瓏門冰室 (Closed)

在尖沙咀的這條街有很多茶餐廳/冰室見到這家很多人 所以來探店試試吧🤔這家竟然有All Day Breakfast食啊🤭·All Day Breakfast HKD$70價錢挻經濟實惠 而且份量也不惹少呢還有好幾塊煙三文魚也很大塊 挻足料🤔女生食這個會太飽喇因為真的很大份·黑椒奄列雞扒意粉 HKD$58濃濃的醬汁包圍著奄列及雞扒 也是很大份🤤可以選擇意粉/飯 還有其他醬汁可以選擇我們食的時間是下午茶 但我們沒有選擇下午茶先食食這個吧 下一次再去食下午茶🤤🤤🤤

最近發現尖沙嘴金馬倫道開咗間新嘅茶餐廳，見今晚喺附近行街，一於幫襯下佢。其實龍門冰室已經有幾間分店，尖沙嘴應該是第5間定第六間分店，既然都已經是連鎖的，水準應該不差。茶餐廳比同一條街嘅另外兩間細少少，但都坐到差不多15張檯嘅。餐廳老闆一定係好鍾意超級英雄系列電影，一邊的掛牆櫃放左好幾張Ironman figure。麻辣肥牛雞煲$70同埋蒜蓉帶子西蘭花煲$70套餐包一個湯，一份多士同一杯飲品（咖啡/奶茶），都幾豐富。個湯係粟米湯。帶子都彈牙，蒜味好勁。麻辣肥牛雞煲，入面嘅肥牛好大塊，雞都好大塊，但就冇咩辣味。蜜糖雞翼$24甜甜地，炸得幾脆。

上排去過銅鑼灣的龍門冰室，記得餐牌上的選擇眾多，而且多種配搭任君選擇，價錢又平民化，實在是一個醫肚的選擇。今晚行經尖沙咀就發現龍門冰室在金馬倫道開了分店，剛好又是晚餐時間，一於捧場一下。多樣的選擇中點了兩個晚餐，晚餐羅宋湯和厚多士。羅宋湯香濃足料且帶微辣很醒胃，很不錯；厚多士即焗外脆內軟，加上牛油更香口。《雜扒飯(豬、雞、腸、火腿、蛋) 燒汁 $60》豬排和雞排都夠大塊，而且肉質不乾，保持到有肉汁，再配上雞肉腸、火腿和太陽蛋實在豐富。醬汁我選擇了燒汁 ，更加惹味。跟餐飲品點了《龍鳳檸樂 +$7》即是咸檸加檸檬再配可樂，很清暑。《雜菜海鮮煲配白飯 $70》海鮮有青口、帶子、蝦和魷魚，再配上了雜菜和粉絲，加上清湯簡簡單單的一道健康菜式，平衡一下雜扒飯的肉感。跟餐飲品點了《咸檸七 +$5》七喜加上咸檸很清新。另點了小食套餐《瑞士雞翼餐 $26》跟多士和飲品。但最後沒點飲品因爲已經很撐了。

星日尖沙咀遊科學館，玩完一大輪冬季運動會啲活動，肚餓一刻走入金馬倫道，見到依間龍門冰室，好味之餘又填飽肚，認真抵食！冰室內有多款餐供選擇：百搭自選啦、焗飯意粉啦、麻辣飯啦、美式鐵板、韓式泡菜餐等等選左玉子燒配黑松露雜菌，滿滿的一盤，濃濃的黑松露味再加上雞翼撈丁，製作認真，好吃又飽肚朋友點的是鐵板星級雜扒配薯菜，我就梗系据幾件食下啦，點埋特級龍蝦汁，香口美味，肉質爽口。大熱天時，我地點埋凍凍啲檸檬蜜飲，杯子仲系傳統冰室啲傳凍杯！超有冰室感覺！最後滿滿回歸，下次去開尖沙咀可以再吃！收銀處同埋冰室角落仲有iron man模型！ 哈，唔通開冰室啲九紋龍老闆都系鐵甲奇俠fans!?

尖沙咀有好多冰室今日經過龍門冰室佢新開既 所以就同朋友試下因為係下午茶時間店都算多人 但唔會太嘈環境都唔錯朋友叫左個全日自選百搭麵好抵食自選一款扒類雞扒/豬扒/瑞士雞翼如果魚柳或牛扒就加$2可配炒蛋/炒蛋白/荷包蛋/太陽蛋/火腿/香腸/餐肉/煙肉/芝士腸超級多選擇朋友要左魚柳加炒蛋 配米線佢上菜都好有效率好快就新鮮整好值得一讚我冇咩胃口所以叫辛辣要個麻辣湯麵系列要左瑞士雞翼蛋加米粉估唔到冰室既麻辣都咁正好足料 非常惹味唔止辛辣 辣得黎好香兩隻荷包蛋煎得勁靚瑞士雞翼好入味所以冇胃口都食得好滋味好正呀 又抵食又好味