了得；兩斤多的size在他手上全無失手，肉質細緻嫩滑、魚味濃郁甜美，實非養魚可比，正到無倫啊喂！起箸前友人已跟大伙建議了一個「吃的方程式」，切不要從慣常的中間劏肚、淋魚汁起步，得先從魚的外側着手；繼而向中心進發，這樣既能避免汁料把魚肉一下子淥得過熟及過鹹；也能減慢熱度的流失，一試果然在理。一魚兩吃，末了將白飯混和魚汁，滋味超讚，真是識飲識食的好家伙！3）椒鹽特大瀨尿蝦皇～首次

一行六人到鯉魚門給閨蜜過生日，海鮮飯店眾多，最後選了龍門海鮮酒家。當晚下層大廳給某公司包下來辦活動了，我們被安排到樓上的小包間，正好給我們提供了獨立的空間，適合我們一個吵吵鬧鬧的機會，不用怕打擾到隔壁。在對面的海鮮檔買了六種海鮮到龍門加工。包括：-象拔蚌刺身：我本身不怎麼吃刺身 而朋友們都表示鮮甜 很快就把一大盤刺身KO了籠仔蒸蝦： 蝦非常新鮮 配豉油吃一流蒜蓉粉絲蒸扇貝：扇貝很大隻 粉絲很入味清蒸海斑：忘記了是哪一種斑 蒸的時間剛剛好 不會過熟避風塘炒龍蝦：我最喜愛的一味菜 炒得很入味 鹽焗重皮蟹：蟹膏超正 第二個推薦嘅菜最後餐廳送了飯後甜品，一人一碟木瓜拼芒果，水果也很新鮮，一啲都唔馬虎

鯉魚門海鮮檔太多，有時食開左一間就唔會想改。海鮮自己買，而呢間係煮得唔錯，所以都會回頭。蝦同東風螺靚，白焯就已經出哂鮮味。焯既時間岩岩好先唔會太生或者煤哂。聖子梗係要蒜蓉粉絲蒸。蒜味足，成件事超香。豉油蒸，有陳皮香！椒鹽瀨尿蝦，有鑊氣，不過今次買啲瀨尿蝦無咁好肉地，浪費左少少。又係考蒸既工夫同時間，一上碟就剛剛好！個蜆煮得幾唔錯，簡簡單單有啲菜同少少黑椒既香味，好正。芝士牛油焗既，有伊麵底，勁邪惡。芝士味唔算勁濃，係牛油味覆蓋左九成，少食多滋味！不過如果隻芝士揀得濃味啲，應該會更正！好好笑，呢度既生果我永遠都好期待，因為超甜的！

昨晚食飯，6大2小，坐房，但入房後冷氣過大，服務員把冷氣調細後，地面，抬面餐具出水，最後只可把冷氣調大，寒食海鲜。我們在龍門對面的海鲜擋買海鲜，第一，負責人没有通知海鲜價錢，我們在進食前及中段有問，但直到埋單才知，第二，負責人诺免費给海鲜料煲湯，最後沒有，我們只渴淡淡冇味的公司湯，第三，加拿大象丈蚌，墨魚刺身冇味，最後要椒鹽，及後補發海鲜料湯，但發現有收費，不是200一位煮工已經包括嗎？6大2小已經每人200煮工，今次真是一個不好經歷

鯉魚門最出名就係海鮮，今日去到龍門酒樓嗰度叫咗好多嘢食。有長腳蟹，有刺身，有湯，基本上你想食嘅海鮮呢度都有，而且新鮮好食。首先刺身佢可以生食亦都可以放落個煲整熱食，個人來講比較鍾意生食配Wasabi豉油，食落相當有口感。至於蟹腳多肉， 食得滿足但剪殻嘅時候要小心。湯亦都鮮甜好飲，可以加唔同嘅食物落去作調味，我哋都飲到停唔到。總體來講海鮮新鮮，但唔多唔少都會有浸腥味，如果怕腥嘅朋友最好食有調味嘅海鮮。最後仲有水果，每人一碟半個芒果半個木瓜做飯後甜品，呢個雖然好普通，但因為芒果好甜對於我呢種鍾意食芒果嘅人來講真係好想讚下

月餅款式推陳出新 ....鯉魚門龍門酒家推出的 “ 水佬三寶月餅 ” , 就是有夠特別 ~ 打開月餅盒蓋後會看見一張祝賀中秋快樂的小咭 , 心情頓時樂了一下～ 這款由星級創意厨師 徐蒝 製作的月餅 , 我們吃過後均大讚特別 , 味道鹹香又帶少許甜 , 風味是十足 ~ 一盒月餅有四件 , 每件月餅都有個別包裝 , 月餅成份有綠豆、銀魚乾、魷魚乾、蝦米、花生等 , 難怪鮮味突出 , 魷魚乾的味道是越嚼越香 ,很過癮的體驗 , 而且滿有漁港風味 ~預祝各位 中秋節快樂 ！本篇完 ~

一切由籠仔蒸蝦講起......坦白講，我一向都唔like 在街外食海鮮，一方面，往往都係一個伏，被人在加工費，開天殺價；另外，就係海鮮不外乎是【蒸】，咁點解唔返屋企煮呢！不過，昨日的一餐，除了是貴外（都預左既)，其實都正面既。首先，欣賞佢既前菜【面醬青瓜】，一般的 醃青瓜大家就食得多，但係這個加入麵醬嘅，味道配合得幾好，加上我釣左成粒鐘魚，吹左咁耐熱騰騰的海風，清清地，幾醒神。這天，我們叫了4個海鮮，蠔、蝦、瀨尿蝦及貴妃蚌。最欣賞，反而是最簡單的籠仔蒸蝦，既免卻被滾水浸走晒d 蝦味，而蒸好而乾身的蝦，小朋友食都食得方便d 。而用籠仔上，影上都易d 🤣🤣🤣。另外，不得不提係生蠔。當老闆同我講新鮮的蠔當然要薑蔥，心諗咁新鮮，唔係應生食。但食落，薑蔥蒸真係提鮮。最後再同大家講下個湯，一個字～正魚有魚味，加少少芫荽，又做到提鮮效果。這間是少有各個餸，都平平均，如果服務員d 態度好小小，這就更prefect 。

吃全海鮮餐我通常都會選擇來鯉魚門。海鮮食材會跟"一樂也"買，然後拿給龍門海鮮酒家處理。幫襯了近10年，龍門海鮮酒家收每位$160元加工費，我們6人去，連小費及白飯一共埋單$1200元，加埋淨海鮮費$3000元，總共銷費$4200元。貴嗎？我認為不便宜，但絕對值這價錢，因為我們點了多款貴價海鮮，相信係外面的餐廳吃同樣的食材，應該會貴好多。今晚的主角是做緊promotion的Alaska King Crab，只賣$16元一両，6斤重的大蟹只售$1200元，真的十分超值。蟹腳用花彫蛋白蒸，非常好吃，蟹腳超大隻，肉質鮮甜有彈性，啖啖肉，食到阿P好滿足。蟹身用鹹蛋黄炒，我覺得好鹹，無乜點食。喜歡濃味的親友卻食得津津有味。這裡的蒸魚永無失手，火喉剛好，魚肉超滑有鮮味，魚鼓油撈飯一流。蝴蝶蚌由泰國來貨，是今晚的意外收獲。蚌肉極鮮，肉質富有彈性。大家明白此蚌為何會被稱為蝴蝶蚌嗎？白灼基圍蝦好鮮甜，有蝦味。油鹽水攋尿蝦唔算大隻，不夠啖啖肉，不過鮮味十足。美中不足是沒有爆膏。海鮮湯我連喝了3碗，好鮮甜，胡椒粉令此湯更惹味。敬送的生果每次都好靚，芒果及小木瓜都好甜。今晚的全海鮮餐眾人都十分滿意，食盡魚、蝦、

係門口檔海鮮買完入去加工， 但大廚煮得幾好食先黎一碟椒鹽瀨尿蝦， 好惹味， 蝦亦好鮮甜再有䜴椒炒蟶子， 䜴椒蜆， 清蒸螺仔， 粉絲扇貝， 亦都不錯最令人回味的是油焗奄仔， 多膏又多肉， 味道一流最後芝士焗龍蝦， 已吃到有點飽。 所以覺得有點滯總括而言， 味道幾好， 而且服務周到， d姐姐好好人， 十分滿意

鯉魚門一向出名食海鮮，特登一行7人黎同朋友踐行。坐係海傍，日落黃昏，份外依依不捨。但既然黎到，當然就先將一切拋諸腦後，食完再算 象拔蚌兩食，有刺身同火鍋白灼，幾爽口。刺身點wasabi，鮮味十足，白灼就較爽口。大大粒帶子，鮮甜又充滿蒜香，略嫌油左D。辣得黎唔係好香。花螺唔係好入味。避風塘炒瀨尿蝦，蝦肉炒得恰到好處，又嫩又甜，避風塘亦惹味。花雕蛋白蒸蟹。成餐飯至愛li道。一啖蛋白放入口，洋溢一陣酒香，蛋白蒸得好滑。清蒸保留左蟹既鮮味，蟹肉鮮嫩清甜，夾雜點點酒香， 一個字，正！咕嚕肉都可以，但不及海鮮做得出色。飯後每人送上半個木瓜，清清油膩。曲終人散，不過至少餐飯留低比我地一個美好既回憶。

叮噹太早上大叫要吃「椒鹽鮮魷」好吧，晚上便同另一對出鯉魚門吃好了。找到這家龍門是因為叮噹太上星期公司有同事farewell 吃過，很不錯，所以再以她公司名義再訂。可惜今次出事了。先說食物：油焗「掩仔」十分好！蟹膏香又鮮甜，一流出品公司湯：即例水也不俗，清甜味美冇乜味精，算有良心聖旨：十分好，新鮮而汁料惹味，很想送白飯炒飯口感不錯，干身、足料（合格）。出事的偏偏就是那目的食品「椒鹽鮮魷」！！！可惡。最可惡是，那根本不是「椒鹽鮮魷」，而是「椒鹽墨魚」！太過份了。落單時當然說得都分清楚，而龍門的部長回復時竟說是「墨魚」。叮噹太當然十分嚴正重申是「鮮魷」，否則一定退回。部長不置可否走咗去。出來時自然是 ... 可惡的「墨魚」！這些表而上油料、食材分工的海鮮酒樓，你跟他們說根本浪費精力，浪費一個晚上。所以也吃了算，也打算給錢算了。有那一個香港人沒有受個這些店子的氣呢？而「墨魚」最大的問題是沒有「鮮魷」的爽、彈牙。換來是廚師用刀功把墨魚片簿，扮似「鮮魷」再走油，結果是牛肉干之類的口感，跟「鮮魷」、甚至「吊片」完全是兩回事。一味不合格的冒充「鮮魷」，令之前所有本來十分不錯的海鮮失去光彩，值得嗎？廚師

難得爸爸話要海鮮，就算血壓超標，都唔理住，一於海鮮賀父親節！精挑細選，我地就揀咗鯉魚門，因為阿爸至愛的媽媽未去過沿途見到不同種類的海鮮，爸媽都覺得好有趣［雖然日日都去街市，不過有仔女一齊行，乜都開心Ｄ］。事不宜遲，即刻去片睇吓食咗乜：　椒鹽瀨尿蝦，好正。平日阿媽話唔食瀨尿蝦，因為覺得＂冇肉食＂，今次佢大啖大啖咁咬，非常滋味。　＂人人有份＂，跟住上的豉椒蟶子，係姐姐＂非佛＂，一條條，彈彈彈，又真係好美味！　＂過冷河＂，食件清清地的豆腐，雖然唔太喜歡佢豉油滿瀉，但好在不失原來豆味！　跟住又係阿媽的粉絲元貝，佢話係最好食　阿媽大人想食肉蟹，所以唔係當造都照叫；好彩都好好味！！　我地再三叮囑佢要原隻蒸，都係斬錯件　又係時候食Ｄ菜，好大盤金銀蛋莧菜，好有睇頭　＂不是父親節咩？點解全部都係母親至愛＂　haha...重頭戲，爸想食的薑葱蠔，好有鑊氣，連沙鍋上菜，勁！　佢仲送咗個連怕魚味的家姐都話好飲的魚湯，仲有生果盤。。。究竟承惠多少?。。。　大部份海鮮係去龍門的另一寶號＂寶德＂買；酒樓再每道餸收加工費HK$70金銀蛋莧菜，約HK$90豆腐，HK$65茶每位，HK$10另有兩碗飯，茶，前菜合共，HK

這次也是到一樂也買海鮮再到旁邊的龍門酒家加工豉椒蒸蟶子, 我對蟶子是情有獨鍾的..清炒象拔, 非常鮮甜!生蠔煲, 非常肥美呀!鮑魚仔, 好味~鹽焗蟹, 第一次吃這個煮法, 蟹殼淡淡的咸香, 非常惹味! 實在一試難忘避風塘炒瀨尿蝦, 一貫高水準!上湯煮瀨尿蝦非常鮮味, 忍不住喝了好幾口湯@@清炒海班, 說到吃海鮮, 魚是少不了!還有我最愛的炒球! 這間酒家炒得不錯, 兩味大班也難分高下!吸收了以往經驗, 芝士焗龍蝦這道菜是沒有人吃龍蝦的, 所有人都只顧吃伊麵!今次改大蝦好了, 便宜一點, 開邊後吃起來也方便配番杯白酒, 真係一樂也